娥姐賣粉果丨尹光/李麗儀丨尹光樂韻光輝濃情香港半世紀演唱會

請支持訂閱 環星音樂/環星娛樂Facebook (讚好Like & 追蹤 Following)
/ wsmmusic
及
環星音樂RUclips：(訂閱 subscribe)
/ wsmchannel
available on:
moov: moov.hk/#/albu...
KKBox: www.kkbox.com/....
蛾姐賣粉果
曲︰古曲 詞︰佚名 編︰麥皓輪 監制：張國林
女白︰買粉果呀 好靚嘅粉果呀 幫襯下啦
女︰我叫做阿蛾 專製賣粉果 揀正上等材料和粉自己去磨
　　尤如靈丹食一次 就成個人都唔餓
　　味道唔錯 好過食燒鵝
　　所有熟客買親段打和買成蘿 人人問我點解得咁靚
　　因我用嘅材料正一上等無欺認下商標最叻 係我阿蛾
女白︰買粉果呀
男︰我成日去搵阿蛾 嗰個衰婆啲玉地唔錯架啵
　　我朝朝走去幫襯 我實在想親近阿蛾
　　我買粉果買粉果 乜你個圓蘿咁大個架
女︰喂 我采采采你咪激嬲我呀
男︰我話你載粉果嗰個蘿啫
女︰因乜你咁鬼口多啫
男白︰又係衰嘅
女︰我話你立意聊我
男︰實在忘形亂嗡 等我認聲錯呀我想幫襯
女︰幫襯哪一個 睇你面懵有啲唔妥
男︰你重話我口多 乜你亦係咁口多
　　乜你立亂咁嚟鬧我架
女︰喂 以後我唔煩你啦 男︰我又話過唔煩你啦
合︰大家講過就算和
男︰阿蛾姐 女白︰點呀
男︰我同你講下買賣 女白︰好呀
男︰用粉要你自己磨
女︰喂 你唔買就請過啦 男白︰點解
女︰使乜咁事干多啫
男︰你磨過香夾泯 女白︰采
男︰喂 咁樣至叫你磨 我嚟買大幫貨 女白︰買好多呀
男︰唔係買三幾個啵 女︰你買幾多啫
男︰我想買晒成蘿 女︰唓 你上倉咩
男︰我借花改敬事頭婆 男白︰俾啲錢你呀
女︰啲錢擰返去啦 俾返你隻黃呀面呀婆
男︰我係單身寡仔 得我自己一個咋
女白︰真唔真呀
女︰睇你咁輕佻呢 女人一定呃得好多 男白︰無呀
女︰你重係寡仔與我又如何
男︰只因擇偶賢淑 要小心啲揀個來坐 女白︰你都幾識揀喎
男︰我並未有知心相配合 我情願就無老婆
女︰喔 原來咁識揀老婆 男白︰係人都識呀
女︰為人精乖又唔傻 男白︰唔傻
女︰我從前未明你份人 男白︰點呀
女︰當作飛哥一個
男︰唉 我回頭叫一聲阿蛾 女白︰乜事呀
男︰呢處為何得一個事頭婆 完全做埋冇別人呀
　　間舖頭得你一個
女︰我決意自梳天天盡照磨 因為飛哥呢太心多
　　係女人都想要做老婆
男白︰我唔係飛哥呀
女︰我求兩餐啫 只醫個肚皮餓
　　天天整粉果都算自己稱做事頭婆
男︰阿蛾你憐念我呀 女白︰你做咩呀
男︰我年少又情多 女白︰賣咁啲先啦咁多情
男︰你若然許婚於我 我有十靈盆現貨啵
女白︰十幾萬咁多呀 男白︰日本紙呀
男︰你即管想清楚 男白︰嫁俾我 俾晒啲錢你
女︰只怕你心多 男白︰唔會
女︰嗰陣無收科 我今世自己捱都好過做你老婆
男白︰自己捱呀 女白︰係呀
男︰你捱得多就知錯 收尾兩年頭你又無細路哥
　　我問你點收科 不若一於嫁我做老婆
女︰得 你除非應允獨愛我一個 男白︰得
女︰夫婦和諧你莫太心多
男︰我誓不心多 專心去愛阿蛾
女︰我低聲叫哥 男︰咁就一於拍拖啦
女︰拖住愛哥呀 男︰親熱拍拖
合︰大眾拖手一路唱歌 一啤擰住就好似秤共陀
　　從今鴛侶同諧和 花放同時又結果大家 歡呼歡呼
合︰Darling你呵返我完囉