ومالنا على حالنا أنا بعدة غير يجي شي مول دار يلمح ليا على الافراغ نخرج ونقلب على بلاصة أخرى عطا الله ديور علاش نوصل مع بندم المحكمة وهد المشكل كلو على حقو ودارو
عندنا واحد الغرفة ف منزل ديال الشياع و واحد الناس كانو كاريين عندنا و سهل عليهم الله و شراو دار و سدو لينا الغرفة هدي 20 سنة و هما سادينها ماكيخلصوش للكرا و كيجيو يحطو فيها الأغراض لي ماباغينش رادينها غرفة ديال البوعارة و كيطلعو فالدروج و يشعلو الضو من لفوق و مني كيساليو كيسدوها و يهبطو فحالا حتى حاجة ماواقعة اشنو الحل مع هد النااس
انا ساكن ف دار نسابي ..والشقة ديالي كانت كاريها ...ودابا بغيت نتحول ليها والكاري ما بغاش يخرج بالتي هيا احسن واش دعوة الاحتياج كافية مع العلم ما عندي تا ملك من غير هاد الشقة
العفو شكرا جزيلا بالنسبة لكيفية استخراج أموال المتوفي فتم العثور على بطاقته البنكية من طرف إخوته واستخرجوا منها مقدار اربع ملايين حجة بالقيام بمراسيم العشاء .دون استشارة مع باقي إخوته.مع العلم ان المتوفي مطلق بدون اولاد.
السلام عليكم استاد انا كارية دار هادي 12سنة مولاها توفى ورتاتها بنتو جات فحقها اعندها ولد بغات تزوجو دعاتنا نخرجو للاحتياج حكمات لمحكمة في ظرف سنة المحامية قالتلي معنديش حق فالتعويض مع العلم فالاول كانت كتقولي خاص يعوضوكم عاد تخرجو اقالت ليا يكمل شهر مني توصلتو بالتبليغ قالتلي بغيتي مهلة خاص دير استئناف باش تاخدي وقت جاوبني عافاك شنو ندير قبل ميكمل الشهر 8/9وشكرا
وعليكم السلام، عندك تعويض ديال سنة ديال الكراء زائد مصاريف الرحيل ، فقومي بالاستئناف وحتى فاش اصدر الحكم دالاستئناف إمكن ليك ديري طلب استعطاف من المحكمة إمددوا الاجل قبل من افراغك علاشما تلقاي سكن اخر الله اكون معاك سيدتي
السلام؛ أنا متزوج و عندي ثلاث أبناء و أقطن بالديار الكندية، و عندي منزل مكتري و قد ثم الحكم بالافراغ للاحتياج بالابتدائية و الاستئنافية و ثم مؤخراً الافراغ لأنني في احتياج تام لمنزلي في العطل بالمغرب . و اليوم أتفاجأ بمراسلة عن طلب التعويض الذي توصلت به أمي. ما هي المسطرة المتبعة؟ شكراً
الله يجازيك بالخير اخي انا عندي اصل تجاري فمحل كان كاريه الوالد الله يرحمو عند شي ناس وبدلت النشاط التجاري مع للعلم العقد مافيهش نوعية النشاط واش عندي الخق نغير النشاط بدون موافقتهم مع العلم كيطالبو بمبلغ خيالي باش يعطيوني الموافقة
عندك اخي بدون موافقتهم لان العقد لم ينص على نوعية النشاط كما اشرتم المشكل فين غادي اقدر ادوزو ليك هو الى غيرتي بزاف في صورة المحل حتى يناسب النشاط الجديد، يعني طيحتي شي حيط ولا شي حاجة بحال هكا المهم غير النشاط ؤالى درتي شي اصلاحات في المحل تكون خفيفة ، بغيتي دير اصلاح كبير احرص طلب الموافقة ؤمتكتفيش بمصيدة القول ديال اقولوا ليك فهمهم اوكي سير صلح كيما بغيتي، رد البال بالتوفيق
ممكن الى كان عندو السبب لي حددوا القانون 03 07 ديال مرجعة ثمن الكراء ولي قال فيه بلي عندو الحق بطلب تخفيض السومة الكرئية الى طرات شي ظروف لي اثرات على استعمال المحل للغرض لي تكرى لاجله. العفو بالتوفيق اخي
ذكرتها داخلة في الاهمال والتسبب في الضرر سواء بالنسبة لسكن او محل تجاري . المدة لي ذكرتي خاصة بالاصل التجاري لي كيموت ليه وبالتالي لايعوض على الاصل التجاري لكنه يعوض على باقي الاضرار اذا لم يتسبب هو في اي ضرر لشكل المحل وكان ملتزما بالاداء. شكرا لك
تكلموا على لشرى الدار بنية اتسلمها بعد 6 اشهر والان مرت 3 سنوات ولا زلنا ننتظر واش هذا الشخص غيقدر يخلص الكراء او يخوي الدار لا تتكلموا على المرض دون العلاج وسير عاودلهوم
السلام عليكم ورحمة الله وبركاته استاد الله يخليك انا كاري محل تجاري وسيد لكري ليه دخل العداد ديال الماء بدون موافقتي هل يمكن تنفيذ مسطرة الافراغ في حقه
انا سبعة سنوات في المحكمة كاري محل تجاري ومولاه بغا اخرجني وخا كنخلص وبغا اخرجني بدون تعويض وقلت ليه فالاول راه الا متحورنا راه مغديش تخرجني محدي كنخلص من بعد سبع سنوات كلسنا للطبلة قال لي غنبيع قلت ليه مرحبا شحال كطلب قال لي 30 وقال انت قلتو 17 ضبرت ليه على شاري مشينا على نوطير قال لينا كون واحد امشي اخلص ضريبة لي عليه قال لي انا نشطب على الضريبة ونفسخ ماء والضوء وكان عندو مبلغ ديال المال ملي ديت ليه ما يثبت انني خلصت ضربتي وشطبت على اصل تجاري عطاني داكشي لي بقا عندو ومنصح شي حد امشي عند المحامي من الاحسن اتفاهم مع بعضيتهم والله ولي التوفيق
نفس الشيء درت حتى انا، كان عندي محل كريتو لشخص مامشيت للمحكمة لا والو، مشيت عند الشخص وقالت ليه شري مني قال لي معنديش قالت ليه غادي نقص ليك عشرة دالمليون سير دبر في الفلوس واجي عندك ثلاث شهور، من بعد ثلاث شهور ضبر على الفلوس جاء وقضينا الغراض ونبينا عليه السلام. فالي لقى اتفهم هذاك هو احسن حل. شكرا اخي الكريم على مشاركتك لهذا التجريبة ديالك تعليق يستحق التقدير
فنضرك أنت هاد الفلوس لي خديتي واش حلال ولا حرام مغاديش تفرح بهم جارنا كان كاري ݣراج مدة طويلة ملي بغا يخرجو مولاه طلبلو 20 مليون مسكين مشا ضبر عليها وعطاهالو مادازتش 3 اشهر حتى خرج ولدو لزنقة وهي تجمعو طموبيل توفى فبلاصتو مشا جاب ديك 20 مليون ودخل على مول المحل لجامع كيبكييي وكيطلب السماحة ورجعلو فلوسو هاديك كنتسمى شفارة غير مباشرة السيد دار فيك خير وعطاك فين تخدم على ولادك وانت خديتيلو المحل ديالو عمرو ماينساه فين مايدوز يدعي فيك
@@bibiyami القانون هو الذي اعطاني الحق المحال كان مشري 12 المليون وعطيتو فالكراء 24 مليون وعتيط للضرائب 5 ملايين وباعو ب 30 هي 54 مليون لي دا هو اللهم بارك
