Orazio Strano - L'uomo raro
HTML-код
- Опубликовано: 24 фев 2023
- L'UOMO RARO
Iu mi ginocchiu a tia, ca stai davanti
O Diu di celu, Patri Onniputenti
Ca regni in paradisu insieme a li santi
Ti preiu tantu, illumina 'sta menti
Pi raccuntari cosi 'ntirissanti
E farici sapiri a tanti genti
Tutta la vita, cu modesti canti
Di Kennedy, famusu presidenti
Nasciu a maggiu e fu a Brooklini
La so stidda d'accussì vosi
Quannu tutti li cullini
Oduravunu di rosi
'Ndo battisimu, Giuanni
Comu nomi ci fu misu
Arrivatu a li vint'anni
Era un giuvinu precisu
Kennedy, essendo forti e curaggiusu
Chi fici un jornu, virenno ca l'america
Si truvava in guerra cu lu Giappuni?
S'arrulau vulintariu pi difenniri la sò patria
Fu nto quarantitrì, veru suldatu
Di la marina, curaggiusu e arditu
E vinni cumannanti numinatu
Di 'na curvetta e cummattiu accanitu
Ma un ghiornu, all'impensata, fu affunnatu
Mentri arristava comu rimbanbitu
Luttannu a mezzu l'unni, fu salvatu
Cu parti d'equipaggiu già feritu
Quannu ghiorna ammezzu o mari
Ma com'è ca resisteru
Senza viviri e mangiari?
Cori forti pi daveru!
Dopu, Kennedy felici
Ca la morti si scansau
Lu pianu sò si fici
Quannu a guerra tirminau
Ogni omu avemu un donu di natura
C'è cu l'avi pi fari beni
E c'è cu l'avi pi fari mali
Giuanni Kennedy era dutatu
Di na gran forza binigna
Unni vuleva suffucari lu mali
Pi lu beni di l'umanità
Essennu tantu spertu ed intilligenti
Si misi a fari lu puliticanti
E si jittau precipitusamenti
A mezzu la pulitica all'istanti
Purtatu fu di mila e mila genti
Pirchì lu cori sò l'avia custanti
Figghiu di ginituri pussidenti
La propaganda sò tirava avanti
A trent'anni vinni elettu
Comu bravu deputatu
Ed ancora fu rilettu
Cu li voti di primatu
Poi divinni sinaturi
Cu ddi voti eletturali
Cu l'aiutu do Signuri
Superau d'ogni rivali
Lu giuvani, dopu che arrivau
Ad essiri membru di lu guvernu
Si fici zitu cu na simpatica
E intelligenti giornalista
Chiamata Jacqueline
Iddu s'innimurau pazzamenti d'idda
Mentri un jornu lu intervistava dintra la sò casa
Arriva u jornu di la ricurrenza
Ca iddu l'aspittava cu spiranza
Si sposa cu Jacqueline e l'accuglienza
Ci vinni fatta cu gran rinumanza
Ma Kennedy s'ammuccia a soffirenza
D'un mali sò che sempri cchiù c'avanza
Ma dopu tanti mesi di pacenzia
Guariu pi la sò pirsiviranza
Era un giuvani tifusu
Nun pinsava propriu nenti
Lu caratteri fucusu
Lu tineva assai valenti
Ndo jucari a lu palluni
Si vo fici mali a schina
Con 'n putenti sciddicuni
Nda lu campu na matina
Non sacciu quantu stesi assittatu nda na seggia
Senza putiri camminari, pi dda gran brutta cascata
Ma cu l'aiutu di Diu e la sò santa pacenzia
Si guariu, ma non perfettamente com'era na vota
Poi 'ndo cinquantasetti a quartaluna
Jacqueline partitiu 'na siritina
Na figghia ca a lu spusu gioia duna
Di nomu la chiamaru Carulina
A Kennedy l'afferra la furtuna
Divinni prisidenti na matina
L'idea pi iddu fu sultantu una
Farici fari a tutti na dottrina
Pi l'immenzi Stati Uniti
Fu nu granni avvinimentu
Tutti foru riuniti
Pi ddu santu giuramentu
A ddu novu prisidenti
Tuttu u populu 'cclamava
Era n'omu 'ntiligenti
Fari beni assai sperava
Si lu meritava a gh'essiri elettu
Presidenti di li Stati Uniti
Pirchì aveva lu cori d'un angilu
E lu surrisu sinceru
Ci si liggeva nda l'occhi
Che era n'omu adattatu
A mettiri la paci nda lu munnu
E c'arrivava presto a tuttu chistu
Pirchì marciava sempri a giustu pastu
Lu sò pinzerri era sempri fissu
Circava di lu mali stari arrassu
Di Lincoln lu fari fu lu stissu
E comu ad iddu era propiu n'assu
Luttau pi lu razzismu troppu spissu
E non pinsava mai circari spassu
Comu Lincoln pinsava
Ed aveva un gran turmentu
Ogni cosa cuntrullava
Di purtarla a compimentu
Ma lu scopu cchiù impurtanti
Era chiddu razziali
Lu pinzeri fu custanti
P'arrivari a l'idiali
Lu prisidenti nda li so discursi
Non diciva autru: semu tutti figli di Diu
E tutti duvemu esseri trattati uguali
Senza nudda sparità tra unu e l'autru
Pirchì li dogghi di li matri su tutti li stissi
Dda nda la casa janca l'omu saggiu
Parrava cu vuci forti di lu seggiu
Mannava pi lu munnu u sò messaggiu
Aveva chistu comu privilegiu
Cu cori granni e chinu di curaggiu
I populi attirava a leggiu a leggiu
E tanti e tanti apprisuru u linguaggiu
Di paci e libertà senza sdileggiu
Travaghiava jornalmente
Senza sosta tutti l'uri
E vuleva indipendenti
Ogni omu di culuri
Pritinneva fratillanza
Niuri e janchi tutti uguali
Era chista la spiranza
Pi ddi misiri murtali Видеоклипы