HTML-код
- Опубликовано: 14 окт 2023
- #MM #700萬種生活 //
大家都記得，疫情期間曾封樓，兩天沒清理，垃圾便堆滿走廊。據衞生署的假設，每個三人家庭，日產15公升的垃圾量計算，只需一星期，便可塞爆每層樓的垃圾房。而這樣的垃圾量，都靠全港清潔人員每天清理。
據統計，全港有7.3萬個全職或兼職清潔員。食環外判清潔工的薪酬平均月薪$10,863，但其中1.5萬人時薪可能低於$40。除此之外，在許多私人唐樓，或工廠區，還有一批自僱的獨立倒樓員幫忙清理垃圾，計算下，這班自僱倒樓員時薪隨時比外判清潔工少。因為多年來勢孤力弱，無任何工作保障，也常被壓價。但若你一晚接多幾棟樓宇的清潔工作，就多勞多得。這班人叫做獨立清潔員。
為何中西區，可以容納這麼多自僱的倒樓員？因為中西區到處都是窄路斜坡，幾十年的老唐樓都建在山城斜坡，好多單棟唐樓沒電梯，垃圾房甚至管理處。請清潔公司成本會好貴，需請獨立倒樓員清潔。為了保障自己，他們都成立自己的一人公司，跟業主立案法團接工作。有些建築連業主立案法團都沒有的樓宇，清潔員還得一間一戶去收錢。有說「收現金唔報稅咪仲爽？」要收得齊先算，二來有些小店突然結業搬走，那個月你等如白做。
Nicky是倒垃圾學堂的召集人， 2021年晚晚九點倒樓高峰期，晚晚伏中西區不同垃圾站，認識區內每個倒樓員。成立倒垃圾學堂，出了本「丟垃圾秘笈」教大家倒垃圾。過去常有關於清潔工人被外判商剝削，市民亂丟垃圾，加重清潔工工作量的報道傳出，東哥覺得只要市民知道如何做，也可以大大減輕大家的工作量與勞損。
專業工作幾十年，他們都有自己想的倒樓秘技。美姐，倒樓30年，主力第一至第三街，幾乎整條街的街坊都認識她。遇上綁不好的，或太大件不應由她處理的垃圾，她會勇敢直言教導住客「做好啲」，其實住戶都不想自家大廈臭氣薰天，所以大家都會乖乖地跟她說的去做。華姐芳齡58，是學堂裡最年輕的一位。她40歲入行，接特別多斜坡上的案子，拉著近幾十斤重，載得滿滿的垃圾車，在斜路上來來往往。白天晚上各做一趟，累了就坐在士美菲路小餐廳門前喝杯奶茶，日飲三至四杯撐著，日做16小時，想趁60歲前還有力多賺錢養老。
東哥是堅尼地城詩人，平時熟讀唐詩三百首，得閒會幫大家寫詩。年輕時的他在屠場工作，早收工，幫鄰近的倒樓員替更，替著替著，便轉行了。他相信讀書及教育的力量，會在大廈裡貼自己寫的通告，又出席座談會及學校講座，教人如何好好包好垃圾，或者如何好好做回收，對社會都好。
許多人看了這個倒垃圾學堂的故事，都特意找Nicky，說想了解他們，甚至要給阿叔阿嬸做義工，卻讓她進退兩難： 「很矛盾的。學員得到大家的支持，當然開心有自信。但其實我們家，或生活的社區都有倒樓及清潔員，我們原意是想大家留意及關注身邊辛苦工作的倒樓及清潔員。
在倒垃圾學堂成立之初，這班的獨立倒樓員雖在社區裡互相認識，卻很少交流，現在眾人每月一聚，除了讓他們聊聊生活及工作近況吐苦水。如常有市民請他們到唐樓來回收如雪櫃、洗衣機等大型電器，六樓咁高要他搬到垃圾站，還加一句：「你搬走我就唔收你錢。」眾怒：「仲話唔收我錢？佢以為我可以攞部舊機去賣！我唔做呀，你自己請人同你搬啦。抬個洗衣機落樓起碼要加$300，仲要睇有無樓梯，條梯直唔直，離垃圾站幾遠收費嘛！」
80多歲的桂姐曾為一個屋苑的兩楝樓倒垃圾，月薪8千，除了倒垃圾還要打掃大堂、停車場及整理前後花園的盤栽，但十年來都沒加人工。有同樣做清潔的街坊說，以她的工作量，人工最少要多加一倍。「之前不知道市價，不敢要求加薪，怕價錢開高了會被換走。現在跟大家聊天知道甚麼是合理不合理，有自信了，才有勇氣要求加薪。」