عدنا دار فمدينة كرينها وحنا كرينا دار فمدينة أخرى بحكم خدما دبا رجلي خرج تقاعد وبغنا رجعوا لدرنا والكري مبغاش يخرج هدي عام وحنا صبرين معاه ومزال مخرج حاليا دفعنا دعوى إفراغ شحال لمدة تستغل باش يخرج
واش ارسلتو ليه اشعار بالافراغ. المهم الاجراء القانوني لي كيدار في الحالة ديالكم هو ترسلوا ليه اشعار بالافراغ وتعطيوه اجل ديال شهرين مابغاش اخر كتمشيو ديرو تصحيح الاشعار بالافراغ في المحكمة وبالنسبة للتعويض فكيكون هو سنة ديال الكراء زائد مصاريف الرحيل هدشي كياخد مدة حسب المحكمة وحسب الاثباتات ديالكم بلي معندكم حتى سكن اخر من غير هذا
كاينة ؤكدار من طرف القايد يعني الداخلية بشكل مباشر استعجالي بدون محكمة ولاهم يحزنون. او عن طرق ان مول الكراء ارفع دعوة للمحكمة بلي البناية السكنية ديالوا بغات طيح، ولكن كيخصوا اتبث الامر ويشوف مهندس واخصر فلوس وإدير شكايات متعددة وتخرج لجنة للمعاينة ثم غادي تحكم ليه المحكمة بالافراغ هذا الافراغ لي اقدر اكون مؤقت، حيث المُكري الى صلح البناية او اعاد بنائها، المكتري عندو الحق هو الاول ارجع للكراء ديالو الى مازال باغيه. ثغرة اخرى كاينة فيها المكتري كيرفع عليه دعوة ديال الضرر وديال المطالبة بالاصلاح وكيعرقل الامور وكتحكم المحكمة بالاصلاح هو الاول ورحنا شنا بنايات في كازا مؤخرا في الحي المحمدي والمدينة القديمة، الكرايا بقاو فيهم حتى طاحوا ؤمقدر حتى واحد اخرجهم المهم هذا الطريق فيها شوية ديال المشاكيل شكرا على الاضافة تحياتي
في حالة علموني بفسخ العقد تلفونيا واستفادوا استفادوا من شهر التصبيق وا تركوا المنزل فارغا ولم يسلم لي المفاتيح ولم يوأدوا الكراء مند شهور.والعنوان العمل الدي كانوا يشتغلون فيه assurance دهبوا ليشتغلون في شغل آخر وليس لي العنوان لا لا شغل او المسكن فكيف ابلغهم بالمفوض القضاءي
اخدت المفاتيح من واحد منهم بحضور ابنتي بي لوغة في المستوى و احترامي وبالأدب . دخلنا الشقة بعد تلات اسابع ووجدتها في حالة لا يرتاح لها.واني الأن اقوم بإصلاحها .règlement à l'amiable mieux qu'un procès.تنثحني بمحامي انا حل اسهل واعرفه
وعليكم السلام، للاسف الى كان المكتري ملتزم بالاداء وماخترق حتى قاعدة قانونية يصعب اخراجه إلى معندكومش سبب مقنع للمحكمة والدعوة غادي طول بزاف ؤتقدرو تخصروها.. كان عندي نفس المشكل الحل لي لقيت هو انني تفاهمت مع الكاري ؤ شجعتو إشري من عندي بعدما نقصت ليه في الثمن. . حيث كنت محتاج للفلوس ؤ حتى مبغيتش ضميري إ إنبني نخرج شخص ملتزم هو وعائلتو للشارع بطرق فيها استغلال لثغرات قانونية
كنكري محل تجاري مؤخرا قام بتغيير باب المحل الحديدي ووضع اخر المنيوم وقام بفتح فتحة في السقف ووضع الزليج في الجوانب دون اذني ولا رخصة هل ما قام به يردي للافراغ
يجب مراجعة العقد هل اعطيته الحق في تهيء المحل لخدمة المهنة او التجارة التي يقوم بها . إذا كان ماقام به يضر المحل فالامر يستوجب طلب الافراغ على اي إذا لم يعجبك ما قام به اطلب منه اعادة المحل للحالة التي كان عليها
وعليكم السلام، الكراء بعقد إجباري بمعنى اي مشكل يصدر بعد ذلك سيرجع اولا لإثبات العلاقة الكرائية، في حالة طلب شهادة معينة، في حالة عدم الاداء في حالة اي ضرر للمحل في حالة طلب الافراغ في حالة الاستلاء والاحتلال في حالة التلبس... اي مشكل وقع ستطالب فيه بعقد الكراء واذا لم تتوفر عليه ستدخل في دهليز اثبات العلاقة الموجودة بين المكتري والمكري. فالعقد هو الضمان الذي يحفظ للطرفين حقوقهما. وللاشارة حاليا لايوجد اي عقوبة للكراء بدون عقد والاغلبية التي تلجأ لهذا التصرف تريد اما الا تلتزم بعقد مع شخص يستوطن المحل او السكن المكترى فهي تفكر في كراء قصير المدى. او تريد التهرب من الضرائب بصريح العبارة .. طبعا هناك اسباب اخرى لكن الغالبية هكذا تفكر. بالتوفيق
الاولى ذكرناها سيدي فاش تحدثنا على الافراغ بدون تعويض والثانية داخلة كذلك في اهمال المحل فقط للاشارة اغلاق المحل سنتين وفقدان الزبناء هاته تفقد المكتري الاقدمية في السجل التجاري او السجل التجاري نفسه الذي يتكون، ولا تلزمه بالافراغ إذا لم يعرض المحل لاي ضرر وكان ملتزم باداء الواجب الشهري شكرا على التعقيب سيدي
وعليكم السلام، قانونيا معندوش الحق إطالبكم بتخفيض السومة الكرائية الا إلى طرات شي حاجة اثرت فعلا على المحل ولا وقعت شي ازمة اقتصادية ولا شي حرب في كورونا ؤ ايام الاغلاق وحتى واحد ماخفض من السومة الكرائية، لي كان هو تعاون بسيط وتنازل عن قسط بسيط من مبلغ الكراء خلال ثلاث شهور او ربعة لي كانت ديال الاغلاق والركود، الاغلبية خلصات مئة بالمئة المهم قانونيا كما قلت طلبو غير مقبول انسانيا او اخلاقيا الى بغيتو تعملوا معاه في واحد المدة تعطيوها ليه شفاهيا فقط بدون اي اتفاق مكتوب يعني مثلا تقوليه غادي نتعاونوا معاك واحد ثلاث شهور بقى تخلص غا كدا وكدا مورها انرجعوا للواجب الاصلي ولكن في الاول والاخير كتبقى عاود حسب رؤيتكم انتم للامور فالى كنتوا محتاجين للكراء ؤ مكاينش كاري او كاينة صعوبة في ايجاد كاري بالثمن لي بغيتوا تقدرو تنازلوا وتعدلوا العقد من جديد المهم الامر متروك لكم وليس له. بالتوفيق
شكرا اخي على الجواب ليجزيك بخير السومة الكراءية هي 9500 درهم نقصتلو 1000 درهم معجبوش الحال هو بغا الكراء 6000 درهم محل تجار ي كبير دار فيه مقهى وقالي غنجيب الخبير واش هد المحل يستاهل 9500.00 من بعد قالي غنبيع فو كومغس هو ياالله 4 أشهر فيه مني قالي هدي رجعت فكلامي وقتلوا غتخلصني داكشي لكين فالعقد مغنقص والو ودابا ممخلص شهر 5.حتا انا مكلتلو والو حتى نشوف اش غيدير..
