#MM
HTML-код
- Опубликовано: 7 сен 2024
- #MM #美味道來 // 灣仔牛雜小店營業時間好難捉摸 70年前招牌街頭牛雜再現灣仔
灣仔克街兩旁有不少餐廳,是附近打工仔搵食的好地方。茶餐廳、車仔麵檔、越南河粉……唯獨牛雜小店雄記美食的門口寧舍搶眼-用色大膽的綠底黃字招牌,鐵閘上還畫了一隻卡通牛牛坐在麵碗裡。根據非正式統計,這隻牛牛現身的時間遠比門口多。皆因雄記一星期平均營業五天,每次只做五、六小時,賣完就收檔,更會不定時休息。
這間營業時間很難捉摸的小店,偏偏有一班捧場客摸完一次又一次的門釘依然回頭,就是為了一嘗這裡的牛雜。雄記賣的牛雜可說是灣仔的味道,皆因老闆雄哥的爸爸是灣仔名店強記美食的創始人,七十年前在灣仔街邊賣牛雜賣到街知巷聞,後來入鋪就轉型做小食店,一直沒有再賣過牛雜。直到五年前,雄哥雄嫂出來開檔,熟悉的味道再次回到灣仔。
█ 超乾淨廣東式牛雜 復刻老豆七十年前的街頭味道
每早六點,雄哥便回到鋪頭洗牛雜。雄記賣的是新鮮牛雜,每日一副,想要多也沒有。十歲起便跟爸爸在街頭賣牛雜的雄哥指,爸爸教落,做牛雜最重要是要洗得乾淨,把骯髒物和異味通通去除,才能帶出新鮮牛雜的鮮味。過程中,要把牛雜的骯髒物及邊緣位置去掉,再反覆洗擦,徹底沖走內臟的血水。雄哥的標準是,要令牛雜洗出來的水像清水般清澈才算是乾淨。因此,一副大腸至少要沖洗七、八次。雄哥直言,做牛雜遠比做其他食物花時間、心思,單是洗牛雜這一步便起碼花上一、兩小時。
雄記做的是廣東式牛雜,最大特色是用剪刀將牛雜剪開,因此雄哥一開始工作,叮叮噹噹的剪刀聲便在店中此起彼落。與潮州鹵水牛雜不同,雄記的做法是以煮熟牛雜的滾水加入磨豉、南乳等材料熬成濃湯。由於沒有加花椒八角、草果等藥材調味,牛雜必須清洗得非常乾淨,牛雜最原始的鮮甜味才能吊起磨豉醬的香。
由跟爸爸擺街邊檔,到今天自立門戶,雄哥一直跟從爸爸教落的方法做牛雜,味道沒有十成似至少也有八九成。雄哥回想,當年爸爸非常嚴格:「有一次他叫我洗大腸,我貪方便沒有落粗鹽洗,他回來時,一手拿起大腸便馬上對我破口大罵,三字經、粗口全爆發出來。」
「其實我好尊敬我爸爸,他的出品真的執著到……我也沒有他那麼執著。」
█ 從米芝蓮強記出走 兩夫妻中年創業拍住上
雄哥多年來都在爸爸留下來的舊店強記幫忙,擔任廚師。到五年前,加起來接近一百歲的兩夫妻決定大膽中年創業,一個做廚房,一個做樓面,自己開檔賣回牛雜。對於雄嫂而言,當年她也有擔心過:「那時候我們已不年輕,但他說要做,做他旁邊那個沒理由不支持。」
性格爽朗、愛開玩笑的雄嫂還是鋪頭的生招牌,客人來到時,她就像是見到舊朋友般和他們打成一片;遇著年輕人光顧,還會像媽媽般噓寒問暖,提醒他們吃飯時不要寒背;熟客的喜好,雄嫂也暸如指掌,往往客人未坐下已道出他們的心水。雄嫂常說,自己是舊式的人,喜愛和客人交流,不知不覺便能記住他們的飲食習慣。看見客人笑著進來,笑著出去然後下次再見,這些正是雄嫂最大的滿足感。
█ 解開任性營業時間之謎 竟然是為了大清潔?
