फर्माईश : माझी कन्या | कवी बी Kavita | Spruha Joshi | Marathi Poems
HTML-код
- Опубликовано: 8 фев 2025
- For Brand Collaborations & Partnerships: teamspruhajoshi@gmail.com
Instagram : / spruhavarad
Facebook : / spruhavarad
Twitter : / spruhavarad
_______________________________
गाइ पाण्यावर काय म्हणुनि आल्या?
कां ग गंगायमुनाहि या मिळाल्या?
उभय पितरांच्या चित्त-चोरटीला
कोण माझ्या बोललें गोरटीला?
उष्ण वारे वाहती नासिकांत,
गुलाबाला सुकविती काश्मिरांत,
नंदनांतिल हलविती वल्लरींला,
कोण माझ्या बोललें छबेलीला?
शुभ्र नक्षत्रें चंद्र चांदण्यांची
दूड रचलेली चिमुकली मण्यांची
गडे! भूईवर पडे गडबडून,
कां ग आला उत्पात हा घडून?
विभा-विमला आपटे-प्रधानांच्या
अन्य कन्या श्रीमान कुलीनांच्या
गौर चैत्रींची तशा सजुनि येती,
रेशमाची पोलकी छिटें लेती.
तुला लंकेच्या पार्वती समान
पाहुनीयां, होवोनि साभिमान
काय त्यांतिल बोलली एक कोण
'अहा! - आली ही पहा- भिकारीण!'
मुली असती शाळेंतल्या चटोर;
एकमेकींला बोलती कठोर;
काय बाई! चित्तांत धरायाचे
शहाण्यानें ते शब्द वेडप्यांचे?
रत्न सोनें मातींत जन्म घेतें,
राजराजेश्वर निज शिरीं धरी तें;
कमळ होतें पंकांत, तरी येते
वसंतश्री सत्कार करायातें.
पंकसंपर्कें कमळ का भिकारी?
धूलिसंसर्गें रत्न का भिकारी?
सूत्रसंगें सुमहार का भिकारी?
कशी तूंही मग मजमुळें भिकारी!
बालसरिता विधु वल्लरी समान
नशीबाची चढतीच तव कमान;
नारि-रत्नें नरवीर असमान्य
याच येती उदयास मुलातूंन.
भेट गंगायमुनांस होय जेथें
सरस्वतिही असणार सहज तेथें;
रूपसद्गुणसंगमी तुझ्या तैसें,
भाग्य निश्चित असणार तें अपैसें.
नेत्रगोलांतुन बालकिरण येती,
नाच तेजाचा तव मुखीं करती;
पाच माणिक आणखीं हिरा मोतीं
गडे! नेत्रां तव लव न तुळों येती.
लाट उसळोनी जळी खळें व्हावें,
त्यांत चंद्राचे चांदणे पडावें ;
तसे गालीं हासतां तुझ्या व्हावें,
उचंबळुनी लावण्य वर वहावे!
गौर कृष्णादिक वर्ण आणि त्यांच्या
छटा पातळ कोंवळ्या सम वयाच्या
सवें घेऊनि तनुवरी अद्भुताचा
खेळ चाले लघु रंगदेवतेचा!
काय येथें भूषणें भूषवावें,
विशिध वसनें वा अधिक शोभवावें?
दानसीमा हो जेथ निसर्गाची,
काय महती त्या स्थलीं कृत्रिमाची!
खरें सारें! पण मूळ महामाया
आदिपुरुषाची कामरूप जाया
पहा नवलाई तिच्या आवडीची
सृष्टिश्रृंगारें नित्य नटायाची.
त्याच हौसेंतुन जगद्रूप लेणें
प्राप्त झालें जीवास थोर पुण्यें;
विश्वभूषण सौंदर्य-लालसा ही
असे मूळांतचि, आज नवी नाहीं!
नारि मायेचें रूप हे प्रसिद्ध,
सोस लेण्यांचा त्यास जन्मसिद्ध;
तोच बीजांकुर धरी तुझा हेतू,
विलासाची होशील मोगरी तूं!
तपःसिद्धीचा समय तपस्व्याचा,
भोग भाग्याचा कुणा सभाग्याचा;
पुण्यवंताचा स्वर्ग की कुणाचा
मुकुट किर्तीचा कुण्या गुणिजनाचा
यशःश्री वा ही कुणा महात्म्याची
धार कोण्या रणधीर कट्यारीची;
दिवसमासें घडवीतसे विधाता
तुला पाहुनि वाटतें असें चित्ता!
तुला घेइन पोलकें मखमलीचें,
कुडी मोत्यांची, फूल सुवर्णाचें,
हौस बाई! पुरवीन तुझी सारो
परी आवरि हा प्रलय महाभारी!
ढगें मळकट झांकोनि चंद्रिकेला,
तिच्या केलें उद्विग्न चांदण्याला;
हास्यलहरींनी फोडुनी कपाट
प्रकाशाचे वाहवी शुद्ध पाट!
