"Яагаад хүлэмжийн хий гэж нэрлэсэн вэ?"

Тогтвортой хөгжлийн ойлголт өгөх цуврал 3
Энэхүү цуврал нь та бүхэнд тогтвортой хөгжил, уур амьсгалын чиглэлээр мэдлэг олгох зорилготой бөгөөд үүнтэй холбоотой та бүхний "яагаад" гэх асуултуудад хариулахын зорих билээ.
Өмнөх дугаараар уур амьсгалын өөрчлөлт яагаад үүсдэг болон уур амьсгал өөрчлөгдсөнөөрөө бидэнд ямар хамаатай болохыг тайлбарласан бол энэхүү дугаараар тэрхүү уур амьсгалын өөрчлөлтийн үүсгэгч гол хүчин зүйл болох хүлэмжийн хийн тухай мэдээлэл хүргэхээр бэлтгэлээ.
Энэхүү дугаараас ойлгуулахыг зорьсон голлох зүйлс:
Хүлэмжийн хий гэдэг нь дотроо хэд хэдэн хийнээс бүрдэх бөгөөд Киотогийн протокол гэх олон улсын баримт бичигт 6 хий болгон ангилсан байдаг. Үүнд, Carbon dioxide (CO2), Methane (CH4), Nitrous oxide (N2O), Hydrofluorocarbons (HFCs), Sulphur hexafluoride (SF6), Perfluorocarbons (PFCs) гэсэн хийнүүд орно.
Эдгээрээс эхний 3 хий нь байгаль дээр оршсоор ирсэн бол сүүлийн 3 хий нь хүний үйл ажиллагаатай холбоотой шинээр үүссэн хийнүүд байдаг байна.
Эдгээр хийнүүдээс Carbon dioxide (CO2) буюу нүүрстөрөгчийн хий нь хүлэмжийн хамгийн өндөр хувийг (75%) эзэлдэг бөгөөд агаарт байгаа нийт нүүрстөрөгчийн 91% нь хүний үйл ажиллагаанаас үүдэлтэй байдаг байна.
Хүлэмжийн хийг яагаад хүлэмжийн хий гэж нэрлэсэн шалтгаан нь дэлхийн агаар мандалд хүлэмжтэй ойролцоо үзэгдэл үүсэж буй тул. Өөрөөр хэлбэл хүлэмж нь гаднаас нарны гэрлийг оруулж ирдэг ч гадагшаа дулааныг алдуулдаггүй тул хүлэмжийн хөрс дулаан байдаг.
Хүлэмжийн хий нь агаарын бохирдолтой холбоотой боловч ялгаатай ойлголт юм.
Монгол улсын хүлэмжийн хийн ялгарлын хамгийн өндөр хэсэг нь эрчим хүчний салбар болон мал аж ахуйн салбарт харьяалагддаг.
Эх сурвалж:
1. Уур амьсгалын өөрчлөлт - • УУР АМЬСГАЛЫН ӨӨРЧЛӨЛТ
2. Дэлхий шатаж байна - • Дэлхий шатаж байна! 🔥🌎
3. Climate Change: How does it really work? | ClimateScience - • Climate Change: How do...
4. Climate Change and Global Warming: Explained in Simple Words for Beginners - • Climate Change and Glo...
5. What is Climate Change? Explore the Causes of Climate Change - • What is Climate Change...