HTML-код
- Опубликовано: 27 авг 2024
- #MM #旅遊止癮 // 全程港島區斜路及樓梯 帶你睇只屬於港島的面貌！行全港市區最斜斜路 走入護士牆入面 山坡成店舖一部份 袖珍公園用盡有限空間
生活在香港的人可能已經習慣了「上上落落」，上樓梯、落斜路，但想不到，根據香港樓梯文獻庫統計，只計中、上、西環一帶就有超過3,000條樓梯用作連接我們高低不同的生活空間。由小時候就聽過「港島區山多平地少」，所以我們決定今集《旅遊止癮》全程都會在斜路以及樓梯上面拍攝，氣來氣喘地帶大家看看港島區的生活又是怎樣「依山而建」。
山多平地少及依山而建的迷思
身為香港人，尤其是在港島區生活的人可能已經習慣了一樣事物，就是去一個目的地通常要爬樓梯或是斜坡，但其實這件習慣成自然的事是在其他地方不太常見的，我們爬長樓梯爬得辛苦只會想「為何條樓梯這樣長」，但很少會想「為何這裡會有條長樓梯」，說到這裡就要回到一個基本但沒太深入思考過的問題，就是「依山而建」究竟是甚麼意思呢？
「斜坡在哪裡就直接在上面建樓。」港大房地產及建設系助理教授（實務）余家聲道。
「有很多空間本身都用了原本屬於山坡，原本屬於自然的一些地方。」本身是建築師同時亦是建築歷史學者的Charles道。
「克服那個斜路、克服那個高度、克服那個山的建築。」城市散步學作者、大學講師Sampson道。
樓梯斜路「放題」
綜合sampson他們對於「依山而建」的特徵，Sam設計了一條符合他們形容，包括斜坡上起樓
、自然和城市的含糊界線、為克服高度而出現的建築，以上三個特徵的路線。首先Sam跟Natalie會乘車經過山道天橋，山道天橋是因為要克服半山薄扶林道至海旁的高低差而出現，全港最高的市區行車天橋，「山道天橋是其中一個遷就香港島陡峭地勢的建築，因為依山而建而出現極限的斜度、極限的彎道。」Charles感歎道，連天橋的橋柱都因為遷就高低差而有7層樓高，並且在密集的樓宇中扭成S形。
在山道天橋下車後，來到全港市區最斜的斜路之一，西營盤正街，斜度達到1:4，路政署以比例來定義斜路的斜度，斜度的定義為垂直高度除以水平長度，例如1:4斜坡的傾斜度較1:5的斜坡更為斜。在「身水身汗」爬上正街的時候，看到不少拉著「買餸車」的街坊要在上斜途中「停低回氣」，但亦有搬貨的人手扛一箱、膊扛一箱仍然在最斜的斜路上如履平地。
「我覺得港島區的山勢或道路的特色，最大的特點就是你在地圖上最清楚看到的路，通常不是你最應該走的路，哪條路有更多電梯和樓梯可以幫你上山，但我覺得很浪漫的一件事，本身你是很功能性的，只是想舒服一點流少一點汗，但是原來你會因此對地方的結構路認識多了。」Sampson笑道。
Sam帶Natalie穿過灣仔太原街的鬧市，當Natalie仍然不明白為何說是上山但會走入了一幢商業大廈的17樓，走出17樓就已經到了半山的堅尼地道。上一分鐘還在鬧市商業大廈，下一分鐘就已經上了清靜的半山，儘管走了出來，Natalie好似還未知道自己身處在哪。
「有些樓可能是依附著擋土牆建造，有一面是對著平路，另一面已經有幾層樓是陷入了擋土牆的一部份，所以它在另一面的出口可能會有幾層高甚至有十多層高的情況。」
Charles指簡單而言香港造地的方法不是移山就是填海，「因為山坡比較陡峭一點，土地的面積就沒辦法可以那麼大，所以一般當時早期的一些住宅區都會集中在山坡的地方，相反一些填海得來的地方就平地、土地面積比較大，可以賣得昂貴一點，適合做一些商業用途。」