प्राण ज्यांचेवर गुंतले सदाचे
कोड किंचित् पुरवितां न ये त्यांचे;
तदा बापाचें हृदय कसें होतें,
नये वदतां, अनुभवी जाणतीं तें!
माज धनिकाचा पडे फिका साचा,
असा माझा अभिमान गरीबाचा!
प्राप्त होतां परि हे असे प्रसंग
हृदय होतें हदरोनिया दुभंग!
देव देतो सद्गुणी बालकांना
काय म्हणुनि आम्हांस करंट्यांना?
लांब त्यांच्या गावास जाउनीया
गूढ घेतों हें त्यांस पुसोनीयां!
" गांवि जातों" ऐकतां त्याच काली
पार बदलुनि ती बालसृष्टि गेली!
गळा घालुनि करपाश रेशमाचा
वदे "येतें मी" पोर अज्ञ वाचा!
कवी बी (नारायण मुरलीधर गुप्ते)
तुम्हाला कविता कशी वाटली ते नक्की कळवा आणि Like, Share, Subscribe करायला विसरू नका.
#SpruhaJoshi #Poems #Marathi
_________________________________
Credits
________________________________
Produced By
Spruha Joshi
Nachiket Ashok Khasnis
Location & hospitality Partner :
Nitin Dhepe
Rucha Dhepe
Complete Dhepewada team
Filming
Angad Joshi
Shubhankar Havele
Rahul Kulkarni
Editor :
Soham kurulkar
Yogesh Dixit
Tanishq Mohite
Audio: Ameya Ghatpande
Hair & Makeup: Bhagyashree Patil
Styling : Tanmay Jangam
Costumes: Cotton Village
Production stills: Rahul Kulkarni
Partnerships and Brand Collaborations: Anurag Pathak
Social Media : Pornima Khadke
Created By: Nachiket Ashok Khasnis
___________________________
About Spruha Joshi :
___________________________
Spruha Joshi is an Indian Marathi television, film, and theatre actress. She is also a poet and lyricist for films.
____________________________
DISCLAIMER: This is the official RUclips Channel of Spruha Joshi. The Audio/Video is Strictly meant for Promotional purposes and is intended to Showcase the Creativity and work of the Artist Involved.
__________________________________
ही कविता ऐकून डोळे ओले न होणारा बाबा सापडणार नाही. कविता अगदी खोल अंत:करणापर्यंत जाते. स्पृहाचे सादरीकरणही तेवढेच जोरकस.
अप्रतिम सादरीकरण... कधीही कितीही वेळा ऐकली ,वाचली तरी डोळे घळा घळा वाहू लागतात. आणि आपल्या वडिलांनी सुद्धा त्या वेळच्या त्यांच्या परिस्थिती मध्ये आपले किती लाड केले होते ते आठवून खूप जास्त रडू येते. आता वडील नाहीत त्यांना विसरणं ही शक्य नाही पण ह्या कवितेमुळे अनेक प्रसंग डोळ्यांसमोरून गेले. खूप धन्यवाद स्पृहा
खूप सुंदर सादरीकरण स्पृहा . आठवीत आम्ही ही कविता तोंडपाठ केली होती. बाबांची खूप आठवण आली. मी पुण्यात हॉस्टेलला राहत असताना बाबा खूप आजारी असून सुध्दा १० तासांचा प्रवास करुन मला भेटायला यायचे कारण येण्याजाण्यात माझा वेळ जायला नको म्हणून.
माझे दादा देखील ही कविता माझ्यासाठी म्हणायचे.ते आठवले आणि माझेही डोळे त्यांच्या आठवणीने पाणावले. स्पृहा खूप खूप छान म्हंटले. धन्यवाद!!
अतिशय सुंदर सादर केलीत , स्पृहा ताई तुम्ही ही कविता.आणि मनाला भिडली त्यातील अप्रतिम शब्दगुंफण.
शाळेतलं बालभारतीचं पुस्तक डोळ्यासमोर आलं आणि ज्या चालीत तुम्ही ही कविता सादर केलीत त्याच चालीत आम्ही पण ही कविता म्हणत असू.. शाळेतले सुंदर दिवस आठवले आणि अत्यन्त कळकळीनी, passionately शिकवणारे त्यावेळचे शिक्षक आठवले. त्यांच्या मुळे ही कविता आजही शब्दांसकट, चालीसकट अर्थासकट जशीच्या तशी इतक्या वर्षानंतरही मनात जिवंत राहिली आहे.. ही किमया कवीच्या अद्भुत शब्दांची आहे की समर्पित होऊन शिकवणाऱ्या आमच्या शिक्षकांची आहे हे सांगणं कठीण आहे.Thank you स्पृहा.. 😊
Spruha,tuzi aaji shobhen ya vayachi mi aahe.Pan ajoonhi kitihi vela aikali tari ya kavitene dole bharoonch yetat.Etaki vedana ya kavitet aahe.Suhruda Deshapande.Aani tu nehamich kavitela nyay detes.
