لطفي بوشناق || صندوق عْجَبْ || Lotfi Bouchnak
HTML-код
- Опубликовано: 3 окт 2024
- كلمات الشاعر : آدم فتحي
ألحان و غناء : #لطفي_بوشناق
الصفحة الرسمية للفنان لُطفي بوشناق على الـ Facebook
/ lotfi.bouchnak.official
Subscribe to Lotfi Bouchnak RUclips Channel
By : Rama n Haimour
نِحْلِمْ وانا صـاحِي يا صندوق عجبْ
يا جْناحِي يا جْناحي والريشاتْ ذهَبْ
بَكِّي، والاّ فَرّحْ داوِينِي والاّ اجْرحْ
غِيرْ خَلِّينِي نسْرَحْ نسْرحْ كِيفْما نْحِبّ
نِتْفَكَّرْ بِالسِرْقَة، مِنْ عْيُون الشِيبْ
كِيفْ كَانْ عُمْرِي وَرْقَة، تُرْقُصْ عَ الأغصانْ
وَانَا صْغِيرْ، وْنِدْهِشْ، قُدَّامْ كُلّ عْجِيبْ
قَدَّاش تْوَحَّشْتِكْ، يَا دَهْشِة زْمَانْ
نْطُلّ عْلَى صنْدوقْ، مِنْ شبّاكْ مْدَوَّرْ
أَكْبَرْ مِنِّي وْأَكْبَرْ، مِ العَالَمْ لِكْبِيرْ
يَا صنْدوقْ عْجَبْ، فُوق اللِي نِتْصَوَّرْ
اِسْرَحْ خَلِّي نِسْرَحْ، بِجْناحِكْ وِنْطِيرْ
لْتَوَّة عُمْرِي لَحْظَة \ مَا بِينْ زُوز أَفْلامْ
لاَ مْحَصِّل اليَقْظةْ \ وْلاَ مْحَصِّلْ لِمْنَامْ...
نْشُوفْ شْوَارِعْ تُحْضُنْ، تَحْت جْنَاح الظلْمَة
غُنَّايَات جْدِيدَة، مْعَ حْكَايَات زْمَانْ
يُفْطُنْ بِيهَا القَلْـبْ، اللِي جَرْحِتُّو الكِلْمَةْ
تُهْرُبْ مِنْ خَزْرِتْنَا، لِشْقُوق البِيبَانْ
ونِتْخَمَّرْ في لَحْظَة، نْشُوفْ اِسْمِي وْعُنْوانِي
بِينْ "زُورْبَا" اليُونَانِي، وْ "عَنْتَرْ بِنْ شَدَّادْ"
نْشُوفْ رُوحِي "زُورُو"، وِ بْسِيفِي وحْصَانِي
نْرَجَّعْ وَرْد بْلاَدِي، لْخُدِّين البْلاَدْ
ونْقُولْ لِلتَخْمِيرَة \ كِي تْفِيقْ وتْفَيَّقْنِي
سَرْقِتْنِي تَصْوِيرَة \ وِنْحِبّهَا تَسْرَقْنِي...
نِتْفَكَّرْ بِالسِرْقَة، مِنْ عْيُون الوَقْتْ
كِيفْ كَانْ عُمْرِي وَرْقَـة، تْغَنِّي مْعَ النسْمَاتْ
وَانَا صْغِيرْ، وْنِحْلِمْ، ومَازالْ عِنْدِي وَقْتْ
بَاشْ نُقْتُل الوَقْتْ، عْلَى كْرَاسِي الصَالاَتْ
نْطُلّ مْنِ الشبَّاكْ، ونُهْربْ للِأَفْلاَمْ
مْنِ الزَنْقَة، والفَلْقَة، وعْذَابَاتْ ايَّامِي
ونسْأَلْ طُول الوَقْتْ، مِنْ هَاك الأيَّامْ
عْلاَشْ كِي تِشْعِلْ صَالَة، تِتْحْرَقْ أَفْلاَمِي؟
وْعَ الرَغْم مْنِ الزَنْقَةْ \ نُخْزُرْ مِ الشبّاكْ
ونِكْتِب عْلَى الورْقة \ يَا عُمْرِي، مَا احْلاكْ...
