БИСКВИТНЫЙ РУЛЕТ 🤩

Бисквиккэ наада:
• сымыыт - 5 уст.;
• бурдук - 200 г;
• саахар - 150 г;
• разрыхлитель - 10 г.
Начыыҥкатыгар:
• буспут сгущенка - бааҥка аҥара;
• ынах арыыта - 170 г.
Бастатан туран, бисквиппитин астыыбыт. Миксеринэн күүгэннэниэр диэри сымыыттаах саахары булкуйабыт. Сиидэлэммит бурдугу уонна разрыхлитель кутабыт. Лопатканан булкуйабыт. Тиэстэбит убаҕас, ол эрэн көбдөркөй буолуохтаах. Духуопка лииһигэр пергамент ууран баран, тиэстэбитин тэнитэн кутабыт. Тиэстэ халыҥа барыта тэҥ буоларын курдук тэнитиэххэ наада. 180 кыраадыска 15 мүнүүтэ буһара уурабыт. Духуопканы эрдэ сылытаргытын умнумаҥ.
Ол кэмҥэ креммитин оҥорон бэлэмниибит. Сымнаабыт ынах арыытын уонна сгущенканы биир маасса буолуор диэри миксеринэн эрийтэрэбит. Сгущенкаҕа «Рогачев» фирманы туттуҥ диэн сүбэлиэхпин баҕарабын. Кини хойуу уонна амтана олус минньигэс. Ону таһынан начыыҥкаҕа бу оннугар джем, барыанньа о.д.а. туттуоххутун сөп.
Бисквит лииһин итиитинэ рулет гына суулаан эргитэбит. Сойбут бисквити оннук гыннаххына эргийиитин саҕана хайдан хаалыаҕа, ол иһин хайаан да итиилии эргитэбит. Кыратык сойорун күүтэбит. Ол кэнниттэн төттөрү тэнитэбит уонна креминэн сотобут. Эриллибит рулеты биир икки-чаас холодильникка уурабыт.
Мин сакалаатынан киэргэттим. Маннык судургу рецебинэн буспут ас киэһээҥи аһылыгы олус диэн тупсарар.

[@user-pr5tp5io3g]

Махтаал уу сахалыы сүбэлэргэр, ырысыаптаргар🎉🎉🎉
Ситиһиини🎉

[@user-hf9qm7tt2x]

Наһаа үчүгэй рецептаар!❤ Махтал! Баһыыба!

[@user-lf9yi3rk8v]

Дуняша рецептэрэ 👏🏽👏🏽👏🏽😋👍

[@user-ce3wv5dp6g]

👋🏻Противень любой размердаах дуо?

[@user-kc7xw6ew9o]

❤❤❤