三高之首大帽山

拍攝位置香港最高之巔
喺開始拍攝影片放上RUclips之前，其實冇認真行過山，一向都只係好久唔久嘅郊遊，南丫島、塔門等等，加上遇到一個喜歡行山嘅前輩帶領，就開始咗行山之旅。
第14條影片大東山，可以話係我認真行山嘅第一次。從影片都可以見到青衣三支香、華山軍路等等，當然，行嘅地方唔止咁少，只係適合拍攝影片嘅空間或者體能未必咁適合。
呢場行山所選擇嘅路徑由川龍出發，經過新相思林徑、小丑石、雙三角石室、相思林徑、石天門、恐龍石、禾秧山，再上大帽山山頂，回程先去妙高台再沿行車路線回到荃錦公路。全程大約11公里。
影片拍攝嘅位置大約係禾秧山之後，直去山頂之前嘅一段山路。
之前跟前輩玩咗一轉石室、石林
0134頭先就係喺嗰座山落嚟，當然都係瘋狂打卡。
0200沿路都可以見到好開陽嘅風景，青馬大橋、昂船洲大橋、汲水門大橋、汀九橋等等，角度非常寬闊。
0300 ，我哋要到達嘅目標，大波波
之後就係爆上，又係我喘氣嘅時候啦😅。
嗰日嘅藍天白雲好靚，由於佢啲雲係一塊一塊散開，喺影片尾段0752甚至可以見到所謂嘅耶穌光～
今次係第一次完成三高，心情非常興奮，而鳳凰山嘅影片就欠奉，因為當日嘅天氣非常大霧，所以冇拍影片。
2024Jan
#大帽山 #行山 #三高 #相思林徑 #小丑石 #雙三角石室 #禾秧山 #大帽山頂 #天氣雷達站 #民航處雷達站 #妙高台 #行山杖 #友達
*如果有邊度想去，留言話我知啦，未敢應承一定去，但會盡量安排。