UNDP Albania/ Nën Shtypjen e Stereotipeve

Si përballen politikanë, aktivistë, gazetarë, akademikë, artistë dhe qytetarë të thjeshtë me stereotipet dhe gjuhën e urrejtjes?
Në këtë dokumentar, Enkel Demi, Jorida Tabaku, Gentian Zenelaj, Zhaklin Lekatari, Ilir Paço, Rrapo Zguri, Luana Myrto, Fatjon Hoxha, Rashela Shehu, Gentian Serjani, e tregojnë këtë në vetë të parë, për stereotipet që kanë zënë vend në kulturën dhe perceptimet shoqërore në vendin tonë, siç janë:
👉 Stereotipet krahinore;
👉 Stereotipet raciste;
👉 Stereotipet gjinore;
👉 Stereotipet moshore;
👉 Stereotipet për personat me aftësi të kufizuara, etj.
Jetojmë në një shoqëri, ku pavarësisht ndryshimeve pozitive e progresit të arritur, sjelljet stereotipike, paragjykuese dhe modelet që nxisin veprime të dhunshme e diskriminuese, nuk mungojnë.
Së bashku mund të krijojmë një klimë ku stereotipet negative të përmbysen dhe njerëzit të pranojnë dhe të vlerësojnë ndryshimet që paraqesin një pasuri kulturore dhe shoqërore.
Kjo sfidë ndaj stereotipeve negative, përhapjes dhe ndikimit në thyerjen e tyre, mund të ndihmojë në ndërtimin e një shoqërie më të drejtë, më të harmonizuar dhe më gjithpërfshirëse, në të cilën shqiptarët vlerësojnë dhe respektojnë përkatësisht njëri-tjetrin.
Ky dokumentar është krijuar nga Departamenti i Gazetarisë dhe Komunikimit - Universiteti i Tiranës, në kuadër të projektit rajonal të Organizatës së Kombeve të Bashkuara “Të rinjtë për përfshirje, barazi dhe besim”, financuar nga Fondi i Kombeve të Bashkuara për Paqen.
Në Shqipëri, projekti zbatohet nga zyrat lokale të UNDP-së në Shqipëri dhe UNFPA Albania.
#UN4Uth

[@fabiolaegro7656]

Bravo! shume i bukur e domethenes dokumentari