#حلويات_العيد_2024
HTML-код
- Опубликовано: 2 апр 2024
- ▪︎السنيوة لي استعملتها قياس(30سم × 24سم)
اي سنيوة راح تستعملوها تعملو (الطول × العرض) النتيجة هي كمية الفرينة و المكسرات لي تحتاجوها للبقلاوة ، بالنسبة للسنيوة لي استعملتها 30× 24 = 720
الفرينة لحقتها 760غ (ماشي لازم)
المكسرات لحقتهم ل 820غ (نحبها تكون خشينة)
المكونات (35حبة)
▪︎4 كيلات فرينة (760غ)
▪︎كيلة ناقصة أصبعين خليط سمن + مرغرين ذايبة وباردة (190غ ، كمية السمن والمرغرين هي ربع كمية الفرينة)
▪︎ملعقة صغيرة فانيليا
▪︎رشة ملح
▪︎ماء + ماء الزهر (دافيء حتى لا يبرد السمن و تتشكل كتل في العجينة)
نشكل عجينة تكون طرية ماشي يابسة وماشي مطلوقة ونقسمها إلى 5 كريات ل 5 طبقات من الأسفل و5 كريات ل خمس طبقات من الأعلى وكرية تكون كبيرة شوية نفتحوها بدون آلة للطبقة السادسة والاخيرة من الأعلى ، نحطها في كيس ونخليها ترتاح ليلة كاملة من الأفضل
الحشو
▪︎3 كيلات مكسرات (820غ ، كل المكسرات حمصوها بلا ماتحمروها يعني يبقى لونها ابيض الا الجوز ماتحمصوهش ، انا استعملت 2 كيلات لوز وكيلة جوز)
▪︎كيلة إلا ربع سكر ناعم (180غ ، السكر الناعم راح يخلي الحشو طري ومايجيش يابس)
▪︎رشة قرفة
▪︎ ملعقة كبيرة مملوءة مرغرين حوالي50غ نذوبها
▪︎ماء الزهر
نبلل الحشو بماء الزهر ونخلط بأطراف الأصابع حتى يولي مرمل ماشي معجن نغطيه ونخليه جانبا
نفتح كريات العجينة بالحلال ثم في ألة التوريق تدريجيا حتى الرقم الأخير، ندهن السنيوة بالسمن الذائب ونستف 5 طبقات من الأسفل وبين كل طبقة وأخرى ندهن بالسمن (مانديرش النشاء) بعد الطبقة الخامسة نفرغ الحشو بالتساوي ونسويه جيدا ثم نضيف 5 طبقات من الأعلى وندهن بالسمن الذائب بين كل طبقة وأخرى والطبقة السادسة نفتحها رقيقة بالحلال ونحطها فالسنيوة نخليها ترتاح قليلا ثم نقطعها إلى مربعات انا استعملت المسطرة تقدرو تستعملو طابع مربع ، بعدما نقطعها ندهنها بالسمن (كمية السمن لي دهنت بيها حوالي 170غ) نغطيها ونخليها ترتاح مدة ساعة قبل مانطيبها
نطيبها في فرن مسخن مسبقا على 180° من فوق ومن تحت كي نشوفها تحمرت جيدا من الجوانب نطفي عليها من الأسفل ونخليها تكمل الطياب من الأعلى ، تطيب مدة ساعة ونصف على الاقل ( طيبتها مدة ساعة و45 دقيقة)، كي نخرجها من الفرن نعسلها مباشرة بالعسل دون إضافات (عسل المرجان) كمية العسل هي نفسها كمية المكسرات ، نخليها تتشرب ليلة كاملة قبل مانقطعها ، والتزيين حسب الرغبة
#بقلاوة
#بقلاوة_جزائرية
#بقلاوة_جزائرية_تقليدية
#ترند
#اكسبلور
#حلويات
الوصفة مكتوبة مع المقادير في صندوق الوصف ❤
الله يعطيك الصحة، واصلي هكذا ، ماشاء الله قناة في القمة ، و انتي تكتبي المقادير و تزيدي الطريقة و النصائح ، المعنى الحقيقي لصندوق الوصف، بارك الله فيك
