#灣仔美食

有間潮州粉麵店，位於灣仔德仁街，卻以元朗合隆命名，叫人好奇。
店前有一道綠色大閘，卻非入口，大門隱於小巷之間，踏入店舖，設計簡約，牆身簡單粉飾，枱櫈為大排檔形式。
看似懷舊，實際是重現舊舖景貌，紀念父親。
「老竇好錫我，好後生就過咗身，開呢間舖頭，主要想紀念佢、阿媽又開心。」強哥憶述，五十年代，爸爸於元朗以「合隆冰室」起家，大排檔形式賣粉麵類，直至街市清拆，才光榮結業。
感情好，兒時到店舖幫忙，十多歲到酒樓學做廚房，同樣得到爸爸支持。
「老竇嗰時好勤力認真，我十三歲唔讀書，佢話可以，但一定要畀心機做嘢。」其後，強哥於飲食業打滾十多年，漸生開店想法，逐沿用先父舊有招牌，決定創業。
「舖頭對我好大意義。」強哥解釋，取名「元朗合隆」，為盼保留及紀念。有街坊到訪，均會講述爸爸當年形象事跡，延續昔日情懷。
唯一分別，店舖選冷門豬雜作招徠，強哥謙稱難度不大，卻考心思時間。
豬雜選擇多，豬肺、豬心、豬肚、豬粉腸⋯⋯ 全每日新鮮來貨、乾淨無異味，由自家工場一手包辦。
「每樣豬雜，工夫多到你諗唔到。」他逐說，處理步驟瑣碎麻煩，單是豬肺，已花耗半天時間，但仍堅持自家處理，務求人無我有、人有我精。
豬肺，為首要處理，工序最繁複，先啤水至無血水、呈雪白色，方能炆製。豬肚同樣，要洗走腥臭味、多餘油脂，否則散發惡臭，難以下嚥。
豬肺、豬肚及粉腸部位，要炆煮至少兩小時才入味，煮好先切片、灼熟再上碟。唯獨火喉要𢲡捏小心，否則過硬難入口、過腍失去口感。
豬肺嫩滑、豬肚爽脆、豬粉腸煙韌有口感，配上湯底，更帶鮮味。
「我哋專登煲白胡椒湯底，同豬雜係絕配。」他強調。
湯底僅得白胡椒湯，以豬手、雞腳、乾螺頭、陳皮等材料熬煮十多小時，慢火煲至奶白色、帶膠質，易入口、味道香辣暖胃，與豬雜味道配襯。
除普遍油麵、米粉、銀針粉等粉麵，亦有豬油撈飯或撈麵選擇，同為熱門。
米飯用料講究，選蝦仔米，飯香味重、煙韌有口感；撈麵則為油麵，口感乾身彈牙，拌以調製鼓油及豬油，特別香濃。
細閱餐牌，小食種類多元化，沙薑雞、黑醋豬手、冰鎮墨魚頭、麻辣豬肚⋯⋯ 各有特色。
沙薑雞，挑斤半至斤十重，取其肉滑，參考潮州及越式做法，以沙薑及香茅調味醃製，浸煮及風乾吊起雞隻，令肉質收緊，口感爽而滑，入味且沙薑味香濃。
黑醋豬手，靈感源自豬腳薑，黑醋及藥材作醬汁，放豬手大火滾煮、熄火後放冰糖，令其帶焦香味。巧妙之處，要火喉適中，才會皮爽肉香、甜酸開胃，越食越上癮。
上至豬雜，下至小食，全工序多、花心機，卻是大份兼抵食。
「冇話要賺幾多錢，啲客人食到開心，我都好開心。」店舖內外，樸素簡單，卻是用心對待、堅持做好出品，只求眾人快樂滿足。
元朗合隆潮州粉麵
地址：灣仔德仁街3號地下A號舖
#豬雜 #豬油撈麵 #豬油撈飯 #粉麵 #元朗 #合隆 #灣仔 #灣仔美食 #懷舊 #香港美食 #灣仔美食 #土炮
更多土炮好片：
古法炸蟹鉗幾近失傳 工序繁複 人手拆肉裹蝦膠
• #香港職人 古法炸蟹鉗幾近失傳 工序繁複 人...
生焗鹽焗雞嫩滑多汁 酒店總廚分享點中菜秘笈：平嘢貴食 貴嘢平食
• #中菜解密 生焗鹽焗雞嫩滑多汁 酒店總廚分享...
柴灣40年古法叉燒 新桂香燒臘
• 柴灣40年古法叉燒 新桂香燒臘 (#土炮 #...
===========
立即追蹤土炮Instagram： hk.topaau
===========
土炮好片，馬上訂閱RUclips： bit.ly/2H7BpYW
===========
如有各區好人好事、小店情味故事、本地攝影作品、社區有趣大小事等等，歡迎Inbox土炮報料，有機會在專頁上刊登！

[@user-zd8ug2ko8g]

正