دولمة

وصفة الدولمة
راح نبدي بالضلوع عادة اشتريهم تكون قطعة وحدا وإني اكطعهم مثل ما مبين
بعد التقطيع اغسلهم وأخلي عليهم ملح وفلفل اسود
الحشوة
استعمل تمن سوشي او تمن تايلندي اوووو بسمتي عادة تمن السوشي والتايلندي يسويها لاجعة والبسمتي لا ما تصير لاجعة الا تضيفين عليها هواي مي
اللحم أخذ روست واكطعه بايدي مكعبات صغار
أخبط التمن وَيَا اللحم وَيَا زيت وَيَا معجون (( حسب الرغبة تكون كمية المعجون ))
فلفل اسود ملح
الثوم أبدي بالثرم وخليه عليه ملح وزيت زيتون وابقي اثرمي بيه بالسكينة لحد ما يصير مادة لزجة مثل الميونيز وخليه بالحشوة وبس هاي تكون الحشوة عندي ،،،
هسة نجي على الحموضة الي يخلي ليمندوزي يخليها وَيَا خبطة التمن الي كتبتها الي تخلي سماق راح تأخذ كمية السماق وتخلي بيه مي وتبدي تغلي بيه وهيا تشتغل بالحسوة وكل ما يغلي تأخذ مي السماق وتخلي على جهة وترجع تضيف مي بالسماق وتغليه لحد ما تتاكد إنّو خلص أخذت حموضة السماق كله
الخضراوات استعمل بصل وطماطة عدد واحد او ثنين فلفل اخضر جبير ابد لا تخلين لان يأخذ طعم الدولمة كلها اخلي الفلفل الي بالصورة هوا حار بس بيه الشي الحلو ما يطّلع الحار منه يبقى داخل الفلفل اسمه Banana pepper
او إنتي براحتج الي تريده من فلفل
البصل اكصه من النص يعني نصف دائرة اخلي ملح بيه وهوا بعد كم دقيقة ينفتح اغسله واستعمله او تكدرين تسلكي لكم دقيقة
سلق استعمل الأحمر لان بيه طعم أطيب وما يتكطع مثل السلق العادي غير خضراوات ما استعمل لان ما يحبوهم بالبيت انتو حسب الرغبة ورق عنب اكيد نخلي وهواي
اغسل الضلوع من المواد الي خليتهم بيهم
هسة نجي على اللف اخلي نهايات السلق اول شي
أ اول سطر الف ورق عنب
واجي اسفط الضلوع مثل ما مبين بالصورة
وفووك الضلوع اخلي شكو خضرة عندي وبعد الخضروات ارجع الف ورق عنب وسلق لحد ما اخلص من الحشوة كلها عادة تخلون ماعون عليه وثقل
نجي على ألمي الي ما ستعمل ليمندوزي وجهز مي السماق خلي يخليهم على الدولمة بس تشوفين ألمي وَيَا مستوى الدولمة خلص يكفي والي ستعمل. ليمندوزي يستعمل مي حار وهم نفس الشي وخليها على النار بس تغلي اول غليه نصي النار وخليها اقل من وسط حتى تنطبخ على كيفها
بعد ما خلصت شلون تقلبيها خلي الخبز على الجدر وخلي الصينية او المعاعون الي قررتي تقدمين الدولمة بيها على الخبز الي خليتيه على الجدر وشيلي الجدر وانتي لازمة الجدر والماعىون كلهم سوه واقلبيها حتى تطلع مثل الي الصورة
وألف صحة وهنا 😍😘