عيوب ومميزات نيسان صني بعد تجربه 4 سنين والقياده الي اسوان
HTML-код
- Опубликовано: 28 янв 2021
- اوعو تنسو الاشتراك وتعملو لايك 👍👍 شكرا ليكم جميعا 🙏🙏🙏🙏
تقيم نيسان صني n17 بعد تجربه 4 سنين عيوب ومميزات هامه جدا
#مميزات #عيوب#نيسان#صني n17
معلومه للتصحيح الخلوص الارضي لنيسان صني 15 سم
اي استفسار بخصوص العربيه
كلمني علي الفيس بوك
/ ahmed.aswany2075
انستجرام
/ ahmed___elaswany
لاتنسو الدعم بالاشتراك في القناه - Авто/Мото
الرجاء دعمكم لينا ب 👍 والاشتراك في القناه شكرا ليكم جميعا 👌
تم
السيارة نيسان صنى على فكرة محترمة جدا انا بسافر بها اسبوعيا وممتازة جدا ومعى من ٢٠١٣ وبعدها جبت ٢٠١٩ وحضرتك احسن واحد وضحت كل السيارة
تسلم 🌹🌹
يعنى حضرتك ترشحها كعربية ؟
يا استاذ احمد سمعت كثير ناس تشتكي من موضوع الفرامل والكفرات بالله افدني جزاك الله خير
ما شاء الله مع انك لسه جديد في مجال السيارات بس البدايه الله اكبر جامده جدا وموفقه استمر بالتوفيق
حبيبي كللك زوق 🙏🙏🙏🙏🙏🙏🙏🙏
استاذ احمد الكاوتش اللي حضرتك غيرته لثبات العربيه يركب علي نفس الجنط اللي جاي مع العربيه ولا هحتاج اغير الجنط كمان
صني موديل ٢٠٢٣
بتوفيق أن شاء الله ابو جني عندي عرض بعد نص ساعه اتمنا تكون موجود
تسلم يا كبير شرح جميل
حبيبي ربنا يوفقك 🌹
انا سمعت اكتر من واحد بيشرح النيسان بس الصراحه انت احسن واحد شرحتها وبدون هري كتير بجد انت برنس
متشكر لزوق حضرتك 🙏
كردي من العراق... ربي يحفظك والله من شاهدت الفديو اشتركت بفناتك لان شرحك جميل جدا و رائع تخلط الكوميديا مع الشرح وشكرا
شكرا جزيلا لحضرتك علي كلامك الجميل ❤تحياتي لحضرتك وجميع اهل العراق الاشقاء 🙏
الله ينورررررررررر والله الكلام اللي انت بتؤلو صحيح ، انت حاجة ماحصلتش واللهي ربنا يديك الصحة والعافية ، انت عملت يومي 💐🌹💐🌹
متشكر والله كللك زوق 🙏🙏🙏🙏
والله كلامك كلو صح علي العربيه دي بجد انت برنس وحلوه مشروع الشنطه دي باتوفيق ان شاء الله
متشكر جدا
كلام سليم و شرح وافى
حبيبي تسلم 🙏🙏🙏
نيسان صني ٢٠١٧ افضل او اكسنت ٢٠١٧ نفس الحاله تقريبا ؟
ربنا بسعدك ⚘
دمك. خفيف. بجد. وشرحك. ممتاز.