🙏 that's it
डोळयात पाणी येते
हॅलो स्पृहा,कवीने खूपच तळमळीने लिहिलेली कविता तुम्ही तितक्याच तळमळीने गायलीत! जुनी मराठी भाषा,तिची श्रीमती या निमित्ताने पुन्हा एकदा प्रकाशात येत आहे! आपले आभार मानावेत तितके कमीच,धन्यवाद!
अप्रतिम सादरीकरण स्प्रुहाजी!
ही कविता आम्हांला लहानपणी अभ्यासाला होती.
आजही ती ऐकताना डोळे आणि कंठ अगदी भरून आले.
छान उपक्रम आहे.त्याकरिता
तुमचे कॊतुक व तुम्हांला हार्दिक शुभेच्छा !
धन्यवाद!
शालेय जीवनात समोर आलेल्या अप्रतिम कवितांमधली ही एक. तू सादर करत असताना मन खरंच त्या काळात गेलं. किती सुंदर कविता होत्या तेव्हा. तुझं गाऊन सादरीकरण अप्रतिम. खूप गोड तू आणि कविता .👍👏👏
अतिशय उत्तम,अप्रतिम,माझ्या दादांची मी लाडकी कन्या होते,त्यांची आठवण झाली हि कविता ऐकून,Thx स्पृहा ताई
अगं स्पृहा ताई ही कविता फारच करुणा स्पद आहे 😢😢 छान सादर केली स
स्पृहा ,तुम्ही थोडक्यात भावर्थासह अप्रतीम सादर केलीत ही कविता...
या व्हिडिओ सोबत खाली दिलेली संपूर्ण कविताही वाचली आणि हे खूप छान केलं की की संपूर्ण कविता discription box मध्ये दिलीत... 👍🏻👌
खूपच छान कविता आहे ही, मला खुप आवडते, Mi पुण्यात असते माझे बाबा गावी असतात , खुप आठवण आली आज बाबांची ते pn माला असच समजाऊन सांगायचे,
माझी मुलगी pn पाच वर्षांची आहे Ani उद्याच तिचा जन्म दिवस आहे , मी ही कविता तिला समजाऊन सांगायचा नक्की प्रयत्न करेन. Ani खरच खूप सुंदर आहे कविता.
तुझ हे सादरीकरण शाळेतल्या बाकावर घेऊन गेल आणि शेवटी 2 कडवे अगदी जड अंतःकरणाने म्हणणारे सर सुद्धा दिसले आणि ते ही अगदी ह्याच चालीत म्हणून दाखवायचे ही कविता 😇 खूप छान सादरीकरण 👍खूप खूप धन्यवाद
खूप खूप...खूपच सुंदर कविता ऐकायला मिळाली....शाळेत असताना तोंडपाठ होती ही कविता...पण त्यातला एवढा सुंदर अर्थ तेव्हा कळला नव्हता...आज बरेच वर्षानी ही कविता ऐकली आणि अर्थ कळल्यामुळे असेल आता ही कविता जास्त भावली...
कवितेचं सादरीकरण खूपच उत्कृष्ट आहे...शब्दांनुसार तुमच्या आवाजातील भाव सुध्दा खूप छान आहेत... 👌👌🌹🌹🌹
माझी पण खूप आवडती कविता.माझे बाबा सुद्धा पूर्ण कविता म्हणायचे.आणि त्यांचे डोळे डबडबलेले असायचे.त्या वयात त्याचा अर्थ कळला नाही. मोठं झाल्यावर मात्र कविता म्हणताना मी पण रडले अगदी हमसून हमसून
Same here
जुन्या आठवणींसह माझे वडील मला आठवुन गेलेत. धन्यवाद .
@@Ratnakar1962 .
..हह
हहह.
धन्यवाद स्पुहा।maazhi कन्या कविता खुप आवडीची आहे।अनेक वेळा dolyatun पाणी येते gatana।सदर छान kele न radataana। कमाल तुझी। सादर करणे कविता kevhadhe है kraerv
मातीत ते विखरले अति रम्य पंख।केले वरी uadar padur निष्कलंक।चंचु tashish च उगड़ी।
Dear Spruha,
This was extremely emotional. I have a daughter who is 47 years old and remembering the tough times of our life's journey together we could relate this poem tremendously. Thank you, lovely narration.
ताई, तूम्ही खूप चांगली कविता आपल्या आवाजात सुंदरपणे सादर केली. तशी ती कविता अजरामरच आहे. प्रत्येक्ष वडिलांनी आपल्या कन्याला खूप समजून सांगण्याचा प्रयत्न केला आहे पण परिस्थिती मुळे बाप बिचारा हतबल झालेला असतो, पण बापाने आपल्या लाडक्या कन्येला खूपच समजवण्याचा प्रयत्न केला आहे. धन्य ते वडील.
सुंदर विश्लेषण!👌ज्या छंदात कविता लिहिली आहे त्याच चालीत सादर केलेली ही कविता मनाला पुनःप्रत्ययाचा आनंद देऊन गेली. इयत्ता सातवीला (1973-74) आम्हाला ही कविता होती. स्पृहा तुझा हा उपक्रम खरंच स्पृहणीय आहे.👌👍
स्पृहा,अगदी अप्रतिम सादरीकरण,आणी तूझ्या आवाजाने जिवंत झाली,तुला खूप खूप धन्यवाद
खूप सुंदर कविता आहे ही. शाळेत शिक्षक शिकताना अक्षरशः डोळ्यातून घळाघळा पाणी वहायचे.
