Խոսում են արցախցի երիտասարդները | փոդքասթ

🤩 Վերջերս մենք արցախցի երիտասարդների համար կազմակերպել էինք «Քաղաքացիական կրթության և կարողությունների զարգացման դպրոց»:
🎙️ Այժմ մեկնարկել է հետդպրոցյան աշխատանքների փուլը, որի շրջանակում դպրոցի մասնակիցների կողմից իրականացվում է հետաքրքիր փոդքասթների շարք: Այս փոդքասթների շրջանակներում արցախցի երիտասարդները կիսվում են իրենց հայաստանյան փորձառությունով՝ ներկայացնելով հաղթահարված դժվարությունները, ձեռքբերումները և ապագայի վերաբերյալ իրենց պատկերացումները։
🗣️ Փոդքասթի թեման էր «Կյանքը Հայաստանում արցախցի երիտասարդների աչքերով», որտեղ երիտասարդներն անդրադարձան իրենց հայաստանյան կյանքի առանձնահատկություններին, առկա հնարավորություններին և խոչընդոտներին։
👥 Զրույցը մեկնարկեց Արցախում ծավալած երիտասարդական գործունեության վերաբերյալ քննարկումներով։ Մասնակիցները ներկայացրին, թե ինչպիսի հնարավորություններ և գործիքներ կան Հայաստանում երիտասարդական ակտիվ գործունեություն իրականացնելու համար։
📈 Զրույցի ընթացքում անդրադարձ կատարվեց նաև կրթական, մասնագիտական և աշխատանքային հնարավորություններին, ինչպես նաև այն փոփոխություններին, որոնք կարող են խթանել երիտասարդների անձնային աճին։ Մասնակիցները հատկապես ընդգծեցին այն աջակցությունը, որը ստացել են իրենց տեղափոխությունից մինչ օրս։
🌟 Փոդքասթի ավարտին երիտասարդները կիսվեցին իրենց նպատակներով և ապագայի ծրագրերով, որոնք ուղղված են ոչ միայն անձնային զարգացմանը, այլև երկրի առաջընթացին։
🎧 Փոդքասթավարն էր՝ պատմաբան և երիտասարդական աշխատող Դիաննա Մլհամյանը, փոդքասթի հյուրերն էին՝ արցախցի երիտասարդներ Լիդա Մրզոյանը և Արգինե Հարությունյանը։
📌 Հիշեցնենք, որ «Քաղաքացիական կրթության և կարողությունների զարգացման դպրոց»-ի նպատակն է նպաստել բռնի տեղահանված արցախցի երիտասարդների ինտերգրացիային և սոցիալիզացիային Հայաստանի հանրային կյանքում։
🫶 Շնորհակալություն ենք հայտնում մեր սիրելի մասնակիցներին և սիրելի Դիաննա Մլհամյանին ջերմ և բովանդակալից զրույցի համար։
#Restart_Gyumri #Քաղաքացիական_Կրթություն #Փոդքասթ #youth_for_changes #երիտասարդական_առաջնորդության_դպրոց #խոսում_են_արցախցի_երիտասարդները #Կարողությունների_զարգացում #Երիտասարդական_Փոդքասթ