ЭКЛЕР С ЗАВАРНЫМ КРЕМОМ 😋

Заварной тиэстэ ингредиенэ:
•үүт - 125 мл;
• уу - 125 мл;
•ынах арыыта - 100 г;
• туус - 1 кымаах;
• саахар - 1 ост.нь;
• ванилин - 1 ч.нь.;
• сымыыт - 4-5 уст.;
• бурдук - 170 г.
Крем:
• сымыыт-2уст.;
• ванильнай саахар - 1 ч.нь.;
• үүт-500мл;
• саахар - 160 г;
• бурдук - 3 ост.нь.;
• ынах арыыта - 100 г.
• мас арыыта - 40 мл;
• бытархай ыһаарыллыбыт арахис - 50 г.
Сотейникка үүтү, ууну кутабыт, ынах арыытын, саахар, кымаах туус эбэбит. Орто уокка оргуйуор диэри уурабыт. Бастакы хабахтар көһүннэхтэринэ бурдугу кутабыт. Булкуйарбытын тохтоппокко эрэ түргэн-түргэнник туттабыт. Тиэстэбит бэлэм сымнаҕас хомуок буоллаҕына, уоту кыччатабыт. Заварной тиэстэбитин сотейник истиэнэтигэр уонна анныгар корочкаланыар диэри мэһийэбит. Тиэстэбитин лопатканан таарыйдахпытына хортуоппуй пюретын курдук хойуу буолуохтаах.
Миискэҕэ тиэстэбитин уурабыт, сынньатабыт. Онтон уочаратынан сымыыт кутабыт. Хас куттахпыт аайы биир маасса буолуор диэри булкуйан иһэбит. Силиконовай лопатканан туттар ордук. Бу кэмҥэ духуопканы 200 кыраадыска холбуубут.
Тиэстэ үчүгэйдик мэһилиннэҕинэ, тэҥ ньуурдаах буоллаҕына насадкалаах кондитерскай мөһөөччүккэ кутаммыт, пергамеҥҥа эбэтэр силиконовай көбүөргэ ыган уурталыыбыт. Пирожнайбыт размера 10-12 см буолуохтаах.
Эклердэри маннык буһарабыт: бастаан 15 мүнүүтэ 200 кыраадыска, онтон 15 мүнүүтэ 180 кыраадыска. Духуопкабытын олох арыйбаппыт. 30 мүнүүтэ буолан баран араарабыт уонна 10 мүнүүтэ кэтэһэбит. Эрдэ арыйдахха эклердэр түһэн хаалыахтара.
Креммитин оҥоробут: сотейникка үүт, саахар кутабыт, онтон ванильнай саахар, 3 ост.нь. бурдук, сымыыт. Венчигинэн ытыйабыт. Орто уокка сотейникпытын уурабыт, үчүгэйдик сылытабыт. Ол кэнниттэн уоту кыччатабыт, хойдуор диэри буһарабыт, тохтообокко эрэ булкуйабыт. Хомуок тахсыбатын туһугар маны хайаан да тутуһабыт. Крем хойуннаҕына, уоттан ылабыт, итии кремҥэ 100 г ынах арыытын кутан үчүгэйдик булкуйабыт. Крем бэлэм буолла эрээри сойутуохха наада. Сойдоҕуна өссө хойдон биэрэр.
Эклер түгэхтэригэр кондитерскай насадка көмөтүнэн хайаҕас оҥортуубут уонна онно сөп буолуор диэри креми ыган кутабыт. Бэлэм эклердэри сакалааттаах глазурьга уган ылабыт. Эбэтэр сахарнай пудра таммалатыахха сөп.
Минньигэс эклердэри кытта итии чэйи иһэр саамай табыгастаах буолар.

[@user-hp4wc4sc6i]

Мм, красота 😍💓