खूपच सुंदर कविता सादर केली मला माझ्या लहानपणी ची आठवण करून दिली स कविता ऐकून मला माझ्या वडिलांनी फार आठवण आली आत्ता ते हयात नाहीत
कविता फार छान आहे👌👌
खूप छान कविता आहे आणि तुमच्या आवाजामुळे एकदम आम्ही भारावून गेलो आहे तुम्हाला मालिकांमध्ये पाहायला खूप आवडेल
मी शाळेत असताना हि कविता आमच्या गुरुजींनी इतक्या सुंदर पद्धतीने शिकवली होती की... अजूनही स्मरणात आहे
कवितेच्या शेवटी डोळे नक्कीच पानावतात.
बालमनात रुजलेली हृदयस्पर्शी आवडीची कविता,माझे गोकाक कर सर यांनी इतकी छान शिकवली होती ,त्यांची आठवण झाली.वडिलांची आठवन तर शब्दात सांगता येत नाही,ते एक शिक्षक,मोठ्या घराण्यात मी लग्न होऊन आले, आपल्या मुलींना गरीबाची म्हणून हिणवलं जाऊ नये असं त्यांना खूप वाटायचं🙏🏻
आदरणीय मॅडम कवितेचे अतिशय प्रभावीपणे वाचन केले, की कवितेच्या वाचनावरून कवितेचा अर्थ समजतो अशी ही कविता भावस्पर्शी हृदयस्पर्शी मनाला भावलेली कविता. पुढील भागात कवितेच्या एकेक ओळीचा भावार्थ समजून सांगणे विनंती. धन्यवाद.
खूप सुंदर सादरीकरण. आम्ही ही शिकलो, अनु भवली, आणि अध्यापक नात्याने सेवेत विद्यार्थ्यांना सुंदर अप्रतिम दर्शन घडवले. खूप सुंदर भावविश्व निर्मिती स्पृहा. सुरेख... सुंदर गायन, आणि अर्थपूर्ण...best!!!
खूपच सुंदर सादरीकरण.
आमची पण ही कविता शाळेत असताना पूर्ण पाठ होती. तेव्हा गर्भितार्थ करण्याएवढे वय नव्हते.पण जसेजसे मोठे होत गेले, तशी तशी ही कविता अंतर्मनात खोल रुजली.
ह्या कवितेत बाप व लेक एकमेकांत किती गुंतले असतात- याचे फारच भावपूर्ण वर्णन आहे.
स्पृहा जोशी तुम्ही कविता खूप छान सादर केली. आम्हाला 7 वीच्या पाठयपुस्तकात ही कविता अभ्यासाला होती. त्यावेळी आम्हाला आमच्या शिक्षकांनी ही कविता तुम्ही जशी सादर केली त्याच पद्धतीने सादर केली होती. सलाम तुम्हाला!
खूपच सुंदर आहे ही कविता. खूप अर्थपूर्ण आणि मनमोहक. डोळ्यात पाणी आल्यावाचून राहत नाही.
ही कविता मुळातच खूप छान आहे आणि त्यात तुमचे सादरीकरण इतकं सुंदर आहे की परत परत ऐकावेसे वाटते.
मला *शतकानंतर आज पाहिली पहिली रम्य पहाट* ही कविता तुमच्याकडून ऐकायला खूप आवडेल.
मी यशश्री जोशी ( लग्नापूर्वी ) आणि लग्नानंतर आता Vrinda Desai, बेळगावी.
तुम्हाला खूप खूप शुभेच्छा
माझ्या लहानपणी ही कविता शाळेत आम्हाला होती. मी माझ्या मुलींना त्यांच्या लहानपणी म्हणायचे आणि आता नातीलाही . तुझ्यामुळे आमच्या .(आजी-आजोबा) जुन्या आठवणी जाग्या झाल्या. खुप छान. धन्यवाद.
ही कविता मला शाळेत पाठ्यपुस्तकात होती. तेंव्हाच माझ्या शिक्षकांनी ती कविता खूप छान समजावून सांगितली होती. शिवाय आमची परिस्थिती अशी होती की गरिबी काय हे कोणी समजावून सांगायची गरज नव्हती. त्यामुळेच आज सुध्धा ही कविता वाचली की डोळे भरून येतात. त्या सर्व आठवणी आज परत आल्या.
धन्यवाद.
khupach chan kavita ani tuze sadarikaran pan khup chan👌👌kavita chalit mhantlyamule ani tuzya goad awajane agdi bhavuk zale,👌👌👌
नशिब चाल अगदी आम्हाला शाळेत होती तशीच बोलली आहे त्यामुळे आम्हाला ते शाळेतील दिवस आठवले खुप छान ❤
खूप भावपूर्ण व छान , जुनी अविस्मरणीय अशी कविता. छान सादर केली.आता अशा सुंदर अर्थपूर्ण कविता शालेय कार्यक्रमातून गायब झाल्यात की केल्या आहेत. त्याचे वैषम्य वाटते
भावी पिढी या ह्या साहित्या पासुन वंचित रहात आहे.
