لما هو الهيوكا قوي جدا ازاي بيقع مع نرجسي؟ وازاي بيعيش معاه فترات طويلة؟
HTML-код
- Опубликовано: 5 сен 2024
- لما هو الهيوكا قوي جدا ازاي بيقع مع نرجسي؟ وازاي بيعيش معاه فترات طويلة؟
الهيوكا قوي جدا عاطفيا وذهنيا ومع ذلك بينخدع في النرجسي أحيانا ،ازاي طيب ،انا عارفة ان ناس كتير حتختلف معايا في النقطة دي لكن انا من خلال الحالات شايفة انها منطقية وعلى أي حال دي وجهة نظر شخصية نتيجة الخبرة مش العلم عشان أكون واضحة وامينة معاكم لان أصلا الهيوكا مفيش أبحاث علمية كتير عنه تساعدنا علي اننا نتأكد من كل المعلومات عنه فالاختلاف في الحالة دي مشروع
طيب ليه الهيوكا بينخدع في النرجسي ؟ لان زي ماقلنا الهيوكا بيوصل انه بيحتاج يشحن طاقته ويختلي بنفسه ويعالج الندوبات اللي بتكون جواه من كتر الصدمات اللي بيمر بيها واذا ماقدرش يعمل دة فبيضعف زي أي بني ادم ولحظات ضعف الهيوكا بيكون فيها مجرد شخص متاطف ساعي للمثالية ودي اضعف حالة ممكن يكون في انسان ، متعاطف وبيسعى للمثالية يعني بيسامح وبيحب وبيصبر وبيستحمل وبيكبر دماغه وبيعدي ومش بيحب يحرج حد وبيحب يحل المشاكل وبيحب يسعد الناس وبيتحول لشخصية اعتمادية ، للامانة انا ماقدرش اجزم ان الشخص المتعاطف اللي بيتحول لشخصية اعتمادية كان في الأصل هيوكا وضعف ولا لا لكن دة انا شفته كتير في الحالات ، حقول لكم انا شفت ايه ، شخصية قوية جدا وذكية جدا وفيها كل صفات الهيوكا ومحطوطة تحت ضغط شديد من الاسرة المضطربة اللي هي عايشة فيها وبيتدخل النرجسي على حصانه الأبيض ويوحي لها انه حيساعدها وبيعمل لها ميرور لصفاتها فبتنخدع وتشوفه شبهها جدا لانه ممثل عظيم ولأنها محطوطة تحت ضغط فقوتها الحدسية والاحساس والفراسة بتضعف ولو كانت اول نظرة بتكون مش مريحاها الا انه بيعمل المستحيل عشان يقنعها انه شخص مثالي وبتبلع الطعم وبتبدأ تمنحه كل الحب اللي عندها وهو بيبدأ يكسر في كل جميل فيها فبيزيد ضعفها وبيقل حدسها وقواها وسماتها الخارقة لانه انعزلت عن الناس ودة ضد طبيعة الهيوكا وانعزلت عن الطبيعة اللي بتستخدمها في شفاء جروحها و بتصب كل الحب والعطاء لزوجها وأولادها وبتهمل نفسها وتبعد عنها وتتحول لشخصية اعتمادية . دة وضع حالات كتير جدا جدا ، طيب عرفت منين انهم هيوكا؟ حاجات كتير جدا بتثبت دة من ضمنها الحدس اللي بيكون باقي منه شرارة وكمان هي بعد ماتفوق وتبدأ التشافي بيكون تشافيها بسرعة غير عادية ومش بستغرق في الحزن والصدمة وقت طويل ومجرد ماتعرف انه مش بيحبها وتفهم بالعقل انه مضطرب بيحصل عندها تحول غريب كانها اتكت على زرار حولت حالتها العاطفية من محب للامشاعر ،وبيتم شفائها في غضون من ثلاث أسابيع لشهر وبتقف على رجلها بسرعة عجيبة وبتكون محددة هدفها وبتقدر تحققه وبتشتغل وتحقق دخل كويس وفي النهاية بتقدر تاخد قرار صائب سواء كملت مع النرجسي او تركته ،وفي نفس الوقت بتلاقيها دخلت في مجال مساعدة الناس وبتعمل جروبات مساعدة ع الواتس والتليجرام وبتنشر العلم وتسمع للزوجات اللي لسة ماكملوش التشافي ومنهم جروبات انا موجودة فيها وبشوف الحالات دي بتعمل مجهود اد ايه عشان تساعد الناس وبلاقيها محبوبة جدا و بتبان بقى فيها باقي سمات الهيوكا واضحة جدا ، الفكرة بقى هل هي أصلا هيوكا وضعفت ورجعت قويت ولا هي كانت متعاطفة قوية ولما تعافت واشتغلت اكتر على نفسها قدرت تعلي من حدسها وقدرت تنمي مهارتها وهبات ربنا لها وأصبحت هيوكا . الله اعلم انا رأيي الشخصي انها ممكن الحالتين ممكن كان اصلها هيوكا وممكن أي متعاطف قوي يعلي من نفسه ويوصل للهيوكا لان في النهاية الهيوكا سمات إنسانية عالية جدا وقلب خالي من امراض القلوب وشخص بيطور نفسه باستمرار فليه لا ليه مانقدرش نوصل للهيوكا اذا ربنا مدينا صفات المتعاطف