上到半山Sam和Natalie沿堅尼地道走向中環的方向，堅尼地道是繼皇后大道之後興建的第二條馬路，俗稱二馬路，而這條多年歷史的道路，堅尼地台中就藏身著一間經歷過英治及二戰經營了至少80年的士多梁禧記。護土牆我們看慣了，但因為依山而建，而衍生出的另類空間就是挖進山坡，成為護土牆一部份的店舖。「一個這樣多山的地方可以開墾這麼多土地，其實在護土牆的技術上亦很先進。這是一個減法的建築物，本來有個山體然後挖進去，變成了一個建築空間，這亦是香港因為有很多山坡而出現的一種建造的模式。」Charles 感歎道。
半山袖珍公園
沿堅尼地道走來到半山堅道，堅道一條天橋的天橋底下，有一個放了兩張長椅及兩盆盆栽的休憩空間，盆栽與椅子的闊度距離剛好是Natalie一隻腳的長度。港島區或者是半山分佈著不少這樣的袖珍公園，好像在本已密集的建築物之間「左攝右攝」，原來是為了滿足休憩空間的地區比例，用盡本已被規劃好的地方。「香港的城規條例對於公共空間都有要求，你建造一層樓，你預計會多十個人的話那你就要為這十個人提供公共空間。不過是比較後期的法例來，所以在歷史上如上環、中環已經一早發展的地區就沒有這樣的要求。」所以在無奈之下政府就以聊勝於無的態度，在收回一些空地的時候變成一個袖珍公園。
臺與樓梯
樓梯街由香港開埠初期興建，可以說是最早因為依山而建，克服高低差而出現的建築。上環必列者士街一帶華人早期聚居的半山上，就有更加多錯綜複雜的小徑及樓梯連接，像在樓梯街的中途穿過永利街走到盡頭會有一個被高樓包圍的小公園，或者可以穿過唐樓與唐樓中間的窄巷樓梯。「我覺得這種畫鬼腳式的圖像，很幫助我理解港島區的地理，而那個啟發就是來自很多這些小徑小路或者是幽蔽的路。」Sampson補充道。
「以前我們造地的方法比較傳統，可能在斜坡上面建一些大的樓梯級，例如『臺』，就可以在上面建一些唐樓。」深入研究過「臺」的余家聲指，臺的出現背景除了因為港島山多平地少而需要在山坡上造出樓閣，還因為在十九世紀末的時候出現過大規模的鼠疫，促使香港政府訂立新的建築條例和居住環境衛生的條例，要求包括希望屋子的前面會有一個空地，用來給新鮮的空氣和陽光進入到建築物改善衛生情況，所以「臺」的特色是在斜坡成九十度角，建一些平地出來才在上面建樓，而建築物前面有一塊平地。「在臺與臺之間就有其他小的樓梯，以前的道路設計也是比較簡單的，因為當時沒有汽車的出現，所以路通常都比較窄。」余家聲補充道。
「因為我想全地球大部份人想一條街就是平面的，但對於香港人來說很視乎他住哪裡，如果他從小到大住北角，對他來說那條街很有可能是一條斜路。但我想在香港有這種垂直的交通，或者垂直的步行、垂直的移動，都是我們很日常的一部份。」Sampson道
策劃：梁中勝
攝影：張志孟、陸羽、黃灝嵐、潘志恆
剪接：黃灝嵐
監製：鄭汝翹
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 RUclips APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
後記：
由細到大我都好似行緊斜路樓梯咁，有日行行下樓梯開始諗「點解我好似成日都上落山咁」，中學同大學都係d半山位置，之後先諗到係wo係同山多平地少呢個自細就聽過的講法有關係，所以決定做呢個成集都係樓梯同斜路上面拍的故仔。多謝Sampson、Charles、家聲願意接受訪問，將我一個「點解我好似成日都行緊樓梯斜路」呢個無聊諗法，有系統咁解釋到！BTW我拍呢條片嗰陣又跌爆電話又踩屎
