Tiro Na Testa - Espranza

Unha versión cantada deste poema de Celso Emilio Ferreiro, basada nunha versión anterior de Suso Vaamonde.
Letra:
Erguerémola espranza
sobre ista terra escura,
coma quen ergue un facho
nunha noite sen Lúa.
Marcharemos cinguidos
polos duros segredos
dunha patria soñada
á que non volveremos.
Non sabrán o camiño
que pra entón colleremos.
Longos ríos de brétema,
longos mares de tempo.
Tripulantes insomnes,
na libertá creemos.
Viva, viva, decimos
aos que están no desterro
e soñan cun abrente
de bandeiras ao vento.
Adictos da saudade
que levades a luz polos vieiros.
¡Saúde a todos,
compañeiros!
¡Saúde a todas,
compañeiras!