Twakuletea, We, Habari Njema _ Kiswahili hymn _ Alfas

Maneno ya wimbo.
Twakuletea, we, habari njema, Yesu yu langoni pa moyo wako;
Anabisha hodi bila kukoma, angoja kubariki nafsi yako.
Ataitimiza ahadi yake, atakuvisha wewe haki yake;
Atakukirimia Roho wake, atakukoleza tabia yake.
Moyoni mwako, we, utaridhika, ukimwalika Yesu aingie;
Wapiga doria ni Malaika, yajapo yoyote usiumie.
Mle mnywe msemezane kwako, akuhesabie utakatifu;
Ingawa zi nyekundu dhambi zako, zitakuwa nyeupe kama sufu.
Fahamu zako, we, zitafunguka, utaiona hii dunia upya;
Mavazi yako yatabadilika, maneno yako yatakuwa mapya.
Usiisahau ahadi yake, Tazama Yesu aja teketeke;
Aja pamoja na ujira wake, (Kumlipa) kila mtu kadri ya kazi yake.