二刷後的長文感想👇 導演夫子自道嘅自傳作品,與其他熱血追夢嘅故事不同,呢部電影不但不熱血,反而如實地反映追夢者背後所遇到嘅辛酸與現實殘酷嘅真相,然而,這卻是電影最好看的地方,「我淨係想去一個唔會懲罰夢想嘅地方」,相信每個觀眾都一定有共鳴。 人冇夢想,同條鹹魚有咩分別?然而,電影告訴我們,追夢的意義不在於一定要達到夢想,而是要學習享受其中嘅過程,因為當中所遭遇到嘅人與事,都一定令你有所得著,有所成長,即使最後唔成功,夢想沒有達到,努力看似白費,唔緊要,正如積尼高遜喺飛越瘋人院中所講: At least I've tried,這樣一來,當你回望過去,你就不因庸碌一生,虛度光陰而感到後悔。 電影將喜劇,勵志,寫實三種元素共冶一爐,同時配以描寫填詞行業嘅文化,橫切香港社會環境不利追夢的一面,令觀眾覺得有趣,又有共鳴。L一字有很多意思,導演莊文強睇完戲之後認為,L可以解做learning,佢話呢部電影係一部講在人生中學習的電影,電影教我們學習如何享受,享受歡樂,享受痛苦,我覺得呢個解讀與電影最重要嘅兩場不謀而合,其中一場係羅穎詩阿哥結婚,要搬走,臨上車前同佢講嘅一句「點解做programmer唔打得波啫?一定要NBA先打得波㗎咩?興趣嚟啫」,另一場就係結局,女主角終於學會享受追夢過程嘅喜與悲,而非著眼個結果,鍾雪瑩嘅演出形神俱備,在正經與搞笑之間收放自如,張弛有度,能夠演出角色複雜嘅層次,下個月金像獎,絕對有能力問鼎影后寶座。 另一場拍得特別好的是阿詩被楊偉倫炒魷魚之後,上小巴淒然淚下嗰場,呢場戲可以話係女主角追夢歷程以來被傷害得最嚴重嘅一場,不但親手斷送只有一步之遙,能夠真正成為填詞人嘅機會,仲被人質疑自己嘅才華同努力,她斷然反擊 (我冇努力呀),但係上到小巴,佢終於都要承認自己嘅填詞夢真正打碎了,因此再也承受不了,不禁傷心落淚,呢場女主角首先係茫然,不知所措,然後轉為失望,憤怒,到最後淒然淚下,很欣賞導演沒有將女主角嘅情緒寫成呼天搶地,大哭大鬧,現在嘅設計,更能令觀眾感受到女主角嘅失望,無奈,傷心,痛苦,令觀眾更加感動,眼淚不自覺地在眼眶打轉,鍾說在呢場嘅情感拿捏得非常到位,然後,世故嘅肥乜一句淡然嘅安慰「唔緊要啦」勝過千言萬語,同時令人更加唏噓,後來女主角去梁仲恆間公司應徵,被問及最想做嘅事,佢答: 「我想做填詞人,不過,太難喇」嗰場,無力感更重,儘管調子很灰,結局究竟係喜定悲,導演亦沒有明示,然而Ending呢場筆鋒一轉,將客觀失敗嘅事實,扭轉成肯定掙扎過程嘅成果以及個人嘅身份認同,儘管前路未明,我相信,發展一定係正面嘅,所以,睇到ending嗰場,女主角終於釋懷,我係替阿詩感到高興的,導演在呢場更以漫畫化的方式閃回女主角追夢過程的喜與悲,設計真巧妙。 電影很寫實,睇到令人流眼淚,同時不乏喜劇場面,真正係笑中有淚,而且笑料大多集中喺前段,即係女主角嘅求學時期,導演設計得很有心思,因為呢個恰巧與現實一樣,童年時我們大都是快樂的,成年後所面對的,大部分卻是痛苦與挫敗,但正正係要經歷過失敗同痛苦,我哋先會有所成長,冇結果唔緊要,as least I've tried,這就已經無憾了。 電影亦有大量大cast客串,最令人驚喜嘅係0243填詞法發明人黃志華,對於我呢啲聽七八十年代舊歌長大嘅觀眾,見到佢出現,份外親切。 活在懲罰夢想的地方,唔緊要,我身雖陷囹圄,我心依舊自由,hope can set you free,呢套戲與月黑高飛有異曲同工之妙,what a film,多謝導演拍到出一套平實,清新,細膩,同埋咁有意義嘅佳作