بارك الله فيك في ميزان حسناتك إن شاء الله
ختي علاه ديري سكر ناعم
من فضلك عجينة كي تبات في ثلاجة و لا برا تعيشو جاوبوني
كي يكون الوقت في الصيف تبات في الثلاجة و يكون الوقت في الشتاء عادي خليها على برا 👍
@@khadidjakrimat5217
شكون جات من التيكتوك كي حالتي❤❤❤❤❤
انا 😅😅😅😅 ميفوتني والو عجبتني جيت نجري
انا ههه
😂😂😂😂anaaa
انا جيت عند بالي انصيب الصوت
مام انا@@baisraa1599
تححححفة الله يبارك تسلم يديك
ماشاء الله عليك
بارك الله فيك واحسن إليك
شكرا خدمة نقية ومتقونة تبارك الله عليك ماشاء الله ❤نجربها ان شاء الله
يعطيك الصحة ابدعتي في وصفاتك وكل وصفة افضل من الاخرى جعلها الله في ميزان حسناتك
شكرا حبيبتي ربي يفرحك ❤️
ماشاء الله يعطيك الصحة والعافية ❤❤
توحف حنون يعطيكي الصحة ربي يزدلك في صحتك وتبدعنا من حلوياتك الراءيعة
ما شاء الله عليك و الله يبارك فيك حقا فيديوهاتك يحفزوني باه نطيب ختي الله يحفظك خدميلنا المقروض
Yatik saha je vais l'essayer rahi techahi
جاتك تحفة ماشاء الله الله ايبارك فيك ❤
جزاك الله خيرا عمل متقن
الله يبارك جات تهبل ماشاء الله❤❤❤❤❤
❤❤❤شكرا بزاف على الوصفة❤❤❤😊😊
ديما متألقة متل العادة ❤
تحفة الله يبارك
مشاء الله تبارك الرحمان اول مرة نشوف وحدة تخدم بهذا الاتقان
شكرا حبيبتي ❤️
عمل اكثر من ارائع ❤❤❤
يعطيك الصحة ❤❤❤
شكرا لك وشرح مفصل ف صندوق الوصف بارك الله فيك
وبقلاوة هايلة كرهنا من تع الميزينة
❤️❤️❤️
تبارك الرحمان نموت عليك وعلى خدمتك
❤️❤️❤️
اخيرا بقلاوة مسڨمة كرهت هذيك تع وحدة فوق وحدة وتعمريها مايزينة
تهبل الله يبارك فيك وفي ايدك
شكرا بارك الله فيك❤️
تحفة مشاء الله
يعطيك الصحة.
روعة ما شاء الله
روعة ماشاء الله
مشاء الله تبارك الرحمن خدمتك نقية ومتقونة تعيشي نسقسيك نوع الفرن الى تطيبي فيه كوزينيار ولا فور واسم الماركة لو سمحتي
قناتك رائعة ❤❤
تحيا يا اليمن وربي ينصر اخواتنا اليمنيين ربي ينصر اليمن يا ربي ربي ينصر خوتنا اليمنيين يا ربي🇾🇪🇾🇪🇾🇪✌🏻✌🏻✌🏻
قناة رائعة تستحق الدعم واصلي
انت فووووووووور حبة مفقودة❤❤❤❤
الله يبارك عليك ختي يعطيك الصحة هدا فن مش بقلاوة ❤
❤️❤️❤️
وصفاتك ناجحة جدا
❤️❤️❤️
ما شاء الله
بارك الله فيك❤
وفيك بارك
مشاء الله
تحفة
تسلم الايادي حبيبتي روعة بالتوفيق ❤️ صح فطورك
شكرا حبيبتي بارك الله فيك
هايلا شكرا جزيلا 😊
لينا ماشاء الله غير حلوياتك لراني معتامدتهم
تحيا السودان الحر ربي ينصرهم ان شاء الله خوتنا تاع السودان🇸🇩🇸🇩🇸🇩😭😭😭😢😢😢🤲🏻🤲🏻🤲🏻✌🏻✌🏻✌🏻
ماشاء الله عليك ربي يحفظك تعيد بصحة والهنا متابعتك من سيدي بلعباس
شكرا حبيبتي تعيدي بالصحة والهنا ❤️
Machallah cest bien expliquer top top lebenat dirouleha jaime rlle le mérite yatk saha