Diu 又有垃圾Sam
想同Sam Sam 一齊行港島樓梯。
平時都係我自己一個周圍捐，但係無Sam識得咁多shortcut
你應該拍咗好多片段，不過無剪哂出嚟用。中環上環區實在太多樓梯、巷、里、臺，一日內要行哂無乜可能。
係呀好多狗屎架，所以太偏僻嘅窄巷我唔都會行，因為污糟，一係有狗屎，一係有老鼠，有次仲見過一個白領打扮嘅外藉人士日光日白喺平安里小便。
阿Sam你呢集good job啊！ 睇得出你做足功課嚟拍呢條片，主題特別又有趣，多謝你帶我睇到香港有特式嘅地方！ 繼續加油！ 💪🏻💪🏻💪🏻
好好睇既一集
外國同香港人咁著迷香港係有原因
舊時既人幾咁有智慧，懂得利用空間之餘又識以人為本，發展休憩地方，令市民生活得到平衡。
睇番而家有地都好，只識密麻麻咁起，硬件配套、交通同社區設施休憩空間求其起就算
呢集拍得好好 同埋我想講…香港真係好靚好靚 可唔可以唔好再破壞屬於香港既獨有面貌😢
拆走所有藍色，注入紅色的力量👍🏻
視乎，怎樣拍，怎樣看，怎樣心情，怎樣的天氣。。還有和怎樣的(人)去逛。S，N，C，K，可以
唉！又係呢啲既唔成熟又唔現實嘅言論！大佬呀香港有幾大呀 ? 呢頭又話要保留香港既獨有面貌嗰頭又唔比填海轉頭又話要保護大自然 政府建人工島造地又比人話破壞環境倒錢落海！就係因為以上種種因素結果啲樓咪越起越密麻麻越起越細啲劏房租金越嚟越貴囉 !
已經太遲喇
@@kl8885On9仔
很多謝片中各位介紹，這是我七十年前生活區，現在看來巳現代化修飾，兒時並不是這樣方便遊走的，很多謝各位謝謝，八十老人。
亦是我兒時記憶區， 唔知有這麽多小樓梯
Sam資料搜集都好犀利 一直都好奇梁禧記士多入面係點 終於見識到😂❤
還記得第一次去香港玩的時候，看到市區裡面有小山坡，同時水泥階梯梯與樹木同時存在，覺得香港很有自己特色非常好看，還特別為這個照了很多市區的照片😂 MM真的很擅長看到香港的美！
Sam講「係大隻佬」前Natalie 仲話「Sam呀」，知道大隻佬後係流口水既樣😂😂😂
在港島出世長大，最喜歡這些依山而建的道路，樓梯，和天橋。😂😂
阿Sum 跌電話賴人行得慢！😧😧
今集辛苦晒你地同攝影師了！🙏🏼🙏🏼😊
我係上一代人，細個住喺羅便臣道，小學喺堅道，中學喺麥當勞道， 日日都上落斜路樓梯，經常因為唔想等巴士，索性步行落中環，唔覺得辛苦。剛才睇呢條片，先知道原來咁斜！依家老咗膝頭差，見到樓梯就驚😱😱!
我係香港島住左咁多年，睇完哩集後好似從新認識哩個中上環，前排試坐左一架未坐過既路線巴士去一個目的地，沿途既路真係好新奇。睇完哩集好想拉屋企人或朋友陪我去探險一下中上甚至西環喔！
呢條片介紹得好好👍🏻呢啲都係由細到大會行既路，住得港島基本上都係自細行慣長命斜，但好矛盾，想人知多啲好有特色既香港地理環境，但又怕會有太多人行/影響日常生活🫣點都好，大家去既時候要愛護環境🙏🏻
依個題應該等冬天冇咁熱先做
梁禧記同埋隔嚟3間外賣店讀書嗰陣成日幫襯... 估唔到老闆仲咁好中氣💪
其實，在護土牆下有舖頭的不單止在堅尼地臺，以前的般含道同寧養臺亦有出現過。
而薄扶林道以前，亦有一段路的屋宇從地面有一條吊橋入住宅，但吊橋下仍然有一層住宅。
所以，依山而建係港島特色尤其是中西區同半山一帶。
Charles話佢淨係見過香港有呢種建築風格
@@samleung6959
般含道50號到正街一帶的屋宇，以前係前面望街(般含道)，但後面望到維多利亞港。而且地舖下有地窖，由地窖仲有條小路係沿路通去正街的。非常特別!
