عايزة تعملي صدمة عنيفة للنرجسي؟ شوفي الحلقة دي
HTML-код
- Опубликовано: 5 сен 2024
- ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawthersanad.net/
رقم واتساب ٠٠٢٠١١٥٠٥٨٦٠٥٢
عايزة تعملي للنرجسي صدمة قوية؟
ايه اكتر حاجة تصعق النرجسي ؟ تصدمه وتخليه يلف حوالين نفسه؟
اكتر حاجة تصدم النرجسي وتصعقه انك تختفي تماما من حياته !!
طيب واللي ماعندهاش حتة تروح فيها واللي ماعندهاش إمكانية تهرب حتختفي ازاي؟
شوفي انا مش بقصد الاختفاد الحقيقي الا في حالة المخطوبة والمرتبطة واللي النرجسي ضاحك عليها وعمال يؤجل الخطوة الرسمية اللي عمره ماحيعملها ، دي تختفي تماما من حياته طبعا ،لكن بالنسبة للزوجة ممكن تختفي من حياته وهي عايشة معاه في نفس البيت ولو ركزتوا شوية كدة حتلاقي ان بعض النرجسيين بيعمل كدة بيختفي فعلا من حياتك وهو عايش معاكي في نفس البيت لدرجة ان بعضهم مش بيخرج من باب غرفته الا اذا كنتي برة البيت او نايمة ، بيكون قاصد يحرمك من شوفته وطلعته البهية وعايز يحسسك انه مش عايز يشوفك أصلا ، ومع ذلك برضه مش دة اللي عايزاكي تعمليه لان بعض الزوجات ماتقدرش تعمل كدة لانه ممكن يكون رد فعله عنيف وممكن يتهجم عليها ، اللي اقصده ودة اللي كل الزوجات تقدر تعمله هو الاختفاء النفسي ودة محتاج منك قوة وتعافي وعزيمة قوية جدا ، لدرجة انك ممكن تديه العلاقة الحميمة ودي اصعب حاجة وطبعا الخدمة لكن مش حيكون فيه وقود ، طيب ايه الصعوبة في الموضوع ، الصعوبة انك مش حتمنعي الوقود وبس لا انتي حتختفي تفعالا معاه يعني ايه يعني لا تسأليه عن حاجة عن نفسه ولا تحكي له أي حاجة عن نفسك ولا تشاركيه مشاكل اولادك اللي كان بيزودها ويكبرها ويعقدها لما كنتي بتاخدي رأيه فيها ، ولا تحاولي تسأليه مالك لما ياخد دور الحزين المكتئب ولا تلاحقيه بالتليفونات لما يكون بيثلث بزميلته في الشغل وانتي كل شوية تتصلي عشان تحسسيها انك موجودة في حياته ، ولا تطلبي منه خروجات ولا تاخدي رأيه في شغلك ولا في علاقاتك ولا تقولي له اخبارك سواء كويسة ولا وحشة ، ولا تردي على اتهاماته ولا تبرري له ولا تدافعي لكن في نفس الوقت بتتكلمي معاه ومش مكشرة ولا متاجهلاه تجاهل تام ولا مبينة انك قرفانة منه ولا مبينة انك زعلانة منه ابدا انتي عادية خالص تماما تماما لدرجة انك عادي بيطلب العلاقة وبياخدها ، الخدمة سبع نجوم لكن مفيش وقود ومفيش تفاعل ولا انفعال ولا اخبار ولا حكايات ولا أسئلة ولا اتأخرت ليه ولا جيت بدري ليه ولا رايح فين ولا جاي منين ، ايه الفايدة طيب من الكلام دة وانتيب تديه خدمة وعلاقة حميمة وايه اللي حيصدمه اذا انتي بالنسبة له مش مهمة؟ شوفي عشان انتي شخصيا مش مهمة الكلام دة حيفيد ازاي ؟ انتي بالنسبة له عبارة عن شوية معلومات بياخدها منك عشان يقدر يمشيكي بيها ويبرمجك على أساسها ولما تكمل البرمجة وتديه المعلومات باستمرار فكدة بيحس انه كل الخيوط في ايده وانه مسيطر وهو دة الغرض أصلا من المعلومات والغرض من وجودك في حياته انه يحس انه مسيطر فيحس بقيمته وقوته ولاكلام دة كله ، فلما انتي تخفي المعلومات يعني انتيب تختفي هو مش عارف عنك حاجة ومش حاسس انه مسيطر وفي نفس الوقت هو كان بيسيطر عليكي باللعب بمشاعرك لما يبين لك انه حزين وتجري وراه تقولي مالك فهو كدة متحكم في مشاعرك ولما ينبسط انتي تنبسطي وتبقي فرحانة فهو بيعرف امتى يبسطك وامتى ينكد عليكي وكدة هو متحكم فيكي ومسيطر على مشاعرك وبالتالي عليكي، فانتي لما توقفي التفاعل والانفعالات كدة حيلاقي نفسه مش عارف يسيطر فيتصدم ،
طيب حنستفيد ايه بقى من الصدمة اللي حتحصل له دي ؟
١- حيتلهي عنك شوية لانه حيقعد كام يوم يراقبك ويفكر ويحلل تصرفاتك عشان يحط خطة جديدة فالفترة دي بتكون هدنة لكي ومرحلة سلام لكي وللاولاد
٢- لما بقى يحط الخطة وانتي حتعرفيها اول مايفكر ينفذها وهي حتكون حاجة من اتنين اما هوفرينج واما نكد فانتي اكيد بقيتي تعرفي اللي جاي انهي فيهم فلو هوفرينج يبقى كسبنا المعركة وتاخدي الهوفرينج وتنبسطي وتعيشي مرحلة هدنة تانية وتدي فيها فتات خبز اللي هو تحيريه هي رجعت في القالب ولا لسة فيطول الهوفرينج ، اما بقى لو حسيتي ان اللي جاي نكد تروحي بالتدريج وبمنتهى النعومية ترجعي تاني تظهري في الحياة بس قبل مايبدأ النكد فورا لو بدأ خلاص مش حينفع لانه حيفكر انك خوفتي ، راقبي وأول ماتفهمي ان النكد حييجي ترجعي طبيعية تاني ولا كأنك كنتي مختفية ، الحكاية دي حتلخبطه وتشككه في نفسه هو انتي كنتي مختفية ولا هو اللي كان بيتهيأ له ولو سألك كان مالك قولي مالي ما انا حلوة اهو ، تلاقي بس مودي كان وحش شوية ، كنت تعبانة شوية ومارضيتش اقلقك ، أي كلام في أي كلام . ،احدة بواحدة والبادي اظلم