#MM
HTML-код
- Опубликовано: 14 янв 2022
- #MM #美味道來 // 家庭式手造中式糕品 一家六口做足二十小時 每日賣過千件
為了一件白糖糕或紅豆糕或缽仔糕或芝麻卷,你願意花多少時間排隊?要是你想吃方太的糕點,花半句鐘一個小時是等閒事。方太糕點,有口皆碑,一天十六款糕點,每一款四、五百件,每天可賣上幾千件;更巴閉的是:糕點每日新鮮製造,賣完就無,明天請早。
如果,你以為自己排隊一小時值得不值得?方太做這件糕要花足足一天二十小時,兩公婆四個子女二十小時輪班工作,胼手胝足,從不假手於人。興許,人們有時對這種家庭式的小店會有很多想像,一家人齊心合力傳承一門手藝,但若貼近現實地去觀看事實時,當中其實還包含衝突、意見不合,甚至老不情願的成份;從方太一家人,我們就能看見一個典型的故事。惟有用愛去包容,成全對方的願望,儘管彼此並沒有說出口。這份心思這種情比起店舖本身,甚至乎手藝更加難能可貴。
█一天二十小時困獸鬥
蓬的一聲,閘門捲起,時間是上午九時正。睡眼惺忪的Eric和一臉倦容的David返到小小的方太糕點店內,準時開工。Eric是大哥,也是方太糕點店的「大阿哥」,負責入貨、跟單、準備訂單、聯絡客人,待處理起手頭上工作便會幫手切糕賣糕;三哥David則主要做糕、切糕等廚房工作。
事情是這樣的。方太糕點店的糕點每日新鮮製造。每天下午方太和三子便要處理各式糕點的材料,像紅豆、眉豆要蒸熟,馬蹄要挑根,豌豆要逐粒逐糕精挑細選,之後開粉弄漿蒸糕,全部人手工夫,無得偷懶。再說一遍,方太糕點店十六款糕點每款四、五百件,可想而知工作有多繁重;所以,一家店子方太兩夫妻四個子女二十小時輪更工作。方太和方生在凌晨四、五時把蒸好的糕拿出來待切,即切即賣‧‧‧‧‧‧
David正埋首努力做芝麻卷,Eric則默默處理訂單,不發一言;大約十時多,四妹方方匆匆來到,今天又遲到;馬上回到自己崗位,處理缽仔糕。「今天做了三、四籠,每籠約120個。」方方一邊起缽仔糕一邊說。店子十時開門,方方也兼顧賣糕。有趣的是,三兄妹工作是不用溝通的,「日日做,每個人的工作範圍都非常清晰,要做甚麼都已經知道,不用說甚麼。」Eric說。其實,來幫忙的還有位二哥,只是他要留在家中照顧孩子,只會在最忙的時候偶爾來幫忙執頭執尾。
繼續不發一言。唯一開聲的是工作時意外的碰撞和出錯。「店子真的很迫,曾經三弟一不小心把盤子撞到我的頭,很痛。」又或者工作做錯了要重新做過,「『對不起』是沒有意義的,不是對不起而是重新來過,與其爭拗,不如把手頭上工作完成啦。」試想像一下,每個人每一天的工作內容都一樣,體力和精神都很累,而每個人都有脾氣,負能量不斷累積,但又是一家人,不能動輒發脾氣,就像一場困獸鬥‧‧‧‧‧‧
█潮州人要錢唔要面
十二時多,方太來了,說起糕點店的威水史,一臉自豪。「好生意的時候,人龍排到去紅綠燈位置,要等足足一小時,要食你就要等。」方太扯大嗓門笑著說。「有時,排到你芝麻卷買晒,你惟有食其他糕啦,反正每一款都好吃。」像是糕揀人不是人揀糕。「手得一雙,爐頭只有幾個,每一款我們只能做四、五百件,賣完就無。」為甚麼不請人做?「糕點的食譜和做法都是秘密,怎能教識其他人?萬一他們偷了我的秘方自己開店怎麼辦?」所以,一家人十二雙手十六款糕點,從不假手於人。