過去做關於清潔員的訪問，氣氛總是好慘好可憐的配樂。每一個清潔員多少都會說：「我唔識字嘛，係做呢啲㗎啦。」對記者說：「呢度好臭呀你哋唔慣。」總有條微妙的線，隔在我們中間。小誌《我們的城市照顧者--一本關於倒樓清潔員的小誌》在6月出版，記錄了港九新界幾位清潔員的故事。當時他們在見山書店門外辦分享會，氣氛比想像中開心熱鬧。
工作以外，他們都有有趣的個性及不同的故事：美姐講嘢大大聲，突然就在腰間抽出自己公司的商業登記證出來，證明自己是老闆；嬌姐靠這份工作供了四個小朋友讀大學，現在半退休狀態，月入萬元給自己自由； 每次講都笑到甜絲絲； 東哥愛讀唐詩三百首，說話文謅謅宣揚知識的力量；華姐愛煲湯，跟大家分享體力勞動者啱飲的護膝食譜。爽快自信的聲音，讓大家都感受到，他們真的為自己的工作自豪。
後來讀者在網頁留言說：「世界上冇邊一個職業，係特別需要人哋同情甚至可憐嘅。可憐換來嘅多數都係施捨，而唔係應有嘅尊重。」
在Nicky眼中，這班自僱倒樓員都是朝氣勃勃的人：「即係如果我哋成日都用一種好悲情形象去睇佢哋，好似就會框死咗個故事應該要點樣講。」「讀著大家的回饋會令到我哋覺得，原來有啲嘢，我哋落手去做，真係可以改變到一點人的思考行為與角度。」
「會唔會有一日，小學嘅常識書或者公民教育課中，可以包埋呢一個喺裡面就好了。佢哋成日都話，將來做清潔可能就係一件好輕鬆嘅事。」
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 RUclips APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
後記：
常覺得中西區山城好靚。唐樓特別，斜路與樓梯上的臺閣很雅緻，打咭好呀。
沒想過垃圾仍得靠擔挑，人力揹，扯實手推車運下來。
美姐果日我仲同攝影師Alfons同Howard講「主要都係影第一同第三街，還好」結果淨係條第一街都行咗六次，樓梯行咗唔知幾多層。華姐那晚中秋正日，她一入大堂就小跑住走上樓，小跑住推車去垃圾房，Nicky仲話想搞個倒樓員運動會，得。一定得。
清潔員們常說自己讀書少，但其實很聰明。除了小秘技，寧願成立公司都不貪快手每戶收現金，因為可以保障自己；東叔把垃圾分類，給附近的公公婆婆拿去賣賺外快；還有許多聰明事，等佢哋有講座時可以去聽吓呢。
住咗外國好幾年，反思其實香港嘅住戶要學吓改變掉垃圾習慣
歐洲大部分國家其實一個禮拜分類咁收幾日垃圾
就算亞洲好似台北咁人口集中嘅城市，都有兩日唔收垃圾
開頭唔慣，但其實源頭分好類洗好，food waste果啲有盒包好放返雪櫃，就冇問題
咁樣等清潔工一禮拜休息返兩日真係差好遠
@@Cie548 唔想俾錢人咪自己倒垃圾囉
@@Cie548吓！你有冇住過唐樓？交過唐樓清潔費未？佢哋就算加薪，每戶一個月都係加十蚊八蚊。你咁都覺得大數目，你自己倒垃圾同洗地啦🙄
好奇問下 如果唔成立公司 就甘收錢會點架
@@user-lq2od7do6u 或者有機會抽時間去佢哋講座聽同問
我估MM開咗個頭，我哋再每個人日常抽啲時間親身去關心吓其中一啲有興趣嘅嘢，個地方就會有改變
超級敬佩清潔人員, 試問我地無左佢哋會點？ 任何人用自己雙手揾食,為社會作出貢獻,都值得尊重❤
@@Cie548 問題係你份管理費有幾多係畀佢地？
有幾多係畀唔知咩人中間食左？
真，但我唔會想做，你又願唔願意做？
非常感謝一班不怕辛苦、厭惡，勞力和人工不成比例的清潔工人，非常感謝您們為我們的付出，值得我們尊敬的一群。
@@Cie548 好！你都on9既每戶比多幾十 人地都差好撚遠啦 記住大家都生活係同一個地球上 唔係得你架
@@Cie548 問題係你份管理費有幾多係畀佢地？
有幾多係畀唔知咩人中間食左？
我媽都係做清潔🧽員。所以我覺得佢好叻，好proud of 佢。大家都要尊重多啲佢地
不靠施捨 , 不靠同情, 自食其力 , 值得尊重 !!!! 今期好地道 嘅香港專訪. 讚讚讚 !