حبيبي تسلم والله
ربنا يباركلك يا محترم
❤️❤️❤️❤️
سعرها كام الوقتي لو سمحت جديدة او مستعملة نفس حالة الي معاك دى ارجو الرد
شكرآ ياعسل تحياتي لا اهل مصر 🇪🇬 اخوكم من اليمن شكرا على النصيحه وكلام زي العسل من شخص عسل صني 2013 تنقص زيت
تحياتي لاهل اليمن كلهم 🙏🙏 موضوع الزيت شيء مهم جدا لازم تكشف علي العربيه ان شاء الله خير ممكن لزوجه الزيت او الكارتيره السفليه وان شاء الله خير
ممكن نصيحه اشتري نسان ام سزوكي سياز ام هيونداي rp ام بي واي دي
تسلم علي الشرح الوافي محتاج اسئلك ازي تحافظ على دهان العربيه رائيك ايه ؟
رايك ايه افلامة حمايه وله نانو وله أصلا كتير علي الصني حاجه زي كده تجربتك إنت إيه ؟
@@OsamaHafez123456 شوف يا اسامه افلام الحمايه غاليه جدا في مصر ولما تيجي تبيع العربيه هتخسر كل الي دفعتو ونيسان صني مش مستاهله الصراحه ده رايي المتواضع
تحياتي لحضرتك واي سوال تحت امرك🙏
@@ahmedelaswany2208 تسلم يا هندسه متعودين دايم علي الصراحه منك ،ياريت بقي تنزل فديوهات بشكل متكرر وفي مواضيع تانيه 👍
لو سمحت قدامي صني موديل 2020 ماشيه ٦٠ ألف كيلو السعر ٥٣٠ الف ايه راي حضرتك؟
اللة ينور يا اسوانى شرحك للعربية ممتاز ماشاء اللة
شكرا يا فندم
ايه رأيك يا استاذ احمد نيسان الفئه الاولى ولاbyd
من حيث تكلفة قطع الغيار والاعتماديه والصالون وكده يعنى وشاكر لحضرتك
نيسان صني لا تقارن مع byd ابدا طبعا نيسان صني افضل واوسع واعتماديه اكثر
قارن byd والاريزو وشانجان ايدو مع بعض افضل
تحياتي ليك أستاذ أحمد
سؤال لوسمحت عايز نصيحة منك...
انا معاي سيارة فيرنا وعايز ابدلها بصني إن ١٧ هل تنصحني فيها...
وهل يوجد موديل افضل من موديل بصني ؟؟
شوف استاذ خالد لو هجيب مستعمل الصني كويسه والاوبترا كمان لكن لو هجيب جديد سيبك منهم خالص وخليك في التويوتا بيلتا الجديده نفس السعر ممكن تتفرج عليها من هنا
ruclips.net/video/vQqtvRM6fJk/видео.html
تحياتي لحضرتك
الله ينور على حضرتك
متشكر كللك زوق 🙏🙏🙏🙏
دمك خفيف والله ...برافو
حبيبي تسلم والله كلك زوق 🙏🙏
عاش يا نجم
قطع غيارها غاليه ولا رخيصه
ممكن الافاده فى الاختيار بين نيسان صني n17 و بين هيونداى rb اكسنت و بين شيفروليه اوبترا وللعلم انا داخل فى الاحلال وانا عوزها اشتغل بيها واذا فى اقتراح تانى ياريت تقولى
الحقيقه الثلاث عربيات بتوع شغل وهما تجميع مصري بس ارشحللك في المقدمه الاكسنت rb والنيسان صني بالتوفيق ان شاء الله 🙏🙏
الله ينور يا أستاذ أحمد...... كنت محتار بين النيسان صنى وال byd
متشكر جدا لحضرتك 🙏
شوف النيسان صني افضل طبعا لكن لو تقدر تزود شويه وتجيب تيوتا بيلتا الجديده يكون افضل بتالتوفيق لحضرتك
@@ahmedelaswany2208 استاذ احمد بعد اذنك انا محتارة بين سوزوكي ديزير ونسيان صني ممكن ترشحلي اي افضل انا هنشغلها اوبر او هنحطها في شركه ارجو الرد من فضلك
@@rashakhedr1825 استاذه رشا ركزي كويس في الكلام الي هقولو
سوزوكي ديزاير عربيه محترمه لكن تشتريها ليكي شخصيا ولاسرتك فقط مش للشغل
نيسان صني اتصنعت مخصوص للشغل🥰 ومحبوبه جدا في اوبر واقتصاديه في مصاريف الصيانه بس ما اعتقدتش انها مممن تتقبل في الشركات الكبيره
طيب لو عايزه حاجه تجمع ما بين الشغل والبيت وشعل اوبر وشركات وتوكيل محترم وتوافر قطع غيار نصيحه ليكي هتبقي تيوتا بيلتا الجديده لسه نازله من شهر فقط وبفس سعر النيسان
بالتوفيق لحضرتك 🙏🙏
