يا بنات الجزاير - طمينة + شطيطحة دجاج😋 بنتها مختلفة ، اكثر من رائعة / السبوع للمولود الجديد
HTML-код
- Опубликовано: 3 янв 2021
- للمزيد من الوصفات
-------------------------------------------------------
موقعنا:
www.samiratv.dz
اشتركوا في القناة الرسمية لـ samiratv على اليوتيوب
/ samiratvoff...
تابعونا علي صفحتنا الرسمية علي الفيس بوك
/ samiratv.food
تابعونا علي صفحتنا الرسمية علي انستغرام
/ samirachainetv
و الله غير رانا نسافرو في الزمن .تفكرت يامات زمان كي ماكانش التلفون و الانترنت نعمة و حلاوة لمعيشة و الطياب والكلمات لي كنا نقولوهم نقرضو .يعطيكم الصحة
لله يبارك ربي يحفضكم
يا ريت يا غازية ديري قناة ديالك خاصة بهذا النوع تاع الطبخ للمبتدئين ياريت
مكانش هنا وحدة قلبها أبيض و حنين ❤️ شافت تعليقي و فرحتني بأبوني💖 الله يجعل أيامها كلها فرح و سعادة ❤️ و يفتح عليك ربي بيبان الرزق❤️ ويعطيك أي حاجة متمنيتها في قلبك ❤️❤️❤️🌹
Je n'ai pas vue votre commentaire je suis désolé pour le retard mais je viens de m'abonner khti belbaraka et merci pour vos prières 😉💖☺️
Doca Narbonne 3andek koul wallah ghir tobone 3andi
هبلت عليكم جامي تبعت سميرة ولكن الحصة هاذي مهبلتني ياريت متحبسش😘😘😘😘😍😍😍😍برافوووو
انا تاااان 🥰🥰
Moi aussi
وقتاش يديروها
هدي وينتا
انا يعجبوني بزاف ويضحكوني خاصة يامنة
حتى انا مازالني نحب الطمينة غير بالقرفة... ومانحبش لي فيها حلوة الترك....... الطمينة حلاوتها فالقرفة ويلا زادت عليها راح بنتها
كل وحدة شافت تعليقي ودخلت عندي ودعمني ربي يرزقك برنوس الستر ويعمر حجرك فالحلال ربي يرزقك بالشي لي راكي متمنياتو في قلبك ويرزقك فرحة عمرك يارب.
حتى انا مزلت ندرها بلقرفه منحبش حلوه الترك ولا اي شئ زياده
انا نحب الطمينة بالحرور بصح ما نحبش حلوة الترك
حلوة الترك بزاف حلوة و هاذي حاجة جديدة ،والقرفة ماشي تزيين، القرفة تعدل السكر في الجسم و جداتنا اي شيء فيه السكر تكون القرفة و اي شيء فيه اللحم والشحم ايضا القرفة لان الدهون تطلع السكر.تحيا البساطة التغنجيق بزاف ماشي مليح.
و لحرور هو الصح يا الحبيبة
كلمة شابة قلتيها يا غازية كلش يجوز الحمد لله
كل وحدة شافت تعليقي ودخلت عندي ودعمني ربي يرزقك برنوس الستر ويعمر حجرك فالحلال ربي يرزقك بالشي لي راكي متمنياتو في قلبك ويرزقك فرحة عمرك يارب.