咩時代，竟然尊重都要人教？
@@asterng5008 所以之前聽到其中一位姐姐講，有D人見到佢地即走開，又什麼認為呢行下賤，好心噏
依個媳婦真係好到天上有地下無
曾經有條片訪問一位倒樓清潔叔叔，最記得係叔叔講過倒樓辛苦之一係因為好多人唔會倒咗外賣嘅湯水，會令到一袋唔太重嘅垃圾都變重。
方便自己，麻煩人哋。好多野都係，明明自己只係做多少少，都懶得去做，衰啲仲會推卸責任俾人。希望世界少啲呢類人🙏🏻😐
莫講話受訪者，其他清潔人員、執「垃圾」者都極之重要，大家都默默做事，輕輕幻想到冇咗佢哋，成個香港一定係周圍垃圾。就好似之前黃鴨嚟香港個景況，唔係清潔員問題，係根本啲人唔自律，極端啲講可以話自私。
@@Cie548我講嘅點唔係關於錢喎。
呢一集非常有意義,
香港太多單棟式舊樓無人無錢無配套,
就算係一啲小型既住宅/屋苑都未必日日有人倒樓,
以前做管理公司真係遇唔少.
甚至有時清潔員工求其少少就會收到投訴,
但其實住戶根本無諗過幾辛苦幾咁underpay.
呢類自僱方式有好有唔好但起碼多勞多得,
辛苦唔緊要但起碼賺到錢.
多謝支持！
@@Cie548加畀你，你做
疫情的幕係英雄，真心佩服❤
如果冇呢班「倒俠」，冇人處理垃圾，唔敢想像當時情況會惡劣到咩地步。萬二分感激❤❤❤
@@Cie548低能
@@Cie548 自己唔想做就要比錢人做
有啲錢要比就係要比
人地做得辛苦 dirty job 加下人工都應份
呢集做得好好 Respect 各位倒垃圾專員，大家一把年紀都係靠自己辛勞過活！如果各市民行多一步做多少少，妥善處理好自己啲垃圾，咁就更多美好了🤗
二個字：尊重！
希望公公婆婆工作時除了賺錢以外，更加希望做得開心，滿足感和得到自我價值！希望大眾能夠多一份尊重，多一份關心他們！因爲幸福從來都得來不易的，Respect！！❤❤
@@Cie548 問題係你份管理費有幾多係畀佢地？
有幾多係畀唔知咩人中間食左？
默默耕耘的一群，盡心盡力過好多人，非常值得尊重尊敬同高人工！希望香港人都可以處理好啲垃圾、綁好袋好、唔好周圍掉，一人做多步已可以令清潔工做嘢順利好多。
感謝MM做呢個題材，教育多D人明白好好掉垃圾的重要， 綁好袋口，倒掉湯汁，感謝各位清潔專業人員的負出❤❤❤
垃圾處理好先掉！
感謝每一位默默為香港付出的清潔專員們,值得尊重!!!
一日萬三步係好勁，真係好撚勁。
我做粗野，日日行，都係得12000步。呢班老人家好撚癲，respect
感謝每一位默默為香港付出的清潔專員們
@@Cie548 問題係你份管理費有幾多係畀佢地？
有幾多係畀唔知咩人中間食左？
@@Adoss02 成條片喺度拍自僱人士條友話加管理費 , 知道咩料啦
@@Adoss02同啲On9點交流
「唔好下下用一個悲情嘅角度睇」
真係受教🙏
佢地真心值得尊重
敬業樂業
我係保安 睇到好感動 其實最基本包好 倒湯汁 都好多人唔識 唔知道到底係教育 定係人出左事 仲有好多小知識可以分享 例如啲紙盒可以摺好 有玻璃或者尖野要處理好 因為佢地都好趕時間 唔會得閑幫你慢慢執 要以便利佢地拎走作為基礎
我公寓的垃圾清潔阿姨即使有電梯總是大汗淋漓...無法想像這些在沒有電梯的情況下需要整理垃圾的英雄!