تبارك الله🌹 ممكن تحكي لينا على هذا التجربة من حيث تعاملك مع مول الكراء ؤكيفاش دوزتي هذا المدة كاملة ؤ واش ندمان على شي حاجة، مثلا كاين ناس حاليا كلجؤ للقروض الربوية حيث كيعتبروها احسن من الكراء اشنو رأيك.
سلام دكتور عندي سؤال اب ديالي كاري ناض سيد لي كاري لينا دار لينا افراغ بداعي احتياج مع علم اننا كنخلصو في الوقت وعندنا كلشي قانوني وفاش كنقولو ليه عوضنا على ضرر مابغاش قال لينا غادي تخرجوا بلا تعويض واش كاين شي حل عفاك ؟
وعليكم السلام، ماتخرجوش خليه استمر في الدعوة ديالو مادام مابغاش اعوضكم بشكل حبي. المحكمة غادي تنظر في السبب ديالو ؤدير التحققات ديالها الى لقات فعلا كاينة اسباب احتياج غادي تحكم بالافراغ ؤ بالتعويض ديالكم ديال اعطيكم سنة كاملة كراء حسب تقدير القاضي للسومة الكرائية، زائد مصاريف الرحيل. زائد الافراغ مغاديش اكون مزروب وانما غادي تعطيكم المحكمة مهلة شهرين لي ممكن طلبوا ازيد القاضي اوسع فيها علاشما تلقاو ما احسن ان شاء الله. بالتوفيق
انا سمعت بان تعويض كيكون سنة كرائية ولكن بنفس مبلغ لي كنا كارين بيه يعني كنا كارين بالف درهم مجموع ديال سنة كاملة 12000 درهم هل صحيح ام يكون تعويض أكثر حسب غلاء كراء ماهيك عن مصاريف تسبيق انتظر ردك رجاءا استاذ@@Appartementmekneskamilia
السلام عليكم الستاذ انا كري عند واحد سيد مقيم بإطاليا ب 1000درهم سنة 2016 كلا مرة يطلب االزيادة حتى وصلت 1300درهم ودبا دزت سنتين اوطلب زيادة 200 درهم ولا إفراغ مع كونطرة تسلات عام هد واش الى مشيت معه القضاء ضروري ندير محامي بغيت الإجابة اوستاذ الله إسهل عليك
السلام عليكم شكرا على كل التوضيحات ولي سؤال كريت دار من اجل استغلالها حضانة لكن المكتري غير هذا النشاط الى محل حلاقة وغير مسجل في الضريبة وكيدعي انه خسر 10ملاين سنتيم في المدة التي اكتراها اشحال نعوض ليه لاني احتجت هذه الدار للسكن لان ليس لي غيرها وانا بنفسي كنت كاري دار في نفس المدينة ووعدت صاحبها بالافراغ دون طلب تعويض اذا باعها ولكم جزيل الشكر
وعليكم السلام الى كانت مكتوبة في العقد حضانة وغيرها ماغادي اتعوض والو ومن حقك طالبو بالافراغ لانه غير النشاط زائد انتم محتاجين لذلك السكن فعندك زوج اسباب هنا الموجبة للمصادقة على الافراغ.
جزاك الله خير الوالدة تقطن في جماعة قروية ملك خاص بها و عندها شقة في المدينة التي اقطن فيها و هي سيدة مسنة و بها أمراض مزمنة تستلزم زيارة الطبيب و حالات مستعجلة و طبعاً تسكن لوحدها بدون مرافق لها. هل مسطرة الاحتياج هي الحل بدون تعويض لان المكتري طلب منها مبلغ للإفراغ بعد إعلامِه شفاهياً بالافراغ قبل شهرين وشكراً
السلام عليكم نحن نكتري شقة في منزل منذ 1966 (ونفس الحالة جيراننا وعددهم 5)توفى الوالد وبقات فيه الوالدة نؤدي السومة الكرائية باع صاحب الملك المنزل وطالبنا المالك الجديد بالأفراغ هل من حقنا المطالبة بالتعويض مع العلم ان المالك الجديد هدفه هدم العقار وبناء عقار وبيع الشقق بحكم العقار يوجد بحي راق في البيصاء. المرجو الجواب الله يجازيك بالخير ولك اجر 6عائلات مهددة بالافراغ
الامر مؤسف ، كان الله معكم، المهم ان غادي نقوليك اشنو كاين في القانون بصفة عامة في سؤالك: القانون قالك انه من الاسباب لي كتستوجب الافراغ هي هدم المحل المكترى واعادة البناء ولكن خاص هذا المالك الجديد املك البناء منذ 18 شهر على الاقل قبل مايطالبكم بالافراغ القانون عطاكم الحق ديال الاسبقية الى بغتو ترجعوا للمحل بعد اعادة بنائه وطبعا الخبرة لي غادي تدار هي لي غادي تحدد الثمن الجديد ديال الكراء ، هذا الثمن لي غادي إكون شوية زايد مقارنة بالثمن القديم باش كنتو كاريين.. وللاسف الاغلبية ماكيرجعوش حيث مكيقدروش على ثمن الكراء الجديد خصوصا في بناء جديد. المهم وخا ابغي ابيع المالك نتوما عندكم الاسبقية نجيو للتعويض فالتعويض لي قال به القانون وخا الناس كيطالبوا بكثر وكيخلعوا مول الملك بالفوضى والهراج ولكن لي كاين ؤثابت في القانون هو تعويض ديال عام ديال الكراء زائد مصاريف ديال الرحيل هدشي لي كاين كنتمنى لكم التوفيق والله اوقف معكم
وش شويا انتوما عندكم شي عقل حق ديال ديال ناس كبقى ديال ناس شوفي شرع الله ماشي القانون متتحشموش تطلبو تعويض في حق ناس يعني بحال انتي ولا انتم او اي واحد كاري كان كاري فابور غير تتجمعو فلوس عند صاحب الملك وراكم بغين تورتو سيد في ملك صحه اويلي مكتخافوش من الله