الله الله على الزين العاصمي وبنات القصبة خاصة غازية جمال طبيعي تهبل موفقة حبيبتي 💖💖💖💖💖💖💖💖
ربي يوفقك وهنيك يارب
شحال نحبهم روعة قسرتهم برافو
حصة هايلة ما شاء الله بصح ملاحظة صغيرة المشوشة الصحية تاع النافسة بالدقيق رطب ماشي بالفرينة و كل منطقة كيفاش مع احترام كل الآراء
صح، تاع الدقيق لي مليحة. برك دوك الناس ولاو يديروا الفرينة
حنا في العاصمة نديروها بسميد ماشي بالفرينة مي هدي مدال جديد. ههههه زعمة زعمة سهلوها على الصغارات
@@lifestylebyme5580 ههههه وي مام حنا فالعاصمة انا بانتلي تجي كامل بيض كي قاتلها 8 حبات بيض و 4 مغارف فرينة يديرولها بيض مقلي بزيت الزيتون و خلاص هههه
من فضلك كيفاش الوصفة الحقيقية راني ثقيلة و حابة ناكولها كي ننفس
@@hadjerhadjer1661 4 حبات بيض نص كأس حليب ربع كأس زيت و تزيدي دقيق رطب بالمغيرفة حتى تتقال شوية كي عجينة الموسكوتشو زيدي باكي لاليفور ديري مقلة متوسطة تسخن مليح و تنقصيلها النار تديري العجينة و استويها بالمغيرفة مليح و غطيها حتى تتنفخ مليح احكمي تبسي بلا ادهنيه بالزيت و قلبيها و رديها للمقلا تكمل تتحمر و قطعيها فالمقلا على 6 طراف و زيدي حمريلها جنابها و شهية طيبة و وقفة ساهلة ان شاء الله ليا و ليك 😍
صح كانت النافسة عندها قيمة في نفاسي الاول تفششت الله يرحم جداتي ويحفظلي ميمتي بصح في نفاسي التالي ولدت توام وراني فلغربة بلعملية نضت في صبحتي لبنياتي ربي يقدرنا على وليداتنا ويرزق كل محروم يارب
والله انا تاني ولدت توام ف الغربة كنت غير نبكي بصح الحمد لله على كل حال
@@salimachannel2963 ربي يقدرك عليهم ويفرحك بيهم الغربة صعيبة
@@fatimaharoual9411 امين يارب العالمين
اللهم امين يارب
وين كانو مخبيين هادو دربا ههه الله يبارك عجبوني بزاااف الله يبارك ان شاء الله فرمضان يكونو
النسا تاع الدزاير كامل راح يديرو طمينة ومشوشة مور هاذ الفيديو 😂😂
انا المشوشه مانعرفش نديرها بصح الطمينة كاليفي
هاهاها و الله انا درت الطمينة شريت الزبدة بطوش و العسل نونورس و دقيق عندي محمص عاوت جوزتلو تحميصة خفيفة جات و لا اروع
🤣🤣🤣🤣
تاع الصح غيرتنا 😅🤣🤣
ولله راني ديرتها
انا من العاصمة وتزوجت للشرق سطيف مزالو كامل لعوايد يجو لنافسا وتقعد مع الدياف وتفاجي على قلبها ونقوما بيها ويديرولها لبسيسة تاع القمح والعدس والجلجلان محمصين ويخلطوهم فالزبدة والعسل لالا باطبع وبعدا عنا نافسا هاد ليامات راهي من بلاصتها متنوضش لازم وربي يحفضنا بلادنا وعوايدنا ويحنن قلوبنا على بعضنا
ربي يوفقك وهنيك يارب 👑
آمين يارب العالمين
والله غير مقدرتش نخير وحد منكم غازية و لا يامنه، ثنائي رائع 👏👏👏👏 Bravo
ام ادم من الجزائر احلا لايك ربي يوفقكم كاين الطمينة نديرولها حب الرشاد بعسل الحر والزبدة الحرة او تاني بركوكس تاع النافس بالدجاج يدوزن شطيطحة حارة بتوابال حارة
شحال نحب القصرة تعهم وغازية مسرارة تهبل ويامنه ضحك هههههههه وقوسم وخديجة ههههههههههه bon continuation
و الله غير سبحان الله كلش في وقتو حلو، راكم تهدرو عاصميات بصح سامطة يكدب عليك لراح ما يرجع.
