БЕЗЕ НА ПАЛОЧКЕ 🍥

Ингредиенэ:
• сымыыт үрүҥэ - 2 уст.;
• саахар - 180 г;
• туус - 1 кымаах (щепотка);
• лимоннай кислота - 1 кымаах.
Ингредиеннэрбитин барытын кэмнээн бэлэмниибит. Сымыыт үрүҥүн уонна уоһаҕын араартыыбыт. Маны үчүгэйдик кыһаллан оҥоробут, тоҕо диэтэр уоһах арыыта безе тутулун буортулаан кэбиһиэҕэ. Туус, саахар уонна лимоннай кислота эбэбит. Венчигинэн булкуйабыт.
Ингредиеннээх иһиппитин уу бааннатыгар уурабыт. Иһиппит түгэҕэ ууну таарыйыа суохтаах. Маассабыт саахара толору ууллуор, эбэтэр 40 кыраадыска диэри сылытабыт.
Иһиппитин билиитэттэн ылабыт уонна миксеринэн көбүтэбит. Миксери аргыый түргэтэтэ-түргэтэтэ булкааһык хойдуор диэри булкуйабыт.
Насадкалаах кондитерскай мөһөөччүгүнэн пергамеҥҥа кутаттыыбыт. Араас моһуоннаах, быһыылаах оҥоруохха сөп.
Безены араастаан кырааскалыыллар. Гелевай краситель кутуохха сөп. Эбэтэр мин курдук акварель үтүгүннэрэн биир эрэ өттүн кырааскалыаххытын сөп.
70-80 кыраадыска 3 чаас безены хатардабыт.
Бэлэм буоллаҕына сэрэнэн шпажкалары иилэбит уонна торду киэргэтиэххэ сөп буолар. Эбэтэр бэйэтинэн эмиэ туспа минньигэс ас курдук сиэххэ сөп.