शालेय पाठ्यपुस्तकातुन
खूप सुंदर सादर केलीत.
धन्यवाद 🙏
राजहंस माझा निजला,ही पण खूप मोठी कविता आहे.
तिचेही असे लघुरूप वाचन केले जावे ही इच्छा🙏
अप्रतिम कविता
अप्रतिम निवेदन.
खूप गोड आवाज.
किती आठवणी ताज्या झाल्या बालपणी अगणित वेळा मी बाबासोबत अंगणात ही व पोर खाटेवर मृत्युच्या दारा या कविता म्हटल्या असतील अप्रतिम सादरीकरण अन त्याहीपेक्षा पार्श्वभुमी कथन त्यामुळे आकलन सुलभ होते व आवड वाढते🙏
खूप सुंदर खूप 40 वर्षांनी पुन्हा पूर्ण ऐकायला मिळाली आणि आश्चर्य म्हणजे काही ओळी अगदी सवयी चे असल्या प्रमाणे स्पृहा सोबत गाता आल्या
धन्यवाद ! स्पृहाताई ही कविता ऐकून मला माझ्या लहानपणीची व बाबांची खूप आठवण झाली. खूप हृदयस्पर्शी कविता आहे.
अप्रतिम स्पृहा.. छान म्हटलीस कविता... अंगावर काटा आला तसेच गहीवरून आले. माझे बालपण आठवले.. शाळेतील आमच्या पाठक बाई आठवल्या ... अगदी जशाच्या तश्या डोळ्यासमोर आल्या जेव्हा त्या आम्हाला ही कविता शिकवत होत्या....(जवळ जवळ २७ वर्षांपूर्वी)
खुप खुप सुंदर व संवेदनशील कवीता व त्याबरोबरच तुमचे सादरीकरण ही तेवढेच महत्त्वाचे आणी खुप छान भावपूर्ण होते. खुप खुप खुप खुप खुप खुप आवडले खरेतर ही पुर्ण कविताचे सादरीकरण नक्कीच आवडेल ... प्लीज पहा जमते का? तुमचे काव्य वाचनाची आवड खुप भावली व तुमच्यामुळेच माझी पण कवितेत ली रुची वाढायला लागली.. 👌👍❤️
जुन्या आठवणी आल्या आणि मन भरून आलं. माझी लाडकी नात सुद्धा रडताना पाहून अशाच संवेदना जागृत होतात.आणि कवी बी यांची कविता ओठांवर येते.
स्पृहा तुला खुप खुप शुभेच्छा आणि अभिनंदन अभिनंदन अभिनंदन. तु सादर केलेली कविता आम्हाला शाळेत असताना अभ्यासाला होती. अतिशय एका गरीब वडिलांना पोरी कडे पाहून सुचलेले शब्दांकित कवीने केले आहेत. त्यांना सप्रेम साष्टांग नमस्कार. आणि तु हे चालु केलेली ही साईट मला मनापासून आवडले. धन्यवाद
स्पृहा तू कविता फार सुरेख सादर केलीस.कवीचे भाव अतिशय तरलतेने आमच्यापर्यंत पोचवलेस.खूप खूप धन्यवाद.
Khupch chan kavita Spruha di...Tu explain pn khup chan kelis...Thank you for poem
स्पृहा, तुझं कृतार्थ इथलं येणं! तुझे कविता वाचन मनाला स्पर्शून जाते ग... शब्द न शब्द अर्थ उकलून जातो.. अशीच नित्य वाचनातून कविता ऐकवित रहा!... कवी कल्पना साकार करण्याची ताकद तुझ्या आवाजात आहे!
छान कविता.. अप्रतिम मांडणी..गोड काव्यवाचन... अर्थबोध कविता... परीचे प्रेमळ बाबा...
अप्रतिम kavita ani spruha che sadarikaran....aikat rahavishi vatate👍👌👌
खूप खूप धन्यवाद स्पृहा… इतक्या वर्षांपासून मी ही पूर्ण कविता शोधत होते मधे मला १८ कडवे मिळाले पण आज पूर्ण मिळाली … परत एकदा मनापासून धन्यवाद 🙏🏻🙏🏻😘
खुप सुंदर कविता आहे.आणि तुम्ही ती गायली ही छान.शाळेची आठवण झाली आणि कविता शिकवलेल्या सरांची ही आठवण झाली.धन्यवाद स्पृहा .
फारच सुंदर कविता, लहानपणीची शाळेतली कविता ऐकून एकदम लहान झाल्यासारखे वाटले. फार सुंदर सादर केलीस.
thank you @स्पृहा
माझे आजोबा म्हणायचे ही कविता
ते जावून खूप वर्षे झाली पण कविता काल ऐकल्यासारखी वाटली
या झोपडीत माझ्या ऐकायला आवडेल
धन्यवाद
ऐकून डोळ्यात पाणी आल दीदी .....खूप छान कविता आहे आणी तुझ सादरीकरण नेहमीच अप्रतिम !....