خالتي فيفي ماتت عام لفاتت في عمرها 84سنة و ماني نعيطلها ميمي الله يرحمهم
يعطيكم الصحة حبيبتي و الله يا غازية غير راكي تجيبي عوايد بكري زمان هايل
والله غير صح حنا مزلنا في هاذو لعوايد 💞💕👍
خموس على ناس العاصمه 😘
أفضل حصة جزائرية أبدعتم، واصلو شكرااا لكم 😍
والله غير عمتي الله يرحمها ويغفر أسمها ميمي إنشاء الله ربي يحفظكم والله غير عجبتوني بزاف عدت زمان وهدرتكم الله يبارك تعجبوني بزاف بزاف
يامنة: صدقتنا او عينا فيها هههههه 😂 ك لمشوشة كلاتها هي
عندك الحق غازية الطمينة لازمها بالزبدة افضل من المارغرين طبعا الدي استطاع
لازم نشدو في العادات الجزائرية الجميلة ،لا للعولمة الثقافية التي تسليما هويتنا واصالتنا.
ربي يوفقك وهنيك يارب
أروع فيديو 😍😍😍 يعطيكم صحة 😍😍😍
Machaalah alikoum vous m'avais fait voyage 40 ans en arrière merci beaucoup 😭😭💋💋🇩🇿🇩🇿Fadila Alger France
Magnifique série franchement je la regarde tous les jours ♥️
حصة روووعة تقتل بالضحك 😂😂😂😂 إن شاء الله ماتحبسش في رمضان و إن شاء الله ولاد و بنات درك يشدو فالتقاليد ديالنا و ما يتبعوش العصرنة 👍👍👍
اعطولنا توقت الحصة من فضلكن
والله غير عندكي الحق أختي
ماشاء الله عليكي
هههههههه حطة نشاله متحبسش في رمضان 🎉🎉😊🍕⭐⭐⭐⭐⭐⭐⭐⭐⭐⭐⭐⭐⭐⭐⭐
يسجيكم ماشاء الله...خصكم ديرو تقنتة تاع الغرب بدقيق العرب والحمص تجي تهبل
والله احسن حصة روعة نتاع الصح ادمنت عليكم يعطيكم الصحة
نحب هذي الحصة بزاف الماكلة تشهي هنا في الشرق نديروا الزرير للنافسة
اصل المشوشة بالدقيق مش الفرينة
Pour la mchaoucha et puisque Yamna a presque tout mangé, nous on dit صداقتنا وعينا فيها وولادنا يبكو عليها Je vous adore toutes les deux.🥰🥰❤
ربي يكملنا بخير و يرزقنا الذرية الصالحة البارة بنا آمين يارب العالمين اجمعين ربي يحفظكم يامنة و غازية
الله يبارك يمتلو بدون انقطاع بدون مونتاج قمة سيرتو غازية تلها فالطياب وحضورها قوي فالتمتيل
يايما ماشاء الله عليكم بنيات الهمة والشان ربي يحفظكم
C est merveilleux. Merci pour ce bon moment. Je me délecte à chacune des vidéos. Bravo à vous deux. Bonne chance et bonne continuation
الحصة روعة فكرتنا في وزمننا الجميل و عاداتنا الرائعة
مشاء الله عليكم ديرونا شربة بيضاء فرميسال
تهبلوني كي تهدرو على زمان. حنا مزلنا تربيه زمان بصح ماصبتش دار ناس لي تقيم
براڨو عليكم على هدا العمل. أحييتو التقاليد وعدات زمان بفكرة رائعة جداً 👍🌹
حصة في القمة يعطيكم الصحة 😘😘😘😘😘😘
Ana zayda f 1992 ou ki zeyedt darte kima idiro zeman neqemet ou nekhel ou nedhen bezit même kayen kolech moderne besah la touche ta3 zeman mastinahach
شحال يعجبوني الله يبارك بنات بلادي
والطمينة الله الله عليها شهيتونا ❤️ ضرك نوض بلاعجز نديرها 😌😌
بالعكس زمان كانو يرفدو بعضاهم و المرا تقعد 40 يوم تتفشش و تقعد عند يماها و يجوا الناس يهنيو و يفرشولها مع الناس تسمع الحكايات و اذا نعست ترقد عادي و هذا ما يجيهاش الاكتئاب تاع النافس