@@ahmedelaswany2208 البيلتا نازل عليها اوفر برايس وقطع غيارها ناااااار
@@ahmedhammad346 هو عليها اوفر برايس معاك طبعا بس يالنسبه لقطه الغيار مش غاليه للدرجه الكببره ما عادا فقط الفوانيس الاماميه فقط الليد غاليه طبعا تحياتي ليك احمد🙏
تسلم
شكرا لحضرتك كللك زوق 🙏🙏
انا هاجيبها من المبادرة .....كنت عايز اعرف اى فئة أفضل وبالنسبة للغاز لو شغلته كويس فيها ولا لا
طبيعي حضرتك اي عربيه بتكون الفئه الاعلي هي الافضل هات سوبر صالون
لكن بالنسبه للغاز حاول تسال حد مجرب الغاز افضل ...تحياتي لحضرتك
جزاك الله خيرا
قدامي سيارة نيسان ٢٠١٥ (غاز) حالتها جيدة مطلوب سعر ١٣٥٠٠٠،،، اه راي سيادتك في السعر
لو كانت خاصه بصاحب العربيه فقط هتبقي كويسه.. لكن لو اشتغلت اوبر وكريم وده تقريبا الواضح للاسف هيبقي السعر وحش لانها هتبقي متهالكه نسبيا بالتوفيق لحضرتك استاذ احمد
كل سنة وانتو طيبين - نيسان جودة وضمان -
والله جدع ياهندسة ربنا يباركلك ، احلى ناس واجدع ناس اهل أسوان بحبكو اوي
حبيبي كللك زوق والله
@@ahmedelaswany2208 يعني استاذ احمد نسيت حاجة مهمة وهي التكيف في الزحمة
@@ahmed26409 استاذ احمد كل النيسان التكيف بتاعو سواء زحمه او عادي محترم جدا تحياتي لحضرتك 🙏🙏🙏🙏
ايهما الافضل مع الشرح
النيسان الصنى ٢٠٢٢ ولا التيجو ٣ ٢٠٢٢
الاتنين ملهمش علاقه ببعض اصلا
السلام عليكم لو سمحت ي هندسه انا فى السعوديه تنفع السياره دى للشغل ولا ماتنفعش علما بأن المسافات بين المدن فى السعوديه كبيره جدا فوق ٦٠٠كيلو
بما انك في السعوديه شوف حاجه افضل منها السوق هناك كبير جدا شوف مثلا تويوتا كرولا افضل
من افضل المراجعات
تسلم استاذ محمد كللك زوق ❤
لو سمحت يااستاذ احمد معروض عليا صني ٢٠١٨ مستعمله ماشيه ٩٨ الف ب ٢٨٥ بس انا قلقانه من أنها مش ثابته ع الطريقه وموضوع خفه الصاج خصوصا اني انا اللي هسوق. فرائ حضرتك ايه التوكل ع الله ولا اشوف حاجه تانيهت
لا كويسه لا تقلق
ايه رأي حضرتك موديل قديم ولا الجديد ق النيسان صيني انهي اعتماديه اكتر
لو سفر ومسافات طويله القديمه طبعا بس بتستهللك بنزين للاسف.... اما لو داخل المدينه او شغل زي اوبر مثلا هتبقي الجديده اكيد
طيب النيسان القشقاي هل فيها مشاكل
كلام سليم و جبت من الأخر عاش يا سالم
🙏🙏🙏🙏🙏🙏🙏🙏🙏
الله ينور عليك طيب قولى ايه رايك فى موديل 2012 خليجى صنى
الموديل ده ٢٠١٢ من احسن الموديلات في نيسان صني ثبات اكتر اعتماديه قطع غيار متوفره ..بس اهم حاجه الكشف علي العربيه كويس
@@ahmedelaswany2208 حبيبى ربنا يكرمك معلش هى عامله حوالى 85 الف فابريكه كل حاجه بويه بلدها عدد 60الف هى جواب معاقين ايه رايك فيها كده انا لسه والله بفكر من الكويت ربنا يكرم حضرتك لو فى اى ملاحظات ارجوك رد عليا ❤️❤️🌹🥰
العربيه دي كل حاجه فيها كويسه بس الحاجه الوحيده فيها وحشه انها بتستهللك بنزين كتير للاسف وعلي فكره سعرها مستعمل في السوق المصري اغلي من الشكل الحالي n17
@@ahmedelaswany2208 طيب ممكن اكلم حضرتك فون ولا مش ينفع
عادي يا باشا انت تومرني فيه لينك فيس بوك هتلاقيه فب صندوق الوصف كلمني وانا هرد عليك في اي حاجه حبيبي 👍
مولع الدنيا 👏🏻👏🏻
شكرا لزوقك يا فندم
ياريت ريفيو شيري تيجو ٣
حاضر احاول اوفرها قريبا ان شاء الله 🙏
نيسان صني٢٠١٥ ولا شانجان ايدو ٢٠٢٢ مع العلم الاتنين نفس السعر؟ اجيب ايه
سعرها كام حاليا
ازاى اشغل البلوتوث فى الكاسيت
ا. احمد . السلام عليكم ورحمة الله وبركاته.