原來,早在十多年前方太在佐敦道開了一間涼茶舖,兼賣糕點(已大受歡迎),經營四年後業主不肯續租,便索性「退休」為子女供書教學弄孫為樂,「直至幾個孩子大學或副學士畢業,我才安心出來工作。」事實上,涼茶舖結業後還有不老主顧游說方太出山故業重操。「不了,做糕真的太辛苦了。」直至本來做酒店侍應的女兒方方勸媽媽開店,幾兄弟姐也願意回到店幫忙,方太才重出江湖。再追問方太糕點好吃的秘密,「都話係商業秘密,點會話你知!」方太有權保持緘默,但也說漏了嘴:「我只用最好的材料,每粒豆都挑過揀過,甚麼都親力親為,幾蚊一件糕卻是成擔心機,一定要好吃。」最後,方太還補充一句:「我唔要錢都要面。」
█一家人六個故事 不計較金錢
Eric在理工大學修讀旅遊與酒店管理,讀書時已來店幫忙。「那時,一星期有一、兩天『天地堂』(即只有早上跟晚上有堂)一下課我馬上趕過來,好在理大到佐敦(舊店)不遠。」也分毫不收。「父母供書教學,有甚麼需要他們都照顧我,我覺得一家人不用計較金錢;甚至有同學罵我,說對父母要好到這樣程度嗎?」但Eric深信那是作為兒子的責任。
另一邊廂,David 副學士畢業後曾在銀行工作了四年,之後去了澳洲工作假期兩年,回港後放下行李才兩天,便要來店忙。是自願的嗎?「才不,我絕對‧‧‧‧‧‧」只是他也知道店子人手本來就不足夠,始終要有人去做,所以也別無選擇。David還記得工作假期期間是讓自己思考和沉澱的一段可貴的時光,現在每天做著同一件事情甚至同一個動作,更要命的是沒有多少天假期。「他們有個觀念是工作時就要拚命工作,我心想:為何不可以取得平衡?」David的衣服上寫上:準時收工。「那是我的願望。」事實卻是:工作排得滿滿的,已很久沒有準時收工。
妹妹方方也有自己的打算。「這裡我們沒有出糧的,要吃飯便會問媽媽拿錢。我也覺得店舖的錢是家人的,這些錢也是媽媽將來的依靠。」所以,現在每天下班後,方方便要開始她第二份工作:經營自己網上手造飾物生意,直至深夜。「有時因為我工作至凌晨三四時,她(媽媽)會罵我,說:明天八、九時就要起床,還不去睡?」但方方從媽媽身上學懂的是:想做生意,便一定要有堅持。
█不是一門手藝 更是一家人
這陣子,正值歲晚,也是方太糕點店最忙碌的時候。「基本上,完全忙到沒有時間觀念,今天是幾多號我都不知道。」今天是除夕呢。「明天是新的一年?我也理不得,我只知道明天仍要開工。」真的,單是這兩天已相信之後一個月一家人忙得不可開交。問方太會不會太累,打算做到幾多歲?她說:「我沒有想過呢?現在一家人開開心心在一起。」工作雖然辛苦,也就是一家人在一起。「就算自己不能再做,他們誰接手都好。」大膽的問方太:如果他朝一日沒人接手的話怎麼辦?「浪費呀,浪費了我這麼多心血。」或者,這句話早已深深地印在四兄妹的腦海裏。
撰文:蘇朗智i@weakchickens
資料蒐集:蘇朗智@weakchickens
策劃/主持:黃曉楓
攝影:顏漢真、林正言
剪接:呂皓怡
監製:陳靜雅
#佐敦 #佐敦美食 #傳統糕品
#紅豆糕 #白糖糕 #缽仔糕
#MillMilk
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 RUclips APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
MANYI|@manyishum
/ manyishum
SAM|(付費內容)
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
大家最鍾意食邊款中式糕點呀!