在網上討論區搜尋雄記,不少網民都抱怨他們的營業時間太短,又經常突然休息。雄哥笑言,間中也想要任性一下偷懶放假,但更多情況是,休息的日子也是一早回到鋪頭,就是為了趁無客人在時做大清潔。
雄記的店面和一般牛雜粉麵店不同,不但沒有半點牛雜異味,其枱面、所有樽樽蓋蓋都是抹得乾乾淨淨。每一兩個星期總會有一次雄哥專門放假做大清潔,洗冷氣、洗廚房、爬高爬低抹這個抹那個…… 這位對衛生非常執著的老闆認為「乾淨是良知」:「我覺得好吃是其次,但做飲食業,讓人吃進肚子裡的食物和環境必須要乾淨。」「我沒有潔癖,我喜歡乾淨而已,我都怕人有潔癖,很麻煩,哈哈。」
這間灣仔小店,營業時間看似任性,背後卻是兩夫妻的一份執著:「始終舖頭主力只有我們兩人工作,如果時間拉太長,我們都太累,可能對住客人的態度都沒那麼好……但現在我覺得好好,經營這間餐廳為何我們看似時間好少,每個星期開得好短,但其實就是細水長流。」
監製:沈敏怡
策劃:許京妮
拍攝:倫星揚
剪接:倫星揚
#灣仔 #灣仔美食 #牛雜 #牛雜香港 #牛雜麵
#灣仔好去處 #雄記美食 #雄記 #夫妻檔
#強記美食 #強記 #米芝蓮 #MillMILK
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
MANYI|@manyishum
/ manyishum
SAM|(付費內容)
噚晚食炸雞,今晚食牛雜,希望大家都食得開心啦!如果覺得好睇,想鼓勵下我哋,記得留言寫低 #MM 呀!
真係睇到好想食呀!太邪惡
旁白同條片d聲時大時細 希望以後留意
@@The110623 感謝你提醒。我會同同事講返 🙏
@@edge8912020 plp⁹ppppp
很好看很喜歡. 可不可以介紹一下這一次的剪接/介紹手法? 給我感覺這一次差不多是 100% 就受訪者自己說了整件事. 一點記者露面親自訪問的互動也沒有?
好正好好味。慕名而去,但食左兩次閉門羹,終於第三次食完一碗牛雜麵,之後再打包一盒淨牛雜。而家好難得有人會有「細水長流」嘅諗法,感動。
請問個地址喺邊呀灣仔
d較剪聲真係好令人懷念,會諗返起以前讀書,放學有好多車仔檔賣小食,其中一定有車蛋同牛雜
支持香港製造, 多謝雄哥兩公婆繼續服務大眾.😋😋😋
支持大陸貨源,香港製造✌🏻
内地牛香港制造哦?
@@supyeetong2650 香港有咁多自己牛雜?
@@changhaoli1995 香港配种😂😂
老一輩人做事很堅持,因為唔想整壞自己個招牌,所以有很多小店可以能夠做咗幾代人,都咁多人支持
你說得很對o
10:36 神Cut! 對膠拖一韃落地就停bgm, loop 住睇左幾次 ^^
響急功近利嘅香港,好難得有老闆娘嘅一句「細水長流」
好溫暖嘅訪問。雄哥雄嫂加油💪 多謝#MM
多謝#MM 介紹,灣仔街坊又有好嘢食喇😋。強記就時時去,而家又多咗個好去處喇👍🏻😊好鐘意佢哋兩公婆嘅理念,一定會幫襯!
好鍾意睇小店或小人物故事,好過介紹大集團,希望你哋可以拍多啲,發掘更多香港故事
雄記係黃店💛💛,老闆同老闆娘有良知又好年,希望大家多多幫襯
唔好食呀!黄色有屎咖!!!
笑死 總有黃藍店 唔驚警察拉左你?
多謝你話我地知係死人黃店.
@@never7295 犯法嘅人先會驚警察.
支持警察扫黄打黑啦
做飲食食材漲價,店鋪跟隨加價無可厚非,但要保持食物出品質量,及服務態度、唔係每間做旺咗食店維持到,所以呢間咁成功係值得 ! 👍
剩係寫香港人加油💪,已經值得支持啦
凌晨一點,有無人未瞓想食宵夜!
本來無~見到雄記突然想食煎腸粉加蛋😵💫😵💫
@@user-mj1ec6zi9k 咁你都幾餓下啵!
我而家想食佢啲喳咋,糯米飯同羊腩(平日食牛什麵連湯都飲埋)🤤
睇呢條片睇到好肚餓
間舖好靚好乾淨,老闆好有heart
強記老太爺真係勁,一開二兩個門派各有千秋,又係好食到震 😊👍🏼 如果有一日食到牛雜拚糯米飯就真係 fantastic 🥰
,
黃人 亂吹
講老實話、材料冰鮮、還是新鮮?
雄記好味呀😍最近期間限定出嘅糯米飯好L正呀😍😍
貴左好多 $70碗😥😥
真的就是牛杂的入门水平而已,而且比其它店贵很多。不划算。
@@xander2890 @shift2sw 貴好多係因為用新鮮牛雜,用急凍貨就可以平好多,如果有時間去吓街市,就會明點解。 水平方面就睇你點睇。 牛雜烹調,除咗洗得乾淨,調味調得好,火候恰當之外,我又真係唔知仲有咩其他水平。 如果唔係鳩噏,真係有高見,可唔可以詳細分享吓?
