Timmintee hajju e Umru sabu Alla - Tafsir Thierno Demba Bah

Timmintee hajju e Umru sabu Alla. So wood ko gantini on ndeen ko ko ɓuri weeɓde e hadaaya (manaam kirse mbeebde) waɗete. Woto labbee ko’e haa njotto-ɗon nokku hadaaya (manaam dokke kirseteede). So woodii e mon ñawɗo walla mo ella woni e hoore mum, yoo soodtiro koorka walla sadaka walla kirsa. So on kisii, kala belaaɗo ɓennude Umru feewde e hajju ndeen ko ko weeɓi e hadaaya o ƴeewata. Mo dañaani yoo hoor balɗe tati e hajju e jeeɗiɗi so on nduttiima. Ɗuum hawrata ko sappo timmuɗo. Ɗuum ko wonande e mo koreeji mum koɗaani e hedde Juulirde Horminnde. Kulee Alla, te nganndon Alla omo saɗti leɓte.