白糖糕,馬蹄糕,菲林~😋
紅豆糕同馬荳糕😋😋
芝蔴卷最好味 😋
D紅豆靚到! 我想食眉頭糕。
紅豆糕、芝麻卷
聽到無人工嗰下笑咗…
如果真係咁…個老豆老母係綁架咗自己仔女既未來…
有時好驚見到呢d 家庭店太出名,做呢行業太辛苦啦,仲要一代傳一傳咁,見到一家人同心合力咁做當然值得鼓舞,但都一定要記得留番時間同家人好好相處,唔好得個辛苦捱. 識搵錢唔記得洗錢。希望方太一家都開開心心啦。我有食過佢地做既紅豆糕,係好好食既。
我覺得唔好淨係識叫人傳落去/唔好晒咗去,要明白每個屋企/人都有自己嘅難處😓
話就話「團結」
但係根本係限制咗下一代選擇
大哥自己咁揀係佢嘅選擇,但冇理由要迫令細佬妹去咁做
細佬妹都要為自己未來打算
大佬:我冇得揀,你哋都要同我一樣冇得揀,將來我老婆都係 😎😎😎😌
@包頂頸 佢地生意好關我柒事,不過太了解潮州人習性講兩咀啫,不過講明先~ 我唔係挑撥㗎!我一定祝佢哋生意興隆,密密做冇停手,多多都做,啲人要食就開工做!
中國人思想就是這麼迂腐,感情勒索可以被傳媒寫作為親情
2023年了,除了錢同公權力,點樣限制一個青年去做距唔想做既事?
滿載情緒勒索既小店。
對我而言其實同綁架無分別,兩老灌輸既意識形態影響小朋友太大,除左妹妹。
當然呢個唔係小朋友既錯,亦未必係老人家既錯,但係... sad。
七百萬人七百萬個故事,多謝MM既製作。
真係,幾兄妹冇晒童年😮💨
熱誠熱愛,還是苛求勒索,真係在乎天時地利,否則何來有傳世嘅名店?
8:31 俾著係我返工聽到呢幾句說話即刻士氣大減
後記:
一開始接觸方太一家,我曾經想像過佢哋係一家人和和睦睦地去做好一門手藝。但當我同每位成員個別去傾偈時,先至發現人人各懷心事,當中包含好多好多矛盾、期望、快樂、無奈、埋怨,愛。老土講句,家家有本難念的經,一家人共事,邊有咁簡單。即使心底裏毫不情願,仔女都肯付出時間同體力去滿足家人的心願。諗真啲,與其話去滿足,不如話只想令對方快樂。非常犀利的動力。
感激受訪者無限信任。
黃曉楓 Apple
從短片已經睇得到,媽咪咁傳統嘅思想,唔想傳承比外人,呢樣嘢對仔女來講,無異係一種心理嘅包袱。
講得好好!!個個唔同性格,因為愛相聚相支持,好耐無睇一段由心而發覺得欣賞既事,唔係for賣糕 係見到點樣去做好一件事❤️
收皮啦,時代係進步緊,你唔好食古不化,採訪d好似垃圾咁嘅鋪頭,讓尼d鋪頭被時代淘汰啦,唔該!
潮州家庭我話你聽係好麻煩㗎! 個大仔第時娶老婆,個女人要有心理準備,響度一世
@@deyd9908 一個訪問唔會有影響 有實力既始終留得低
我係細女都唔會咁早返 遲早間鋪都係大哥既 淨返既弟妹為完老豆老母奉獻 之後又為大哥😂個人生就係咁 時間比哂佢地 無得發圍 無機緣 就日日磨足咁耐..
成家人我諗細妹唔會做太耐 有獨立思考能力 思維清晰….
除夕都要開通宵其實為咩?做到一家人無晒生活
上一輩成日話捱餐死為仔女讀書,將來可以有份舒服工做。但到仔女真係大個時,又走去情緒綁架人,要人返去幫手。
因為潮州人都鍾意賺晒香港嘅錢,出咗名架啦
以前啲人窮過,知冇錢唔得,而且唔會被重視。所以一味衝。但好多到老都會覺得,成世人就係得個做字。
但講到尾,又會想仔女接手🤷🏻♂️⋯⋯好矛盾
仔女無人工….又迫佢地留喺間舖…過多幾年佢地已經無得再揀要留喺間舖度..