參考: 般含道的麥記食堂係要落一層，該處正正係以前地窖。
@@irenewong433 多謝Irene 你話我知！
@@samleung6959
唔使客氣，從出世起(戰後嬰兒潮)已經在中西區一帶生活。
以前的中西半山屋宇亦非常有特色，希望可以作為另一題材介紹。
謝謝你👍🙏❤️👍🙏❤️
不是港島人, 但每次由薄扶林去金鐘, 專登揀坐巴士, 就係為左可以經過般咸道去望下D特色舊樓@@irenewong433
香港嘅斜坡工程係世界級一流水準，尤其係70年代兩次大形山泥傾瀉之後。
有啲想起中學年代嘅灣仔日月星街同石水渠街一帶，嗰陣時好自豪喺灣仔冇人可以斬到我 😂 就係因為呢啲上上落落又左穿右插嘅樓梯小路。
你行得咁前嘅😂
@@samleung6959 行得前？何解呢？
@@jaxkhan已經諗咁多萬一情況😂
@@samleung6959 哦，只係同學之間講笑嘅嘢嚟啫 😅 吹水吹大啲咁啦 😂
最鍾意呢啲探索香港嘅片，希望做多啲散步類型嘅片❤
我都好鍾意！
係中環番左幾年工，午飯時間有時都會出去半山區亂行下，好鐘意果種安靜小社區，又有啲歷史感既感覺。呀sam講果條行到落cafe果條里真係成日經都無留意到，遲下再涼啲又可以去試下散散步😊
又一個自己平時冇特別留意，但一直係我地日常生活經常接觸嘅野，原來香港咁特別🫶🏻 多謝MM❤️
好感謝你們辛苦拍攝，我出生系西營盤，已移民二十年，👌開心見到小時候地方。長命斜是返學必經之路，好多痛苦回憶😅
Natalie vs Sam，一齊就打開腳企，落樓梯角度就自自然然一級落差，搞笑組合 😂😂😂
方便Sam同攝影師呀麻😂😂
差一級就剛剛好😂
@@nataliewong323 呢d就咪就係專業囉🫡🫡 同霞姨攞多個飯，入阿Ssssam數🤣
真心佩服中西區的居民，我去香港旅遊的時候行過幾次斜路同埋樓梯，我的膝頭就已經在抗議了
感謝各位介紹港島中西區樓梯和斜路，童年50，60年代，曾住中環士丹利街，回憶回來了，各位辛苦晒，感恩😅🙏
多謝呢一集帶我重返細個住嘅、小學、中學、甚至返工時候所經過嘅樓梯同斜路😊
感謝兩位主持及攝影師! 帶我哋上山下山 。自小都是在九龍新界區 成長， 真的極少去港島區這樣行山，很有趣的港島行!👍👍👍
呢一集直头可以纳入香港旅游指南，话比人知唔只重庆拥有魔幻般嘅垂直生活
呢集好好睇，多謝sam and Natalie ，你地行咁多樓梯斜路好勁呀！
西營盤人的集體回憶
返屋企返學都係斜路樓梯
成日同九龍朋友講笑自細住半山豪宅有天台
查實係第二街唐樓天台屋 :)
好節目，好有香港味。👍👍💪👏
呢集好好睇，多謝sam and Natalie💯👍
阿 Sam 好有地膽既感覺，好多樓梯同窄巷唔係當地人都唔識得行入去
呢集好好睇👍🏻
由細到大到而家都係住呢度，令我好多回憶返哂嚟！呢邊真係好正，好多特別嘢欣賞。但好可惜，好多都經歷時代嘅變遷，已唔見哂。
你哋行上堅道條行人天橋，有車經過會唔會feel到條橋好震？
冬天你哋可以再去堅尼地道禧記探吓伯伯，伯伯好犀利，佢冬天都可以上身唔著衫，好勁！
多謝你呀！梁叔叔冬天都打大赤肋好似已經成為地區傳說😂😂😂