多謝MM訪問呢班默默耕耘嘅清潔員！希望更多人識得分類垃圾、倒走湯水，減輕佢地嘅工作❤
題材好好，很尊敬阿哥阿姐，有時會見到年輕人幫屋企人手，今集帶出教育意義❤❤❤
Nicky 好有心，做少少拉近人嘅距離。香港人每人都做好啲，包好垃圾、分類，呢啲都系基本，送碗湯傾吓計，好窩心。系藍領應該受人尊重，清潔工勞動人工都要有返保障，聽到有人唔鍾意佢地，覺得佢地唔應該受呢啲白眼。不過從小團體感受到温暖同老人家好可愛
謝謝每一位清潔員用心用力的付出，你們的努力讓大家有一個清潔的居住環境。
希望你們身體健康，也希望你們不要再被欺壓。🙏🏻🙏🏻🙏🏻
（感恩Nicky願意去關愛這一群無名英雄，讓大眾學習做好分類等環保工作，清潔員可以無甘辛苦，環境也得以保護。*幼稚園有教垃圾分類和減廢等知識，小朋友努力進行中～）
有意思的一集，社會環環相扣，尊重，體諒，理解大家都要做到
真心尊重各位，每日默默耕耘🙏
要尊重每日默默耕耘既所有工種～每行都有自己嘅辛苦同難處～多一份同情多一份愛心～社會就會變得更美好
節目越嚟越好睇越嚟越有意義! 一人一小步做返自己應該做嘅嘢，就唔會俾咁多人負擔，希望大家保存公德心。
自從返咗中環就注意到,經常見到好多呢啲叔叔姐姐一車一車咁係馬路旁推垃圾,將每一棟因為垃圾車去唔到收垃圾嘅大廈嘅垃圾,由後巷推到垃圾站
香港每棟大廈嘅清潔,全靠呢一班默默無名,而努力付出嘅英雄
希望多啲好似李生咁將心比己,咁尊重呢班叔叔姐姐嘅業主
我曾經住過東哥付責清潔嘅大廈，佢打理得好好（係20幾年前至幾年前），好積極幫手宣傳處理後樓梯垃圾事宜。真係好多謝佢、各位清潔員同Nicky嘅付出。喺唐樓清潔真係唔容易。大家加油！
💪🏻
多謝MM咁辛苦採訪，讓大家了解到一群無名英雄，非常敬佩呢一班老人家❤❤
今集每位主角都好得意同值得大家敬佩，他們用勞工辛勤工作，社會係要互相尊重，值得每一位鼓掌，他們也要為自己付出的大力鼓掌👏
感謝你們的辛勞！❤
@@Cie548 問題係你份管理費有幾多係畀佢地？
有幾多係畀唔知咩人中間食左？
感恩MM為這班一直默默付出的清潔工作者做這個有意義的訪問！我希望多啲人了解到他們的工作，給予他們應有的尊重和回報！
他們才是真正愛香港的人,為這片香港地努力守護
真係好值得尊重，生活唔容易，但係每一個依然表露出友善嘅笑容，睇到我莫名嘅感動
後生都做唔黎 曾經做過下清潔類型嘅工 日做時間無片中英雄咁長 但我都覺得累到仆街 見到佢地咁勁 真心覺得敬佩
呢條片真係要多啲人睇到先得！大家dum垃圾嘅時候dum好啲 清潔人員就做可以無咁辛苦，真係好感激佢地嘅辛勞🥹
這群長者，自力更生，沈默努力工作，值得敬佩，多謝報導👍🏻
好鍾意睇700萬種生活,令觀眾明白到每個人都有唔同既路可以行,可以選擇
我一直都覺得清潔員係好偉大職業, 本人母親都係做呢行之前依家退左休..日日凌晨起身我都覺得辛苦 有時頭暈頭痛都見佢死頂去做..!!所以我一直好尊重呢D人 希望佢地身體健康 同埋希望佢地老細加多人工比佢地..叫佢老細自己做一日就知佢地感受...~
如果你係老細，低人工都有人做，你會唔會主動加人工？？
@@Cie548其實佢地既然咁想工人待遇好啲，可以考慮自己開清潔公司做老闆，改善清潔工人待遇仲實際
@@siuyingyim9098 加人工咪吸引多d人黎做 你低人工 係有人做 但人地第間公司同一樣職位 但高人工 唔排除會跳槽
倒垃圾這類清潔工不單辛苦而且屬厭惡性工作, 應該比高一點的工資, 無論自僱或外聘應該定立比最低工資更高一點的時薪! 以免他們被剝削, 真係非常佩服他們刻苦耐勞的工作態度!