❤️❤️❤️
لينوشة تسلم ايديك ختيتو
❤️❤️❤️
القاطو تاع هاد العام برعاية لينا كويزين❤
❤️❤️❤️
انا تاني العام هذا درت غير القاطو تاعها الله يبارك ❤
والله يا خياتي غير وصفاتها ناااااااااجة مليار بالمائة ديروهم او عينيكم مغمضين
❤️❤️❤️
Ya3tikkk es'haaaa machaaaaaae Allah
الله يباركككككك ماشاء الله والله تستحق الدعم ماشاء الله عليك
❤️❤️❤️
❤
يعطيك الصحة ❤❤❤🇩🇿🇩🇿🇩🇿✅️✅️✅️
ماشاء الله 🎉🎉🎉🎉🎉
مشاء الله ربي يعطيك واش تتمنى ربي يرزقك من واسع الواقع.ولي في قلبك يعطهولك.متنسيناش في وصفة صابلي عادي من فضلك.صح فطوركم وربي يتقبل منا ومنكم صالح الاعمال
اللهم امين ولك بالمثل اختي ربي يحفظك ❤️
اللهم امين ولك بالمثل اختي ربي يحفظك ❤️
تبارك الرحمن...سؤال هل المكسرات مرحية نيه او ناضجة
Tooop❤
سلام حبيبتي كراكي غاية الله يعطيك الصحة مشاء الله عليك فنانة بنت بلادي الفحلة تبارك الله عليك للمليون إن شاء الله حبيبتي 🤲🏻🤲🏻❤️😘👍👍👍👍👍👍👍
شكرا حبيبتي ربي يحفظك ❤️❤️❤️
@@linacuisine6922العفو حبيبتي ربي يحفظك نتيا تاني ❤
شفتك في التيك توك جيت نجري😅
Lina cuisine une découverte cette année les recettes dyawlk InchaAllah
❤️❤️❤️
Salem
Si tu peux nous faire halwa mea3ssela avec la nouvelle pince Nakache stp😊
ما شاء الله عليك وصفاتك رائعة
من فضلك كم مقدار الفرينة و الحشو بالميزان
راني كاتبةالوصفة والمقادير بالغرام في صندوق الوصف ضغطي على العنوان يخرجلك
فلسطين الشهداء فلسطين الشهداء الشهداء الشهداء فلسطين فلسطين الشهداء فلسطين فلسطين فلسطين الشهداء فلسطين🇵🇸🇵🇸🇵🇸🇵🇸🇵🇸🇵🇸😭😭😭😭😭✌🏻✌🏻✌🏻✌🏻
من فضلك اختي الفاضلة عندي الكويزينيار ماتشعلش من فوق ومن تحت في نفس الوقت نورمال ؟ وهل نستعمل لاشلور تورنونت ولا لالا
Handirha commande ad3iwli tanjahli
يادرا كيفاش جاتك الأخت؟
ياعمري الله يعطيك الخير انا انشاءالله ندير هدي 30) 40 مي عندي سوال ليك السمن والزبدة شحال اندير السمن اكثر من الزبدة ولا الزبدة؟؟
نفس الكمية نص زبدة ونص سمن
نقدرو نستعملو زبدة التوريق فالعجينة؟
هايلة من فضلك شحال المربع قطعتيها من سنتمتر
4,2سم ×4,2 سم
ربي يبارك مشاء الله برك انا ندير مارغرين la belle وحدها منخلطش سمن و الباقي كيما نتيا ربي يجازيك
انا ثاني مانبغيش السمن كنت ندير غير المرغرين بصح السمن يمد قرمشة للعجينة أكثر من المرغرين وكي تورقي بيه ثاني يمد لون موحد للبقلاوة وتتحمر كامل كيفكيف
@@linacuisine6922 التوريق نورق بالسمن برك العجينة ندير مرغرين لابال
من فضلك عندي فرن فونتيلي ، كيفاش تكون طريقة الطهي فيه
اختي في الله نقدر نستعمل زبده التوريق وتخليها تبات ولا لا فهمني من فضلك
Linaبغيت مقروض من يديك باهين جامي جاني مليح😢
Ki tkon hakda chhal yahasboha lhaba?