खूप गोड ❤
तुझ्या मुळे मनातली कवितेविषयीची ओढ टिकून आहे thank you 🎉❤
आम्हाला आठवीला ही कविता होती.मला चांगलेच आठवते,परब बाईंनी सांगितलेल्या कवितेचा अर्थ ऐकून वर्गातल्या साठ टक्के मुलांच्या डोळ्यातून पाणी आले होते.
किती सुंदर होते त्यावेळचे दिवस. क्षणार्धात शाळेतील बालपण आठवले.😊
कवीता ऐकताना डोळ्यातुन पाणी थांबतच नव्हते ताई खुप छान आवाज आहे तुमचा 👌👌
अतिशय सुंदर रचना.कवितेचे सादरीकरण ही अप्रतिम.
स्पृहा जी, thanks a ton! मी बरीच वर्षे या कवितेबद्दल मित्रांना (१९६१, KG, Dadar) विचारले. पण कोणालाही ही कविता आठवली नाही. मला फक्त शेवटच्या कडव्याची आठवण होती. फारच भावना पूर्ण कविता आहे. Any loving father will cry when he reads those lines. Regards Vishwas Karmarkar. दसरा, दिवाळीच्या शुभेच्छा.🙏
सुंदर गायली स्पृहा भावविभोर. सांगण्यास आनंद वाटतो की मी मराठी विषयाची शिक्षिका आहे. आता सेवानिवृत्त होणार आहे. 31/05/22.मी विद्यार्थी दशेत फक्त अध्ययनच केले नाही तर स्वतः ला पुन्हा विद्यार्थी घडवत असताना अध्यापनाची ही संधी मिळाली. संपूर्ण सेवेतील माझ्या ही आठवणीतील कविता आहेत. विद्यार्थी घडवण्यासाठी पूरक, उद्बोधक, प्रेरणादायी, भावविश्व जागृत करत असलेल्या, चिरतंन, अविस्मरणीय. तुझ्या सुमधूर आवाजात ऐकताना खूप छान वाटले. धन्यवाद!!!
ही कविता तू स्पृहा गाईलीस तितकीच पाठ्यपुस्तकात होतीकारण मी शिकवली आहे ,पाठ होतीच ,मुलीचे भावविश्व बाबा व बाबांचेही मुलगी ,शिकवताना सुध्दा गळा दाटून यायचा.याची चाल हिच आहे ,गुणगणण्याची ,खुप छान.
स्पृहा तू वाचलेल्या सर्व कविता मला फार आवडतात. ही कविता ऐकताना मला माझ्या वडिलांची खूपखूप आठवण झाली.आणि बेताची परिस्थिती असल्यावर मुलांनी छोटासा हट्ट केला आणि तो आई वडिलांना पुरवता आला नाही की त्यांची मानसिक अवस्था काय होत असेल हे मला आत्ता कळते आहे
त्या बद्दल तुला धन्यवाद.आणि खूप सार्या शुभेच्छा.
शाळेत असताना जितकी कविता समजली,उमजली, नाही ती आत्ता मुलीचा बाप असल्यावर उमजली.
या कवितेला काळाची मर्यादाच नाही.अतिशय आशयपूर्ण कविता. तसेच वाचन ही फारच सुंदर.
शाळेत शिकत असताना धडे, कविता म्हणजे फक्त अभ्यास,व परीक्षा हेच डोक्यात असते त्यामुळे अशा सुंदर आशयघन कवितांचा खरा आनंद घेताच येत नाही.
शिक्षकांनी सुध्दा कविता शिकवताना आभ्यासा पलीकडे जाऊन शिकवले पाहिजे असे आता वाटते.❤❤❤❤❤❤
मला कविता खूप आवडतात व शाळेत असताना जवळ जवळ सर्व कविता माझ्या तोंडपाठ होत्या मला पाचवी त अकरावी पर्यंत साहित्य शोभा हे पुस्तक होते. यामध्ये खुप सुंदर कविता आहेत मी आशा करते की या कविता आपण ऐकवाल.
ही कविता पण मला खुप आवडते. स्पृहा तुम्हाला खुप खुप धन्यवाद!
