【18區搵食-食勻柴灣最出名4間餐廳】
HTML-код
- Опубликовано: 3 авг 2024
- 【18區搵食-食勻柴灣最出名4間餐廳】堅巨型魚柳包｜真係有前臂咁長｜魚柳仲長過麵包｜葱油生炸雞髀｜新鮮熱辣西多士｜新桂香燒臘｜全港最好食嘅叉燒？｜$50盒叉燒飯｜字典咁厚雪糕格仔餅｜麻糬奶茶飲過未？
只要上網搜尋柴灣美食，通常都會有幾間好標誌嘅餐廳出咗嚟，今集就同大家食勻4間柴灣最出名嘅食店，可謂上山下海，拍到身水身汗呀！
第一站澤記快餐飯店，以超巨型魚柳包聞名，餐牌上見唔到有魚柳包嘅選項，店員話直接落單嗌魚柳包就有～魚柳包一上枱，果然名符其實，真係超巨型，足足同前臂一樣長！魚柳仲長過麵包，犀利！就咁睇以為好乾，點知咬第一啖非常juicy，冇雪味，除咗係食到好狼狽，冇其他缺點！
第二站興華茶餐廳，就喺興華邨入面，真係要行上山先食到～馳名葱油生炸雞髀，可能冇配飯就咁食係鹹咗啲，建議大家叫葱油生炸雞髀飯，撈埋啲葱油送飯就啱啱好～另外西多士新鮮熱辣，比起平時食開，呢度牛油味重啲，好邪惡。
第三站新桂香燒臘，呢度嘅叉燒係全港最好食@@單單一盒叉燒飯都要$50，唔好食真係揼心口呀。不過叉燒真係好食，一盒飯有齊半肥瘦叉燒同瘦叉燒，個人覺得半肥瘦叉燒好食，帶點焦香同埋蜜汁，送飯冇得彈！
第四站係ＢＢ雞蛋仔，成本字典咁厚嘅雪糕格仔餅！雪糕真係超厚，不過因為天氣太熱融得超快，又係食到好狼狽……但格仔餅外脆內軟糯，經過買嚟打卡ok喎～
最後一站嚟到新開嘅手搖店濛茶茶，久違地拍超過4間食店，呢度居然有一款麻糬奶茶@@作為麻糬控嘅我點可以唔試呢！本身茶底係伯爵奶茶，麻糬軟呼呼，同奶茶完美融合，叫咗微甜，甜度剛剛好，比起珍珠同椰果，更愛麻糬順滑嘅口感^^
澤記快餐飯店
地址：柴灣吉勝街10號熟食市場
巨型魚柳包 $32
興華茶餐廳
地址：柴灣興華邨二期和興樓203-204室
葱油生炸雞髀 $29
西多士 $18
新桂香燒臘
柴灣柴灣道345號金源洋樓地下17號
叉燒飯 $50
ＢＢ雞蛋仔
地址：柴灣柴灣道350號樂軒臺地下413號鋪
綠茶雪糕格仔餅 $24
濛茶茶
地址：柴灣柴灣道365號漁灣邨漁豐樓地下5號鋪
麻麻茶茶 $25
主持、撰文：Yvonne Lam
攝影、剪接：Doris Wong
美術：Anita Lam
TalkFood 先填飽肚子再前進：
RUclips : / talkfood
Facebook : / talkfood
Instagram : talkfood?igshid...
延伸閱讀：
【18區搵食-全港最後一間「扒王之王」＋豬柳蛋雞蛋仔？】
• 【18區搵食-全港最後一間「扒王之王」＋豬柳...
【18區搵食-銅鑼灣4間人氣刨冰店，邊間最好食？】
• 【18區搵食-銅鑼灣4間人氣刨冰店，邊間最好...
【18區搵食-太子搵食遇到史力加綠色「鬼口水」】
• 【18區搵食-太子搵食遇到史力加綠色「鬼口水... 
