ГАМБУРГЕР 🍔😋
HTML-код
- Опубликовано: 15 фев 2024
- Булочка рецепта универсальнай, манан синнабон игин оҥоробун. Бу рецебынан 12 устуука гамбургер тахсар.
Булочкаҕа:
сылаас үүт - 300 мл.
саахар - 50 гр.
ынах арыыта - 50гр
сымыыт - 2 уст.
доруоһа - 1 ост.ньуоска
туус - 0,5 ч.ньуоска
бурдук - 650-700гр.
кунжут
Кэтилиэккэ:
фарш - 600 гр.
килиэп - 2 куһуок
сымыыт - 1 уст.
туус - 1 ч.ньуоска
хара биэрэс
Гамбургерга:
томатнай паста - 4 ост.ньуоска
майонез - 4 ост.ньуоска
помидор - 2-3 уст.
сибиэһэй салаат
хаптаҕай сыыр
луук
сибиэһэй оҕурсу - 1 уст.
Бастатан туран булочкаларбытын оҥоробут. Сухой ингредиеннэри бииргэ кутан булкуйабыт. Ол үрдүгэр ууллубут ынах арыытын, сылаас үүтү уонна сымыыт кутабыт. Илиигэ сыстыбат сымнаҕас тиэстэ мэһийэн таһаарыахха наада уонна үрдүнэн сабан сылаас сиргэ 1 чаас устата таһаара уурабыт.
Тиэстэбит икки төгүл үлүннэҕинэ мэһийэбит, салгына тахсарын туһугар. Булочкаларбыт формаларын оҥорорго киирэбит, онно тиэстэбитин икки гына аҥаардаан 6-лыы төкүнүк оҥоробут. Ол кэннэ эмиэ үрдүнэн кухоннай тэрээпкэнэн сабан булочкаларбытын 30 мүнүүтэ таһаара түһэбит.
Салҕыы булочкаларбыт үрдүн сымыыт араҕаһынан сотобут уонна кунжут сиэмэтин таммалатабыт. Эрдэттэн сылытыллыбыт духовкаҕа 180 кыраадыс 25 мүнүүтэ буһара уурабыт.
Кэтилиэт оҥорорго килиэби үлтүрүтэн ууга 10
мүнүүтэ илитэбит. Фаршпытын туустуубут, хара биэрэстиибит уонна сымыыт кутабыт. Килиэби илиибитинэн илдьиритэбит уонна фаршы кытары үчүгэйдик буккуйабыт. Табыллыбыт фаршпытыттан булочкаттааҕар улахан кэтилиэт оҥорон таһаарабыт, кэтилиэт буһарыгар кыччыаҕа. Мин грильга ыһаарылаатым, эһиги эрдэттэн сылыйбыт хобордооххо да хайыаххытын сөп. Кэтилиэти 4-6 мүнүүтэҕэ икки өттүттэн ыһаарылыыбыт. Кэтилиэппит хомуйууга бэлэм буолла. Помидору уонна луугу төкүнүк гына кырбастыыбыт. Соус оҥорорго томатнай пастаны уонна майонеһы булкуйабыт.
Гамбургербытын хомуйан саҕалыыбыт. Алларааҥҥы булочкабытын соуһунан сотобут үрдүгэр салаат, кэтилиэт, сыыр ,луук, оҕурсу уонна помидор уурабыт. Үөһээҥҥи булочканы эмиэ соуһунан сотон бургер үрдүн сабабыт.
Ингредиеннэри бэйэҕит баҕарбыккытынан ууруоххутун сөп. Охто сылдьар буоллаҕына ортотугар мас спажка анньан кэбиһиэххитин син. Гамбургербыт бэлэм буолла.
Минньигэстик аһааҥ!
Наьаа учугэй рецептарын иьин махтаал👍😍Красный бархат торт астыырын буоллар🙏
Аччыктаатым
олус минньигэс😋 бастакыттан саҕаланна 👍🏽😍
Махтал❤
Баһыыба маннык таһаарарын иһин! 😊
Наьаа ущуой астыам🎉
❤ можно также рецепт или субтитры на русском добавить 😊 вкусно 😋
Обязательно подумаем над этим🙏🏼🫶🏻
Мм учугэйин❤махтал улахан рецебын иьин🙏🥰
Эбэһээт астаар😍🤩
👋мас арыыта дуу, ынах арыыта кутуллар дуу?
Таах сибиэ, продукты перевела, ынах арыыта буолуохтаах эбит батта😮
Ынах арыытын куппутум, булочки наьаа учугэйдик табылыннылар🫶