ТОРТ «ПТИЧЬЕ МОЛОКО» 🎂

Ингредиенэ:
Тиэстэҕэ:
• бурдук - 160 г;
• сымыыт уоһаҕа - 5 уст.;
• саахар - 120 г;
• ынах арыыта - 100 грамм
• ванильнай саахар - 1 ч.нь.;
• разрыхлитель - 1 ч.нь.
Суфлеҕа:
• сымыыт үрүҥэ - 5 уст.;
• агар-агар - 6 г;
• саахар - 200 г;
• ынах арыыта - 100 г;
• сгущенка - 120 г;
• лимоннай кислота - 0,5 ч.нь.; •уу-150мл.
Ганашка:
• хараҥа сакалаат - 70 г;
• 33-35%-наах холбуйуу сүөгэй - 40 г.
Тиэстэбитин оҥоробут. Сымыыт үрүҥүттэн уоһахтары араартыыбыт. Үрүҥнэрин холодильникка уурабыт. Уоһахха саахар, ванильнай саахар кутан миксеринэн саамай түргэнигэр туруоран маҥхайыар диэри ытыйабыт. Ытыйа туран сымнаабыт ынах арыытын кутабыт. Туспа иһиккэ бурдук уонна разрыхлитель холбуубут уонна ытыллыбыт уоһах булкааһыгар кутан миксеринэн эрийтэрэн тиэстэ оҥоробут.
Тортпут 18 см диаметрдаах буолар. Онон корж размера 16 см буолуохтаах.
Духуопка лииһигэр пергамент уурабыт, тиэстэбитин икки тэҥ чааска араарабыт, лэппиэскэ курдук быһыылыыбыт. Тиэстэ хойуу буолан формалаабаппыт. 180 кыраадыска 20 мүнүүтэ буһара уурабыт. Корж бэлэм буоллаҕына, итиилии кырыыларын тэриэлкэ уонна быһах көмөтүнэн кэмнээн быһабыт. Сойдоҕуна бытарыйа сылдьар буолан хаалар.
Суфле оҥоробут: арыыны уонна сгущенканы холбоон ытыйабыт. Агар-агарга уу уонна саахар кутабыт. Уокка туруорабыт, оргуйарын күүтэбит. Онтон 2-3 мүнүүтэ өссө туруора түһэбит. Булкааһык хойдо түһүөхтээх.
Холодильниктан сымыыттарбыт үрүҥнэрин хостуубут. Миксер муҥутуур түргэнигэр туруоран ытыйабыт. Ытыйа туран сылаас сиробу синньигэстик сүүрдэн кутабыт. Хойуу күүгэн буолуор диэри ытыйабыт, лимоннай кислота кутан биэрэбит. Булкуйа- булкуйа аргыый аҕай арыы кремин эбэбит. Суфле бэлэм. Дьэ, манна түргэнник хамсанабыт. Суфлебыт кытаатан хаалыан сөп.
18 см формаҕа корж уурабыт, суфле 4/3 кутабыт, иккис корж уурабыт, хаалбыт суфле кутабыт, тэҥниибит. Торду 3 чаас холодильникка туруорабыт.
Ганашпытын декорга туттуохпут. Куруускаҕа ытыс саҕа хараҥа сакалаат кутабыт, сүөгэй кутабыт уонна микроволновкаҕа 30-45 сөкүүндэ туруорабыт.
Хостуубут уонна биир мүнүүтэ туруора түһэбит, ньуосканан булкуйабыт. Бастаан табыллыбат, сакалаат эриэ-дэхси ирэр курдук көстүөҕэ, ол эрэн сотору буолан баран биир маасса буолуоҕа. Ганаш убаҕас буолуохтаах. Ньуосканан подтек оҥоробут: ньуосканан ганаш баһан баран, торт кытыытынан тоҕобут.
Торду сибиэһэй отонунан киэргэтэбит. Саамай минньигэс «птичка» бэлэм, минньигэстик аһааҥ!

[@user-gw1zt3sp7q]

Евдокия наьаа минньигэстик астыыгыт, элбэххэ уерэнэбин, мотивация ылабын. Улахан махтал эьиэхэ , наьаа кыраьыабай торт буолла эбиьээт буьарыазым

[@user-bu4ld2go4b]

Наһаа Да үчүгэй, кэрэ көстүүлээх торт дии🎂👍😋

[@user-uw2px5zo1b]

Барыта наьаа учугэй🥰😋

[@user-lf9yi3rk8v]

Наьаа да асчыт кыыс ❤🫶

[@user-ml5vq3nq3u]

😍😍😍

[@user-py6co8me1w]

Агар агар оннугар желатин куттахха табыллар ду?

[@user-ns4yu9rm4h]

Разрез кердерерун буоллар)

[@user-hf9qm7tt2x]

Үчүгэй да ырысыаптаар!❤