आमच्या लहानपणी पाठ्यपुस्तकात आम्ही शिकलो.तेव्हा चाल आवडली,गाता यायची म्हणून ही कविता आवडायची.मोठे झाल्यावर त्यातील अर्थ कळतो आणि डोळे पाणावतात.माझ्या गोरटीला म्हटले की अख्खा वर्ग माझ्या कडे वळून पाहायचा माझं माहेरचे आडनाव गोरटे.पूर्ण कविता खाली दिल्या बद्दल खूप धन्यवाद 🙏
खूप छान कविता, वाचन पण सुंदर... "आई" कविता ऐकायला आवडेल
खूप छान कविता.माझी आवडती. माझे वडील ही कविता म्हणायचे. आता मी माझ्या नातीला म्हणून दाखवते.ती कधी रडायला लागली की मी तीला पहिल्या दोन ओळी म्हणून तशी action करून दाखवते.आता ती देखील छान action करून दाखवते आणि खदखदून हसते.खूप धन्यवाद स्पृहा
आगळी फारच जीवनात उपयोगी अशी कविता आग्रण गायली आगळ्या
ढगांनी शिवदत्त गवळी सर
खूप सुंदर कविता. पूर्ण ऐकून अजून मजा आली असती. आवाज देखील छान आहे. धन्यवाद 🙏
बालभारती च्या बहुतेक सगळ्याच सुंदर कविता होत्या , आज 40 वर्षांनी ही संपूर्ण कविता तीही शाळेत म्हणायचो त्या चालीत ऐकताना खूप आनंद झाला.
कविता फार म्हटलीआहे ही कविता साठ वर्षे पूर्वी मला नवीमधे होती
स्पृहा तुमचे सादरीकरण खूपच सुंदर. मनाला स्पर्शून गेले. आज आमचे वडील शरीर रुपयांनी आमच्यात नाहीत पण ही कविता ऐकून त्यांची खूप आठवण आली आणि डोळे भरुन आले.
Khup sunder! Man helavun taknari ani mazya athvanitli ani mala avadnari Kavita vachlis! Khupach Chan vatle,tya junya shaletil ayushhyat ramle! God Bless You !
किती सुंदर सादरीकरण एकदम सातवी/आठवी च्या वर्गात घेऊन गेली। धन्यवाद .खुप खुप धन्यवाद.
अप्रतिम..गाई पाण्यावर आल्या तुमच्या सादरीकरणामुळे.. वडिलांविषयी च्या अनेक आठवणींनी मनाला साद घातली.
खूपच छान कविता स्पृहा मॅम ,अप्रतिम, सुंदर .👌👌👌🙏🙏👍
कविता खूप छान आहे.ती पुर्ण ऐकायला आवडेल. अशाच छान कविता ऐकवत रहा.तु त्या कवितांना सारखीच खुपच छान आहेस. तु बोलतेस अगदी स्पष्ट . अणि आवाज छान आहे.कवितेचा अर्थ छान समजवलास.मलाही तुझ्या सारखीच गोड मुलगी आहे.त्यामुळे कविता मनाला भावली खुप छान.
खूप छान सादर केलीस ! वयाच्या सत्तरीत मला शाळेचे दिवस आठवलेत...! आम्हाला ही कविता
5व्या - 6 व्या वर्गात असावी...!
कविता खूपच सुंदर आहे. 💯❤️
आणि ती तुझ्याकडून ऐकणे म्हणजे खूप भारी🤩👑
ताई तू खूप सुंदर आहेस 💕♾️🥰
कविता वाचन ही सुद्धा एक कला आहे. सुंदर सादरीकरण. अभिनंदन. असाच आनंद देत रहा. तुला दीर्घ आयुरारोग्य लाभो हीच ईश्वर चरणी प्रार्थना.
Khupach sunder Kavita.
Sadarikaran pan uttam.
हि कविता जेंव्हा जेंव्हा मी ऐकते किंवा वाचते तेंव्हा ती नेहमीच माझ्या डोळ्यात पाणी आणते.. खूपच सुंदर आहे
Hi ...स्पृहा....
मुळात कविता खूप सुंदर आणि सादरीकरण सुद्धा अप्रतिम...शाळेत असताना मराठीच्या बाईंनी....(मी सुद्धा बालमोहन विद्यामंदिर ची विद्यार्थिनी आहे )ज्या प्रकारे जीव ओतून मराठी हा विषय शिकवला ....आणि साहित्याची गोडी त्या सर्व शिक्षकांच्या प्रयत्नांमुळे लागली....आणि त्याच मुळे ..मराठी भाषेचा पाया आणि विचारांची बैठक पक्की झाली...असे वाटायला लावणारं....जे काही
साहित्य आहे...त्या पैकी १असलेली ही कविता...खूपच सुंदर रित्या सादर केली...आणि मन भूतकाळात जाऊन फिरून आले...भावी उपक्रमांसाठी खूप खूप शुभेच्छा....,🌹
माझे आजोबा आणि बाबा नेहमी हि कविता आम्हाला म्हणून दाखवायचे, आज दोघेही नाहीत, पण तुझ्यामुळे पुन्हा त्यांच्या आठवणी जाग्या झाल्या, सुंदर कविता आणि सादरीकरण ताई
वाह स्पृहा .... किती सुंदर कविता आणि तुझे presentation तर मेजवानीच... मी देखील माझ्या मुलीसाठी काही ओळी लिहिल्या होत्या जेव्हा ती रुसली होती . मी काही कवियत्री नाही. पण इथे शेअर करावे वाटले
सांग तुझ्या डोळ्यात आज का नीज नाही राणी
का दाटले काळया मेघांनी आसमंत सारे ?
का भरले डोळ्यांमधले खोल डोह पाण्याने?
कुणी माझ्या छकुलीला केले घायाळ बाणाने?