Развлечения
![NoCap - Maliboo [Official Music Video]](http://i.ytimg.com/vi/FUV7E0QyniU/mqdefault.jpg)
桂香只係睇你彩數，好彩食到靚位嘅就好食（又或者你識揀or 佢心情好幫你㨂），如果唔係就唔值，附近其他燒味店平得嚟味道唔會差過佢。
佢隔離嗰間，好食好多
有鏡頭咪好食
謝謝你的介紹，非常非常佩服你嘅食力👍🏻👍🏻👍🏻
澤記普通料嚟啫，去得果頭不如食咖喱魷魚麵仲好
興華希望新接手會搞得越來越好啦
新桂香真係講彩數，半肥瘦=任佢俾，瘦叉鞋口咬唔開
BB雞蛋仔唔識評，雞蛋仔同夾餅自己覺得北角好食啲，但夾餅加雪糕唔係間間都有
奶茶店自己幫襯過一次唔太啱口味，喜歡茶味重奶少嘅可以一試
真正柴灣友其實仲有好多選擇
BB雞蛋仔好食，佢格仔餅超好食，仲有好多口味，正
新桂香唔係唔好食, 但唔值咁貴, 成舊水半斤
雪糕格仔餅好吸引
我係柴灣街坊，我會食新桂香，雖然唔係話經常食，但唔好話柴灣街坊一定唔食，但買飯盒嘅叉燒真係麻麻地，斬料會好食D
飯盒一定俾下欄部位
識食一定係斬料，仲要係半肥瘦&爽叉。
思九宀N8～ 和
，現任
Yvonne 加油💪🏻💪🏻💪🏻
YY:下次有機會介紹下三餸飯😄🙏🙏🙏
20$奶茶抵飲!!搵日去試先!!
我本人的親身經歷：大約兩個月前專程往柴灣新桂香買义燒, 二百多元1斤, 要求要較瘦肉質較林的, 但師傅快手快腳切好肥的一塊給我, 我很是生氣, 不再光顧！
柴灣街坊表示 唔會食新x香～
Why???
咁行前幾個鋪的大方燒臘呢？我見有叔叔會堂碟頭飯
新桂香斬料好貴，住柴灣都少吃，叉燒都是正常，有其他選擇。
最尾間茶店，我覺得伯爵奶茶味好怪，中伏😂
商場間功夫茶好飲好多
柴灣大
更係食澤記隔離2個舖' 合興嬤姐麵,/咖哩鱿魚麵
仲有興華邨二期興華茶餐廳👍😋
朝頭早開嗰間車仔撈麵把鬼，完全冇特別，啲汁都係普通豉油汁
食完今集 。 應該爆晒標 == 》熱量
每次有youtuber 介紹新桂香，總有不知名的人出來代表10萬柴灣街坊說柴灣人不會吃，難道新桂香每天的叉燒都是外區人來買哂？
咁新桂香都應該自己檢討吓，如果唔係間鋪點會越搬越細
我就係住柴灣都唔去買，新桂香門口長期停泊違泊車輛，唔係外區人唔通住柴灣揸車去買咩！？
我都搬咗去柴灣23年, 問人有咩好食, 真係未有人會向我推薦過新桂香, 只係回應叫我咪撚去, 因為都說....."柴灣街坊說柴灣人不會吃".
飯盒菜都無條，食水深。
YY:個魚柳包抵食過M記,一定要搭來試下😁🙏
有邊間唔抵過金貢門😆
只能食包唔好叫其他嘢，加幾蚊叫多杯嘢飲都不過不失嘅
係幾好食，不過名大於實，太興义燒好食過佢啦
澤記係幾正既😂
點解唔講埋魚肉咬落去嘅口感呢?
呢樣嘢都好重要
舊時桂香真係好食啦 新桂香就算吧啦去大家樂食都無咁嬲
Y小篇好似韓星金智恩😂
佢隔離嗰間燒臘D叉燒重好食過佢…..新桂香上次入一入去買咗D普通野都要五百幾…見你唔係街坊會sale你買貴啲嘢😅
唔好講笑，我係興華二邨住咗四十幾年，興華餐廳D嘢好一般，不過價錢係比較平
新桂香叉燒……正，好食。
高威閣個間豬排大王都好食的(10年前), 搬走左之後無食過唔知水準KEEP 唔KEEP到了
現在把鬼
十幾年前响柴灣返工，自己又住開柴灣，有次公司做牙，想幫啲同事謀求福利，早啲去新桂香買燒肉同雞返公司拜神，都買咗 $200-300蚊以上， 兩條骨、一隻雞拜完神，同事煮個飯同菜就係伙記福食啦！我搭單買份半肥瘦叉燒返嚟，諗住放工响屋企做餸，點知佢話30蚊，平時我買唔起， 十幾年前喎 ! 佢唔會賣，30蚊只得拳頭掌心咁多，又唔畀我揀，肥多肉少。
真係要我豬油撈飯咩？
平時買佢哋啲飯盒真係，差唔多五十蚊起跳。
如果真係想虐待自己，或者錢多，就睇佢哋面色啦 !
美食當前，就委屈下自己啦 !