نصيحتك لو هشتريها عشان شغل اوبر.
استاذ هاني النيسان صني هي العربيه رقم واحد في اوبر اعتماديه قطع غيار متوفره ورخيصه نسبيا طبعا فيه احسن منها بكتير ولكن هي الوحيده الي ممكن تجازي معاك وانا عامل فيديو كامل لاحسن عربيات لاوبر ممكن تشوفو وتقلي رايك تحياتي لحضرتك 🙏
@@ahmedelaswany2208 السلام عليكم ورحمة الله وبركاته.
ا. احمد .
اولا شكرا لحضرتك ع الأهتمام بالرد.
ثانيا بالفعل شوفت الفيديو .
بس اللي مخليني متردد هو الصاج الخفيف اوي وان اي خبطه بتسمع فيها عشان مفيش اي دعامات تقويه له .
انا احتارت اوي .
تخيل لما تكون عاوز تشتري سياره جديده ف الفئه السعريه بحد اقصى١٨٠٠٠٠ وللاسف كل السيارات اللي في هذا السعر فيها عيوب وكأنك بتشتري سلعه رخيصه مش براند
الفتيس يااستاذ احمد CVT والا عادي وايه أخباره مع النقلات ودورة التبريد مع التكييف ايه اخبارها
طيب حضرتك قولت إن ارتفاعها عن الارض ٢٥ سنتي واعتقد الارتفاع الصحيح ١٦ سنتي بس. فياريت تأكد لنا المعلومه وكمان رقم واحد في المبيعات هيا الكورولا
انا مصحح المعلومه دي في الوصف اسفل الفيديو هي حوالي ١٥ سم واسف للتاخير الرد عليك . تحياتي لحضرتك
حضرتك اي رأيك ف نيسان صني 2014
تنفع لشغل اوبر
طبعا اعتماديه جدا وبتستحمل البهدله
بالتوفيق ان شاء الله
الصنى و لا الاكسنت rb ٢٠٢٢ ايهما افضل
هما الاتنين تقفيل مصري بس خليك في الاكسنت علشان شكلها كويس من الداخل والخارج
اللهم صل وسلم وبارك علي سيدنا محمد وعلي آله وصحبه أجمعين
عليه افضل الصلاه والسلام
استاذ احمد نيسان صني ولا لادا جرانتا اوتوماتيك هجيبها للشغل وللعلم انا بطبعي مش بجري علي سرعات عاليه انا بس قلقان من الصاج الضعيف وفيه ناس بتقول الاكصدامات بتفك لوحدها مع المشي وذلك لضعفها تنصحني بأيه
المقارنه بعيده شويه للاسف . طبعا نيسان صني افضل .بالتوفيق ان شاء الله 👌👌
سعر 2022بصمه اليوم كام
السلام عليكم
هل إستهلاك البنزين مناسب للعمل بها فى اوبر مثلا ولا هتخسر
و حضرتك بتقول الثبات كويس لحد 150 هل دة بعد تعديل مقاس الكاوتش ولا بالكاوتش العادى
مناسبه جدا لاوبر وكويسه في استهلاك البنزين والثبات بقي كويس اكتر بعد تعديل للكاوتش اما الكاوتش الاصلي كويسه لحد ١٢٠ تقريبا
@@ahmedelaswany2208 رجاء بعض التوضيح و لك جزيل الشكر .كيف حضرتك بتقول مناسبة الشغل اوبر و كريم و حضرتك ذكرت ان استهلاكها في البنزين داخل المدينة مش كويس ( زي الزفت )
@@Hamam2024 شوف حضرتك كل العربيات الاقتصاديه او التنفس الطبيعي جوه البلد بتاكل بنزين لاكن هي مناسبه للشغل لانها اعتماديه اعطالها قليله وارشحها للشغل اكتر من الرينو والنيو اوبترا
@@ahmedelaswany2208شكراً جزيلاً على ردك و نصيحتك
هى ولا رينو ستيب واي انهي افضل من فضلك
رينو ستيب واي مش برشحها خالص لاي حد عربيه عاديه جدا وغاليه علي الفاضي خليكي في سوزوكي بالينو افضل منها اما الصني لاتقارن ب ستيب واي لانها سيدان
كنت اتمنا تقول سعرها كام جديد
لو سمحت انا عندى مشكلة فى دواس البنزين اغيرها من الشونة ترجع من وقت التانى تعلم فى التابلو و ابطاء فى الملفات فى وجود العلامة فافصل و تشغلها تانى فى حل
الموضوع ده ليه علاقه بكهرباء السياره المفروض تشوفي كهربائي يكون خبره او توديها التوكيل
لو سمحت مين افضل الصني او يارس ؟
يارس طبعا بس علي شرط ان تكون حالتها كويسه بالتوفيق
استاذ قدامي موديل 2012 تنصحني بيها وشكرا
كويسه طبعا النيسان الصني الشكل القديم افضل بس اكشف عليها كويس ❤
حضرتك ايه الفرق بينها وبين الموديل ٢٠١٩ صني اعلي فءة
مغيش فرق في الشكل والموتور ووسائل الامان الفروقات هتبقي زياده كماليات فقط واسمها سوبر صالون مثلا جنوط اسبور واسبويلير خلفي وتكيف تاتش وتحكمات يدويه في الدركسيون ومريات ضم وزجاج فاميه تحياتي لحضرتك
تم
عاش يانجم
🙏🙏🙏🙏🙏
معلش سؤال فني مهم بالنسبالي ...