سلام عليكم حنا عندنا 5:30 وحد السيدة كرات عندنا دابا عام و خمسة اشهر خلصت ثمانية اشهر دفعنا دعوى حكمت عليها المحكمة بالاداء و الافراغ و لم تضع اي مبلغ في الصندوق و ملي وصل وقت باش يوصل منذوب ورقة الاكراه البدني لقينها استئنفت سؤال المطروح واش الحكم كيتغير في محكمة الاستئناف او كيبقى ثابت
السلام عليكم، تاخر علي المكتري ب 4 اشهر. هل اكتب في الانذار ( درهم 11.000 * 4 اشهر) فقط كما هو في العقد او ادخل في التفاصيل كما ينص عليه قانون الضرائب (2023). ( درهم 11.000 * 4 اشهر) ناقص الضريبة المحجوزة في المنبع (15%) تسدد لمصلحة المديرية العامة لي الضرائب علما ان المكتري كان دائما يقتطع الضريبة المحجوزة في المنبع و يسددها لمصلحة الضرائب. 44.000 ناقص 15% = 37.400 تسدد لي و 6600 تسدد لمصلحة الضرائب. سؤالي استاذي، ادخل في التفاصيل ام لا في الانذار؟
أستاذ الله يجازيك بخير انا كاريا بلا كنطرا ما بغاش يديرها معايا و كنخلص كل شهر و الما و الضو حتى هو .صيفطولي انذار فأجل 15 اليوم مع الأداء و الافراغ .قلتلو سير دعينا المحكمة حيت كنخلصو كلشي .وفاش دازت 15اليوم قطعو علينا الما و الضو دبا هادي سيمانة و نا بلا ضو بلا ما .ولادي صغار و مرضولي.حتى السطح سداتو باش مانجيبش منه الما و وصات الجيران باش ما يعطيونيش الما و الضو جبت المقدم هضر معاهم دورات معاه و مشا فحالو .اشنو جاصني ندير فهاد الحالة فين نمشي عفاك أستاذ جاوبني
سلام عليكم خويا حنا ورثة كاريين محل تجاري ماتيخلصنا حتى تان صيفطو ليه اندار على طريق المحامي دابا وصلنا عشرة الإدارات واش كاين شي حل الله جازيك بالف خير
وعليكم السلام، الى كنتوا دايرين في العقد بلي يجب على المكتري ان يحترم ويؤدي الواجب الشهري عند بداية كل شهر ففي حالة عدم التزامه غادي توجهو ليه انذار اول عن طريق موفض قضائي ديال احترام وقت الاداء وعدم التأخر. مبغاش احترم انذار ثاني ديال المطالبة بالافراغ تحث اجل ثلاثة اشهر من بعد غادي تمشيو للمحكمة للمصادقة على الافراغ. اما الى العقد مامذكورش فيه وقت الاداء هنا كيما هو تيتلاعب بيكم حتى انتوما غادي تلعبوا به. متخلصوش عندو ثلاث شهور او ستة حتى تجمع عليه ؤمن بعد صيفطوا ليه انذار ديال الاداء في اجل خمسة عشر يوما. مخلصش. سيرو ديركت للمحكمة للمطالبة بالمصادقة على الافراغ. سرو هكاك
ومالنا على حالنا أنا بعدة غير يجي شي مول دار يلمح ليا على الافراغ نخرج ونقلب على بلاصة أخرى عطا الله ديور علاش نوصل مع بندم المحكمة وهد المشكل كلو على حقو ودارو
شكرا على هذا المعلومة القانونية
العفو شكرا على التشجيع
سلام عليكم حنا ورثة كاريين واحد المحل التجاري ما تاي خلصنا حتى نصفطو ليه الاندار دابا وصلنا عشرات الإدارات واش كاين شي حل جاوبني الله جازيك بالف خير
مول الدار منين كيقلك خوي مكيبغيش كيسحبل وارث
أنا إلى خرج ليا الكراي شي مخلوق لادخل ليها على هاد الفقصة
اش بقيتي درتي ختي؟
و شنو المسطرة ل درتي واش كنتي دايرة معاه للعقد؟
عندنا واحد الغرفة ف منزل ديال الشياع و واحد الناس كانو كاريين عندنا و سهل عليهم الله و شراو دار و سدو لينا الغرفة هدي 20 سنة و هما سادينها ماكيخلصوش للكرا و كيجيو يحطو فيها الأغراض لي ماباغينش رادينها غرفة ديال البوعارة و كيطلعو فالدروج و يشعلو الضو من لفوق و مني كيساليو كيسدوها و يهبطو فحالا حتى حاجة ماواقعة اشنو الحل مع هد النااس
شرينا دار او فيها وحدين كانو شارين ساروت من عند لي باع لينا او دايرين معاه ورقة باش ميزيدوش واش كين شي حل
انا ساكن ف دار نسابي ..والشقة ديالي كانت كاريها ...ودابا بغيت نتحول ليها والكاري ما بغاش يخرج بالتي هيا احسن واش دعوة الاحتياج كافية مع العلم ما عندي تا ملك من غير هاد الشقة
دعوة الاحتياج كافية
تحنا عدنا نفس مشكيل ديلك ودبا دفعنا به دعوى ومازال مكين ولو
جزاك الله الف خير على المعلومات.انا درت لك السؤال في الفيديو ديال الإرث كنتمنى تجاوبني عفاك لايك
وانتم من اهل الجزاء.
تم الجواب اعتذر على التأخر في الرد. بالتوفيق
العفو شكرا جزيلا بالنسبة لكيفية استخراج أموال المتوفي فتم العثور على بطاقته البنكية من طرف إخوته واستخرجوا منها مقدار اربع ملايين حجة بالقيام بمراسيم العشاء .دون استشارة مع باقي إخوته.مع العلم ان المتوفي مطلق بدون اولاد.