套戲最正唔只講夢想,仲有段比前輩問候翻
你努力咁耐都未成功
😢真令人心up
係,有好多位都值得反思
@@eric0709 入面原創歌都好過引
今朝睇咗早場,好寫實,鍾雪瑩做得好好,一個人帶住套戲,希望金像獎有獎啦
真係由頭帶到尾,帶住觀眾睇呢個角色成長
今日睇咗套戲,好睇,唔需要好激動好熱血,但就恰到好處咁令觀眾感受到現實嘅無奈
👏🏻👏🏻
填词魂首歌好好好聽
係呀,曲詞編唱都好上乘
睇左之前嘅優先場,值得睇
當果個人有夢想同執行緊嘅,特別會有共鳴
另”果首歌”好好聽
係咪指主題曲?😎
@@eric0709 印象中,果首應該係(台灣歌曲)
我好同意eric大大講:
夢想也許不會實踐,但肯定不會忘記。
共勉之
二刷後的長文感想👇
導演夫子自道嘅自傳作品,與其他熱血追夢嘅故事不同,呢部電影不但不熱血,反而如實地反映追夢者背後所遇到嘅辛酸與現實殘酷嘅真相,然而,這卻是電影最好看的地方,「我淨係想去一個唔會懲罰夢想嘅地方」,相信每個觀眾都一定有共鳴。
人冇夢想,同條鹹魚有咩分別?然而,電影告訴我們,追夢的意義不在於一定要達到夢想,而是要學習享受其中嘅過程,因為當中所遭遇到嘅人與事,都一定令你有所得著,有所成長,即使最後唔成功,夢想沒有達到,努力看似白費,唔緊要,正如積尼高遜喺飛越瘋人院中所講: At least I've tried,這樣一來,當你回望過去,你就不因庸碌一生,虛度光陰而感到後悔。
電影將喜劇,勵志,寫實三種元素共冶一爐,同時配以描寫填詞行業嘅文化,橫切香港社會環境不利追夢的一面,令觀眾覺得有趣,又有共鳴。L一字有很多意思,導演莊文強睇完戲之後認為,L可以解做learning,佢話呢部電影係一部講在人生中學習的電影,電影教我們學習如何享受,享受歡樂,享受痛苦,我覺得呢個解讀與電影最重要嘅兩場不謀而合,其中一場係羅穎詩阿哥結婚,要搬走,臨上車前同佢講嘅一句「點解做programmer唔打得波啫?一定要NBA先打得波㗎咩?興趣嚟啫」,另一場就係結局,女主角終於學會享受追夢過程嘅喜與悲,而非著眼個結果,鍾雪瑩嘅演出形神俱備,在正經與搞笑之間收放自如,張弛有度,能夠演出角色複雜嘅層次,下個月金像獎,絕對有能力問鼎影后寶座。
另一場拍得特別好的是阿詩被楊偉倫炒魷魚之後,上小巴淒然淚下嗰場,呢場戲可以話係女主角追夢歷程以來被傷害得最嚴重嘅一場,不但親手斷送只有一步之遙,能夠真正成為填詞人嘅機會,仲被人質疑自己嘅才華同努力,她斷然反擊 (我冇努力呀),但係上到小巴,佢終於都要承認自己嘅填詞夢真正打碎了,因此再也承受不了,不禁傷心落淚,呢場女主角首先係茫然,不知所措,然後轉為失望,憤怒,到最後淒然淚下,很欣賞導演沒有將女主角嘅情緒寫成呼天搶地,大哭大鬧,現在嘅設計,更能令觀眾感受到女主角嘅失望,無奈,傷心,痛苦,令觀眾更加感動,眼淚不自覺地在眼眶打轉,鍾說在呢場嘅情感拿捏得非常到位,然後,世故嘅肥乜一句淡然嘅安慰「唔緊要啦」勝過千言萬語,同時令人更加唏噓,後來女主角去梁仲恆間公司應徵,被問及最想做嘅事,佢答: 「我想做填詞人,不過,太難喇」嗰場,無力感更重,儘管調子很灰,結局究竟係喜定悲,導演亦沒有明示,然而Ending呢場筆鋒一轉,將客觀失敗嘅事實,扭轉成肯定掙扎過程嘅成果以及個人嘅身份認同,儘管前路未明,我相信,發展一定係正面嘅,所以,睇到ending嗰場,女主角終於釋懷,我係替阿詩感到高興的,導演在呢場更以漫畫化的方式閃回女主角追夢過程的喜與悲,設計真巧妙。