هو الباور بتاع النيسان صني N17 موديلات من ٢٠٢٠ و طالع ... زيت ولا كهربا ... و شكرا مقدما ... ؟؟؟
كهرباء طبعا وخفيف جدا
شكرا جزيلا للاهتمام و الرد
أي رأي حضرتك في نيسان صني 1999
جميله الصراحه بس هتتعب لغايه لما تلاقي عربيه سليمه
سلام عليكم ماهو افضل مديل اخذه
القدبمه افضل بس للاسف سفاحه بنزين
ألسلام عليكم
تسلم لمجهودك وبتجيب الخلاصة
والفيديو دا كان سبب انى اشترى نيسان صنى والعربية بقالها كام يوم معايا وما شاء الله عجبتنى
كان عندى استفسار بعد اذنك سماعات عندى بتعلق اوقات تشتغل واوقات لا ممكن يكون عيب ايه هل فيوز او سلم مش واصل كويس وسواء دا او دا هل ممكن اعمل ه بنفسى خبرتى متوسطة فى العربيات؟
اولا الف مبروك وان شاء الله تبقي فاتحه خير
اما بالنسبه للسماعات فده عيب منتشر فيها اي حد بتاع سماعات يغيرهم او يظبطهم
وممكن تتفرج علي العربيه دي يمكن تغير رايك 😄
ruclips.net/video/v4Qwg6O4nDc/видео.html
ما تنساش الايك 👍تحياتي لحضرتك 🙏
اسعارها اى دلوقت ياغالي وتنصحنى بأيه عايز اشترى واحده
لو سمحت استاذنا
قدامى عربية نيسان ٢٠١٦ فئة اولى عاملة ١٣٩
اشترى ولا ايه رايك ؟
حبيبي انت الي استاذنا 🙏
اكشف عليها كويس شاسيه وماتور وفتيس لو تمام توكل علي الله عربيه متواضعه اعتماديه ومحترمه تحياتي لحضرتك 🙏
@@ahmedelaswany2208 جزاك الله خير
هو انا قلقان من قصة الصاج الضعيف
@@AliAli_AboAnas معظم العربيات ساج ضعيف بالتوفيق ان شاء الله
بالتوفيق ان شاء الله
حبيبي متكشر جدا 🥰
بعد اذن حضرتك محتار بين صنى واوبترا ولوجان اختار ايه ؟؟ والف شكر
ولا سوزوكى ديزاير
شوف حضرتك بكل امانه وصدق النيسان صني تعتبر احسن واحده فيهم في الفئه السعريه دي لكن الافصل منهم كلهم حاليا سوزوكي سياز ٢٠٢١
ديزاير عربيه حلوه ومعقوله وسعرها كويس لكن برضو سوزوكي سياز افضل وتعتبر ملكه الفئه السعريه حاليا تحياتي لحضرتك 🙏
الف شكر لرد حضرتك هى الفكرة المبلغ ع الاد
@@ahmedelaswany2208 لو سمحت ممكن رايك عن صني ٢٠١٣ كويسه و لا لا
عاش يا ابو السوالم 😎😎
شكرا يا فندم
سلام حياك الله نيسان b10 سنة 2012 فيها رجة خفيفة في المحرك رغم اني بدلت كل الفلترات والبواجي والكويلات وكل عوامل الهواء هل ممكن من وش سلندر جوان كيلاس وهل مرت عليك حاجة مشابهة لها كذلك السيارة دونا منخفضة من المؤخرة رغم تبديل المورتسور
اغلب الاحيان السبب الرئيسي في رجة المحرك هي تلف الموبينه الي بتعمل علي تغزيه الاحتراق ووصول الكهرباء بسرعه وموضوع الرجه ده حصل معايا انا شخصيا وبالكشف كمبيوتر طلع الموبينه تالفه وبعد التغير بقت العربيه كويسه جدا حاول تغير الموبينه في اسرع وقت تحياتي لحضرتك 🙏
السلام عليكم .. ماهو رأيك بسيارة سني المكسيكية الجديده . وخاصة كير sft
وما هو الفرق بينها وبين السني الهندي .. يعني ايهما افضل ..
