வீரசோழன் பகுதியில் ஜமாஅத் சார்பில் கல்வித் திருவிழா.

விருதுநகர் மாவட்டம் திருச்சுழி தாலுகா வீரசோழன் இஸ்லாமிய உறவின்முறை டிரஸ்ட் போர்டு சார்பில் கல்வித் திருவிழா அல் அமீன் தனியார் திருமண மண்டபத்தில் நடைபெற்றது.
கடந்த 2023-2024 கல்வி ஆண்டில் 10 மற்றும் 12ம் வகுப்புகளில் 90% மதிப்பெண்கள் எடுத்த மாணவ, மாணவியருக்கு பாராட்டு விழா நடைபெற்றது.
வீரசோழன் அஸ்மா பள்ளியில் 13 மாணவ, மாணவியர் மற்றும் அரசு மேல்நிலைப்பள்ளியில் 6 மாணவ, மாணவியர் தேர்வு செய்யப்பட்டனர்.
மேலும் மானாமதுரை, தேனி, சென்னை, கும்பகோணம், திருச்சி உள்ளிட்ட பல்வேறு பகுதிகளில் 21 மாணவ மாணவிகள் உட்பட மொத்தம் 40 மாணவ மாணவிகளுக்கு நற்சான்றிதழ், கேடயம் மற்றும் பல்வேறு பரிசுகள் வழங்கி கெளரவிக்கப் பட்டனர்.
மேலும் வீரசோழன் அஸ்மா பள்ளியின் தாளாளர் அப்துல் மாலிக் அவர்களுக்கு சிறந்த கல்வி சேவைக்கான விருதும், கேடயமும் சான்றிதழும் வழங்கப்பட்டது.
மேலும் அஸ்மா பள்ளி ஆசிரியர் செய்யது அபுதாஹிர் மற்றும் அரசு மேல்நிலைப்பள்ளி தலைமை ஆசிரியர் ராஜாராம் ஆகியோருக்கு சிறந்த நல்லாசிரியர் விருது, சான்றிதழ், கேடயம் வழங்கப்பட்டது.
வீரசோழன் இஸ்லாமிய டிரஸ்ட் போர்டு தலைவர் சம்சுதீன்,சென்னை தலைவர் திப்பு சுல்தான், கும்பகோணம் துணைத்தலைவர் கமால் பாட்ஷா கலீலி, திருச்சி தலைவர் அகமது முஸ்தபா ஆகியோர் தலைமையில் நிகழ்ச்சிக்கு தலைமை வகித்தனர்.
மேலும் நிகழ்ச்சியில் இந்திய தேசிய லீக் மாநில தலைவர் பஷீர் அகமது சிறப்புரையாற்றினார். வீரசோழன் ஊராட்சி மன்றத் தலைவர் முகம்மது சாதிக் அலி வரவேற்புரை நிகழ்த்தினார்.
மேலும் இந்த கல்வித் திருவிழா நிகழ்ச்சியில் வீரசோழன் மற்றும் சுற்றுவட்டாரப் பகுதிகளில் இருந்து ஏராளமான மாணவ, மாணவியர் மற்றும் பெற்றோர்கள் உட்பட ஏராளமானோர் கலந்து கொண்டனர்.