طريقة عمل الكيك الرطب في الميكرويف/المطبخ التركي

--
طريقة عمل الكيك الرطب اللذيذ في الميكرويف ✨💙
اليوم عنا طريقة عمل الكيك الرطب اللذيذ في الميكرويف في المنزل و بطعم لذيذ أسهل وصفة كيك هش ممكن تجربوها و يعتبر من اكتر انواع الكيك المحبوب من طرف الكل و بتمنى تعجبكم الوصفة و تجربوها و إذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض
المكونات:
1,5 كوب من الحليب
1 كوب من الزيت
1 كوب من السكر
4 ملاعق كبيرة من الكاكاو
2 حبة من البيض
1,5 كوب من الطحين
1 باكيت من البيكينج باودر
1 باكيت من الفانيليا
لدهن البايركس:
الزيت
مقياس القالب:
26 سم
طريقة التحضير:
1- بالبداية هنضيف في طبق مناسب الحليب, الزيت, السكر و الكاكاو و نخفق كل المكونات مع بعض و لما نخلص هناخد بما يقارب 1 كوب من الخليط و نتركه على جنب لنضيفه ك صوص على الكيك
2- بعدين هنضيف البيض و نخفق المكونات مع بعض بالخفاق الكهربائي و نضيف الطحين, البيكينج باودر و الفانيليا و نخفق كل المكونات للمرة الأخيرة
3- اما هلق هناخد البايركس اللي هنستخدمه و ندهنه بالزيت من كل الأطراف بعدين هنضيف خليط الكيك و نوزعه على كل الأطراف
4- و لما نخلص هندخل الكيك على الميكرويف على درجة حرارة 800 وات لمدة 9 دقائق أو على درجة حرارة 600 لمدة 10-12 دقيقة
5- و لما تخلص معنا المدة و نطالع الكيك من الميكرويف هنستنى لحتى تطلع منه الحرارة الأولى بعدين هنضيف الصوص الكيك اللي تركناه على جنب و نوزعه على كل الأطراف
6- و نترك الكيك على جنب لحتى يتشرب الصوص و يبرد بشكل منيح بعدين هنقطعه و نزينه و نقدمه بالشكل و الطريقة اللي منحبها
و صحة و عافية