تحياتي لحضرتك من العراق
نسخه المكسيك اقوي وافضل طبعا من النسخه الهنديه لانها بتيجي بماتور اقوي ١٦٠٠ cc ١٤٩ حصان hp والاهم ان شكلها جزاب وعصري وملفت للنظر عندنا في مصر لسه الشكل الجديد منزلش لو في العراق نزل اشتريها افضل من النسخه الهندي تحياتي لاهل العراق جميعا 🙏🙏🙏
@@ahmedelaswany2208
شكرآ للرد اخي .. المشكله يقولون ان عيبها الكير ال sft
غير جيد .. ماهو رأيك بالكير ال sft
@@user-nh9ux4yq9l طبعا الكير او الفتيس cvt مش بيدي اداء رياضي وبيكون ضعيف جدا في البدايه للقياده بس مقدرش برضو احكم علي النسخه الجديده دي لانها لسه ما نزلتش مصر
@@ahmedelaswany2208
شكرآ لحضرتك .. واني رح اكون احد متابعيك . تحياتي الك
@@user-nh9ux4yq9l مشكور استاذ محمد تحياتي لحضرتك ولاهل العراق جميعا 🙏🙏
حبيب قلبي طمنتني👍🏻
حبيبي كللك زوق 🙏🙏
@@ahmedelaswany2208 كل ذوق مو زوق لا تجيب عيد
حضرتك كم طولك علشان اعرف أبعاد العربية بالظبط
معلش متاسف جدا لسها شايف الكومنت حالا انا حوالي ١٧٥ ١٧٦ في الحدود دي وحضرتك تومرني في اي سوال تحت امرك
محتاره بين الشكل الجديد وبين القديم ممكن الافاده
القديمه افضل طبعا من حيث الثبات بس للاسف سفاحه بنزين فخليكي في الجدديه عادي مصر كلها اشتريتها وانا شخصيا جربتها لغايه اسوان رايح جي لا تقلقي كويسه ❤
كيف اسوي الكفره زي حصرتك يعني الجنط يكون نفسه واخلي الكفر بكون نوعه كبير كيف الطريقه
الجنط الحديد زي ما هو بدون تغير مقاس ١٥
التغير في مقاس الكاوتش فقط
15_195_60
استاذ احمد..انا قدامي افانتي وش الأسد موديل 2006 حالتها حلوة بس ماشيه 260 الف وفيه نيسان صني 2015 n17 اول فئه حالتها حلوة بردو وماشيه 140 الف
اختار ايه لاني محتار جدا
هو المفروض الاختيار هيبقي افانتي بدون كلام بس للاسف العداد عالي جدا ممكن تفتح منك صيانه بعدين كتير ففي الحاله دي مفيش قدامك الي انك تختار صني
الصني سعرها كام والافاتتي كام ض
@@ahmedelaswany2208
الاتنين بنفس السعر 190 الف
وفيه قدامي بردو لانسر بومه2008 كلاسيك حالتها حلوة
وفيه نيسان صني الشكل القديم 2009 سوبر صالون
الاربع عربيات دول انا محتار فيهم فعلا ومش عارف اختار احسن حاجه
شوف احنا هنعمل فلتره
استبعد النيسان صني القديمه علشان سفاحه بنزين
الافاتتي استبعدها علشان العداد كبير
خليك في لانسر بومه او نيسان صني الجديده
@@ahmedelaswany2208
طب فرضا لو مش عاوز نيسان
وهدور تاني ع افانتي .
