#تشاراك_مسكر
HTML-код
- Опубликовано: 14 апр 2023
- #حلويات_جزائرية_تقليدية
تشاراك مسكر
بالنسبة لهذه الكمية قسمتها عل 2 النصف درت بيه تشاراك مسكر والنصف الأخر درت بيه كعيكعات راح يكونو فالفيديو القادم ان شاء الله
يعني كمية المقادير خرجتلي 25 حبة تشاراك و22 حبة كعيكعات ولي تبغي دير نوع واحد تقسم المقادير على 2
العجينة__________________________________________
3 كيلات ممسوحة فرينة (مايعادل 800غ)
كيلة مرغرين طرية (مايعادل 400غ) أو سمن
3 ملاعق كبيرة بودرة الحليب
2 ملاعق كبار سكر ناعم
نصف ملعقة كبيرة فانيليا ، رشة ملح
نصف كيلة ماء + ماء الزهر
الحشو___________________________________________
3 كيلات كوكاو محمص ابيض ومرحي (مايكونش بودرة)
مايعادل (450غ)
نصف كيلة سكر (140غ)
عطر اللوز الحلو ، نصف ملعقة كبيرة فانيليا
ملعقة كبيرة مرغرين طرية
ماء الزهر حسب الحاجة
________________________________________________
العجينة_____نغربل كل المكونات الجافة ونخلطها ، نحط المرغرين ونبسس الفرينة حتى تدخل كامل المرغرين فيها نضيف نصف كيلة ماء وماء الزهر تدريجيا ونجمع العجينة بدون ماندلكها حتى نتحصل على عجينة طرية نوعا ما كي نشكلو كرية لازم ماتتشققش من الجوانب نحطها في كيس بلاستيكي ونخليها ترتاح ساعتين
الحشو____نحط السكر مع ملعقة مرغرين وعطر اللوز والفانيليا ونزيد شوية ماء الزهر ونحاول نذوب السكر ، نضيف الكوكاو ونبقى نزيد ماء الزهر ونعجن فيه حتى نتحصل على حشو يكون معسل و طري نوعا ما نحطوه في كيس ونخلوه يرتاح مع العجينة
________________________________________________
طريقة التشكيل موضحة في الفيديو
نخلي التشاراك يرتاح على الاقل 6 ساعات ونطيبوه في فرن مسخن مسبقا على 180° يطيب من تحت ومن فوق كي يبدأ بالحمرار من الأسفل نطفي عليه من الأسفل ونخليه يأخذ لون ذهبي من الأعلى (25 دقيقة كأقصى حد لانو كل مايطول فالطياب راح ييبس الحشو)
نخرجوه من الفرن ونحطو مباشرة على الورق الماص راح يتشرب ليدام لي يبقى فالتشاراك ونخليه ليلة كاملة قبل مانسكروه (ليدام هو لي يخلي السكر يصفار ، هاذ الطريقة جربتها 3 مرات والتسكار يشدلي أكثر من أسبوعين)
المقادير مع اهم الملاحظات مكتوبة في صندوق الوصف اضغطو على العنوان يخرجلكم .. صح فطوركم ❤️
ماشاء الله تبارك الله عليك خدمتك جدا رائعه اختي شكرا لي الوصفة
ممكن ما نديرش حليب البودرة؟
@@caramella9957وين نلقاه صندوق الوصف
ماشاء الله تبارك الرحمن يعطيك الصحة 🥰🥰😍❣️❣️ من فضلك وش مالمرڨرين ستعملي واللي مليحة للتشاراك
@@AyaAya-bo3tu اضغطي على العنوان يخرجلك
جربتوا للعيد جا هاااااايل و طري و فيه ريحة زمان يعطيك الصحة
راح نجرب هذا العيد 3 أنواع من الحلويات نتاعك خيرتهن من قناتك شريت الصوالح ونشوف انشاء الله يخرجلي كيما يحب الخاطر نذوق واكيد راح نردلك الخبر
بارك الله فيك على الوصفة و نصائحك ، فيديو منعش 🌸🌸
النظام ، الهدوء ، النظافة ...و ما يعجبني أكثر المقادير بالغرام و عدد الحبات أسفل الفيديو 🌸