好用心好好睇嘅一集！ 令我認識到香港又一有趣一面！👍🏻👍🏻 （抱歉但坦白講），近幾個月甚少有片令我覺得有特色又好睇，但呢條片真係會令我印象深刻，主題特別準備充足、當中冇刻意營造但又感受到香港歷史情懷、阿京嘅旁白一貫自然好聽（個人一直覺得咁多位content creators入面阿京把聲聽得最舒服）… 同埋相信阿Sam喺正式拍片前都可能自己先site visit已先行過條路一次，呢種認真係最初我鍾意睇MM嘅主要原因之一，希望你哋以後都繼續努力做返MM曾經有嘅高質水平💪🏻💪🏻💪🏻
伯伯好唔容易呀，又傷感，又佩服他。
9:50 高佬Sam 隻腳長到呢, Natalie 又笑尻阿Sam 🤣🤭
15號去完堅道主教座堂，經宏基國際賓館嗰條164級樓梯上去，行到傻下傻下。仲有由地鐵站行上去孫中心紀念館嗰D斜路同樓梯都幾係野。我只可以講港島區係重慶山城複製版，而澳門歷史城區嗰D山路同港島去比，完全係小巫見大巫，除左柿山哪吒古廟嗰條山路
都好特別行程, 可以做港島深度遊, 吸引本地,外國遊客啦!
十分同意。這就是香港島的特色。執靚的樓梯、牆壁, 清潔乾淨，加上街牌及指示就可以做出一個十分吸引外國遊客的東方舊城行山徑, 行樓梯可強身健體。中途加些小店, 又可以幫助經濟, 好似 amazing race 一樣, 都應該幾好玩。
很佩服香港為了克服地形而做的建築、小巷弄、坡道、樓梯，特別喜歡散步在巷弄間體驗探險的驚喜❤
這集影片很棒！希望未來有機會可以介紹這些拔地而起的高樓大廈和蜿蜒曲折的巷弄是怎麼建的 (非常好奇)
7:23 港島特色，經典「調轉」翻譯。
Sam, you really score for such idea. It is absolutely great episode. Natalie, you are great to persist and you and Sam are good partners. I have never seen such exploration in this concrete jungle. It is such a great inspiration for me to explore when I come back to hk next time. Wonderful!!!
大開眼界，對香港的歷史文化很有興趣，謝謝分享！👍👍👍
多謝你哋帶我認識港島❤
兩位主持嘅互動好搞笑😆
多謝你們！呢條片帶給我不少回憶。唸唸吓原來我讀過的幼稚園、小學、中學同大學都是倚山而建的⋯⋯不知不覺地行上行落咗咁多年⋯⋯
今集行過的地方 我幾乎都行過曬…有時就係鍾意發掘未知😊😊行出去係驚喜 亦係探索城市的好方法😀😀
呢集好正啊，我住北區真係未去過呢啲樓梯，好有特色。應該拍片拍戲都可以取景用
之前介紹個外國朋友坐巴士經山道天橋落金鐘，佢話好似玩機動遊戲，好好玩😅！
士多阿伯幾好人,幾年前去附近做野接觸過下
列拿士地臺， Rednaxela terrace, 有聽過一個講法話呢個名原本叫做Alexander. 早期啲人英文程度低，左右掉轉左。
呢個係真呀！
以前波記放學,就係02:05條樓梯背住個超重書包跳住咁跑落山‧當年竟然無失足跌死都係奇蹟。 =D
見到出左片兩日都唔係好想click, 但睇完覺得比想像中好睇好多
我自己都好鍾意係港島區週圍行，睇完今次個故仔先發現仲有好多地方未去過，Sam 做得好!