هل الافانتي 2004 الكامله تبقا احسن من لانسر بومه كلاسيك مفيهاش كماليات ولا بردو اللانسر احسن؟
ومعلش لو طولت عليك يااستاذ احمد
@@alaakhalaf8201 كان زمان فيه خناقه بالسواطير بين الافاتتي والانسر 😄😄 الاتنين كويسين ولو معاك صور ليهم ابعتهم ليها في رساله علي صفحتي علي الفيس بوك
انا حماده بتاع اسوان ربنا يباركلك ويحميك
حبببي استاذ حماده كللك زوق 🙏🙏🙏
شوف الفيديو ده العربيه دي تصلح جدا لاهل اسوان اعتماديه جدا وقلي رايك
ruclips.net/video/m4CwWZqvWOY/видео.html
انا هشتريها
الف مبروك مقدما . تحياتي لحضرتك
حضرتك محترم عشان بتتكلم صدق
حبيبي كللك زوق 🙏🙏🙏🙏
سعر طرمبه البنزين الان 6000 جنية مصري في التوكيل بعد ارتفاع سعر الدولار في شهر مارس
للاسف كلامك صحيح غليت جدا حاليا 😥
القير تبعها عادي او cvt?
جير عادي ٤ سرعات
استاذ احمد انا اريد اشتغل فيها بكريم او اوبر تنفع
طبعا تنفع جدا عربيه اعتماديه بالتوفيق لحضرتك 🙏
@@ahmedelaswany2208 شكرا لحضرتك استاذ احمد ربي يحفظك متابعك من العراق ❤️
مساء الخير يا فندم
ممكن اخد رأى حضرتك فى نيسان ١٩٩٩
لو حالتها كويسه كموتور وفتيس اشتريها طبعا
في رنج ال ١٤٠ صني ٢٠١٦ ولا لاسيتي ٢٠٠٤ حاله ممتازة ؟
استاذ محمد لاسيتي عربيه محترمه طبعا لكن صعب جدا انك تلاقي عربيه كويسه في سنه ٢٠٢١ علشان تريح نفسك خليك في نيسان صني افضل عربيه اقتصاديه اعتماديه ولما ربنا يكرمك بالاحسن بتتباع بسرعه جدا
تحياتي لحضرتك 🙏
@@ahmedelaswany2208 شكرا لردك ولذوقك .. لاسيتي معايا حاليا ومعروض عليا ١٣٠ وكله بينصحني بلاش ابيع وانها لقطه وحلوة وكده .. وقدام الصني ع ١٤٠ وحلوة بردو بس خايف اندم انت رايك ايه وشايف الدنيا مستاهله التغير ولالا
لا متبيعيش لاسيتي علشان تجيب نيسان صني انت كده مفيش تقدم خالص خليها وحافظ عليها ولما تبيع هات عربيه افضل من الاتنين علشان تحس بطعم التغير
بالتوفيق ان شاء الله
محور العجلات في الدوران بياخد الملفات ع الواسع اووي بمعني لو الشارع ضيق مينغعش ادخله من مره واحده وده اكبر عيب شوفته
انت فعلا جميل 👌 المعلومه دي كنت كاتبها من العيوب المهمه جدا وللاسف نسيتها خالص تحياتي لحضرتك 🙏🙏🙏🙏🙏
@@ahmedelaswany2208
ربنا يبارك في حضرتك .. العيب ده هو الحاجه الاساسيه اللي مخلياني مش حاببها خصوصا ان كان معايا النترا ممتازه في موضوع الدوران ده
انا معايا السوبر صالون القماش ال ف الباب الاولاد اطعوه ممكن يتعمل فين
لا عادي اي حد بتاع تنجيد سيارات هيعملو لا تقلق
لو قدامي نيسان صني 2014 وهيونداي افانتي 2004 والاتنين حالتهم ممتازه.. ترشح ايه؟؟
لو قدامك حتي صني ٢٠٢٠ وافانتي ٢٠٠٤
اشتري الافاتتي وانت مغمض 🚕🚕 تمام
@@ahmedelaswany2208
تمام
طب لو دخلت معاهم دايو لاسيتي 2004ولانسر بومه2008.. ترشح ايه بالترتيب كعربيه بغض النظر عن سنه الموديل
لانسر بومه
افانتي
نيسان صني
لاسيتي
@@ahmedelaswany2208
تمام.. شكرا ياغالي ❤️❤️
لو قدامي فيرنا اتوماتيك هي ولا الفيرنا ؟
الصني طبعا تكسب ف كل حاجه
ممكن سؤال يا استاذ احمد هي العربيه قطع غيرها غاليه وهل فعلا لازم كل شويه تغير طنابير وتيل زي الناس مبتقول وهل هي تنفع لشغل وشكرا لحضرتك
