I. Lauda, Sion, Salvatorem, Lauda ducem et pastorem In hymnis et canticis. II. Quantum potes, tantum aude, Quia maior omni laude, Nec laudare sufficis. III. Laudis thema specialis, Panis vivus et vitalis Hodie proponitur. IV. Quem in sacrae mensa coenae Turbae fratrum duodenae Datum non ambigitur. V. Sit laus plena, sit sonora; Sit iucunda, sit decora Mentis iubilatio. VI. Dies enim solemnis agitur In qua mensae prima recolitur Huius institutio. VII. In hac mensa novi Regis, Novum pascha novae legis Phase vetus terminat. VIII. Vetustatem novitas, Umbram fugat veritas, Noctem lux eliminat. IX. Quod in coena Christus gessit Faciendum hoc expressit In sui memoriam. X. Docti sacris institutis, Panem, vinum in salutis Consecramus hostiam. XI. Dogma datur christianis Quod in carnem transit panis Et vinum in sanguinem. XII. Quod non capis, quod non vides Animosa firmat fides Praeter rerum ordinem. XIII. Sub diversis speciebus, Signis tantum et non rebus, Latent res eximiae. XIV. Caro cibus, sanguis potus, Manet tamen Christus totus Sub utraque specie. XV. A sumente non concisus, Non confractus, non divisus, Integer accipitur. XVI. Sumit unus, sumunt mille, Quantum isti tantum ille, Nec sumptus consumitur. XVII. Sumunt boni, sumunt mali, Sorte tamen inaequali Vitae vel interitus. XVIII. Mors est malis, vita bonis: Vide paris sumptionis Quam sit dispar exitus. XIX. Fracto demum Sacramento, Ne vacilles, sed memento Tantum esse sub fragmento Quantum toto tegitur. XX. Nulla rei fit scissura, Signi tantum fit fractura Qua nec status nec statura Signati minuitur. XXI. Ecce panis angelorum Factus cibus viatorum, Vere panis filiorum Non mittendus canibus. XXII. In figuris praesignatur, Cum Isaac immolatur, Agnus paschae deputatur, Datur manna patribus. XXIII. Bone Pastor, panis vere, Jesu nostri miserere, Tu nos pasce, nos tuere, Tu nos bona fac videre In terra viventium. XXIV. Tu qui cuncta scis et vales Qui nos pascis hic mortales, Tuos ibi commensales, Coheredes et sodales Fac sanctorum civium. Amen.
![Noob To Max With DRAGON REWORK In Blox Fruits [FULL MOVIE]](http://i.ytimg.com/vi/LnBMOinoOvA/mqdefault.jpg)
I.
Lauda, Sion, Salvatorem,
Lauda ducem et pastorem
In hymnis et canticis.
II.
Quantum potes, tantum aude,
Quia maior omni laude,
Nec laudare sufficis.
III.
Laudis thema specialis,
Panis vivus et vitalis
Hodie proponitur.
IV.
Quem in sacrae mensa coenae
Turbae fratrum duodenae
Datum non ambigitur.
V.
Sit laus plena, sit sonora;
Sit iucunda, sit decora
Mentis iubilatio.
VI.
Dies enim solemnis agitur
In qua mensae prima recolitur
Huius institutio.
VII.
In hac mensa novi Regis,
Novum pascha novae legis
Phase vetus terminat.
VIII.
Vetustatem novitas,
Umbram fugat veritas,
Noctem lux eliminat.
IX.
Quod in coena
Christus gessit
Faciendum hoc expressit
In sui memoriam.
X.
Docti sacris institutis,
Panem, vinum in salutis
Consecramus hostiam.
XI.
Dogma datur christianis
Quod in carnem transit panis
Et vinum in sanguinem.
XII.
Quod non capis, quod non vides
Animosa firmat fides
Praeter rerum ordinem.
XIII.
Sub diversis speciebus,
Signis tantum et non rebus,
Latent res eximiae.
XIV.
Caro cibus, sanguis potus,
Manet tamen Christus totus
Sub utraque specie.
XV.
A sumente non concisus,
Non confractus, non divisus,
Integer accipitur.
XVI.
Sumit unus, sumunt mille,
Quantum isti tantum ille,
Nec sumptus consumitur.
XVII.
Sumunt boni, sumunt mali,
Sorte tamen inaequali
Vitae vel interitus.
XVIII.
Mors est malis, vita bonis:
Vide paris sumptionis
Quam sit dispar exitus.
XIX.
Fracto demum Sacramento,
Ne vacilles, sed memento
Tantum esse sub fragmento Quantum toto tegitur.
XX.
Nulla rei fit scissura,
Signi tantum fit fractura
Qua nec status nec statura Signati minuitur.
XXI.
Ecce panis angelorum
Factus cibus viatorum,
Vere panis filiorum
Non mittendus canibus.
XXII.
In figuris praesignatur,
Cum Isaac immolatur,
Agnus paschae deputatur,
Datur manna patribus.
XXIII.
Bone Pastor, panis vere,
Jesu nostri miserere,
Tu nos pasce, nos tuere,
Tu nos bona fac videre
In terra viventium.
XXIV.
Tu qui cuncta scis et vales
Qui nos pascis hic mortales,
Tuos ibi commensales,
Coheredes et sodales
Fac sanctorum civium.
Amen.
Alleluia.
Bellissima sequenza on cui S.Tommaso d Aquino spiega benissimo cos è la s,comunione
Ottimo il coro
Bellisimo!
Muy bello 💞