@@shift2sw $70食碗糯米飯?都唔知笑唔笑你on9好😆
@@chuk-chingwan2154 黃店就係冇良心囉!開口埋口拒絕用大陸野,但係9成材料都係大陸貨,傷害黃絲感情,真不該
未見過有餐廳咁乾淨,仲要賣牛雜
味道一般、好多同色人支持!
睇到都流口水.好嘢o好有專業精神!
今天有「幸」到這間嘢一嚐其「出名」牛什,未坐定已覺得這店主倆非常唔友善。叫人掃苗安心出行粗聲粗氣,坐低除低口罩想吸口氣,即被粗聲喝令要戴返。想攞杯水又話無得供應,叫咗一個牛什飯, 牛什及飯分開上, 一看那碗牛什數埋唔夠十件加一件白蘿蔔再加幾塊生菜多。以我食咗牛什60年, 品質可是平平無奇,唯一好處是唔太鹹, 以佢咁嘅質同量居然夠胆賣$50.00 連水一杯都唔俾客用,但最令我反感是當埋單用達通然後問可否印返張單俾我,那四眼女仕居然粗聲地拒絕!而家咁嘅環境居然還是有這樣囂張跋扈的舖頭存在,真係祝佢「好運」!!!!!!
用心製作的影片,繼續努力!
I miss Hong Kong! Hopefully next year can travel!
😭😭😭每日都有高質video 睇!!!
好想即刻試下😋
支持雄記!
Another quality video! Keep up the GREAT work!
好想幫你哋上英文字幕🥲X街RUclips連呢個唯一有用function都剷埋
而家疫情冇得去旅行,日本好多channel拍片影老舖,影佢哋開檔備料煮餐上菜,再搭少少訪問,好療癒,view數都好好
#MM
帮我加😂
多謝介紹,一定幫襯
細水長流當中係有滿滿既人情味,而現在社會最缺乏既野。同d企堂哥哥姐姐吹兩句都好過癮
Its a very encouraging story. Please keep up the good job👍👍
正。。。搵日試下。。。。
薪火相傳!支持香港本土生活飲食!加油MM
支持良心小店,支持香港製造💪💪💪
返大灣區啦
原來係強記後人。返香港時一定要食,睇到「香港加油」的logo 更加心領神會,一定支持良心小店
一邊叫香港加油, 一邊食來自大陸的牛雜
@@user-gc6mz3sd8h 咁熟嘅?啫係有D傻B一邊話反美,一邊用iPhone一樣
@@keigorjai01 一邊奶西話自己不是中國人, 一邊用中文字回覆留言
@@user-gc6mz3sd8h 真好,一边奶屎, 一边搞臭香港,劉镇金, 支持您哦!
@@user-gc6mz3sd8h 下?咩邏輯嚟㗎?你用youtube唔通你又係奶西呀?
睇片都feel到老闆好好人
支持認真的香港小店 👍🏻
@Manyi Shum 一定支持,尤其是 Mill Milk #MM 👍🏻👍🏻👍🏻
上星期六新界開車尊誠去試吓,價錢係街坊價,但我唔會去第二次,用料不是鮮牛雜, 粥底唔掂,味道唔講咁多啦!
10萬sub在望喇!加油 #MM !
靠大家啦!記得分享今集畀朋友呀!
响香港標榜自己係黃店,現下剩番無幾多間,就以龍門冰室响小黃人揮金力挺支持下,最後亦要全線結業;結束原因,有人說是政治鬥爭,說實在又有多少普通人過濾政治光普才來光顧。一間食肆能否堅持,不是他的政治訴求,而是食物品質、服務、環境、人流和收費。
雄記真係好好味 要一開門就去先唔會賣晒 而家咁既環境更加要支持A類食肆
原本好少食牛雜, 食過雄記就愛上咗!
唔黃唔食,非黃不吃
食開八寶,要試下呢間先
#MM 多謝你哋介紹呢啲香港小店🙏🏻
BTW、老闆對Donki拖鞋好正👍🏻
可以配埋 PHOEBE 頂 DONKI 帽 🤣
希望良心小店長做長有!唔係間間小店寧願唔賺錢都要放時間做清潔!👍👍👍
痴L線,呢條片好好睇
睇到好肚餓,下次去開一定幫襯!
記得臨瞓分享畀朋友!