間舖咁好生意…一定賺唔會少….怕父母辛苦就做少啲賺少啲.又要賺到盡..
用親情綁架仔女未來…
你岩喎,仔女做到勞損職業病,都冇得claim ,冇退休金,筆錢咪係返度,難聽d 搵自己人笨。雖然一家人齊心做係幾warm 但唔變革,仔女冇發揮,例如創意糕點、marketing 包裝推銷,冇得學以致用,全家屈係百幾尺鋪頭,錯失好多發展機遇,最後攬住舊錢但口就埋怨老豆老母框住自己,冇意思架。
成全一個人心願,之後都要諗下仔女d 心願點樣幫佢哋達成,唔係錢唔錢問題,有手有腳怕咩冇工返。志氣同自信心磨滅,就好難點返起團火。何況佢哋都唔細,成家立室既年紀。
曾經過,冇買
細佬件衫算唔算無聲抗議😂
其實要排隊原因好簡單,怕買小買漏就諗耐咗,排到櫃前見嗰幾件糕又好似好好食又諗一鎮
不過講真件件糕都咁吸引,畀著我都會咁!各式荳糕勁多豆囉😍
其實每次排緊隊時已經諗ing,但去到櫃前見到啲糕又會開始掙扎😂😂
我都有呢件衫😆
全handmade 犀利! 全家人一齊去run 間舖係respect 嘅... 不過幾同意阿妹, 幫屋企之餘其實都應該諗下係咪想發展自己嘅事業, 定係繼承媽媽嘅生意
潮州人點會俾個女繼承
@@dor5650 午安,從來都唔.明日,身為汕頭人,真冇到理,愛錫媳婦,都唔會愛锡女兒,女兒只有做,冇關心女兒,做女兒只有做翻女兒責任啦?
謝謝主持分享,看到一家人齊心工作真開心😃
整個訪問做得好好,流程好順,提問設定擊中某些要點,特別喜歡各人單獨係門口接受訪問嘅設計 !
美術背景圖案畫得靚!畫頭仔可愛!啲糕點仲圖得好細緻👍
滿載溫情的小店!
這間糕餅店有一種特別的味道元素,就是親情與愛心,一家人合作經營,每樣都做到最好,令大家好欣賞!
記得以前飲食男女都介紹過 第一次閒日去有喜事冇開 第二次去買到 唔洗排隊 好食既, 不過就唔好太神化唔食唔得果種
應該好食過深水埗 坤記
@@johnnyrambo8569 佢D砵仔糕還好,但食親白糖糕都酸既,之後都冇再幫襯過
好可愛嘅小店,好可愛嘅家庭,全家都有一樣口音!祝福🌹🌹🌹
其實有D位可以用機幫手,個味唔差幾多,但唔使咁辛苦,好聽叫傳統手藝,事實係成40年都無咩進步(例如改良方法,創新,開分店,增加銷售點等等);而家困住3個仔女,第日若有外來因素做唔住佢地會好慘。
哈哈, 你的辛辣点评,入木三分。
现实中你也是这样说话吗?
其实而家个社会,吾退步都偷笑。。。进步到极致,要么就私房要么就连锁。
雖然同心合力係好但也要有自己的人生!
二哥、三妹慘過打工,呢種管治理念係宜家好容易出問題,賺到錢容易為錢銀嘈,賺唔到頭家直接散。
仲要安排唔到未來
一蚊都冇落袋又要佢哋返全職
衰啲講句點結婚生子?
❤️阿媽好聰明免費打工仔
@@etl7761 阿媽係最終贏家 三個仔女同老公都係免費勞工
成家做左免費勞工,阿媽贏晒
不應為家族生意而留下來,每個人有自己想法和要尋找的路!除非孩子是自願留下想做...但老一輩總是覺留下來總是自己生意不用受老闆氣,總有飯開餓不死.當然如果孩子本事叻的話又怎會留下不外闖呢!只可以話各有所需,食得鹹魚抵得渴.我都因這報道去過買兩次,真心不好吃!