ممكن قياس ضلع المربع عندي نفس البلاطو مستحيل تقطع 35 🤔
يعطيك الصحة العجينة نبيتوها في الثلاجة
فالثلاجة وخرجيها قبل ماتستعمليها تولي بحرارة الغرفة
❤❤❤❤❤
تعيشي اسم الفرينة لي ستعملتيها ؟؟ ماشاء الله 😍
سفينة (rose)
❤❤❤❤
من فضلك عادي نديرو الحشو بسكر رطب
واه راني دايراتو بالسكر رطب
نقدر نعتمد الوصفة دون الة التوريق من فضلك
تقدري
شحال قياس الحبة نتاع البقلاوة
❤❤❤❤❤❤❤❤❤❤
حبيبتي كيفاه لمعتي مكسرات
غلوكوز مع عسل نفس الكمية تسخنيها وتحطي عليها مكسرات
سلام آختي واش من فرينة استعملتي عندي سيم لكن درت بيها اتشاراك خوجلي ليدام
احسن فرينة هي سيم
عندي سنيوة كيما تاعك جديدة مي ماتحمرش مليح عادي نطيب فيها ؟
كاين انواع سنيوات مايطيبوش مليح من تحت ماننصحكش لازم تكوني متأكدة منها ومجربتها من قبل
حسيتك مديتي لينا الروسات من قلبك
👍👍👍👍👍👏👏👏👏👏
العسيلة من الاحسن نضيفولها ماء الزهر باش متجيش البقلاوة يابسة وتحرق
لالا البقلاوة يلا زدتيلها اماء الزهر مع العسل تروح القرمشة وتولي العجينة طرية في نهارها لازم عسل وحدو العجينة مقرمشة والحشو طري
@@linacuisine6922 اوكي شكرا
❤❤❤❤❤🎉
ختي سكر قلاص ميبسش الحشو تعيشي جاوبيني
طيبتها ساعة و45 دقيقة وشوفي بعينيك كي قسمتها مع الاخير حتى ويكون الحشو بالكوكاو جامي يبسلي الحشو بالسكر الناعم
الاخت تعيشي فوليلي سكر ناعم مييبسش الحشو ؟؟؟!!!!
لالا
Just stp avoir chahal moukassaret bel grame 🙏🙏🙏
شوفي صندوق الوصف راني كاتبة بالغرام والوصفة مكتوبة
Barakallah fik
من فضلك شحال درتي طول الحبة 4 سم؟
4,2 سم باش طاحتلي نيشان مع السنيوة
من فضلك قيس الحبة شحال اذا قسنا بالمسطرة؟
انا موالفة ندير 4 سم غير زدت 4,2سم هاذ المرة باش تخرجلي على حساب السنيوة وماتبقاش الزيادة سما نتي حسبي السنيوة شحال فيها بالضبط وقسميها المهم ماتكونش الحبة قل من 4 سم
بارك الله فيك
المشكل عندي سنيوة هك مطيبش من تحت 💔
شحال الرقم الاخير
انا عندي رقم 9 هو الاخير
السلام....بغيت نسقسيك باش نقدر نعوض الجلوكوز (تع المكسرات)
الجلوكوز هو أفضل حاجة للمكسرات يخليها تلمع وتلصق مليح اذا مكانش لصقيهم غير بالعسل
@@linacuisine6922 شكرا
@@linacuisine6922 شكرا
وش رايكم في وصفاتي ؟؟
ولي معندهاش الة توريق😢
Techerri waheda😅😅
علاه مدرتيش سكر لعادي
مانديرش السكر العادي نفضل السكر الناعم نضمن الحشو يجي طري مهما طول فالطياب
الله الله والله مرة جاتني فكرة من راسي نجرب سكر ناعم لكن خفت وترددت @@linacuisine6922
ختي الحشو كي ستفتيه كنتي تضغطي بكوب بات باش يتستف ،ولا كنتي غير تعدلي فيه ،أنا دايمن يتفتتلي كي نقسمو💔
ضغطي شوية قيس ما يتستف معليش
مخليتيهاش العجينة تريح ديراكت بسمتي وبديتي تخدمي بالمشينة ?!
خليتها تريح ليلة كاملة (من الافضل)
Itsema chak boule dirlek tabaraqa wahda hakda,kheft Lokan la boule matekfich l tabaka wahda ki 3ad b machine ,3ndi sniwa khot dialk onhabit ndirha
لا تكفيك اذا راح تفتحيها بآلة التوريق ماتخافيش كل كرية ديرلك طبقة والطبقة التالية لي حليتها باليد فيها تقريبا قيس 2 كريات
@@linacuisine6922 yatik saha o baraka allaho fik hadi hiya li ndirha ni idn Allah