لك جزيل الشكر ❤❤❤
السلام عليكم ، بغيت نڨولك جربتو في العيد و تبعت واش ڨلتي بالحرف و خرج تحفة اللهم بارك، دعيتلك من ڨلبي، حسيت روحي متمكنة فيه من أول مرة، ربي يجازيك حبييتي ❤
❤️❤️❤️
يعطيك الصحة خدمتك متقونة الله الله ربي يبارك
كي العادة قمة الذوق والفن
رووووعة متألقة كالعادة ابداااع يعطيك الصحة اختي
ياماشا ءالله روعة تسلم الايادي حبيبتي جزاك الله خيرا
ماشاء الله عليك كل يوم نستنى في وصفاتك تستاهلي ذرع ذهبي
الله يعطيك الف صحة وعافية يارب راهي يشهي الله يبارك
خدمتك فن الله يبارك ❤️ ربي يوفقك 🥰 أنت في القمة
يعطيك الصحة جا يهبل مشاء الله ❤
❤❤❤يعطيك الصحة خدمة بالطبع متقونة ماشاء الله ربي يوفقك حبيبتي
الله يبارك فيك ويعطيك الصحه 🎉🎉
يعطيك الصحة والعافية راني جربت وصفاتك ان شاء الله توصلي مليون ابوني قناتك تستاهل اكثر
يعطيك الصحة ربي يحفظك ويسعدك ويوفقك ويبارك بعمرك ويعطيك ويرضيك راني درتو وجا واش نقلك روعة بمعنى الكلمة وطبقت واش قلتي بالضبط
ماشاء الله بين انو كل حلوياتك رووووووعة مزيد من النجاح
روعة ماشاءالله الله يبارك يعطيك الصحة والعافية ماشاءالله
أقل مايقال شغلك تحفة💖💖💖💐.
رووووعة رووووعة الله يحفظك ويسعدك ويوفقك حبيبة قلبي
ما شاء الله عليك كل لصبع بصنعا عجبني تشراك وطريقتك درتلك ابوني
قناة هايلة الله يبارك يعطيك الصحة
ماشاء الله يعطيك الصحة
هذي اول مرة نشوف قناتك رائعة ماشاء الله
يعطيك الصحة بكل بساطة و سلاسة شجعتيني باه نديرو ❤❤❤❤راهي زوج تاع الصباح نوجدو و نطيبو غدوة❤❤❤❤
الله يبارك اول مرة نشوف قناتك ماشاء الله
تبارك الله يعطيك الصحة وتسلم يديك شكرا من كل قلبي على العمل المتقن والشرح الوافي يعجز اللسان عن التعبير في ميزان حسناتك أنا من محبي هذا النوع من الحلوي ان شاء الله نجرب طريقت الناااااجحة والراااائعة تحية عطرة من بسكرة
ماشاء الله و ربي يحفظك ❤❤
جربتو البارح جا هايل وفيه بنة زمان انا فقط خلطت مابين سمن ومرغرين وصفاتك قمة وهايلة ممكن اختي طلب صغير ديرنا وصفة النقاش بمقادير صغيرة
شكراً بارك الله فيك ❤️
غدوة ان شاء الله نجربو
خدمتك زينة الله يبارك
يعطيك الصحة 🎉
ماشاء الله فنانة
ماشاء الله لي الشرف ان اكون اول المعجبين
❤️❤️❤️
رائعة كالعادة
صحة فطورك الله يبارك من قلبي لو ليا نعطيك الذهبي في يدك ❤❤❤❤❤
ماشاء الله عليك ❤❤❤❤
مشاء الله قناة تستاهل في قمة
نموت على قناااااتك ماشاء الله تستاهلين دعم اكثر كلش بطبع كلش غدا نجربو بإذن الله
❤️❤️❤️
هايل ماشاء الله
❤❤ماشاءالله تبارك ررروعة❤❤
كمل على خيرك وديرنا غدوا تشارك العريان ❤❤❤❤❤❤
يعطيك الف صحة
يعطيك الصخة تحفة
الله يفرحك يختي ويعطيك مراكي متمنية ديريها كمية صغيرة
يعطيك الصحة جا روعة من فضلك اختي شحال نحسبو للحبة
ماشاء الله
جاك يهبل ماشاء الله .نقدر نخدم العجينة في الليل ونديرها في الفرجيدار حتى الغدوة ونشكل
مشاء الله
قناة رائعة
درتو ليوم للعيد جاني روووعة الله يخلف عليك 😘😘😘😘😘
بصحتكم وعيد مبارك ❤️
