Ry renin'Andriamanitra Hira Katolika Malagasy

Bienvenue sur notre chaîne RUclips dédiée à la musique Catholique Malagasy ! Nous sommes ravis de partager avec vous une collection inspirante de chansons religieuses en provenance de Madagascar. Notre chaîne est là pour vous offrir un lien avec votre héritage spirituel.
#HiraKatolikaMalagasy #HiraKatolikaMalagasy #HiraKatolikaMalagasy
1- Ry Renin'Andriamanitra ô, midera anao 'zahay e
Fa Izy 'lay Mahefa ka nahary ny tontolo e,
Namolavola vatana natokany ho anao e,
Hiteraka ny zanak'Andriamanitra rehetra.
Eny Ry Maria ô, ry Eva vaovao,
Natokan'Andriamanitra ho reninay ianao e
Ny fony be fitiavana nafindrany aminao e
Ka nentiny hanasoavana an'izao tontolo izao.
2- Ry Renin'Andriamanitra ô, midera anao 'zahay e,
Fa Izy 'lay nifantina ny razanao fahiny e;
Nanoro anao mba hino 'zay voalaza taminao e,
Ka hino koa ny zanak'Andriamanitra rehetra !
3- Ry Renin'Andriamanitra ô, midera anao 'zahay e,
Fa Izy 'lay tsy miova raha manao fifanekena e,
Nanampy anao hijoro sy hanantena am-pitokiana e
Ho taratry ny zanak'Andriamanitra rehetra !
4- Ry Renin'Andriamanitra, midera anao 'zahay e
Fa Izy 'lay naniraka ny Zanany ho Mpamonjy e
Nanainga anao ho tia izay nataony taminao e
Hitiavanao ny zanak'Andriamanitra rehetra !
5- Ry Renin'Andriamanitra, midera anao 'zahay e
Fa Izy 'lay nandefa ny Fanahy Mpandavorary e
Nambomba anao hatrany mba ho lavorary Ianao e
Ho santatry ny zanak'Andriamanitra rehetra !