我都住了很多年唐樓，如果冇呢班無名英雄，層樓的衛生程度真的不敢想像，真的十分敬佩各清潔員的付出，衷心感謝他們的付出。
掉碎玻璃, 尖野, 利野, 核凸野, 千萬千萬要包好
呢一集真係太好！
所有倒樓員、屋企人以至Nicky 都有好有趣角度訪問
真係近期最好
Man 姐好嘢
多謝你們為香港付出
Nicky人美心善🙇🏻好難得咁生已經咁關心年老嘅基層
感謝各位專員付出 大家都自發處理好垃圾 就令大家都輕鬆好多🙏🏻
真係辛苦嘅工作，厭惡行業，全年只有年初一休息一天，年初二要倒積存年初一共兩天嘅垃圾，外人難以想像的辛苦，祝佢哋健健康康，想做就做；想退休就退休財務自由
非常敬佩這一群城市隱俠，身手一流，為家家戶戶帶來清潔的環境，冇咗佢哋幫手，真係不堪設想！
多謝獨立清潔員🙏🏻 真心尊重，佩服你們，祝 你們健康
拍攝得很有教育意義
🙏🏻
西環真心難行，斜到無朋友，就算有電梯都係一小段距離，真心敬佩清潔姐姐❤❤加油而，前住過幾個月唐9樓，上下一落樓梯又焗又熱，有d 住客咩大件野都照放係垃圾桶旁邊😢
以前住第二街，不過係美姐出現前搬走了。我又真係試過唯一一次幫姐姐倒樓，堅辛苦唔講得笑，自此之後我自己拎垃圾去垃圾房掉。
感謝各位清潔員， 你們勞苦功高，值得我們敬佩
多謝你地嘅付出，我住係片中其中一棟大斜路上嘅樓，多謝佢地不持勞苦每日默默工作，respect
感謝各位叔叔姨姨🙂靠自己努力洗得自豪安樂~~感謝及欣賞報導他們~~🙂
🙏🏻
好震撼嘅訪問，多謝報道
多謝支持
清潔工友一啲都唔下賤。佢哋至係香港繁榮背後嘅真英雄 🙇
好鍾意睇呢啲訪問，好真實，亦都知道清潔哥哥姐姐辛苦了，多謝佢哋嘅付出😊
@@Cie548其實係可以嘅，咁多戶夾埋，就算每個月畀多$50 ，假設有28戶，每個月已多多$1400，佢哋每人每日都處理唔少棟樓，更多戶即加埋更多收入，對佢哋嚟講已經好好😊
呢一集嘅題材好好！！
好感謝呢一班唔怕辛苦嘅清潔工
因為你地, 我哋先會有一個清潔嘅環境❤❤
真係好佩服，respect 你！！！
見到你哋日日瞓唔夠，又要推車行樓梯
辛苦啦🙇♀🙇♀
多謝你地為我地嘅付出❤🔥
感謝所有清潔人員嘅辛勞❤
Nicky 好漂亮哦 笑容迷人哥哥姐姐要注意身体 不要太累 不要跌倒 开心工作 每一份工作都得尊重 敬业
感謝清潔工人為社會作出既貢獻~
你地係值得尊敬的!
我由細到大都係新界大，多謝你哋咁有心揾呢類題材，令我更認識更多香港唔同人唔同行業既故事❤
衷心感激各位清潔員一直以來默默的付出
感謝您們為我們的付出，值得我們尊敬的一群。
辛苦了，謝謝你們
多謝你地 辛苦曬
辛苦晒，多謝你哋默默的貢獻°
－日倒7楝樓，好犀利，respect!
我諗以後我會細細袋就掉，等佢哋唔好咁重！我就係住呢度斜路
辛苦晒各位👍👍👍
辛苦晒
辛苦哂，感謝你地每一位，祝身體健康❤
祝福佢哋身體健康, 生活愉快.
多謝你們
感謝清潔人員
真係好好哩集做得
很感動的一集
好有正能量！公公婆婆加油💪👍
謝謝分享! 非常尊重片中每位主角💪🙏
大家自力更生，真的好敬佩！
非常感謝 清潔工人
敬佩清潔人員
好叻叻，十分敬佩！
呢一集真係好正👍🏼
好感動的訪問
真係多謝你地報導呢種新聞比我地知
多謝咁多位辛苦既付出,大家掉垃圾時要包好,有玻璃仲要搵報紙包實佢呀
感謝你地🙏🏻、靠自己雙手、努力搵錢、值得尊重
感謝同欣賞同時都要提自己扔好垃圾
好positive 好好睇
勁尊重佢地
我時常向清潔姐姐問好同吾該晒辛苦你-因為全赖有你們我住同工地方先得乾淨，所以直得向你們致敬.
真心強，辛苦晒
我未住过香港。但说一声：辛苦你们了。
勁🫶🏻👍🙏🏼🇭🇰🇨🇳香港感恩有你
自力更生, 不卑不亢, 正氣過好多尸位素餐既人💪
致敬華姐 辛苦了
多謝分享 任何工作都值得欣賞 只要每人行多步佢地就會好一啲