أروع كريمة زبدة على الإطلاق، Italian Buttercream، كريمة فاااخرة حرفياً ثباتها و طعمها فوق الوصف👌🏻

احفظوا عندكم هالوصفة الرااااائعة جدا أكيييد رح ترجعولها 👇🏻👇🏻كريمة الزبدة الايطالية:
طبعاً اللي يعرفني يعرف مدى حبي لكريمة الزبدة السويسرية و قدمت عنها شروحات كتيرة و تريكات، بس رح أرجع أنزلها من تاني للمتابعين للجدد بإذن الله بكل تفاصيلها و تريكاتها.
بس لازم أعترف كريمة الزبدة الايطالية كماااان راااائعة و تتفوق بالثبات، و ذلك بسبب القطر الثقيل المضاف، اللي يرفع ثبات المارينغ بطريقة أفضل من السويسرية.
1️⃣ طبعا الكريمة مو ذاك الصعوبة، بس لازم نعمل خطوتين بنفس الوقت كلاهما يحتاج انتباه،، خفق بياض البيض مع السكر تدريجيا لنصل القمم الناعمة و بنفس الوقت السكر مع الماء عم يغلي ليصل درجة حرارة 115 درجة سيلزيوس.
2️⃣ بعدها بنبدأ إضافته على بياض البيض بعد ما وصل القمم الناعمة خيط رفيع و الخلاط شغال.
رح نستمر بالخفق المتواصل حتى يتكون معنا مارينج و نصل للقمم الصلبة رح تلاحظوا قديش الخليط صار كثيف و لاااااامع و صعب تحركوا الويسك 😬👌🏻
3️⃣ رح ننتظر حتى يبرد الخليط و من ثم نبدأ بإضافة قطع الزبدة في حرارة الغرفة تدريجياً.
طبعا رح تلاحظوا أولها إنه الخليط "مرق" soupy
لكن مع استمرار إضافة قطع الزبدة رح تتكون عنا أطيب كريمة متماسكة و رائعة تنفع لكل الاستخدامات تقريبا تغليف و تزيين و رسم ورود بتر كريم.
ثباتها أفضل بكثير من السويسرية و حلاها معتدل.
أنصحكم بشدة تجربوها.
المقادير:
4 بياض بيض حجم كبير تقريبا 140 جم
450 جم زبدة
1/3 كوب سكر ناعم الحبيبات ، تقريبا 76 جم نضيفه مع بياض البيض.
لعمل قطر السكر:
1 كوب سكر ما يعادل 200 جم
80 مل ماء
نغليهم لحتى نوصل درجة حرارة 115 درجة مئوية
#italianbuttercream #buttercream #cake #cakedecorating #caketutorial #baking #cake #bakinglove

[@RusulAaa]

تستحقين الدعم.. اكثر وحدة تنطي المعلومة كاملة وواضحة .. تمنياتي لك بكل الموفقية❤❤

[@fatoon_bakery]

حبيبتي الله يسعدك يا رب، شهادة أعتز فيها من فضل الله 🤲🏻🌹

[@AssimaRayan]

اي معلومات كاملة ووضاحة ؟؟ وينهم المقادير الوصفة

[@الملايهامحسين-ب8ت]

عاشت ايدج عمري تستاهلين الدرع الذهبي لليوتيوب الانج فنانه ماشاء الله تبارك الرحمن ربي يوفقج انشاء بأعلى المراتب يا احلى شيف كيك ❤❤❤متابعتج من العراق

[@مطبخمامادودو-د7ع]

ممكن نخلط كريمة الذبدة مع كريم شانتيه لتخفيف الطعم

[@hafidahssaini43]

هل تنفع الاقماع الروسية

[@saraseada8865]

ماشاءالله عليكى
روووووعه

[@fatoon_bakery]

حبيبتي يا سارة ❤❤

[@nooralsalom-ym3sw]

ان شاء الله بدي جربهااا

[@YallaNezra3]

الله يعطيكي الصحة 🌷

[@fatoon_bakery]

و إياكم أبو العبد يا بركة ❤

[@Omyamama]

موفقه وربي يباركلك 🎉🎉🎉🎉🎉🎉🎉

[@fatoon_bakery]