قطع الغيار بتاعتها معظمها كويسه بس برضو فيه قطع غيار غاليه زي مروحه الرداتير وطرمبه البنزين بالنسبه للطنابير والفرامل زبها زي اي عربيه عادي خالص وتعتبر احسن عربيه للشغل حاليا
@@ahmedelaswany2208 ايه راي حضرتك في نيسان صني اول نوع ب ٢٥٩ و٥٠٠.جينه ول سوزكي سياز ب ٣٠٠ الف جينه هل فرق السعر الكبير ده يستاهل ول.نيسان صني احسن
@@ahmedfahmy3620 لو تقدر تجيب سياز هيكون افضل وطبعا تستاهل فرق السعر
ومممن تتفرج علب تجربه السياز او البلتا من هنا
ruclips.net/video/vQqtvRM6fJk/видео.html
ينصر دينك بااسواني
حبيبي كللك زوق 🙏🙏
مفيش شرح ل بي واي دي 2020
اكيد قريبا استاذ مصطفي عربيه مطلوبه كتير في السوق تحياتي لحضرتك 🙏
النيسان صني الشكل دا ولا هيونداي فيرنا ولا شيفروليه افيو
في الحاله دي نيسان صني افضل من الفرنا والافيو
ناوي اجيب المانوال علي قدي ماديا للاستخدام الشخصي لمسافة يوميا حوالي ٦٥ كيلو من البيت للشغل
ايه رايك هل هي اعتمادية و مصروفها معقول ولا بلاش (خصوصا انا طالع من لادا 😅)
هي اعتماديه الصراحه وصيانتها بسيطه بس نصيحه هات الاوتوماتيك افضل ومستقبلا 👍
@@ahmedelaswany2208 شكرا جزيلا لذوقك واهتمامك بالرد
ممكن أول فئة اتوماتيك ايه رايك؟
زي الفل وبالتوفيق ان شاء الله
الاوتوماتيك أوفر بتوفير الوقود بس اهم شي يكون زيتها 5w30 من شركة محترمة
تقريبا صرفيتها ٦ لتر لكل ١٠٠ كيلو
@@arshadf401 كلامك صح جدا 👍👍👍
سمكره العتب علي البارد لينك الفيديو 👇👇
ruclips.net/video/jDVs5dbte7I/видео.html
الله ينور 🌹🌹
@@ahmedelaswany2208 حبيب قلبي يا هندسه
الله ينور بس هي ثبتت معاك شوية للسرعات إللي قولت عليها عشان انت معرض الكوتش إنما هي ضايعة علي الكاوتش اللي بتنزل بيه
مظبوط استاذ احمد كلامك صحيح فعلا ادت ثبات افضل علشان كده بانصح بالمقاس ده
تحياتي لحضرتك الكريم 🙏🙏
انا معايا في حدود 130000 ومحتار مابين نيسان صني 2013 الشكل الجديد او شيفروليه افيو 2014 حضرتك ممكن ترشحلي انهي احسن
طبعا اكيد نيسان صني لان الافيو تعتبر ماتور لانوس بالتوفيق
تمام شكرا جدا
طيب لو كنت عايز اعمل تعديل علي الكاوتشات زي حضرتك ممكن يكلفني في حدود كام
لو عملت تعديل هجيب اربع كاوتشات جديده علي حسب ميزانيتك انت لو مثلا الفرده ٧٥٠ يبقي الاربعه ب ٣٠٠٠ الاف علي سبيل المثال وتخلي باللك من الرقم بتاع الكاوتش الي مصورو في الفيديو بكده العربيه دي هتفرق معاك فرق شاسع فعلا في الثبات
@@ahmedelaswany2208 تمام شكرا جدا
@@ahmedelaswany2208 195/65/15 ينفع؟
فراملها عامله ايه ضعيفه ولا سيئه ولا كويسه
من ٢٠١٣ الي ٢٠١٥ وحشه جدا
من بعد ٢٠١٦ الفرامل اتحسنت شويه
لكن خلي باللك المواتير القديمه لغايه ٢٠١٦ افضل بكتير من الجديد وده لاحظتو من تجربه كزا موديل
نيسان صني ثابته علي الطريق في السفر ول بتعوم
شوف استاذ احمد عنوان الفيديو تجربه لاسوان بكل امانه العربيه في السفر محترمه انا جربتها من القاهره الي اسيوط سرعه ١٣٠ ١٤٠ ١٥٠ تمام لكن اكتر من كده هتعوم طبعا وده طبيعه السيارات المتوسطه الفئه