تورتة المانجا 🥭
HTML-код
- Опубликовано: 8 сен 2024
- النهاردة هنعمل أقوى تورتة مانجا هتاكلوها فى حياتكم فى أحلى وقت للمانجا فى السنة كلها🥭🥭 😍
•
•
(مقادير الكيكة)
- ٥ صفار بيض
- اربع معالق كبار سكر
- نص كباية زيت
- ١٠٠ مل لبن
- معلقة صغيرة ڤانيليا سايلة
- كوباية و نص دقيق
.
.
- ٥ بياض بيض
- نص ليمونة
- ٤ معالق كبار سكر
•
•
*** ملحوظة مهمة، المقدار ده يعمل كيكة واحدة و انتوا تقطعوها على ٣ طبقات، إنما لو عايزين تعملوا زى ما انا عملت و تعملوها فى صينية رفيعة على ٣ طبقات يبقى تعملوا ضعف المقدار.
•
•
•
هنضرب السكر مع صفار البيض بعد كدة نضيف كل مكون و نقلب، الزيت الاول بعد كدة اللبن بعد كدة الڤانيليا و اخيرا الدقيق، فى بولة تانية هنضرب بياض البيض مع السكر لحد ما بياض البيض يمسك نفسه خالص نبدأ نحط شوية شوية منه على خليط الكيكة اللى عملناه و نقلب لحد ما يندمجوا مع بعض نحط فى الصينية و نكون مولعين الفرن على ١٨٠ من قبلها و ندخلها بتاخد حوالى ٢٥ دقيقة لنص ساعة.
•
•
(مقادير الكريمة)
- عبوة ٥٠٠ مل كريمة خفق (حلويات)
- نص كوباية سكر بودرة
•
•
نضرب الكريمة و نحط السكر شوية شوية و احنا بنضرب لحد ما تمسك نفسها
•
•
•
نجيب المانجا نقشرها و نقطعها من الناحيتين اللى قدام و ورا البذرة، نبدأ نقطع حتة المانجا شرايح رفيعة بالطول و ده هنزين بيه الكيكة من الجنب بعد كدة جزء تانى نقطع شرايح رفيعة بالعرض بعد كدة بقى نقطع شوية مكعبات علشان نحطهم مع الكريمة بين الطبقات
•
•
•
(مقادير الچيلى)
- عبوتين چيلى
- كوباية مياه مغلية
- كوباية مياه ساقعة
•
•
هنحط الچيلى و عليه المياه المغليه و نقلب كويس جداً بعد كدة نحط عليه المياه الساقعة.
•
•
•
نجيب الكيكة و نحط طبقة و كريمة و مكعبات مانجا فى كل طبقة فى الاخر نغطيها كلها بالكريمة و نبدأ نغطيها بالمانجا من الجناب الشرايح اللى بالطول و كل شريحة تبقى نايمة على اللى قبلها و من فوق نعمل شكل الوردة برضه نحط الشرايح اللى بالعرض و كل واحدة تبقى نايمة على اللى قبلها و نبدأ نحضر الچيلى علشان ندهنها بالچيلى علشان لما يمسك يعمل عليها طبقة من برة و بعد كدة ندخلها التلاجة.
•
•
بعد ما الچيلى يمسك نطلعها و ندهنها طبقة تانية من الچيلى و ندخلها تانى التلاجة.
•
•
بعد كدة نطلعها شكلها هيبقى تحفة و طعمها هيبقى احلى، من الحاجات الحلوة اللى الواحد ممكن يستخدم فيها المانجا، شكلها كمان بيبقى حلو و الكيكة نفسها طعمها بيبقى تحفة، امشوا زى الخطوات بالظبط و جربوها و قولوا لى رأيكم 😍👌🏻
•
•
•
•
#ZumasKitchen
#food #foodporn #foodphotography #foodie #foods #foodstagram #foodgasm #food52 #foodography #foodstyling #foodies #foodblogger #foodlover #foodbeast #foodoftheday #foodpornshare #foodpic #foodpics #foodgram #foodblog #instafood
وان تعدوا نعمه الله لا تحصوها كم أنت كريم وحنون يارب ربنا يبارك فيك ويحفظك شي جميل
ما شاء الله عليك تسلم ايدك
انا شميش ريحه المانجا من هنا 😂
بس ماشاء الله تبارك الله شكلها جميل تسلم ايدك 💙
زي ما يقول عندكم في مصر تورتة فظيعة 👏👍🇩🇿
اللهم صل وسلم وبارك على نبينا وحبينا محمد وعلى اله وصحبه اجمعين 🌹
اكثروا من الصلاة على نبيكم ليلة الجمعة ويوم الجمعة
🌳🌼🌳🌼🌳🌼🌳🌼🌳🌼🌳
انت عالمي