糕點畫畫得好靚🤩
多謝你哋一家人艱勞,先有咁多人食到好糕品 🙏
😊感動窩心🥳制作精彩
呢家人值得人敬佩👍👍
一家人太棒了!!
曉楓總結得好好呀
對仔女絕對唔係好事,個個人都係個體,佢哋都要有自己嘅人生同生活
幾錢其實唔緊要,最緊要係嗰真材實料,味道好!依家好多外國野賣到非常貴,其實真係一般!要多啲支持本土野!
冇嘢話唔食唔得,視乎個人怎去品嚐@而我食嘅係佢嘅人情味家庭味👍🏻👍🏻👍🏻👍🏻👍🏻👍🏻👍🏻
就咁睇 仔女好可憐 被迫放棄自己嘅人生、夢想 就係因為阿媽嘅心願 仲要無人工 應份咁樣 其實好慘。。。呢啲情緒勒索嘅屋企人真係好恐怖
見其他留言話普通 咁就慳返唔食了
真心啊🥲
富媽媽窮孩兒
應該話減少幫襯,啲細路就有發展空間,大排長龍咪又係做死啲細路,困死佢哋囉!大佬鍾意就由佢同父母三個做晒佢
@@angwon 係,如果好好生意,仔女就肯定走唔甩ಥ_ಥ
@@sardonna1215 拎埋米芝蓮實走唔甩
我好鍾意食舊式中式糕點😋
Gordan Ramsay kitchen nightmare 有集就係講個老豆迫啲仔女幫自己手,真係華人社會先會變成理所當然
多謝你地,很有意思!
今日試咗啦,真係唔錯。
特愛紅豆糕,大推
多謝mm 介紹
加油方方!
黑芝麻卷必食!
呢家人嘅故事好唔討好...細妹細佬有自己夢想, 但感覺俾個阿媽逼住幫手, 仲要無薪, 個大哥更加似係愚孝
唔會,潮州人最後都係俾個仔,我屋企都係潮州人,我係女(經驗之談)
擺明大哥係最後得益者,所以佢咪咁情願。特別潮洲人,個女都唔洗諗住有咩分到
阿哥成為最後贏家
有同感,唔好話實現唔到自己夢想,仲要係冇自己社交,大佬軍訓式管理係自己人俾面先至可以繼續做,比街外人都劈炮唔撈。呢個管理同相處模式,我唔夠膽講對一家人關係有正面作用。
@@TheEyanno 睇到大佬話错就係錯唔駛解釋,有DO咀
最慘係父母一句想仔女接手所謂的生意,就阻礙咗仔女自己本身可以有的其他發展🥲
你唔好理人甘多啦,又无阻住你发展,惨咩呢?
唔應該要仔女全職幫手,很可能會害了他們,為什麼他們沒有理想?
工時太長,太多磨擦,太困身
一星期休一日或者唔好做咁長時間會好D
不過又唔捨得...
其實休一日好啲,但佢哋要賺到盡,無辦法
睇得出細佬妹都做得唔開心,但又唔敢say no
住阿媽間屋冇得say no
@@etl7761 老老豆豆副學士翻工至少都三萬幾,可能有其他因素啦,見到咁真係嗰兩兄妹真慘,四弟就醒啦
@@user-dm5zp5fy9o二弟
@@nicoleadriencheung 謝謝糾正👍
好欣賞個conclusion
又是一個團結家庭
千層糕正呀!
百孝為先,很高興一家人相聚,是無價。
一家人合作經營,每樣都做到最好,令大家好欣賞
家族生意好困身, 青春好似廁紙咁, 搣下搣下就冇架喇, 優點係唔憂食 ; 缺點係冇得做自己中意做既野
不過無人工,長期做唔係辦法
喜歡你們介紹有歷史的香港小店
Looking so Yummy 😋 really missing HK food!!!!
Thank you for showing this dessert stall.
樣樣都想食😋😋
兄弟姊妹齊心 其利斷金 甜品我鍾意 一定要去試下
阿女同三弟好乖好孝順,冇人工都犧牲自己既私人時間幫手❤️👍🏼👍🏼👍🏼
確實。。。不過考慮到阿媽眠幹睡濕,供書教學,理應孝順的,至少唔好對著幹。
好想食芝麻卷🤤🤤🤤
Woah this reminds me of Apple 蘋果 飲食男女. Love it!