عندي حكم بالافراغ من محكمة الابتدائية واش كاين تنفيذ مباشر
Parfait tu mérite des encouragements
Merci beaucoup
@@Appartementmekneskamiliaخويا عفاك رقم الهاتف
انستاشرك معك
على مشكل الكراء فاسبانيا
ماشي فالمغرب
خويا أنا حكمو علينا بلافراغ رجلي فلحبس اعندي الولاد سكنا مدة 14عام ملمعمول جزاك الله خيرا
أنا مرت مدة طويلة على صدور حكم بالإفراغ ضد مكتري متماطل،لحد الآن المحامي لم يقم بتبليغ وتنفيذ الحكم.ما العمل؟
بدل المحامي
السلام عليكم استاد انا كارية دار هادي 12سنة مولاها توفى ورتاتها بنتو جات فحقها اعندها ولد بغات تزوجو دعاتنا نخرجو للاحتياج حكمات لمحكمة في ظرف سنة المحامية قالتلي معنديش حق فالتعويض مع العلم فالاول كانت كتقولي خاص يعوضوكم عاد تخرجو اقالت ليا يكمل شهر مني توصلتو بالتبليغ قالتلي بغيتي مهلة خاص دير استئناف باش تاخدي وقت جاوبني عافاك شنو ندير قبل ميكمل الشهر 8/9وشكرا
وعليكم السلام، عندك تعويض ديال سنة ديال الكراء زائد مصاريف الرحيل ، فقومي بالاستئناف وحتى فاش اصدر الحكم دالاستئناف إمكن ليك ديري طلب استعطاف من المحكمة إمددوا الاجل قبل من افراغك علاشما تلقاي سكن اخر
الله اكون معاك سيدتي
@@Appartementmekneskamilia حفظك الله ورعاك استادي الكريم ان شاءالله يدير لي فيها الخير
@@basmatibasmati5130سيري اختي متاخدي من عندها حتى تعويض راه والله ميخرجو ليك طريفة بالتجربة راه والله ميسهل عليك الله
السلام؛ أنا متزوج و عندي ثلاث أبناء و أقطن بالديار الكندية، و عندي منزل مكتري و قد ثم الحكم بالافراغ للاحتياج بالابتدائية و الاستئنافية و ثم مؤخراً الافراغ لأنني في احتياج تام لمنزلي في العطل بالمغرب . و اليوم أتفاجأ بمراسلة عن طلب التعويض الذي توصلت به أمي. ما هي المسطرة المتبعة؟ شكراً
كن طلبو من كل مسؤول يتدخل
يعتقلو هاد نصب
هدشي زد على حدو
صحيح
سلام عليكم أخي حنا تعرضنا ل أفراغ بلقوا
نصاب ديال عقر لا حنا فقنا
دولين لأرض و لفيرما إقليم صفرو
الله يجازيك بالخير اخي انا عندي اصل تجاري فمحل كان كاريه الوالد الله يرحمو عند شي ناس وبدلت النشاط التجاري مع للعلم العقد مافيهش نوعية النشاط واش عندي الخق نغير النشاط بدون موافقتهم مع العلم كيطالبو بمبلغ خيالي باش يعطيوني الموافقة
عندك اخي بدون موافقتهم لان العقد لم ينص على نوعية النشاط كما اشرتم
المشكل فين غادي اقدر ادوزو ليك هو الى غيرتي بزاف في صورة المحل حتى يناسب النشاط الجديد، يعني طيحتي شي حيط ولا شي حاجة بحال هكا المهم غير النشاط ؤالى درتي شي اصلاحات في المحل تكون خفيفة ، بغيتي دير اصلاح كبير احرص طلب الموافقة ؤمتكتفيش بمصيدة القول ديال اقولوا ليك فهمهم اوكي سير صلح كيما بغيتي، رد البال
بالتوفيق
شكرا على المعلومات،
سؤال لك اخي، ممكن اطلب المكتري من المكري بتخفيض ثمن الكراء عن طريق المحكمة ؟؟؟
ممكن الى كان عندو السبب لي حددوا القانون 03 07 ديال مرجعة ثمن الكراء ولي قال فيه بلي عندو الحق بطلب تخفيض السومة الكرئية الى طرات شي ظروف لي اثرات على استعمال المحل للغرض لي تكرى لاجله.
العفو بالتوفيق اخي
نستي اسي الاستاد بلي إلى غلق المحال التجاري سنتين يخرج بلا تعويض ؟؟؟
ذكرتها داخلة في الاهمال والتسبب في الضرر سواء بالنسبة لسكن او محل تجاري . المدة لي ذكرتي خاصة بالاصل التجاري لي كيموت ليه وبالتالي لايعوض على الاصل التجاري لكنه يعوض على باقي الاضرار اذا لم يتسبب هو في اي ضرر لشكل المحل وكان ملتزما بالاداء. شكرا لك
تكلموا على لشرى الدار بنية اتسلمها بعد 6 اشهر والان مرت 3 سنوات ولا زلنا ننتظر واش هذا الشخص غيقدر يخلص الكراء او يخوي الدار لا تتكلموا على المرض دون العلاج وسير عاودلهوم
سلام عليكم خويا ممكن استشارة عفاك
السلام عليكم ورحمة الله وبركاته
استاد الله يخليك انا كاري محل تجاري وسيد لكري ليه دخل العداد ديال الماء بدون موافقتي هل يمكن تنفيذ مسطرة الافراغ في حقه
سول محامي
الى عند عقد كراء غيدخل الماء والكهرباء على ما اضن!
انا سبعة سنوات في المحكمة كاري محل تجاري ومولاه بغا اخرجني وخا كنخلص وبغا اخرجني بدون تعويض وقلت ليه فالاول راه الا متحورنا راه مغديش تخرجني محدي كنخلص من بعد سبع سنوات كلسنا للطبلة قال لي غنبيع قلت ليه مرحبا شحال كطلب قال لي 30 وقال انت قلتو 17 ضبرت ليه على شاري مشينا على نوطير قال لينا كون واحد امشي اخلص ضريبة لي عليه قال لي انا نشطب على الضريبة ونفسخ ماء والضوء وكان عندو مبلغ ديال المال ملي ديت ليه ما يثبت انني خلصت ضربتي وشطبت على اصل تجاري عطاني داكشي لي بقا عندو ومنصح شي حد امشي عند المحامي من الاحسن اتفاهم مع بعضيتهم والله ولي التوفيق
نفس الشيء درت حتى انا، كان عندي محل كريتو لشخص مامشيت للمحكمة لا والو، مشيت عند الشخص وقالت ليه شري مني قال لي معنديش قالت ليه غادي نقص ليك عشرة دالمليون سير دبر في الفلوس واجي عندك ثلاث شهور، من بعد ثلاث شهور ضبر على الفلوس جاء وقضينا الغراض ونبينا عليه السلام.
فالي لقى اتفهم هذاك هو احسن حل.
شكرا اخي الكريم على مشاركتك لهذا التجريبة ديالك تعليق يستحق التقدير
فنضرك أنت هاد الفلوس لي خديتي واش حلال ولا حرام مغاديش تفرح بهم جارنا كان كاري ݣراج مدة طويلة ملي بغا يخرجو مولاه طلبلو 20 مليون مسكين مشا ضبر عليها وعطاهالو مادازتش 3 اشهر حتى خرج ولدو لزنقة وهي تجمعو طموبيل توفى فبلاصتو مشا جاب ديك 20 مليون ودخل على مول المحل لجامع كيبكييي وكيطلب السماحة ورجعلو فلوسو هاديك كنتسمى شفارة غير مباشرة السيد دار فيك خير وعطاك فين تخدم على ولادك وانت خديتيلو المحل ديالو عمرو ماينساه فين مايدوز يدعي فيك
@@bibiyami القانون هو الذي اعطاني الحق المحال كان مشري 12 المليون وعطيتو فالكراء 24 مليون وعتيط للضرائب 5 ملايين وباعو ب 30 هي 54 مليون لي دا هو اللهم بارك
@@bibiyami الخير ديرو فراسك هو اياه انا مالو كيصدق عليا تا اش هاد الافكار ولا نابعة من الحسد
@@Appartementmekneskamilia في الصميم
عدنا دار فمدينة كرينها وحنا كرينا دار فمدينة أخرى بحكم خدما دبا رجلي خرج تقاعد وبغنا رجعوا لدرنا والكري مبغاش يخرج هدي عام وحنا صبرين معاه ومزال مخرج حاليا دفعنا دعوى إفراغ شحال لمدة تستغل باش يخرج
واش ارسلتو ليه اشعار بالافراغ. المهم الاجراء القانوني لي كيدار في الحالة ديالكم هو ترسلوا ليه اشعار بالافراغ وتعطيوه اجل ديال شهرين مابغاش اخر
كتمشيو ديرو تصحيح الاشعار بالافراغ في المحكمة وبالنسبة للتعويض فكيكون هو سنة ديال الكراء زائد مصاريف الرحيل
هدشي كياخد مدة حسب المحكمة وحسب الاثباتات ديالكم بلي معندكم حتى سكن اخر من غير هذا
اه صيفطنلوا إشعار . ودرنا وثيقة من دار ضريبة بلي معنا حتى ملك و 12 شهد ودفعنها للمحامي مع ضوسي
@@Appartementmekneskamiliachokran 3la ma3lomat
كاينة حالة الافراغ للهدم الكلي او الجزئي إذا كانت البناية السكنية ايلة للسقوط الديور القدام كيطيحوا
كاينة ؤكدار من طرف القايد يعني الداخلية بشكل مباشر استعجالي بدون محكمة ولاهم يحزنون.
