هيا دي الطريقة اللي بيتعمل بيها الكحك 2024في اكبر المحلات والأسرار اللي محدش قالها !!

خلوا بالكوا هكتب ملاحظات لازم تقرأ
المقادير
كيلو دقيق جميع الاغراض أو كحك وبسكويت
نسبة البروتين فيه تعادل 7ل9٪ مايعادل 8كوب
550جرام سمنة ساقعة ومتكونش حجر 3كوب الأربع
40جرام سمسم محمص أو حسب الرغبة في الكمية الأمر مش متوقف علي مقدار فيه مايعادل ربع كوب
100جرام سكر بودرة منخول ولازم يتعدي ع مصفاة مايعادل نص كوب وده علشان الكحك البارد بيختلف عن السخن وعلشان يلون بسرعة مش يغيب والحشوة تنشف لاقدر الله
15جرام بيكنج بودر مايعادل معلقة كبيرة
5جرام ريحة كحك لوهشتغل بسمنة طبيعي سواء البلدي أو المستوردة مايعادل معلقة صغيرة ممكن محلب مطحون معلقة صغيرة لو اشتغلت بسمنة طبيعي معلقة صغيرة
لوسمنة نباتي أو خليط يبقي مقدار ريحة الكحك معلقة كبيرة ممسوحة لو هشتغل بمحلب مقدار المحلب 2معلقة صغيرة ميزدش عن كدة علشان مش يمرر الكحك
30جرام لبن بودرة 2معلقة كبيرة
200جرام ماء فاتر مايعادل كوب
الحشو ملبن أو عجوة (تمر ) عين جمل أو حسب الرغبة
الملاحظات
لازم المكونات تتبس كويس جدااا بيبقي في الاول خليط الكحك عامل زي الكسكسي افضل ابس لحد ما يبقي ناعم وزي الحنة ومزودش البس زيادة عن اللزوم علشان الخليط ميهش معايا وساعتها هيكون التعامل مع الكحك صعب وهياخد سوائل بزيادة وهيشقق تمام كل حاجة يكفايتها
أما انزل بالماء اهدي السرعة خالص ابدأ بتلت تربع كوب واختبر العجين ممكن ياخد معاكوا من كوب لكوب وربع ماء ميزدش عن كدة اهم حاجة اخدم كويس
بالنسبة للتسوية كحك سادة التسوية 160 مئوية علشان من الداخل يستوي كويس ومش يكون ني معانا ممكن ياخد في التسوية 40ل45دقيقة
كحك المحشي 180 مئوية مزودش الحرارة علشان الحشو مش تخليه يشقق معانا اراجع قاعدة الكحك لوخد لون ومن فوق ابيض افتح الشواية ع الهادي يلون من فوق دهبي خفيف علشان أثناء اكل الكحك مش يلزق في الفم تمام
يخرج من الفرن يتساب يهدي قبل مااشيله من الصنية