Ghalib - Dhamki Mein Mar Gaya - Complete Urdu Ghazal
HTML-код
- Опубликовано: 21 окт 2024
- #GhalibPoetry #UrduPoetry #GhalibGhazal #UrduGhazal #PakistanUrdu
دھمکی میں مر گیا جو نہ باب نبرد تھا
عشق نبرد پیشہ طلب گار مرد تھا
تھا زندگی میں مرگ کا کھٹکا لگا ہوا
اڑنے سے پیشتر بھی میرا رنگ زرد تھا
تالیف نسخہ ہائے وفا کر رہا تھا میں
مجموعۂ خیال ابھی فرد فرد تھا
دل تا جگر کہ ساحل دریائے خوں ہے اب
اس رہ گزر میں جلوۂ گل آگے گرد تھا
جاتی ہے کوئی کشمکش اندوہ عشق کی
دل بھی اگر گیا تو وہی دل کا درد تھا
احباب چارہ سازی وحشت نہ کر سکے
زنداں میں بھی خیال بیاباں نورد تھا
یہ لاش بے کفن اسدؔ خستہ جاں کی ہے
حق مغفرت کرے عجب آزاد مرد تھا
Dhamki mein mar gaya jo na baab-e-nabard tha
Ishq-e-nabard-pesha talabgaar-e-mard tha
Tha zindagi mein marg ka khhatka laga hua
Urnay say paishtar bhi mera rang zard tha
Taleef-e nuskha-haye wafa kar raha tha main
Majmua-e-ḳhayal abhi fard fard tha
Dil ta jigar, k saahil-e-dariya-e-ḳhun hai ab
Is rahguzar mein jalwa-e-gul aagay gard tha
jaati hai koi kashmakash andoh-e-ishq ki
Dil bhi agar gaya to wahi dil ka dard tha
Ahbaab charasazi-e-wehshat na kar sake
Zindan mein bhi ḳhayal bayaban-naward tha
Ye laash-e-bay-kafan 'Asad'-e-ḳhasta-jan ki hai
Haqq maghfirat kare ajab aazaad mard tha