او عن طرق ان مول الكراء ارفع دعوة للمحكمة بلي البناية السكنية ديالوا بغات طيح، ولكن كيخصوا اتبث الامر ويشوف مهندس واخصر فلوس وإدير شكايات متعددة وتخرج لجنة للمعاينة ثم غادي تحكم ليه المحكمة بالافراغ
هذا الافراغ لي اقدر اكون مؤقت، حيث المُكري الى صلح البناية او اعاد بنائها، المكتري عندو الحق هو الاول ارجع للكراء ديالو الى مازال باغيه.
ثغرة اخرى كاينة فيها المكتري كيرفع عليه دعوة ديال الضرر وديال المطالبة بالاصلاح وكيعرقل الامور وكتحكم المحكمة بالاصلاح هو الاول
ورحنا شنا بنايات في كازا مؤخرا في الحي المحمدي والمدينة القديمة، الكرايا بقاو فيهم حتى طاحوا ؤمقدر حتى واحد اخرجهم المهم هذا الطريق فيها شوية ديال المشاكيل
شكرا على الاضافة تحياتي
في حالة علموني بفسخ العقد تلفونيا واستفادوا استفادوا من شهر التصبيق وا تركوا المنزل فارغا ولم يسلم لي المفاتيح ولم يوأدوا الكراء مند شهور.والعنوان العمل الدي كانوا يشتغلون فيه assurance دهبوا ليشتغلون في شغل آخر وليس لي العنوان لا لا شغل او المسكن فكيف ابلغهم بالمفوض القضاءي
عملت محامي
اخدت المفاتيح من واحد منهم بحضور ابنتي بي لوغة في المستوى و احترامي وبالأدب . دخلنا الشقة بعد تلات اسابع ووجدتها في حالة لا يرتاح لها.واني الأن اقوم بإصلاحها .règlement à l'amiable mieux qu'un procès.تنثحني بمحامي انا حل اسهل واعرفه
سلام عليكم اخويا عفاك انا عندي شقة وكاريها وبغيت نبيعها محتاجة لفلوسها ولكن الكاري مابغاش يخرج لي ولكن عندي سكن ثاني ساكنة فيه شنو المعمول معه
وعليكم السلام، للاسف الى كان المكتري ملتزم بالاداء وماخترق حتى قاعدة قانونية يصعب اخراجه إلى معندكومش سبب مقنع للمحكمة والدعوة غادي طول بزاف ؤتقدرو تخصروها.. كان عندي نفس المشكل الحل لي لقيت هو انني تفاهمت مع الكاري ؤ شجعتو إشري من عندي بعدما نقصت ليه في الثمن. . حيث كنت محتاج للفلوس ؤ حتى مبغيتش ضميري إ إنبني نخرج شخص ملتزم هو وعائلتو للشارع بطرق فيها استغلال لثغرات قانونية
سلام عليكم هل صحيح ان عملية الافراغ لا تكون في شهر رمضان ؟ شكرا جزيلا
وعليكم السلام، لم نقف على نص قانوني بذلك، ولكن بعض القضاة أجلوه لبعد رمضان في العديد من الحالات
بالتوفيق
السلام عليكم ممكن رقمكم لاتصال بكم وشكرا
كنكري محل تجاري مؤخرا قام بتغيير باب المحل الحديدي ووضع اخر المنيوم وقام بفتح فتحة في السقف ووضع الزليج في الجوانب دون اذني ولا رخصة هل ما قام به يردي للافراغ
يجب مراجعة العقد هل اعطيته الحق في تهيء المحل لخدمة المهنة او التجارة التي يقوم بها .
إذا كان ماقام به يضر المحل فالامر يستوجب طلب الافراغ على اي إذا لم يعجبك ما قام به اطلب منه اعادة المحل للحالة التي كان عليها
دعوة طرد محتل
كريت الدار أمقها 5 سنوات لواحد السيدة بلا شي عقد أدبا بغتها تخرج هي مبغاتش طلبات الاتعويض ديال 4 مليون واش كاين شي حال
للاسف لا، خاصك تعطيها التعويض الى كانت كتستحقوا
لاش غيعطيوها التعويض لاتستحقه .
اش من تعويض واش من السبب واش هادشي قانوني والا غير كاتقدرو ؟؟؟
السلام عليكم استاذ الكراء محل التجاري بدون العقد وش كيقول القانون وشكرا
وعليكم السلام، الكراء بعقد إجباري بمعنى اي مشكل يصدر بعد ذلك سيرجع اولا لإثبات العلاقة الكرائية، في حالة طلب شهادة معينة، في حالة عدم الاداء في حالة اي ضرر للمحل في حالة طلب الافراغ في حالة الاستلاء والاحتلال في حالة التلبس... اي مشكل وقع ستطالب فيه بعقد الكراء واذا لم تتوفر عليه ستدخل في دهليز اثبات العلاقة الموجودة بين المكتري والمكري. فالعقد هو الضمان الذي يحفظ للطرفين حقوقهما.
وللاشارة حاليا لايوجد اي عقوبة للكراء بدون عقد والاغلبية التي تلجأ لهذا التصرف تريد اما الا تلتزم بعقد مع شخص يستوطن المحل او السكن المكترى فهي تفكر في كراء قصير المدى. او تريد التهرب من الضرائب بصريح العبارة .. طبعا هناك اسباب اخرى لكن الغالبية هكذا تفكر. بالتوفيق
@@Appartementmekneskamilia شكرا جزيلا لك استاذ
التواصيل يعني ريسيبو يقوم مقام العقذ
الفديو ماكملتيهش كراء من الباطن واغلاق المحل سنتين فقد الزبناء .؟؟؟
الاولى ذكرناها سيدي فاش تحدثنا على الافراغ بدون تعويض والثانية داخلة كذلك في اهمال المحل
فقط للاشارة اغلاق المحل سنتين وفقدان الزبناء هاته تفقد المكتري الاقدمية في السجل التجاري او السجل التجاري نفسه الذي يتكون، ولا تلزمه بالافراغ إذا لم يعرض المحل لاي ضرر وكان ملتزم باداء الواجب الشهري
شكرا على التعقيب سيدي
سلام اخي كريت محل تجاري بالعقد ودكرين فيه السومة الكراءية من بعد تيخلص مدة 3 اشهر ودابا قلينا السومة الكراءية بزاف عليه وبغا التخفيض .