لْتَوّة يَا صنْدوقْ، كِي نُخْزُرْ قُدَّامِي
ونلْقَى الدنْيا قْفَصْ، مَاشِي عْلَى قُدّامْ
نْحَاوِلْ مِنْ شبّاكِكْ، نْطَيّرْ أَحْلامِي
حَتّى وانت اليُومْ، أَصْغَرْ مِ الأحْلامْ
ونُحْضُن التَصْوِيرَة، في البَرْد، وفي الظلْمَة
ونْقُولِلْهَا: اِسْقِي، الروح اللِي تْبَقَّاتْ
مُمْكِنْ يِمْحِي الوَقْتْ، الخطْوَة، ويِمْحِي الكلْمَة
ومُمْكِنْ يِمْحِي الوقْتْ، البَنْيَة، مَهْمَا عْلاَتْ
ومُمْكِنْ يِمْحِي الوَعْدْ... وَحَّدْهَا التَصْوِيرَة
تبْقَى لَحْظَةْ، بَعْدْ...اللَحْظَة الأخِيرَة...
#Lotfi_Bouchnak
يرجى الإشتراك في القناة وتفعيل ( الجرس ) ليصلك كل جديد
. . . . . . . . . . . . . . . . .
يتم التبليغ عن القناة عند تحميل الفيديو في أي شكل كان وتحت طائلة المسؤولية .
محلاه الصغر ،و محلى البراءة و كيف كنا نشوفوا كل شي بدهشة ،غناية قمة في الروعة و تمس برشا 💔بالحق الغنايات الي كيف هكا إلي تستحق إنها تتسمع و تتشهر ❤️❤️❤️❤️
ونقول يا عمري محلاك...كلمات ولا اروع❤❤❤
تحيّة طيّبة لمن يستمع لبوشناق بقلب صاف
روعة فنية 👌😊✌🇹🇳
قداش توحشتك يا دهشة زمان ♥️
الكل توحشنا دهشة و براءة الطفولة، توحشنا هاك اللمعة في العينين وقت تلق مالفرحة، وقت كان عمرنا ورقة، قداش توحشنا تونس القديمة 💔
التقاء عبقرينين الفنان لطفي بوشناق والشاعر فتحي أدم
قداش توحشتك يا دهشة زمان 😍❤
تحية من الجزائر ، روعة
ذكية جداً القصيدة بشكل عجيب👌🏻👌🏻
ليسلم قلم الكبير آدم فتحي🌿🖤
بداخلي كلام كثير ...أشعر بالذهول
ممتنة جداً للغة والشعر بصفتهما مختزلين لكم كبير من مشاعرنا وأفكارنا وخيالنا بكلمات قليلة يستطيع الشعر وصف ما يعجز اللسان عن وصفه ويصل لأعماق النقاط في قلوبنا ..
شكراً أستاذ لطفي بوشناق🖤
Top
طططط9ط٩
فنان بأتم معني للكلمة .... صوة و أخلاق عالية
لطفي بوشناق وادم فتحي ===== الابداع
ملا كلمات !!!! 😍😍
الله عليك يا مفن مشكور جدا ، على فكرة شفت الفيلم قبل زمن واتذكر انني سجلت هذه الاغنية اغنية نهاية الفلم ومن يومها استمع اليها بين فترة وفترة ،فيلم جميل واغنية راقية وصوت رخيم، شكرا على الذكريات الجميلة.
Bravo. Mr. Lotfi. M3alim.
كل ما نسمعها نتفكر صغري و شبابي بيما فيهم من باهي و خايب ، لمة العائلة الأصحاب و الاحباب اللمة في الحومة
و تو كي نسمعها و انا في الغربة ما عرفتش نبكي و إلا نضحك
لكن الأكيد نسرح بخيالي
شكراااااا يا فنان
سي لطفي الصوت التونسي الشجي هو الأصل
و يبقى الفن للفنانين فقط ...
❤️❤️❤️
محبينك من اليمن
العظيم و الصوت الفخم جدا جدا
Mala gneya w mala sout w mala i7ses nesma3 w nzid nesma3 w nzid nesra7 bravo ya kbir ❤❤
من احلى ما تسمع في حياتك
بنة نموت عليها الغناية
روعه
©️ original wiled bled 🇹🇳
حلوة برشة
بنَّة ❤❤❤🇹🇳🇹🇳
🌷⚘🌹
♥️♥️
😍😍😍
🇦🇪🇦🇪
🇦🇱🇰🇬