و إياكم يا رب 🤲🏻 ❤

[@khaledmaabuowda474]

الله يعطيكى الصحة و العافية

[@fatoon_bakery]

و إياكم يا رب ❤🌹🌹

[@khaledabuowda4546]

الله يعطيكى العافية

[@fatoon_bakery]

الله يعافي قلبك ❤ و تضلك منور حياتنا ❤❤

[@MShammaleh]

ما شاء الله شغل روعة.. اشي بيفتح النفس ❤

[@fatoon_bakery]

أدينا بنحاول أبو العبد و الله المستعان 🤗🌹🌹

[@WammedSooma]

ممكن مع كريمه الخفق؟

[@WammedSooma]

تنفع مع زبدة الامريكية؟

[@najwakattan8870]

أي كريما أطيب السويسرية أو الإيطالية وهل تنفع للأقماع الروسية وشكرا

[@fatoon_bakery]

كلاهما أطيب من بعض، بس الايطالية أكتر ثبات، لكن كطعم رائعين بالذات لو استخدمتي زبدة حيوانية ممتازة و اثنينهم ينفعوا للأقماع الروسية.

[@MaysaAlhalabi]

يعظيكي العافية. ❤ لوسمحت عندي سؤال قديه درجة حرارة القطر وقت نزلتيه ع المرينغ

[@fatoon_bakery]

تقريبا 115 درجة

[@hasnaayasin6951]

عندي سوال لو سمحتي فيني استخدم بياض بيض مفصول جاهز و الزبدة بصير نستخدم مملحة او لازم تكون بلا ملح ❤

[@fatoon_bakery]

تقدري تستخدمي بياض البيض المبستر أكيد، و الزبدة تقدري طبعا تستخدمي المملحة ما بتفرق، كمية السكر بتغطي ع الملح اللي فيها، بس وقتها لا تضيفي ملح زيادة

[@MariaMohamed-g8z]

من فضلك اختي قوليلي شحال درتي سكر وزبدة بالغرام

[@san3wdal3]

ياليت تكتبي المقدار يناسب كيكة مقدارها كم ؟ شكرا لك

[@fatoon_bakery]

هذا المقدار يكفي لتغطية كيكة مقاس 8 انش "20 سم" و يزيد 👍🏻

[@noormuhammad5409]

اذا ماعندي مقياس حرارة كيف اعرف القطر وصل للمطلوب

[@fatoon_bakery]

نصيحتي لك إذا بتدخلين مجال الحلويات و الكيك، فأهم شغلتين يكونوا عندك مقياس الحرارة، و الميزان لوزن المكونات و ليعطيكي نتائج دقيقة و تنجح معك الوصفة، لكن في حال ما عندك ميزان حرارة في طريقة اسمها ال soft ball أو الكرة الطرية بنستمر بغلي القطر تقريباً ١٠ دقايق بعد الغليان و بناخد شي بسيط من القطر و بنزله في كاس به ماء يفترض تتشكل عنا قطرة قطرية متل الكرة اللينة بنقدر نشكلها بأصابعنا، هيك بنعرف انه جهز معنا 👍🏻

[@نبضالسكون]

اختي الفاضلة...كم تكون درجة الحرارة للخليط بالظبط قبل وضع قطع الزبدة عل القطر وبياض البيض ...

[@raoudhasaidi4114]

يبرد تماما الوعاء

[@صفاالاحمد-ص9ب]

اختي بدي اسألك ليش لما بلشت انزل بالزبدة من اول قطعة هبط معي المارينغ شو بكون السبب

[@aveen_9820]

هذا طبيعي اول ما تحطين الزبدة يصير سائل شوي لكن كملي خفق وضيفي باقي كمية الزبدة وتنجح معاك في النهاية إن شاء الله

[@rajabalti6679]

لازم الخليط يبرد قبل ما تحطي الزبدة

[@ahoooudd]

كم اهلي حراره القطر

[@fatoon_bakery]

تقريبا 115 درجة مئوية

[@farahmustafa5918]

وين المقادير

[@fatoon_bakery]

في صندوق الوصف، أسفل الڤيديو

[@mn-rz9di]

بدون موسيقى حرام

[@MariaMohamed-g8z]

من فضلك اختي شحال درتي زبدة وسكر بالغرام