Sam好似行勁多路都搵Natalie🤣 上次散步都係搵Natalie🤣
呢條片好好睇!
新界人表示大開眼界
九龍人都表示大開眼界！
me too
今集好正，令我呢位中西區街坊可以思鄉之情
現在的香港 你都係留喺澳洲好過
都好想回來探吓朋友@@user-bw8lk1ye9p
題材勁到爆。
西營盤聖類斯中學隔離條斜路係拱型架, 所以底部好斜, 細個虐過發惡夢爬極都爬唔上去。
同意! 同感! 可以嘅話，我係免得過就免(上ok但落係No Way😂)
Mm咁多出街，上山下水戶外汗流活動，可以有關品牌讚助佢哋，讓走訪的Mm舒適些
超鍾意今次呢條片，Sam嘅各種發現，實在太太太勁了
多謝你地 💛
多謝Sampson ！
非常喜歡這集，多謝阿Sam，好多細個一直有嘅疑問，原來有人同我一樣諗法，住在舊區，經常性走這些橫街窄巷，以前經過般咸道近香港大學，甚至見到有住宅樓宇同般咸道中間懸空有不長過兩米的接駁「天橋」，很驚訝亦欣賞以前的建築是有這樣的想法去方便居民
精彩！多謝介紹香港咁有特色嘅地方！
好多不同想法，造就咗不規則，令人會思考嘅景色
topic 好有趣, 未睇先讚
住西環真係不停行斜路同樓梯，練氣練腳力。
非常高質又有趣的主題
個幾個鋪仔以前讀書行過好似有咖哩飯食，好味。行樓梯係幾有趣既，你行一下樓梯街隔離條長樓梯，行得多身體會好好架。
真的好有特色
去了香港三次 都沒什麼體會到港島區的感覺
下次很想去待上幾天感受一下
我覺得己連拿利天橋真係好型
好啱拍戲
好介紹，我都要同先生一齊跟住行吓
上亞厘畢道 對於係中環金鐘返工既人黎講 Lunch time可以行上去動植物公園 休息下
其實地鐵港島西延綫嘅港大同西營盤站真係做福好多人
呢集好好睇🫶🏻
Sam, Natalie, 有興趣可以Google/wiki 吓你哋行過嘅街名/地方名，你哋會搵到香港現代化，甚至亞洲現代化嘅歷史。
城市散步學，尤其是舊區，好有意思深入的街道故事，S&N，幾好的配合，不是說道式，是朋友式帶我們去睇睇，訪談，同老街坊傾傾，老伯的話，我絶對信，佢應該在這很久，上世紀已在此，見到洋人怎樣出入，相遇，應該.洋人比較對他們寬鬆寬容D。。建議可參考大丸有落
Sam&Natalie,你哋好勁呀由朝行到晚👍🏻👍🏻
12:39 少少補充, 永利街休憩花園好似本身都都係一啲舊樓… 但係打仗嗰陣, 有個炸彈爆咗, 所以就好似依家咁樣有一個凹位, 之後就變咗個公園
原來係咁😦家聲教授有講話好多時好細嘅pocket park都係由政府收完舊樓而嚟
咁應該死左好多人、所以呢區好陰😂
05:52 Natalie "紳士腿" lol
好好嘅Natalie😂
睇完先觉得屋企附近嘅山坡同港岛无得比😅而我仲整日爬依个山都喘气
呢集真係好好睇!!
以前斜坡上起好多唐樓, 佢地都會有"地庫"的存在, 而他們的存在又可以借樓梯返上去"正門"/ 大街入口的位置, 久而久之變成了捷經.
