延續街坊情 七十年茶記第三代接手：最想留住人情味

「人情味係我最想保留。」Bill，豪華咖啡茶餐廳第三代傳人，從小於店舖長大，見證灣仔變遷，有感茶餐廳日漸式微，回來接手店舖，盼延續舊日情懷，令街坊有聚腳點。
豪華咖啡茶廳，1952年於灣仔茂羅街擺設車仔檔，賣多士及奶茶起家。
80年代，因政策改變，無法於街邊擺檔，剛巧旁邊有舖位出租，選擇原址入舖：「以前茶檔位置，就係而家舖頭門口。」Bill說。
環境佈置，維持當年樣貌，牆身磁磚、窗花、地板及黃色餐牌等擺設，現今罕見，「入舖到而家，裝修一直無變過。」他補充。
「我哋保留茶檔食物，以前主要圍繞餡醬做多士，沖奶茶同咖啡等飲品。」入舖後有廚房，因應需求，新增多款三文治、飯類及意粉。
唯一不變的，便是保留昔日做法，如招牌絲襪奶茶、西多士及港式麥包。
奶茶配方，車仔檔年代沿用至今，有七十多年。每日凌晨三四點，回店舖製作茶膽。茶膽由幾種茶葉混合而成，比例自家調配，口感較順滑，味道清香。
西多士亦然，只加蛋漿，不加其餘調味，直接油炸，蛋味濃郁、香脆金黃。
招牌蛋牛治，免費烘底，金黃香脆，炒蛋半流心、鹹牛肉份量大，外脆內軟，味道鹹香十足。
值得一提的，有白麵包及「黃麵包」選擇。這港式麥包，碩果僅存，可稱他們獨有。
「這港式麥包，基本上港島區，應該得我哋有。」Bill形容，港式麥包為昔日常見款式，呈黃色、帶少許提子乾，味道較甜，類似車輪包。
這包款早已式微、甚至斷貨，特地找適合麵包舖繼續供應：「我哋保持，就係想人知道以前食咩，令更多人認識。」Bill解釋。
從車仔檔到今日，這老派味道、這舊情懷，未曾改變，甚至變成生活一部分。Billy表示：「而家仲有我爺爺年代，由車仔檔幫襯到而家嘅客人。」
即使他們並非坐同一枱，亦會隔枱聊天，互相分享近況，「可能呢個係我哋留住佢原因。」他笑說。
對Billy而言，茶檔既是食店，亦為兒時流連地方，笑稱童年為「食百家飯大」。
Bill感受最深刻，就是小時候與妹妹遊走茂蘿街，附近店舖老闆招待他們吃喝玩樂的時光。各老闆閒時亦會來前來食飯歎茶，互相照應。
因此，Bill 選擇接手老店，希望略盡綿力，保留此地方、凝住回憶，「唔再做，執咗呢間舖好可惜。」
舊式茶檔逐漸式微，很無奈，他盼望能迎合社會發展，走得更遠。
豪華咖啡茶廳
地址：灣仔莊士敦道226號
電話號碼：25743069
#老店 #車仔檔 #茶餐廳 #西多士 #蛋牛治 #烘底 #奶水蛋 #谷古 #滾水蛋 #灣仔 #豪華咖啡茶廳 #香港美食 #土炮
更多土炮好片：
古法炸蟹鉗幾近失傳 工序繁複 人手拆肉裹蝦膠
• #香港職人 古法炸蟹鉗幾近失傳 工序繁複 人...
生焗鹽焗雞嫩滑多汁 酒店總廚分享點中菜秘笈：平嘢貴食 貴嘢平食
• #中菜解密 生焗鹽焗雞嫩滑多汁 酒店總廚分享...
柴灣40年古法叉燒 新桂香燒臘
• 柴灣40年古法叉燒 新桂香燒臘 (#土炮 #...
===========
立即追蹤土炮Instagram： hk.topaau
===========
土炮好片，馬上訂閱RUclips： bit.ly/2H7BpYW
===========
如有各區好人好事、小店情味故事、本地攝影作品、社區有趣大小事等等，歡迎Inbox土炮報料，有機會在專頁上刊登！

[@injp1391]

加油啊👏❤。肯定以後香港人一定都會知你間鋪其實係個寶。

[@amychinlai4249]

好一间“贴地”茶餐廳,好随意百搭嘅menu令客人好回味每种食物！加油！😊