وعليكم السلام، قانونيا معندوش الحق إطالبكم بتخفيض السومة الكرائية الا إلى طرات شي حاجة اثرت فعلا على المحل ولا وقعت شي ازمة اقتصادية ولا شي حرب
في كورونا ؤ ايام الاغلاق وحتى واحد ماخفض من السومة الكرائية، لي كان هو تعاون بسيط وتنازل عن قسط بسيط من مبلغ الكراء خلال ثلاث شهور او ربعة لي كانت ديال الاغلاق والركود، الاغلبية خلصات مئة بالمئة
المهم قانونيا كما قلت طلبو غير مقبول
انسانيا او اخلاقيا الى بغيتو تعملوا معاه في واحد المدة تعطيوها ليه شفاهيا فقط بدون اي اتفاق مكتوب يعني مثلا تقوليه غادي نتعاونوا معاك واحد ثلاث شهور بقى تخلص غا كدا وكدا مورها انرجعوا للواجب الاصلي
ولكن في الاول والاخير كتبقى عاود حسب رؤيتكم انتم للامور فالى كنتوا محتاجين للكراء ؤ مكاينش كاري او كاينة صعوبة في ايجاد كاري بالثمن لي بغيتوا تقدرو تنازلوا وتعدلوا العقد من جديد المهم الامر متروك لكم وليس له.
بالتوفيق
شكرا اخي على الجواب ليجزيك بخير السومة الكراءية هي 9500 درهم نقصتلو 1000 درهم معجبوش الحال هو بغا الكراء 6000 درهم محل تجار ي كبير دار فيه مقهى وقالي غنجيب الخبير واش هد المحل يستاهل 9500.00 من بعد قالي غنبيع فو كومغس هو ياالله 4 أشهر فيه مني قالي هدي رجعت فكلامي وقتلوا غتخلصني داكشي لكين فالعقد مغنقص والو ودابا ممخلص شهر 5.حتا انا مكلتلو والو حتى نشوف اش غيدير..
@khadijamechtal3992
هذا حمق صافي متبقاوش تهدرو معاه شوفوا مفوض قضائي صيفطوه ليه مع انذار بالمطالبة بالاداء وعطيوه في الانذار 15 يوم للاداء، إلى مستجابش غادي تديو ذاك الانذار للمحكمة ديركت وطالبوه بالافراغ
ولكن انا متأكد غا صفطوا ليه مفوض قضائي غادي اجي كيجري اخلص حيث الى فات الاجل ؤماخلصش حكم على راسو بالافراغ وغادي ازيد اخلص لكم تعويض من الفوق
متنسايش تشدي وتحتفظي بالمحضر لي غادي ادير المفوض القضائي
شكرا اخي ليجزيك بخير
خويا لله احفدك انا كريت لواحد شخص دارت معاه كونطرا ولاكن جاب ليا ناس خرا لساكنا تماك شي 5ديال ناس هداك سيد مرا فشهر لكايجي واش عندي لحق نخرج هاد ناس لساكنين تماك حيت فلكنطرا غير هو ليعاندي غيسكن شنو غندير لله احفدك؟ ولكن كيخالصني ديما فشهر
هادي سياسة كاتديرها الدولة برعاية شركة الضحى باش تبيع شققها للناس بالربا
الافراغ حق
اناكاري منذ 50
تبارك الله🌹 ممكن تحكي لينا على هذا التجربة من حيث تعاملك مع مول الكراء ؤكيفاش دوزتي هذا المدة كاملة ؤ واش ندمان على شي حاجة، مثلا كاين ناس حاليا كلجؤ للقروض الربوية حيث كيعتبروها احسن من الكراء اشنو رأيك.
سلام دكتور عندي سؤال اب ديالي كاري ناض سيد لي كاري لينا دار لينا افراغ بداعي احتياج مع علم اننا كنخلصو في الوقت وعندنا كلشي قانوني وفاش كنقولو ليه عوضنا على ضرر مابغاش قال لينا غادي تخرجوا بلا تعويض واش كاين شي حل عفاك ؟
الى محتاج محالو ماعندك ماديري
@@yassineelkhadime6398 ولكن اخويا حنا متضررين هو عندو ديور خراين وام ديالو كانت ساكنة عندو
وعليكم السلام، ماتخرجوش خليه استمر في الدعوة ديالو مادام مابغاش اعوضكم بشكل حبي.
المحكمة غادي تنظر في السبب ديالو ؤدير التحققات ديالها الى لقات فعلا كاينة اسباب احتياج غادي تحكم بالافراغ ؤ بالتعويض ديالكم ديال اعطيكم سنة كاملة كراء حسب تقدير القاضي للسومة الكرائية، زائد مصاريف الرحيل. زائد الافراغ مغاديش اكون مزروب وانما غادي تعطيكم المحكمة مهلة شهرين لي ممكن طلبوا ازيد القاضي اوسع فيها علاشما تلقاو ما احسن ان شاء الله.
بالتوفيق
انا سمعت بان تعويض كيكون سنة كرائية ولكن بنفس مبلغ لي كنا كارين بيه يعني كنا كارين بالف درهم مجموع ديال سنة كاملة 12000 درهم هل صحيح ام يكون تعويض أكثر حسب غلاء كراء ماهيك عن مصاريف تسبيق انتظر ردك رجاءا استاذ@@Appartementmekneskamilia
نعم اقدر افوق ذاك المبلغ لان 1000 درهم ديال عشر سنين ماشي هي ديال دبا، ؤ بالنسبة للتسبيق هذاك غايخصوا اردو لكم بصح خاصوا اكون مكتوب في العقد.
السلام عليكم الستاذ انا كري عند واحد سيد مقيم بإطاليا ب 1000درهم سنة 2016 كلا مرة يطلب االزيادة حتى وصلت 1300درهم ودبا دزت سنتين اوطلب زيادة 200 درهم ولا إفراغ مع كونطرة تسلات عام هد واش الى مشيت معه القضاء ضروري ندير محامي بغيت الإجابة اوستاذ الله إسهل عليك
السلام عليكم شكرا على كل التوضيحات ولي سؤال كريت دار من اجل استغلالها حضانة لكن المكتري غير هذا النشاط الى محل حلاقة وغير مسجل في الضريبة وكيدعي انه خسر 10ملاين سنتيم في المدة التي اكتراها اشحال نعوض ليه لاني احتجت هذه الدار للسكن لان ليس لي غيرها وانا بنفسي كنت كاري دار في نفس المدينة ووعدت صاحبها بالافراغ دون طلب تعويض اذا باعها ولكم جزيل الشكر
وعليكم السلام الى كانت مكتوبة في العقد حضانة وغيرها ماغادي اتعوض والو ومن حقك طالبو بالافراغ لانه غير النشاط زائد انتم محتاجين لذلك السكن فعندك زوج اسباب هنا الموجبة للمصادقة على الافراغ.