الله الله على بنات الجزائر عشنا معاكم لحظات بزاف هايلة وحد الاحساس هوما يحكو وانا نتفكر في بزاف ذكريات 😅😂❤️
يعطيكم الصحة تنحو عالخاطر حصة قمة واصلو ماتحبسوهاش انا والفتها نشوفكم هنا ذوقتوني بنة زمان لي مالحقناش بيها حنا اواخر التسعينات يعطيكم الصحة ❤❤❤❤❤
Très belle émission que j'adore une petite remarque chtitha djadje anta3 nafssa avec lahrour ainsi tamina
La même chose chez nous lahrour nefssa
@@laidoucinabila5852 salem je connais une famille laidouci esque vous êtes de st charles et ain naadja
Bonjour 👋 non je suis de blida mais c est une grande famille 👪
@@laidoucinabila5852 Allah ibarek bonne journée
hna ndirouha b hrour nafsa w b lkebaba aussi fi zoudj bnan on est d'alger
حصة تهبل عجبتني ، غازية حلوة سكر ما شاء الله حتى يامنة ربي يحفظكم و مزيد من التألق و متحبسولناش هذه الحصة ☺️☺️☺️راهي تفكرنا في ريحة البلاد
ربي يوفقك وهنيك يارب ❤️
احلى حصة واحلى بنات الجزائر يامنة وغازية😘😘
يعطيك الصحة حصة وعليها لكلام فكرتوني فيمات ماني حيزيية الله يرحمها
رانا نتفرجوها كامل دار ... بابا يطول عمرو يقولنا هك كنا زمان... تبارك الله عليكم
تاع الصح عجبتوني دوك نبدا نتبع قناة سميرة على جال نشوفكم تفاجو على الخاطر
Je vous adorent touts les deux 🇩🇿🇱🇷❤❤
Toutes
J'ai les larmes au yeux l'algerie a l'époque et ouiiiiî
يعطيكم الصحة والعافية يارب 😍
قتلتني الضحكة تاع غازية كي هدرو على الاسماوات ههه
انا ثاني نحبهم بزاف
La meilleure émission rahi joz hiya hadi lah yebark y3jboni bzf w n7ab nsm3lhom mziya li kayna f RUclips bch nchofha ❤️❤️
حصة ماشاء الله بالتوفيق ان شاء الله
الله ابارك علي الحصة هادي روعة فكرتونة في زمان يا زمان حمدو الله عشنا هاداك الوقت واش قانون كامل صح bravo نموت اعليك يا يمنة حلوة سكورة والله منشبعك قد ما غازية حلوة يمنة ادتهالها واحدها
سكر
🇩🇿🇩🇿🇩🇿 je vous adore tous les deux bonne continuation merci
Tbarekallah fikoum bnati a3djbétni bezaf elhessa kolha ma3ni yatekoum essaha wahed yestfad wenehi a3la khatro merci
وكانني اشاهد برنامج في الثمانينات ..يوم كانت للشاشة الجزائرية هيبة ورونق وجمالا يضاهي جمال ..اليامنة بالتوفيق
الكبابه ما طيبش من الاول تتلق سموم تندار مع الاخير غليا برك
merci beaucoup c est magnifique bonne continuation
عوايدكم كيما البليديات لي هوما حنا بالطبع و كي تقولو البليدة قولو الهمة و الشان الله يبارك و تبارك الله فيكم
هههههه ضحكتني
علاش 48 ولاية وين راحت اشتراكك
غير بليديين ياخي كل ولاية عندها الهمة والشان
Ah oui Blida Hema w chan je confirme
الله الله على زمان ❤
السلام عليكم تعجبوني نحس روحي ،وليت للدزاير ،ملي شوفتكم وليت نحب سميرة كثر🌹🌹🌹