好味的選擇,之前在港島工作,一週總會找機會幫襯一兩次。
加油呀雄哥雄嫂👍🏼👍🏼
加油丫 多點拍香港本地介紹
牛雜😍 搵日去試下先😍
雄記!未睇先Like
LIKE 完都要記得今晚七點半返嚟睇片呀!
成隻牛先得小小沙瓜 都剪比記者 唔話得
香港情,父母情……讚
廚房好乾淨
真係好乾淨
我以前起灣仔做,, 早上先見到雄記開XD, 收工時間就己關了,,
好想食牛腩牛什 我想起以前在香港很喜歡食牛什 牛腩太好味 😋
愛 always 贏 👍👍👍
LOVE! LOVE!
from a cart down the street to a small yet clean little restaurant feeding the neighbours. it has been generations. u folks have been working hard. keep going
去試吓先😋
支持,搵日要去試下。
食過一次就冇再去食了⋯⋯唉!
雷聲大雨點小而矣!都係雪藏貨色
支持黃店小食店
灣仔馬師道起家,放學我都有幫親過同佢幾兄弟吹下水
堅好食
加油Auntie Uncle
飲食,就算食材靚,煮法一流
但廳面唔乾淨,我都一定唔會食
多謝師傅堅持清潔
支持有heart的本地小店👍🏻
Support!...比心機,搵番香港人既味道。
乾淨真係好重要 宜家香港好多餐廳個樓面真係見到都反胃
煎腸粉好食 又滑又香口 竟然冇介紹!!
請問: 邊兩日休息呢?
有人要搭✈️回來食,所以沒有時間返轉頭!去等再開門呢!
做飲食業真係好辛苦,日日罰企冇得坐,又冇得偷懶,能夠做到一星期休息二天很難! 佢哋冇得頂!
佢爸爸係強記美食創始人,先前有食過佢地啲糯米飯但唔肯定有無食過佢地啲牛雜🤔
#MM支持
食雄記不單是美味,更重要是信念😌 #明就明
lol
香港人加油
做人需要信念,做飲食需要品質同埋服務。 全部都重要,缺一不可。
好感動~估唔到咁多手足支持共產黨大陸牛雜
@@user-gc6mz3sd8h 你不如話 全世界都呼吸老美既空氣 野都未識講 就做架兩
🤤最想食牛肚和牛膀
6000大元一把較剪。。。開工時間短,富二代唔愁衣食,賺錢買花帶典範。 之前個間叁減壹點心舖先係搵食舖
件黑衫,正!
和先前蘋果果籽啲記者有冇關係,好奇多事問吓
隨心而行,行過四次先遇到佢開,鮮牛雜真係另一個層次,而舊白蘿蔔食完會感動。
雄記正呀!真材實料仲要係街坊價!
良心食店 👍👍👏👏🥰💕❤️
高汁,欣賞佢哋嘅經營之道,而唔係做到好似牛咁,淨係想搵得越多越好
看起来很好吃,下次去香港一定要吃。
0:35 剪接同攝影太正啦 真的有被閃到 #MM
唔講唔覺 LOLLL
支持香港製造
主持,你好!
請問可以說明街道及號數,揾唔到?
下段片注明地址,其他片主全都有地址,pls 🙏🙏
#MM 好好睇呀! 睇到好想食 ^_^
知道做食肆不嬲都極難做極辛苦, 希望政府食客對佢哋好啲啦...
垃圾港共知你喺黃店仲唔全力打壓咩
淨係安心鳩痕都殺緊埋嚟啦
雄記牛雜係最好食㗎
好有愛,又乾淨😄❤❤❤❤
Cleaning of oil pot and chopsticks pot are amazing!
睇嚟要支持下
最鍾意食煎腸粉!👍
煎腸粉加蛋超好味😋
雄記牛雜好好食😋😋😋
要用鹽洗既嘢,戴手套真係好好多,
啲鹽冇咁快溶,舒服又易洗好多。
好多細節位!
#MM 希望有機會試雄記美食!用心製作,特別欣賞老闆著重乾淨!
乾淨真係好緊要!
求地址我想找回兒時記
@@chengkiki8230 你到灣仔問强記牛雜在那里,自然有人帶你去,灣仔强記重出名過李家誠啊
@@chengkiki8230 搞錯左,系雄記牛雜,對不起
細水長流👍🏻
主要是沒請人 沒做晚市 店面中小
所以壓力沒那麼大 可以常常休息
自己鋪絶對有助保持食物質素,否則出了名又被加貴租
畫面矇查查睇得好辛苦
最緊要係良心黃店,如果夾埋好食,真係諗唔到唔幫襯嘅理由
食嘢要講顏色的嗎?你真係昂九九!
If it is still open when I come home, I will visit Hung Kee