(طرق توصيل ملفات المحولات الكهربية - الجزء الثاني (توصيلة دلتا - ستار و توصيلة ستار- دلتا

(لينك فيديو طرق توصيل ملفات المحولات الكهربية - الجزء الأول(توصيلة دلتا - دلتا و توصيلة ستار-ستار : • (توصيلة دلتا-دلتا وتوص...
المحول هو جهاز يستخدم لتحويل التيار الكهربائي من قيمة إلى أخرى. يعتبر المحول من الأجهزة الهامة في العديد من التطبيقات الكهربائية والإلكترونية. يتكون المحول من لفات ملفوفة حول قلب حديدي، ويعمل عن طريق تطبيق تيار كهربائي على لفات المحول، مما ينتج تيارًا كهربائيًا مترددًا في اللفات الأخرى.
يتم استخدام المحول في العديد من التطبيقات، مثل تحويل التيار الكهربائي من قيمة عالية إلى قيمة منخفضة، أو العكس. يستخدم المحول في أنظمة الطاقة الكهربائية لتحويل التيار الكهربائي من محطات التوليد إلى المنازل والمباني. كما يستخدم في شواحن الهواتف المحمولة وأجهزة الكمبيوتر المحمولة لتحويل التيار الكهربائي من مأخذ الحائط إلى الجهاز.
يعتبر المحول جهازًا آمنًا وفعالًا في تحويل التيار الكهربائي، حيث يقوم بتحويل الجهد والتيار بدقة وفقًا للمواصفات المحددة. كما أنه يعمل بكفاءة عالية ولا يتسبب في فقدان الطاقة الكهربائية. بالإضافة إلى ذلك، يتم تصميم المحول بحيث يكون صغير الحجم وخفيف الوزن، مما يجعله سهل الحمل والاستخدام.
باختصار، المحول هو جهاز هام في العديد من التطبيقات الكهربائية والإلكترونية، حيث يقوم بتحويل التيار الكهربائي من قيمة إلى أخرى بكفاءة ودقة، مما يسهم في توفير الطاقة وتحسين أداء الأجهزة الكهربائية.
كنا اتكلمنا المرة اللي فاتت عن طرق توصيل ملفات المحول ووضحنا ان في ست طرق لتوصيل ملفات المحول و الست توصيلات دول هما توصيلة دلتا دلتا (Δ-Δ) و توصيلة ستار ستار (Y-Y) و توصيلة دلتا ستار (Y-Δ) و توصيلة ستار دلتا (Δ-Y) و open delta connection و zigzag connection و شرحنا المرة اللي فاتت اول توصيلتين منهم و هما توصيلة دلتا دلتا و توصيلة ستار ستار فلو انت مشوفتش الفيديو ده هتلاقيه ظاهر عندك فوق دلوقتي و هتلاقيني سايبلك اللينك بتاعه في صندوق الوصف تحت الفيديو و النهارده هنكمل شرح باقي طرق توصيل ملفات المحول و هنشرح توصليتين تانيين و هما توصيلة دلتا ستار و توصيلة ستار دلتا و هنوضح مميزات و عيوب كل توصيلة منهم و استخدام كل طريقة منهم يلا بينا نبدأ الفيديو.
الطريقة الثالثة من طرق توصيل ملفات المحول هي توصيلة دلتا ستار كونكشن و في التوصيلة دي بيتم توصيل ملفات المحول الابتدائية (primary windings) على شكل دلتا و توصيل ملفات المحول الثانوية (secondary windings) على شكل ستار و بالتالي بيكون ليه نقطة تعادل neutral point و ده اللي بيخلينا نستخدمه في توفير نظام three phase بأربع اسلاك و كمان بنستخدم نقطة التعادل دي في التأريض .
و توصيلة الدلتا ستار بتعتبر اشهر توصيلة و اكتر توصيلة مستخدمة في المحولات و بتستخدم بشكل أساسي في المحولات الرافعة للجهد step up transformer في بداية خط النقل .
طب ايه هي مميزات و عيوب توصيلة دلتا ستار ؟
بتتميز توصيلة دلتا ستار ب :
1) ان توصيلة الستار في الملف الثانوي بتضمن لينا وجود نقطة تعادل neutral point و بالتالي نقدر نستخدمه مع أحمال single phase.
2) مبينتجش عنها أي تشويه بسبب third harmonics لان التيار الناتج عن third harmonics في الجهد اللي جاي من المصدر بيستمر في الدوران داخل توصيلة الدلتا و لا ينتقل للجانب الثانوي من المحول.
3) من اهم النقاط اللي بتميز توصيلة دلتا ستار هي اننا بنقدر من خلالها نتعامل مع الاحمال الكبيرة غير المتزنة بسهولة.
4) ان تيار العطل الأرضي (ground fault current) لو اتولد في الجانب الثانوب للمحول بيلاقي مسار ليه من خلال نقطة التعادل neutral point و بالتالي بيتم عزل ground fault اللي حصل ده عن المصدر.
طب دي كانت مميزات توصيلة دلتا ستار ايه هي بقى عيوبها ؟
بتتمثل عيوب توصيلة دلتا ستار في ان بيكون في phase shift بمقدار 30 درجة ما بين الجهد الابتدائي (primary voltage) و الجهد الثانوي (secondary voltage) و الاتنين مبيكونوش in phase مع بعض بسبب ان طريقة توصيل الملف الابتدائي مختلفة عن طريقة توصيلة الملف الثانوي فالملف الابتدائي متوصل دلتا و الملف الثانوي متوصل ستار وبالتالي لا يمكن تشغيل المحولات اللي متوصلة دلتا ستار على التوازي مع المحولات اللي متوصلة دلتا دلتا او المحولات اللي متوصلة ستار ستار.
و بكده يبقى احنا شرحنا توصيلة دلتا ستار و قولناه بتتكون من ايه و بتستخدم في ايه و ايه هي مميزاتها و عيوبها .
نيجي بقى للتوصيلة الرابعة من توصيلات ملفات المحول و هي توصيلة ستار دلتا و في التوصيلة دي بيتم توصيل ملفات المحول الابتدائية (primary windings) على شكل ستار مع نقطة تعادل neutral point اللي بنستخدمها في التأريض و توصيل ملفات المحول الثانوية (secondary windings) على شكل دلتا و بما ان توصيلة ستار دلتا هي عكس التوصيلة اللي فاتت اللي هي توصيلة الدلتا ستار و بالتالي فبيتم استخدامها في عكس استخدام توصيلة دلتا ستار و بالتالي فبيتم استخدام توصيلة ستار دلتا بشكل أساسي في المحولات الخافضة للجهد step down transformer في المحطات الفرعية في نهاية خط النقل .
و بتتميز توصيلة ستار دلتا بأكثر من ميزة و هي انها :
1) بنقدر نأرض نقطة التعادل neutral point الموجودة في توصيلة ستار في primary windings و بنتجنب حدوث تشويه noise.
2) أن المحولات اللي متوصلة ستار دلتا بتقدر تتعامل مع الاحمال الكبيرة غير المتزنة بشكل معقول صحيح مش بنفس كفاءة المحولات اللي متوصلة دلتا ستار و لكن بتقدر تتعامل مع الاحمال دي بشكل مقبول.
3) المحولات اللي متوصلة ستار دلتا مبيكونش عندها مشاكل مع third harmonics.