الله يبارك ماشاء الله قد ما نقلك اتقان وقلييل ... ام منذر
❤️❤️❤️
Tjr net3elem menek allah yatik w ymenik
شكرا للفيديو الرائع والشرح الوافي
وصفاتك لايعلا عليها بمنتهى الروعة والجمال والاتقان
تحياتي الخالصة
وقرن غزال كيما نسموه اكيد قيد التجريب
ماوسموش قرن لغزال ٠٠٠٠٠ وسمو شراك
@@celinabouchia7429 احنا نسموه قرن غزال
تستاهلي عشر ملاين مشترك اول مرة نشوف قناتك
❤️❤️❤️
بسم الله ماشاء الله تبارك الله سلاما علي من مر صدفة فصلي علي النبي زادني حسنة وازدادت حسناته
كل سنه وانتم طيبين عيد سعيد عليكم جميعاً يارب 🤲
فنانة تبارك الرحمان فكرتك تذويب السكر بالزبدة سابقة من عندك احسنتي
بالزبدة وشوية ماء الزهر هو ماراحش يذوب كامل لكن كي تعجنيه بالطريقة الموضحة فالفيديو يذوب بالكامل
عجبتني قانتك موسيقى رائعة وجميلة تعبت من الفوضى والكلام انا اتعالج حاليا ووجدت قانتك اطبخ واستمع الى موسيقى انتي فنانة في طبخ مشاء الله عليك المزيد من النجاح ❤❤❤❤❤
شكرا الله يشفيك ويعافيك يارب
من فضلك قوليلي كيفاش ترحي الكاوكاو رقيق ❤❤❤
جربتو جا هايل هايل يعطيك الصحة
❤️❤️❤️
@@linacuisine6922 ياريت ديرينا قاطو النقاش من فضلك
والله هذا الأسبوع اكتشفت قناتك انت فعلا فنانة تستحقين الملايين من المشاركين
شكرااا❤️❤️
العيد السنة برعاية لينا مافيهاش ❤❤❤❤❤ تشاراك مسكر وعريان
يعطيك الصحة والله ياختي خرج تحفة برافو👏👏👏👏👏👏👏👏
شكرا حبيبتي❤️
@@linacuisine6922ممكن نستغنى على حليب بودرة
يعطيك الصحة حنونة .راني جربت الصابلي تاع جوز الهند خرجلي تحفة.جربوه لبنات حاجة تحمر الوجه و بنين
مشالله
ممكن نستغناو على حليب البودرة؟؟
السلام عليكم حبيبتي صحا فطورك مجموع الكيلات تاع الكوكاو 450 او الكيلة الواحدة 450 وربي يحفظك 😘😘😘😘
يعطيك الصحة دايما مبدعة ربي يحفظك ويسعدك ويوفقك انشاء الله
من فضلك واش من زبدة استعملتي
الله يبارك في يدك ويحفظك من كل عين حاسدة ياااارب مبدعة كالعادة
حبيبتي ممكن سؤال تصلح الوصفة هذي وانديرها قلاصاج من فوق
اه راهي قالت غدا انشاء الله تحط كعيكعات بالطلية بنفس هذي الوصفة خدمت نصف تشارك ونصف كعيكعات
نعم تصلح كيما قاتلك درت بيها الكعيكعات بالطلية
@@linacuisine6922 شكرا على الاجابة
نقدر نستبدل مارقرين بسمت
نقدر ندير شوي سمن ماش ذايب نص مع نص مقرين ماش ذايبة كيفك
سلام اختي معندكش وصفة غريبية لورقة
Sltp pour quoi ta fait le lait en poudre dans tcharek alors que jamais on fait cette ingrédients
ماشالله يهبل .انا دائما الشكل يفسدلي في الفور وين رآه المشكل
الشكل يفسد كي يبقى الهوا داخل العجينة وتقدري ديره فلي مول نتاع الحديد كيما نتاع الكعيكعات
اي نوع مقرين
مشتركة جديدة يعطيك الصحة حبيبتي وصفة رائعة جدا فعلا تستحق التجربة شرح مفصل شكرا لك على المصداقية سؤال انا عندي مشكل في طريقة الطهي لانو الفرن انتاعي ما يشعلش من الفوق و التحت في نفس الوقت و نخاف ييبس معايا الحشو جاوبيني لو سمحت اختي و بالتوفيق انشاء الله 😊