不過隨住拆樓而無晒. 有D樓梯, "里"都消失左, 好似灣仔洪聖古廟旁的梯梯同後方的小路就因為重建而斷左和消失左
Thank you for your good video about HK island.👍🦘🇦🇺Support from Down Under 👍🦘🇦🇺
港島深度遊👍👍👍有好多嘢以前真係留唔意到，睇完好想去港島行下😆
我覺得呢個主題/呢集 可以拆分/拉長到2-3集
唔係講笑，若果我嚟香港嘅行程時間充裕的話，我都會去中環，堅尼地城行下行下，因為佢有好多起斜路起啲建築同街道好有feel,有好多題材可以影。👍
佢哋山市街都冇去😂
嘩呢一集出現啲人物 件件都骨骼精奇 相貌奇特 真係令人大開眼戒
其實Sam Sam 幾ok吖 。 話佢話nat nat, 我又唔覺有乜吖 。同事朋友之間既吵鬧玩笑, 人地nat nat都冇野…
做乜咁多人以外型取人成日網暴佢?
呢集題材好好 。 辛苦晒主持人攝影師！
多謝你地, 好懚悔咁介紹左好多野俾香港人
啊，我係地膽！
金集每個鏡頭所影到嘅地方，都有我未生腳毛就甩出嚟嘅腳毛！
願榮光咖啡館👍🏼
13:07 平安里，大埔有一條中英文完全同名的路！😊
下次可以試找下屬於康文署有幾多比較有特式既公園 😁😁
中西區嘅街坊(我)心諗，你哋少見多怪遮😂
好奇最後拍咗幾多個鐘，咁多樓梯，睇到都覺得辛苦😅
拍咗2個全日，一日係同Natalie一齊行
旅游的时候喜欢走这些地方，你好厉害。那个摄影师更厉害。 赞！
你們經過的上環平安里其實有個“蹈和”花崗岩石門框，是以前的中華書院 ( 已拆卸的東華三院李西疇小學前身 ) 歷史痕跡。「蹈和」二字來自成語「履中蹈和」。寓意人們做人要平和，走路不偏不歪，正正表現出當時書院對每個學生的期望。雖然「蹈和」門框不是被評級的歷史建築，但確實有其歷史價值，同時亦跟我們訴說著舊香港的歷史。影片所見，那石門框好像不見了，也可能被移走。要得閒才去查看。
梁禧記伯伯夏天赤膊上身冬天只穿背心，幾十年如一日。
在一起~~好襯
今集睇得好頭昏.......
Thanks for walking so many stairs to show us the HK island. I was raised in mid-level too. however, many scenes are too shaky when the girl is holding the camera, maybe it's time to invest a better gadget/Gimbo for stabilization. Thanks
攪到我好想去行下.........真係要DL 左條片先
勾起六＋年前我爸舖以前係弓弦巷〈竹樹坡〉，家在急庛利街ｘ干諾道中，小学讀徽遠，后束梁文燕上学都要由德輔道中上皇后大道中尾，轉四方街去卜公花園，上百多級上課，中学讀培英就穿過江芀酒家第－段樓梯街，摩羅下丶上丶荷李活道，文武廟上去丫ＭＣＡ，高街，堅道，贊育醫院上去般含道先聖士提反到巴丙頓道培英，天天走45分鐘，中午用少於十分鐘由巴炳頓跑下西边街樓梯，到德輔道西均益大厦旁茗芳茶樓吃学生飯／吃完跑回高街，放学走般含道到樓梯街回家，－年跑200多日ｘ４次，練成－步二級上樓梯丶跨三級下樓梯絕技：
阿Sam咬字有進步 少咗懶音 聽得舒服好多👍🏻
唔係呀多謝你，我有留意到個d字先會特別注意，但好多時唔知個d就易會有懶音🥲🫶🏽
7:56個配樂好正
13:00 嗰條樓梯真係隱蔽，行過荷里活道嘅嗰段唔知幾多次，竟然冇留意到文武廟隔離有條窄樓梯駁到上邊條街！