جزاك الله خير الوالدة تقطن في جماعة قروية ملك خاص بها و عندها شقة في المدينة التي اقطن فيها و هي سيدة مسنة و بها أمراض مزمنة تستلزم زيارة الطبيب و حالات مستعجلة و طبعاً تسكن لوحدها بدون مرافق لها. هل مسطرة الاحتياج هي الحل بدون تعويض لان المكتري طلب منها مبلغ للإفراغ بعد إعلامِه شفاهياً بالافراغ قبل شهرين وشكراً
استاذ حياك الله اخي الكريم انا كاري لواحدة المرأة مابغاش تخرج حكمت لي المحكمة بالافراغ مازال ماخرجت
حياك الله اخي الفاضل، خاصك دير تنفيذ الافراغ، سير للمحكمة جيب نسخة التنفيذ زائد وثيقة عدم الاستئناف وشوف مفوض قضائي انفذ ليك الحكم.
السلام عليكم نحن نكتري شقة في منزل منذ 1966 (ونفس الحالة جيراننا وعددهم 5)توفى الوالد وبقات فيه الوالدة نؤدي السومة الكرائية باع صاحب الملك المنزل وطالبنا المالك الجديد بالأفراغ هل من حقنا المطالبة بالتعويض مع العلم ان المالك الجديد هدفه هدم العقار وبناء عقار وبيع الشقق بحكم العقار يوجد بحي راق في البيصاء. المرجو الجواب الله يجازيك بالخير ولك اجر 6عائلات مهددة بالافراغ
الامر مؤسف ، كان الله معكم، المهم ان غادي نقوليك اشنو كاين في القانون بصفة عامة في سؤالك:
القانون قالك انه من الاسباب لي كتستوجب الافراغ هي هدم المحل المكترى واعادة البناء
ولكن خاص هذا المالك الجديد املك البناء منذ 18 شهر على الاقل قبل مايطالبكم بالافراغ
القانون عطاكم الحق ديال الاسبقية الى بغتو ترجعوا للمحل بعد اعادة بنائه وطبعا الخبرة لي غادي تدار هي لي غادي تحدد الثمن الجديد ديال الكراء ، هذا الثمن لي غادي إكون شوية زايد مقارنة بالثمن القديم باش كنتو كاريين.. وللاسف الاغلبية ماكيرجعوش حيث مكيقدروش على ثمن الكراء الجديد خصوصا في بناء جديد. المهم وخا ابغي ابيع المالك نتوما عندكم الاسبقية
نجيو للتعويض فالتعويض لي قال به القانون وخا الناس كيطالبوا بكثر وكيخلعوا مول الملك بالفوضى والهراج ولكن لي كاين ؤثابت في القانون هو تعويض ديال عام ديال الكراء زائد مصاريف ديال الرحيل
هدشي لي كاين
كنتمنى لكم التوفيق والله اوقف معكم
وش شويا انتوما عندكم شي عقل حق ديال ديال ناس كبقى ديال ناس شوفي شرع الله ماشي القانون متتحشموش تطلبو تعويض في حق ناس يعني بحال انتي ولا انتم او اي واحد كاري كان كاري فابور غير تتجمعو فلوس عند صاحب الملك وراكم بغين تورتو سيد في ملك صحه اويلي مكتخافوش من الله
سلام عليكم حنا عندنا 5:30 وحد السيدة كرات عندنا دابا عام و خمسة اشهر خلصت ثمانية اشهر دفعنا دعوى حكمت عليها المحكمة بالاداء و الافراغ و لم تضع اي مبلغ في الصندوق و ملي وصل وقت باش يوصل منذوب ورقة الاكراه البدني لقينها استئنفت سؤال المطروح واش الحكم كيتغير في محكمة الاستئناف او كيبقى ثابت
تعاونو مع خوتكم المغاربة لي كاريين الله اكون فلعوان
صحيح جزاك الله كل خير لهاته الملاحظة
الله اسهل على الجميع ادير الملك ديالوا
اياه اومول دار شكون الي ايعاونو فنظرك ؟؟؟
السلام عليكم، تاخر علي المكتري ب 4 اشهر. هل اكتب في الانذار ( درهم 11.000 * 4 اشهر) فقط كما هو في العقد او ادخل في التفاصيل كما ينص عليه قانون الضرائب (2023). ( درهم 11.000 * 4 اشهر) ناقص الضريبة المحجوزة في المنبع (15%) تسدد لمصلحة المديرية العامة لي الضرائب علما ان المكتري كان دائما يقتطع الضريبة المحجوزة في المنبع و يسددها لمصلحة الضرائب. 44.000 ناقص 15% = 37.400 تسدد لي و 6600 تسدد لمصلحة الضرائب. سؤالي استاذي، ادخل في التفاصيل ام لا في الانذار؟
أستاذ الله يجازيك بخير انا كاريا بلا كنطرا ما بغاش يديرها معايا و كنخلص كل شهر و الما و الضو حتى هو .صيفطولي انذار فأجل 15 اليوم مع الأداء و الافراغ .قلتلو سير دعينا المحكمة حيت كنخلصو كلشي .وفاش دازت 15اليوم قطعو علينا الما و الضو دبا هادي سيمانة و نا بلا ضو بلا ما .ولادي صغار و مرضولي.حتى السطح سداتو باش مانجيبش منه الما و وصات الجيران باش ما يعطيونيش الما و الضو جبت المقدم هضر معاهم دورات معاه و مشا فحالو .اشنو جاصني ندير فهاد الحالة فين نمشي عفاك أستاذ جاوبني
سيري اختي كري فبلاصة أخرى
@@aminajanatiidrissi8400 عييت نقلب و الله مالقيت كلهم كيقولو حتى يدوز العيد
سولي محامي واحد وجوج لي قنعك حطي عندو الذوصي القانون كيقول ميمكنس نخليوا الكاري بلا ضوء هديك ساعة يعطيوك موافقة ذخل الماء.
اش درتي
سلام عليكم خويا حنا ورثة كاريين محل تجاري ماتيخلصنا حتى تان صيفطو ليه اندار على طريق المحامي دابا وصلنا عشرة الإدارات واش كاين شي حل الله جازيك بالف خير
وعليكم السلام، الى كنتوا دايرين في العقد بلي يجب على المكتري ان يحترم ويؤدي الواجب الشهري عند بداية كل شهر ففي حالة عدم التزامه غادي توجهو ليه انذار اول عن طريق موفض قضائي ديال احترام وقت الاداء وعدم التأخر. مبغاش احترم انذار ثاني ديال المطالبة بالافراغ تحث اجل ثلاثة اشهر من بعد غادي تمشيو للمحكمة للمصادقة على الافراغ.
اما الى العقد مامذكورش فيه وقت الاداء هنا كيما هو تيتلاعب بيكم حتى انتوما غادي تلعبوا به. متخلصوش عندو ثلاث شهور او ستة حتى تجمع عليه ؤمن بعد صيفطوا ليه انذار ديال الاداء في اجل خمسة عشر يوما. مخلصش. سيرو ديركت للمحكمة للمطالبة بالمصادقة على الافراغ. سرو هكاك
الله يجازيك بخير اخويا دايرين في العقد نهار واحد في الشهر خاصو خلصنا ولكن ماتاخلصناش حتى تان صيفطو ليه الاندار عن طريق المحامي