Elektron kooperatsiya portali tadbirkorlar nigohida | Alisher Parmonov (#1)

Rivojlangan mahalliy ishlab chiqarish har qanday mamlakatning tayanchi hisoblanadi, chunki sanoat barqarorligi iqtisodiy o‘sishga bevosita ta'sir qilibgina qolmay, innovatsiyalarni rag'batlantirishda, mehnat bozorini rivojlanishiga va zamonaviy jamiyat qurilishida mustahkam poydevor bo‘lib xizmat qiladi. Kichik biznes sektorining kengayishi mahalliy sanoat bozoridagi raqobatbardosh muhitni yaratish bilan birga korxona va tashkilotlar bandligini ta‘minlash uchun yanada chuqurroq va barqaror yondashuvni tadbiq qiladi. Bunda bir qator omillar muhim rol o‘ynaydi. Xususan, har qanday tadbirkorlik faoliyatining muvaffaqiyat ustunlaridan biri bu ta'minot zanjiridagi ishonchli hamkorlar tarmog'ini shakllantirishdir.
Ta'minot zanjirini samarali boshqarish korxonalar farovonligi garovi bo‘lib, buyurtmachi va yetkazib beruvchilarning munosabatlari nafaqat tashkilotning qisqa muddatli maqsadlariga, balki ularning muttasil rivojlanishiga ham katta havf yetkazishi mumkin. Bundan tashqari, ishonchli xaridorlarni va yetkazib beruvchilarni topish, shartnomalar tuzish va sotib olish odatda juda uzoq va murakkab jarayon deb hisoblanib kelingan.
Yuqorida qayd etilgan muammoning yechimini topish hamda mahalliy ishlab chiqarish ko'lami va mahsulotlar katalogi turlarini kengaytirish maqsadida O‘zbekiston Respublikasi Iqtisodiy taraqqiyot va kambag‘allikni qisqartirish vazirligi huzurida erkin savdo maydoni sifatida Elektron kooperatsiya portali tashkil etildi. Portalning maqsadi barcha manfaatdor tomonlarga mamlakatning ichki sanoat salohiyati va imkoniyatlariga yagona kirish imkoniyatini taqdim qilishdan iborat. Buyurtmachilar mahalliy sanoat korxonalari tomonidan ishlab chiqarilgan tayyor mahsulotlardan tortib turli xil xom ashyo, materiallar va butlovchi buyumlargacha bo‘lgan mahsulotlarni harid qilish imkoni egadirlar.Shunday qilib, tayyor mahsulot "Made in Uzbekistan" brendini targ'ib qiladi, bu mamlakat imidjiga ijobiy ta'sir ko‘rsatib, sarmoyalar va turizm salohiyatlarini rag'batlantirishga ko‘mak beradi. Portal ishtirokchilari mahsulotlarga ishonchli xaridorlarni topishlari bilan birga, shartnomalarni imzolashda ham ko‘mak olishadi bu esa o‘z o‘rnida sotish va sotib olish jarayolarini soddalashtiradi va ishtirokchilar vaqtini tejaydi.
Elektron kooperatsiya portalining yana bir afzalligi shundaki, savdo maydoni nafaqat mahalliy korxonalarga ta'minot zanjiri aloqalarini muvaffaqiyatli o‘rnatishda yordam beradi, balki mahalliy mahsulotlarning xilma-xilligini ko‘paytirilishiga ham xizmat qiladi.
Bundan tashqari, Portal ochiq manbaa sifatida ham faoliyat koʻrsatadi, cooperation.uz rasmiy vebsayti orqali mahsulotlarga bo‘lgan talablarni o‘rganish, respublika hududida ma'lum bir sohani rivojlantirish zarurligi, shuningdek ishlab chiqarishga tavsiya etilgan import o‘rnini bosuvchi mahsulotlarga bo‘lgan talab bo‘yicha tadqiqotlar natijalari to‘g'risida qimmatli ma'lumotlar mavjud. Ushbu ma'lumotlar O‘zbekistondagi bozor bo‘shliqlarini to‘ldirishda samarali xizmat qiladi, bu mavjud korxonalarning mahsulot turlarini diversifikatsiya qilish uchun, shuningdek, yangi sanoat startaplarini ishga tushirish uchun turtki beradi, bu esa oxir-oqibat kichik biznes sektori va umuman iqtisodiyotning kuchiga ijobiy ta'sir qiladi. Shunga asoslanib aytishimiz mumkinki, erkin savdo maydoni iqtisodiy rivojlanish uchun o‘ziga xos kompas bo‘lib, nafaqat mahalliy korxonalar, balki iqtisodiy qarorlar va islohotlarning boshida turgan hukumat uchun ham foydali ma'lumotlarni taqdim etadi.
Portal o‘z faoliyatini 2019 yilda boshlaganiga qaramay, bugungi kunda barcha mahalliy korxonalarning ishonchini qozonishga ulgurdi. Portal orqali har kuni o‘rtacha umumiy qiymat 7 mlrd. so‘mdan ortiq bo‘lgan 120 ta hamkorlik shartnomalari imzolanadi.
Portal foydalanuvchilarining fikri va takliflarini inobatga olgan holda bosqichma-bosqich takomillashtirmoqda, bu esa Portalning barqaror, uzoq muddatli va istiqbolli faoliyatiga zamin yaratadi.