又或者我五行欠打、樣衰啦！所以先至有呢種待遇。
被迫花錢，去買佢嘅下攔食品清貨。
新、舊桂香，我由出世，就住柴灣到依家，四十幾年，佢哋都係一街之隔啫。
我由以前嘅宏德居，食到金源樓，佢哋以前係用紙飯盒鋁質內幕，每日都要摺疊。
燒豬、乳豬响馬路邊燒。食到佢老細唔做，佢哋先至後來再開。
佢哋依家嘅氣燄，有時真係無人能及，隨時跳掣。
真係唔知有幾多個人受過佢哋嘅氣。
就連啲姐姐都一樣冇禮貌。
佢哋有禮貌，可能係你哋經常幫襯啩？或者自尊心較低？抵抗力強？畀人鬧當講笑。
我通常唔會再自己親自幫襯，除非我老公買。
要俾錢受氣我做唔到。
都唔建議堂食。
最好揀自己想要嘅嘢買走，望清楚佢會唔會掉包加料，湊夠數量。
佢唔係難食，價錢唔平，就係格衰。
有啲媒體都講過，或者街坊食後感，都會覺得有啲離譜。
你哋就著情去了解啦 !
10 年前 30蚊都俾唔起
師兄你返工最低工資😅？
中伏，麻麻茶茶啲麻薯口感好難頂，好似食緊鼻涕咁樣😢
新挂香買左盒燒排骨飯。X到收唔到聲。幾乎全骨咬唔到一舊肉。同以前差好遠又貴。無下次。叉燒其實都係一般較上一點。性價比唔高。
新桂香真係超好食😋
大魚柳大多是越南Seabassa，Cheap野，同唔健康
試咗嗰隻雞髀把鬼，喊到死，山長水遠唔使去，求其一間茶餐廳都好食過佢
我喺柴灣
She sounds to me she speaks cantonese with a foreign accent.
有一次買一盒雞鴨飯 基本上全部都係骨 左搭右搭 以後都不幫襯
唔係喎，我專登落去買义燒，好好食喎！,
7/8拾年代是怎样的1.
新桂香的燒味不算最好食，不少人慕名而來，都失望而回。
其實新桂香街頭的大方燒臘好食過佢，燒肉有肉味，燒味好吃好多，價錢平很多，有機會試下啦。
曚茶茶難飲到 飲兩啖已經頂唔住
點解左邊眼大過右邊
啲阿伯阿婆好有錢 成日圍住間新貴香
可能其實係圍住佢隔離間西醫診所，8:30開診，7點前幫家人排隊已有好多公公婆婆在排緊，好彩去得早
主持懶音嚴重,聽得很辛苦
介紹人去澤記
唔該介紹清楚
次次見D生面口一兩個人就霸大枱
又唔比人搭抬又唔想人等佢位
位已經唔係多
有幾次明明睇住係人地坐低先
有D友衰到同伙計講
叫人地坐開讓佢地先
坐低又嫌棄D野污糟又無冷氣
有時仲要被逼同佢地搭枱坐
叫D友無耐性勿排勿去
淨係見到興華大大隻加油字就唔會去食，黄店。
😂宜家邊度仲有20-30蚊燒味飯啊 平均都40-50 食個老麥都唔止呢個數字
40蚊系加埋野飲姐🤔
土瓜灣有廾蚊义燒飯，不過質素麻麻
50值唔值🤔
太貴了😅😅😅
新桂香用新鮮豬肉，其實唔算貴。
唔介意新鮮豬定冰豬，或者根本食唔出分別嘅人當然就另計。
原本都想知柴灣有咩美食, 都試吓.... 講到新桂香幾好.... 笑咗.... 信一成都死啦.... 柴灣美食...
白飯差
龍脷柳把鬼, 最唔鍾意食佢陣味.
主持話間矇查查mix埋落去另一間舖頭, 真係香港人先明
it sounds like she oversold every dish.
50蚊
真係傻左，唔值
新貴香都叫好食，D叉燒又黑又硬，被你D傳媒吹大咗，真係呃鬼食豆腐啦🤭🤭🤭🤭🤭
一次過食四間，會變肥妹仔
澤記…. 去到門口已經唔想食…太污糟了
先唔評論新桂香好唔好食，一心買出名叉燒外賣回家一開，佔咗大半盒係純肥膏，透明果隻，真仆街！此生不再幫襯🖕
新桂香啲野好撚贵，品质一般。50蚊义烧得几片，白反15蚊，冇下次🖕🖕🖕
主持好似肥左
我都覺
扮哂口細，同真人一樣咁扮野
又介紹垃圾新桂香？都唔明有咩好介紹
主持唔掂！