БУЛОЧКИ «СИННАБОН» 🥯

Буулка ингредиеннэрэ:
• сылаас үүт - 300 мл;
• саахар - 100 г;
• ууллубут ынах арыыта - 50 г;
• сымыыт - 2 уст.;
• кураанах доруоһа - 1 ост.нь.;
• туус - 0,5 ч.нь.;
• бурдук - 600-700 г.
Начыыҥкаҕа:
• ынах арыыта - 70 г;
• саахар - 200 г;
• корица-20г;
• какао - 2 ост.нь.
Пропиткаҕа:
• холбуйуу сүөгэй эбэтэр үүт - 150 мл.
Кремҥэ:
• творожнай сыыр - 150 г;
• ынах арыыта - 60 г;
• саахар-50г.
Сакалааттаах глазурьга:
• хараҥа сакалаат - 90 г;
• үүт-70мл.
• мас арыыта - 40 мл;
• бытархай ыһаарыллыбыт арахис - 50 г.
Бастаан кураанах ингредиеннэри (бурдук, саахар, туус, доруоһа) холбоон булкуйабыт. Ол кэнниттэн бу булкааһыкка ууллубут ынах арыытын, сылаас үүтү уонна сымыыты кутабыт. Имигэс уонна сымнаҕас тиэстэни мэһийэбит, илиибитигэр сыстаҥныа суохтаах. Мэһийэн баран, сотторунан сабабыт уонна сылаас сиргэ 1 чаас туруорабыт. Эбэтэр духуопка лаампатын холбоон баран, онно ууруоххутун сөп.
Ол кэмҥэ начыыҥкабытын оҥоробут. Микроволновай оһоххо 7-10 сөкүүндэҕэ арыы уулларабыт. Онно корица, саахар уонна какао кутан холбуубут. Арыыны уонна саахардаах холбоһугу тус-туспа кутуохпут, бэйэ-бэйэлэрин кытта холбообоппут.
Синнабоммутун оҥоробут. Бастаан тахсыбыт тиэстэбитин тэнитэбит. Синньигэс улахан көнө муннуктаах (40*50 см) соҕус буоларын ситиһиэхтээхпит. Тэнитиллибит тиэстэҕэ корица, какао уонна саахар булкааһыгын таммалатабыт. Ол үрдүгэр ууллубут арыыны тарҕата кутабыт. Тиэстэни рулет гына ыгатык эрийэбит. Рулеппытын төкүнүктүү гына быһабыт - бу аата синнабоннары оҥоробут. Быһаҕынан эбэтэр сабынан быһыахха сөп, сабынан быдан үчүгэйдик табыллар. Оһох лииһигэр пергамент кумааҕы тэлгиибит уонна синнабоннары уурталыыбыт. Остуолга 30 мүнүүтэ туруора түһэбит, туран эрэ үллүөхтээхтэр.
Ити бириэмэҕэ духуопканы 180 кыраадыска диэри сылытабыт. Онтон аспытын духуопкаҕа 15 мүнүүтэҕэ буһара уурабыт. Буспутун кэннэ хостоон баран, кууран хаалбатын диэн үрдүгэр сүөгэй эбэтэр үүт кутабыт. Уонна эмиэ 15 мүнүүтэҕэ саһарчы буһуор диэри духуопкаҕа угабыт.
Креми оҥорорго сымнаабыт ынах арыытын, творожнай сыыры уонна саахары биир маасса буолуор диэри булкуйабыт. Синнабон буулкаларбыт буһан таҕыстахтарына ити булкааһыгы кутабыт.
Теркаламмыт сакалааты эбэтэр эриэхэни таммалатан киэргэтэн биэриэххитин сөп.
Бу Синнабон буулкалар олус тотоойу буолан, итии чэйи кытта биири да сиэтэххэ киһи начаас тотор. Минньигэстик чэйдээҥ!

[@kolikovna_]

Евдокия, махтал🫶🏽😊 атын рецептарынан оңордохпуна наар сухой тахсааччы😖🥲 эһиэнин боруобалаан баран “вот в чем секрет” эбит😍😋🤤

[@annaegorova2213]

Евдокия Улахан Махтал👍👏👏