ختي انا مالفة نطيبو فوق ورق طهي تعيشي كي نخرجو لازم تان نحطو فوق ورق ماااص؟؟؟؟
❤❤❤
❤❤❤😍
عجبتني طريقة الحشو رايح نجربو أن شاء الله يصلح برك رايح نغامر مع كوكاو غالي
قسمي المقادير دايما جربي بكمية صغيرة كي تنجحلك زيدي
@@linacuisine6922 قصدك نقسم ونطيب ونشوف هك إذا يبقى طري ربي يحفظك جاوبيني مع شرح غدوة نجربو
@@user-gq5xf6cu2y قصدي إذا اول مرة تسييه قتلك جربي بكمية قليلة كي قلتي الكوكاو غالي اما الوصفة بالنسبة ليا كون ماهيش ناجحة اكيد مانحطهاش
راهي تقصد صاحبة القناة تقولك جربي بكمية صغيرة يعني مديرش كيلة كبيرة مثلا كيلي بالكاس اذا شفتي بلي نجحتي فيه ديري كيلة كبيرة فهمتني أختي رانا كامل نتعلمو ولازم تبداي بكيلة صغيرة
@@samrasamra6365 شكرا اختي على الرد ربي يحفظك
اني من العراق الحشو كاكاو بودر احنه عدنه لكاكاو يكون لونه جوزي شو الحل اعمل اي حشو ثاني
يعطيك الصحة يهببببل ويشهي
الاخت نسقسيك اذا نقدر في قاطو الشامية اللي درتيه نلصق الطبقات بكريمة الزبدة ونرمدهم في خليط العسل وخلوة ترك يعني تصلح وتجي مليحة ؟دبري عليا من فضلك
لا ديري نفس الخليط فالحشو
وصفات روع 0:00 ة❤❤❤❤❤
❤❤❤❤❤
شحال خرج من حبة هدا الكيل
سلام أول مرة نشوف قناتك جيت نحوس وصفة تشاراك مسكر والعريان عجبتني خدمتك ماشاء الله ان شاء الله تخرجلي شابة قوليلي ممكن نخدم العجينة دوك رانا فالسهرة ونشكلها غدوة منتصف النهار يعني حوالي 14 ساعة؟ ماشي بزاف؟ مايخرجلهاش ليدام؟
من فضلك ختي نقدر نستبدل مارقرين بل سمن
واه تقدري
❤❤❤❤❤❤❤
تبارك الرحمن، اختي يجي يذوب في الفم ولا يجي يابس لاخاطرديما يجيني يابس، والحشو نضيفلوا بيضة ولا لا
مايجيش يابس اختي راني قسمت الحبة في الاخير شوفيها يجيك يابس علاخاطر تخليه يطول فالفرن الحشو ماديريش فيه البيض
@@linacuisine6922 ربي يحفظك ويسعدك ويوفقك بحياتك شكرا ممكن وصفة قاطو البان دوبيس
يعطيك الصحة كاين نوعيه اخرى تع السكر يرمد احسن من المرجان الف مرة و ما تحتاجيش تعاوديه ولا تخليه يطول
واش هي النوعية ؟
@@linacuisine6922 اسمي سكر العصفور هايل اختي يسهل الخدمة عليك انا كنت نكرة التشاراك من التسكار و ضرك وليت نخدمو نورمال
اول مرة نسمع بهذا الماركة
حلوة بس حساها صعبه فى العمايل
لينا ختي لعجينة واش نقدر نخدم بيها ثاني ربي يحفضك ❤️
او نقدر نستعمل الغرس معجون التمر ؟!
كعيكعات
@@user-rg9hd2iy9b شكراا ختي ربي يحفضك ❤️
او نقدر نخدم بيها لعرايش ؟
@@AMIR-zz3hq اكيد
اختي كي عملتي الفرينة في سيرو متبسش الحبة كي تنشف
لالا ماتيبسش
شحال من حبة خرجتلك
❤❤❤❤❤❤❤❤❤❤❤❤❤
شغل فوق مستوى أى تعليق ....مابديل ماء الزهر فى الحشوة اولادى لايحبون رائحته ....فى العجينة يمكننى استبدالة بالماء او الحليب ....وفى الحشوة ...أضع ماء مع لافانى ولا أية ؟. برجاء الرد فضلا وليس أمرا .....مصر
تعيشي لينا انا نحوس نديروا باللوز نتابع نفس الملاحظات و الطريقه ولا لالا تعيشي جاوبيني
اللوز تقدري ماتحمصيهش وزيديلو فاني ولا قرفة والباقي نفس الملاحظات