అక్షరమే ఆయుధం...... రచన డాక్టర్ వెలుదండ వెంకటేశ్వరరావు
HTML-код
- Опубликовано: 5 фев 2025
- 🌹అక్షరమే ఆయుధం...🌹
--------------------------------------
అక్షరాన్ని అణచు వాడు అవనిలోన లేడురా
అక్షరమే ఆయుధంగా జగతినే జయించురా!!
//అక్షరాన్ని అణచు..//
పాల్కురికి చూపించే పరమశివుని శక్తిని
కదనాన్ని దలపించె తిక్కన్న లేఖిని
పోతన్న పొత్తమే పొందుపరిచె భక్తిని
అన్నమయ్య కీర్తనలే అలరించెను అందరినీ !!
//అక్షరాన్ని అణచు..//
పాటలే రగిలించెను ప్రజలలోన చైతన్యం
ఉద్యమాలె నడిపించెను ఉధృతంగా సాహిత్యం
నియంతృత్వ పోకడలను నిరసించెను నినాదం
ప్రజల కలలు పండించగ ప్రభుత్వాలె దిగివచ్చెను!!
//అక్షరాన్ని అణచు..//
వాదాలు వివాదాలు కలమే సృష్టించురా
దేశమాత గౌరవాన్ని కలమే వెలిగించురా
ప్రజాస్వామ్య పునాదులను కలమే కాపాడురా
కలమొక్కటె నీ కీర్తిని కమనీయము జేయురా!!
//అక్షరాన్ని అణచు..//
చదువుతోనె జీవితము సార్థకమై నిలుచురా
చదువు లేని లోకమంత చతికిలబడి పోవురా
ఆవేశమె నీదైతే అక్షరమే ముంచునురా
ఆలోచన నీదైతే అక్షరమే నిలుపునురా!!
//అక్షరాన్ని అణచు..//
✍️ డాక్టర్ వెలుదండ వేంకటేశ్వర రావు.
మహబూబ్ నగర్.
Cell No : 8790421061
Chaala bagundi paata..rasina vaariki,paadinavaariki.namaskaram
చదువూ యొక్క గొప్పతనం అక్షరం లేకపోతే జీవితం అంధకారము అన్ని తెలియజేయడం బాగుంది మీ రచన చాల బాగుంది గురువు గారు
@@RaviH-b4w Thanks.
Chaduvu yokka goppadanam chakka ga vivarincharu🎉🎉🎉
@@arunapulugam2835 Thanks 🙏
అక్షరం గురించి అక్షరబద్దం చేసి అద్భుతంగా సుస్వర గేయంగా మలచి, మాకు అందించిన తీరు అమోఘం..మధురమైన గళం...మరింత మధురానుభూతిని కలిగించింది..అభినందనలు అన్నగారు..
🙏