حصة هايلة ولله ياعطيكم الصحا بنات بلادي فحلات 😘😘😘🇩🇿🇩🇿🇩🇿
الله يبارك طفيلة تربا فيعز امها 💅💅💅💖💖🎁🎁🥀🥀🎀🎀🌹🌹🎆🎆🌷🎊🤩😍💋💋💖💖💝💝💟💞💕👰🌹🌹🌺🌺🌺🌺🌺🌼🌼🌼💫💫⭐⭐
Merci bcp les filles pour tous☺️ juste pour vous dire que la mchawcha il faut tjs chauffer de l'huile dans une autre poêle pour la renverser en dessous de la mchawcha pour que la pâte cuit un peu pour pouvoir la retourner et aussi un peu de levure et une ou 2 c a s e semoule moyenne et bonne appétit 😉🥰
Tout à fait
@@zanzarafarfarella2791 👍😉😘
يعطيكم صحة فكرتونا فعادات زمان
ياحصراه على يمات زمان j ai les larmes aux yeux💐💐💐
ههههه القصرة معاكم هايلة تقوشي قاعدا معاكم يعطيكم الربح😘😘😘 وشنو نقصو الفرونسي لاخاطر زمان مكانوش يهدروا الفرونسي باه تكون صح بنة زمان😉
ربي يوفقك وهنيك يارب👑
@@Chbika-nn1sy امين نشاء الله ليا وليك يارب
والله يطيكم الصحة
J’adore bravo les filles
يامنه رجعتيني ايام زمان ونحيتيلي الغمه هه😂
وتان نشوف ليفيديو نتاوعك الله يعطيك الصحه الافلام نتاع الدزاير ديتيهالهم كلش بالطبع الله يبارك يرحم الكرش اللي جابتك ❤❤
غازية ويامنة ديرنا علي نسا لواس كيكونو يغيرو وحدة تقكع في وحدة
تمثيلكم رائع يعطيكم الصحة ♥
عند ربي قاع خوات ان شاء الله ممكن يكون هاد فهمتي قصدي شكرا لك الله يزيدك علم ونور امين يارب العالمين
تهبلو الله ابارك جااااااام يامنة
يعطيكم الصحة انتبعكم ونحبكم وليت نرقد بيكم
فكرتني فالقردون اللي كنت نديرو الله الله عليه
طمينة بي العسل و سميد باه تكون صحية. و المشوشة بي البيض المزرعة و العسل. حر و سميد احسن لي صحة. ركزوا على العسل حر.
ما شاء الله عليكم و الله غير اوكان غير نولو ليامات زمان
الله يبارك تعجبوني والله غير تنحو الغمة ياعميراتي ربي يعطيكم الصحة اختكم من تيبازة
يعطيكم الصحه لكن علاه مراكمش تحطولنا باقي البرامج كيما زين وهمة زيتنا في دقيقنا ....أحيانا منلحقوش نشوفوهم على التلفزة ياك كنتوا تعاودوا البث هنا حطوهملنا من فضلكم
سلام انا متتبعة جديدة ماشاء الله
يعطيكم الصحة على الشيء لي تقدمه
دكرتوني بالزمان
يعطيكم الصحة الوقت ممتع معاكم
يعضيكوم الصحة في زوج فكرتونا في زمان
حصة مشاء الله مزيد من نجاحات ان شاء الله تكملو
Machallah haka nhabo nchoufo takalid dyalna Walleh yfakrouna bihoum lwahad krib yansa surtout hna li fi ghorba yaatihoum Saha
Hhhhhhh walah ana wlidi samito aissa 3la jado allah yarahmo par plaisir mon mari
Belle histoire
ياختي ياختي على هاد الزوج تهبلو يامنة عندك وحد الخرجات الضحك بالدموع ربي يحفظكما
Attention thabsou hed el hissa magnifique nmout 3liha bravo
حصة و لا أروع
ادعولي ربي يثبت حملي ويتمم لي عل خير ونشوفو بين يديا ونفرح بيه يااااارب
حصة هايلة تهبل فكرتني فيايامتنا بكري
واش من ساعة راها تلعب ف التليفزيون . تحسب مسلسل ننسى روحي وانا نتفرج فيكم.
18:00
ما شاء الله عليكم