حلوة اوي بجد ما شاء الله، واحلى حاجة عدم اساخدام الموسيقى يا رب يدوم دا
ما شاء الله عليك
اللهم صل وسلم وبارك على سيدنا محمد وعلى آله وصحبه وسلم تسليما كثيرا ونسألكم الدعاء لابى رحمه الله عليه وجميع المسلمين
تقريبا دي اطول حلقة ووصفة انت عملتها وخدت معاك وقت 😁😂😂❤️❤️❤️❤️
جاي من التيك توك ياغالي❤❤❤
تسلم ايدك شكلها يجنننننن
استمر تستحق المليون
جربتها ممتاز
فنان واللهي فنان ❤️❤️👏
برنس ومزاجك جامد
جايلك من التيك توك يا غالي🥰
جميله آوى
ياسلام بقي لو كنت سقيت الكيكة سيرب مانجاااا ياخرااااابي 😄
حضرتك أنا عملت وصفتك وطلعت مكتومه ومش نافشه خالص
مش فاهمه ازاى طلعت معاك كده!! ومفيش بيكنج باودر ولا محسن كييك
لما تتعمل ف صينيه واحده تبقى مقاس كام؟
ايه الفرق بين الكريمة وبياض البيض
جربت عملت طريقه الصنيه الواحده بس كانت مكتومه قوي مش عارفه ايه الغلط الي عملته انا عملت زيك بالظبط و لاحظت ان المقدار الاول الي بالدقيق كان تقيل قوي
بيختلف نوع الدقيق ممكن يكون ده السبب
معلش سؤال هو الكريمة دي كريم شانتيه صح
هذي كريمة خفق سائلة(للحلويات) تقدري تستبدليها بالكريم شانتيه او الدريم ويب
اول لايك واول تعليق واول مشاهده 😂
💐
كمية المانجا كلها قد اية؟
ممكن المقادير ؟
ادوق طيب ميصحش كدا 😂😂
يعني انا اعمل 15 بيضة علي التلات طبقات ياريت الرد ضروري
لو كيكة واحدة و هتتقسم تلاتة يبقى المقدار ده، ٥ بيضات بس، لو هتتعمل على ٣ طبقات كل طبقة لوحدها زى ما انا عملت يبقى ضعف المقدار يعنى ١٠ بيضات و ضعف الباقى كله
الكريمة بتقلب معايا زبدة اعمل ايه
متبالغيش فى خفقها اول ما تربط معاكى وتتقل وقفى خفق على طووول
ممكن المقادير
اسرا علي فى سهم تحت الڤيديو دوسى عليه هينزل المقادير
انا جيت من التيك توك 😂😂
وانا😂
قناتك جميله بس اظبط التصوير لو بتصور بي تليفون صور بلعرض مش بطول وربنا يوفقك يا رب بتمني تشرفني
بس انا شايفه ان تصويرو حلو😊
هي جميله وكل حاجه...بس نفس مشكلة كيكة الفراوله...هل ال٣ طبقات كيك هي كيكه بس عاملها ٣ مرات ولا عملتها مره واحده وقسمتها ٣؟!
Yousef Saleh أنا كاتب، أنا عاملها ٣ مرات و عامل مقدارين، لو مقدار واحد يبقى يتعمل كيكة واحدة و يتقسم
@@hazemcooks8331 يعني المقادير دي تساوي كيكه واحده وتتقسم ٣ طبقات
متشكر جدا واحب استغل انك رديت واقولك انك بجدفعلا فعلا فعلا مبدع جداااا وشجعتني اني ادخل المطبخ وبقيت بعمل وصفات من وصقاتك والناس بتتبهر بيها ف استمر وعاش جدا ليك
Yousef Saleh حبيبى 😍
ممكن اعرف نوع المانجا
اين المقادير يا حازم
ياريت المقدير
eammar w ziad مكتوبة تحت
@@hazemcooks8331 تحت فين
كل حجاتك جميله بس في مشكله انك مش بتقول المقادير قد ايه بالظبط ودا للاسف مش بيخلي حد يعمل الوصفه لان لازم مقادير
asia Asia فى تحت الڤيديو سهم يا فندم دوسى عليه هتلاقى المقادير
@@hazemcooks8331 شكرا بالتوفيق ان شاءالله وتسلم إيدك
لو عملت القناة بالانجلش وخليت الكلام من جنب بالانجلش القناة هتكبر
هو فين المقادير تحت فين ؟؟؟؟
فى الوصف، فى سهم تحت الڤيديو، دوسى عليه هتلاقى المقادير
تسلم ايديك جميل خالص
ازيكم يا جماعة أنا لسه قناة جديدة بقدم أكلات سهلة وبسيطة وبمكونات موجودة في كل بيت محتاجة الدعم والتشجيع علشان أقدر أكمل ممكن تنوروا القناة بتاعتي ولو عجبكم المحتوي بليز اعملوا subscribe