नाजूकशी माझी बाहुली आज कशी हिरमुसली
कुशीत शिरूनी बघा कशी दोन फुले मुसमुसली
ढगांचा या गडगडाट शांत कसा आज बरं?
सांग कोणती सल तूझ्या मनामध्ये सलते ग?
बोलशील का माझ्याशी मनातले सारे .......
की, मीच वाचून घेऊ तूझ्या डोळ्यातले प्रश्न सारे
आईच्या मिठी मध्ये शांत कर धगधगते अंगारे
पडतील काही प्रश्न मिळतील सारी उत्तरे....
माझी फार आवडती कविता. खूप सुंदर लिहीलेली आहे. धन्यवाद तू ऐकवलीस. अशी च आणखी एक कविता आहे.ती जरूर ऐकवा. कविता आहे " बाळ जातो दूर देशा मन गेले वेडावून. पुन्हा एकदा धन्यवाद
अतिशय सुंदर, माझी आई म्हणते ही कविता, किती अर्थ आहे ह्यात, डोळ्यात पाणी आल्या शिवाय रहात नाही
आभार 🙏... महप्रलय... आईदेखील मुलासाठी ही कविता म्हणते...१९८६-८७ (वयाच्या ६ व्या,७ व्या वर्षी)नंतर आज कविता ऐकताना आईच्या कुशीतील भावविश्व......🙏🙏🙏
Khup chhan ani mazi aavadti kavita.aajavi purn path aahe
Khup surekh kavita.lahanpaniche divas,shala,marathi cha aavdta tas aani aamchya marathi chya bai ,sagal chitra soltan samore ubha rahila.Khup dhanyawad.
मी सेवानिवृत्त शिक्षिका आहे.वीस वर्षांपूर्वी मी ही
कविता वर्गात शिकवली होती.स्पृहा ही आठवण
जागी केलीस खूप अभारी आहे. तू कविता खूप सुंदर
सादर केलीस.
पुन्हा पुन्हा ऐकावी अशी ही कविता अगदी मन भरून येत आणि भूतकाळात रमल्यासारखे वाटते
खुप खुप धन्यवाद स्पृहा ही कविता माझ्या हृदयाच्या अतीशय जवळची आहे आणि ती पण माझ्या अतीशय आवडत्या व्यक्तीकडून रसग्रहणा सहीत ऐकायला मिळाली व्वा क्या बात है
खूप छान कविता आहे,आम्हाला शाळेच्या अभ्यासक्रमात होती, तेव्हापासून मला ही कविता खूप आवडते. तुझं सादरीकरण इतकं सुंदर आहे की कविता मनाला भिडते.👌👌🙏🌹
स्पृहा आपले सादरीकरण अतिशय सुंदर आहे. मी एक सेवानिवृत्त शिक्षक असून मी १९७५ जेव्हा नोकरी ला लागलो तेव्हा मी कविता पहील्या च दिवशी शिकवली होती. मी नविन असल्याने वर्गावर जाण्यापूर्वी माझे गुरू शिवाय सह शिक्षक कै. एल्. एस्. साळी सर यांचे मार्गदर्शन घेतले होते.
मी आता ६१ वर्षाची आहे मला ही कविता होती निश्चित आठवत नाही की चौथी,सहावी की सातवीत होती तेव्हा पण डोळे भरुन यायचे शेवटच्या कडव्याला आज पण ऐकतांना अश्रु ओघळत आहेत बाबा पण गरीब शेतकरी होते पण खुप प्रेमळ होते आज परिस्थिती चांगली आहे बाबांची आठवण अस्वस्थ करते ही कविता मी माझ्या मुलीला दररोज एकदोन वेळा तरी म्हणायची ..
उष्ण वारे वाहती नासिकात गुलाबाला सुकविती काश्मिरात नंदनातील हलविती वल्लरीला कोण माझ्या बोलले छबेलिला....खुप आठवणी ताज्या झाल्या कविता ऐकुन ❤❤
खूप सुंदर सादर केलीस तू कविता ! स्पृहा खूपच भावस्पर्शी आवाजात .
Khup Sunder.Maze Baba amha bahinisathi hi Kavita manyache.Aaj tyanchi khup athvan aali.
Khoop sundar kavita.....kadhitari aaichya tondun aikali hoti....kavita vachan as usual apratim....samor baap lek oobhe rahile......
खूप कविता . माझ्या लहानपणी वर्गातील सगळ्या मुली हमसून रडल्या होत्या !सुंदर सादरीकरण!
खूप सुंदर सादरीकरण .... शब्दांना भावना मिळाल्या .... खूप खूप धन्यवाद तुमचा ...🙏🙏
अशाच चालीवर दुसरी एक कविता आम्हास होती. कवितेचे नांव आहे सहानुभूति.
उभे भवती प्रासाद गगनभेदी
पथी लोकांची होय दाट गर्दी
एका भिक मागणार्या भिकार्याचे वर्णन आहे. खूप सुंदर आहे कविता. आठवणीतील कवितेचे चारही भाग माझ्याकडे आहेत.