啲公仔畫得好有heart
看起來都很好吃😋yummy 😋👍👍💕
小製作對抗大商家,努力呀!
大哥把聲好kenny😂
呢D手工糕点真系極品!
一家人,一條心。仲要做到咁多人都鐘意,真係非常之難得。👍👍
你地真係好癲呀 出片出得咁鬼密 抖下啦 捱壞架
好可愛的潮州口音,我有朋友試過,話好甜,有d人應該會好鍾意食。如果減甜會健康d
你地介紹過咁多嘢 唯一一間我會想留言
因為呢間真係唔好食
大哥👍👍
哩啲 傳統港式糕點 必需要加強向外推廣啦!!
以前舊舖有機會經過都會買D點, 好味!
今天看。又一個美麗的回憶 當年的蘋果日報的飲食男女👍🏻👍🏻👌😁
老套講句 食既係人情味
唔會太甜哩方面幾好
今集有動畫加受訪者超有趣。可否介紹一下插畫師
插畫係由呢條片嘅主持Apple畫㗎
instagram.com/apple.hiufung?
😄其實我係好多年前幫襯過佢哋!但係突然間失蹤咗!不過又突然見番!好開心!因為佢哋啲糕點實在太足料😋!不過而家買佢哋啲糕點都好辛苦太長時間同埋太攰!😅😅
80後、90後兄弟姊妹,已經吾同思想啦!支持細妹嘅諗法。
望到都想食 行過試下先
報道style 似飲食男女,介紹得好清楚,d記者轉左過黎?
流口水
呢間係幾好食,我鍾意食馬碲糕同砵仔糕。
香港已經好少手作仔店了。
唉。
其實每人都有自己追求,唔係潮州人就可以咁迫啲細路,個大哥都唔可以咁對細佬妹,依家咩年代呀?
超團結的家庭
插畫都係Apple畫,好厲害!
Growing up the black seasme rolls I always called it "camera film". When I order dim sum as adult people look at me weird when I asked for camera film. I'm so glad these young people are keeping the tradition and business alive. Wish them great success for many years to come.
啲graphics好有心思好好睇!!
今日特登想去買糕點,點知去到拆緊野,問裝潢師父話以經結業。。。
thanks for sharing!
呢間真係好食
好食。美女
全職幫屋企生意但無糧出 !?
最緊要足料,現在更多的店隨便的做,好物難求,希望他們的手藝和嚴謹精神可以一直傳承。
支持本土手工小店!!!
酒樓仲好食D。冇料冇味只得甜
眉豆糕真係只係細細個,呀嫲先識用眉豆整粿。潮洲人好認真做工作上嘅野。 其他野唔關事就唔會理, 所以邊個生日唔理,幾時放假唔駛知,搞錯唔駛死,到時就會知。辛苦d後生。 呢種鋪頭喺日本已經紅咗啦。
這種形式的店舖,真是買少見少!好孝順的兒女o
糕點好食但排太長龍太耐,唔值得
仲要排到時會買哂好多糕
應該要諗吓限住每人買數量
传统文化食品好嘢
不要再神化這間店舖,試過它的糕點水準只是一般,價錢貴而且超薄,缽仔糕少豆淋而不爽滑,白糖糕更是來貨(早上路過幾個竹籬白糖糕放在門前地上,極不衛生),很多小店水準比它好,請勿再盲目吹捧。
完全同意。但香港人一向都係一窩蜂咁去擁,而且冇理智,只會諗怕執輸。
正經回帖無人推
絕對同意
Push
mm下次可唔可以做好啲research先出街?
@@rachel4241 幾驚佢訪問 坤記呀😖
做食品生意, 年中無休 (很辛苦)! 16 Jan 22(日)
兩老咁辛苦,何必呢,應該享吓福
原來一家6口 一齊做
足料新鮮即做👍🏻👍🏻👍🏻
但味道就。。。。
呢間好好食!!!