《月傾會》EP10 暢談情史 感激前度 愛過23歲泰國小鮮肉 蝦頭鍾意姜濤 阿媽係神徒
HTML-код
- Опубликовано: 8 июн 2022
- 今個月@boxchannel7957 《月傾會》邀請嘅嘉賓係蝦頭（楊詩敏）！一見面，蝦頭同主持林柏希即刻聚舊，原來蝦頭人生第一個電台節目，係林柏希搵佢做！「希希好錫我嘅，因為嗰陣時做《晨希Good Day》（新城電台節目）嘅時候，希希幫咗我好多，令到我人生嘅career突然間有啲新進展！」
今年46歳嘅蝦頭，情史豐富，佢坦言話如果計散拖真係數唔到咁多次，但真心真愛嘅，五隻手指數得晒！講到愛情，林柏希問佢最冇自尊嘅一次過啲咩嘢？蝦頭提到前度邵子風，「我覺得為佢差唔多付出咗一切，所以我冇咗自己！大家都知道，我對上一個係邊個啦！我哋關係好複雜，又拍拖又經理人又一齊開公司，我哋大家都係兩個傷痕纍累的靈魂！我嗰陣時有一股蠻勁，好想可以有永遠啦，我亦視佢為我一個結婚對象啦，到第四年愈嚟愈關係複雜，之後又搞作品，我就覺得我哋再唔分開，我哋會攬住一齊死，真係堅係死呀！」
諗返轉頭都要好多謝前度，令蝦頭重生。「依家點解話成長咗，我明白冇嗰陣時所有經歷，我今日唔會重生Rebirth！即係我之前咪搞咗個Rebirth音樂會嘅！」除咗邵子風，蝦頭仲同火火（導演）拍過拖，「我同阿火拍拖係讀演藝學院嘅時候，拍咗三年半拖，嗰陣我係好情迷阿火㗎嘛，分開咗之後好傷心，嗰一年裏面覺得自己最荒唐，不停玩囉，不停吃喝玩樂呀，飲酒呀識男仔呀；另外一個荒唐時間，又係失咗戀，之後直接走咗去泰國散心，我有唔同嘅艷遇喺泰國發生，又識到一個泰國男朋友拍咗拖一年！」
去到重頭環節《大膽答 冇膽食》，今次預備咗好靚嘅Farmer bread農夫麵包，加上好似牛油size嘅Wasabi，蝦頭唔肯答就要食！問佢最細年紀嘅姊弟戀，同最大年紀，分別係幾多歲？蝦頭話試過同大自己11年嘅拍拖，「做劇識嘅，係舞台劇人，做舞台劇跟住朋友介紹囉！最細呀，泰國嗰個囉，呢單嘢我當時都係好衰㗎！我嗰陣時30幾歲，佢問我係咪23歲，因為佢係23歲，我梗係話係啦，我隔兩日走㗎喇，我使乜同你講真話呀大佬！」
愛情路上，姊弟戀忘年戀都試過，蝦頭話始終都要有愛先有性。之前蝦頭喺自家網上節目《絲打圍爐》透露過視MIRROR嘅AK係性幻想對象，問佢最近人選有冇變？答案竟然係《奇異女俠玩救宇宙》入面，飾演楊紫瓊老公嘅演員關繼威！
「我真係對佢好有feel，突然間諗起佢呀下，近排楊紫瓊咪有套電影嘅，個老公呀！佢演戲嗰種passion，我完全喺呢套電影裏面feel到，同埋佢之後做咗特技人，所以你見佢今次喺呢齣戲裏面，好多功夫場面，佢都好charming㗎！我俾佢腰包嗰個線，我唔知大家有冇睇啦，總之佢有個腰包，腰包可以變咗雙節棍打功夫！好想俾嗰個腰包打一打咁樣囉，哈哈哈！」
唔介意姊弟戀，原來MIRROR入面，蝦頭最鍾意係姜濤，佢仲爆埋阿媽係神徒，兩母女都係鏡粉，想知佢點講？買唔買到MIRROR演唱會飛？即刻去片睇啦！
訂閱盒子YT頻道同步睇片：bit.ly/3Qbd6c4
#盒子 #boxchannel #月傾會 #蝦頭 #楊詩敏 #林柏希 #情史 #前度 #姊弟戀 #性幻想 #MIRROR #AK #姜濤 #AL
-----------------------
記得follow晒呀
FB：bit.ly/2WlzyYF
YT：bit.ly/3guXGz0
IG：bit.ly/3n0YIHg 
Развлечения
睇完片，記得comment，like & share！仲有快啲follow晒《盒子BOX channel》呀！
盒子FB：bit.ly/2WlzyYF
盒子IG：bit.ly/3n0YIHg
盒子YT：bit.ly/3BSWCx6
好喜歡蝦頭，好喜歡姜濤，因為2位都好真、好直同好正👍
蝦頭有taste
蝦頭好誠懇同好期待＃姜濤 嘅新戲上映！謝謝您蝦頭！！
鍾意姜濤真有品味
蝦頭有taste，好真、好直、好正，好期待’呀媽有咗第二個’✨
鍾意姜糖蝦頭👍👍
我都好期待’呀媽有咗第二個’😍
叫姜濤俾飛佢，可以帶埋媽媽去睇！
蝦頭和媽媽好似樣
I ❤蝦頭, 也更愛 KT ❤
蝦頭喺相片入面比佢媽咪更成熟
你訪問蝦頭 蝦頭係鍾意姜濤 究竟你有冇聽清楚㗎 點解你時時 提anson lo姐！
提下都唔得？😅
咁惡嘅，蝦頭自己講先㗎😅😅😅