ТОРТ «ТИРАМИСУ» ☕️

Биһиэхэ наада:
• савоярди бэчиэнньэ - 35 уст.;
• 33-35%-наах холбуйуу сүөгэй - 300 мл;
• творожнай сыыр - 300 г;
• саахар - 100 г;
• суураллар кофе - 2 ост.нь.;
• оргуйбут уу - 1,5 ыст.;
• үрдүгэр таммалатарга какао;
• сибиэһэй отон.
Бастатан туран, кофебытын итии ууну кытта булкуйабыт, сойута уурабыт. Ол кэннэ крем оҥоробут. Сүөгэй, сыыр, саахар - барытын биир иһиккэ кутабыт уонна миксеринэн эрийтэрэбит. Сүөгэйдээх сыыр холбоһон үллэн, элбээн тахсыаҕа.
Манна биири умнумуохпутун наада: сүөгэй уонна сыыр холодильниктан саҥа тахсыбыт буолуохтаахтар. Хос температуратынан буоллаҕына крем табыллыбат. Итии оргуйбут ууга кофебытын суурайабыт, сойутабыт.
Иһиппит түгэҕэр бастакы араҥанан савоярди бэчиэнньэ ууруллар. Бэчиэнньэбитин кофега икки өттүттэн илитэ-илитэ уурабыт. Олох кыратык уган ылабыт, түргэнник ууллан хаалыаҕа. Онтон креми кутабыт. Бэчиэнньэ уонна крем бүтүөр диэри араҥа-араҥа ууран иһэбит.
Тирамису үрдүгэр какаобытын сиидэ көмөтүнэн таммалатабыт уонна араас сибиэһэй отонунан киэргэтэн биэрэбит. Бэйэтинэн да хаалыан сөп.
Аспыт бэлэм. Мааны сандалыгытыгар ууран дьоҥҥутун үөрэ-көтө күндүлээҥ.