電影很寫實,睇到令人流眼淚,同時不乏喜劇場面,真正係笑中有淚,而且笑料大多集中喺前段,即係女主角嘅求學時期,導演設計得很有心思,因為呢個恰巧與現實一樣,童年時我們大都是快樂的,成年後所面對的,大部分卻是痛苦與挫敗,但正正係要經歷過失敗同痛苦,我哋先會有所成長,冇結果唔緊要,as least I've tried,這就已經無憾了。
電影亦有大量大cast客串,最令人驚喜嘅係0243填詞法發明人黃志華,對於我呢啲聽七八十年代舊歌長大嘅觀眾,見到佢出現,份外親切。
活在懲罰夢想的地方,唔緊要,我身雖陷囹圄,我心依舊自由,hope can set you free,呢套戲與月黑高飛有異曲同工之妙,what a film,多謝導演拍到出一套平實,清新,細膩,同埋咁有意義嘅佳作
多謝你咁詳細嘅分享👍🏻👍🏻🙌🏻🙌🏻
未睇 先支持推一下🎉🎉😂
真好
艾力我今日睇左套戲 前段青春活力又好笑 後段就感動人心 鍾雪應係金像獎黑馬
都係,難得一部戲圍繞住呢個女主角色發展成長,對評審欣賞一個角色嚟講好完整
一定要睇,我會睇十次。🎉🎉🎉
嘩😯😯 最吸引你係咩?
@@eric0709 0243
0243
是代表什麼粵音?@@user-ct4oc5fc2z
已經三刷,會繼續刷😊
勁呀
睇了,好睇
要靠口碑,多多推介
好睇
係幾好㗎
好好睇
👍🏻👍🏻
我今日都睇左,套戲有兩個演員雖然戲份少但令我印象深刻,佢地就係楊偉倫同梁仲恆,兩個都演得好好
👍🏻👍🏻👍🏻
梁仲恆既喊,真係令人眼前一亮!
開頭純粹諗住支持本地製作,睇完真係非常感動,個故事好真實,好多位可以去思考。
👍🏻👍🏻👍🏻
好鍾意呢部電影
👏🏻👏🏻
星期六去睇
希望你喜歡
看完字幕. 知道現實女主角也是夢想達成. 雖然道途迂迴曲折, 但目標達成. 更在金像獎台上得眾人肯定的同時. 大聲宣告填詞L改名為填詞人. 大團圓結局
導演在金像獎能夠以主題曲填詞人身份上台領獎,實在為這部電影畫上最完美的句號
我要睇咗呢套電影㗎喇 未過年 見到葛民輝 真係好開心 好啦講緊導演啦 兩套電影我都睇曬 而家呢套電影係有進步㗎 加油啦導演
👍🏻👍🏻
你好嗎 其實呢我個大仔過去睇圖點樣嘅 佢呢讀書呢就讀唔合格 佢呢其實學剪片 只係一科合格 我同佢講你想學剪片你都要過關㗎 玩遊戲機你都用到用個腦袋嚟過關 先可以過關 可以升叻玩第二局 讀書一樣 玩記憶力遊戲 我真係好鍾意看電影
啱睇咗🎉好寫實😊值得睇!
個人認為😂😅
的確都係嘅,有時睇得太多鼓勵人追夢嘅電影,發覺有啲角度去講吓追夢背後嘅現實都幾好
音樂說😊
說下音樂 XD
舒文講過:填詞作曲搵唔到幾多錢...
有時夢想會比現實吹走左 現實生活就是這樣
艾力唔講以為鍾雪係二十幾歲 看不出三字尾
今日先睇完呢套戲 特登返黎睇呢條片留言…
佢做得唔錯 冇期望地又多套驚喜小品
主題曲好聽 好有心機作 但結局係多麼現實...
希望呢套戲有獎項 呢套抵睇既 大家加油…❤❤
嗱嗱嗱,絕對唔係三字尾啊,二字尾咋!鍾說殺咗我!
@@eric0709
咁我學城城講Sorry先...
補返句:鍾雪好靚女...😆😆😆
@@Marco0207 鍾雪若睇到,大仁大義原諒原諒
係香港講夢想痴人說夢,偏偏導演就要堅持
等睇...
Go Go
我都同意好睇,事實上《金都》我就覺得合格,無話好喜歡,但 L 就見到好大進步,音樂、動畫都好吸引
👍🏻👍🏻
14/4/24支持鍾說封后,不想“序有應得”
當然“序有應得”不是好事
星期日去睇多次
唔知有冇謝票呢😆
@@eric0709有啊,上次只係睇咗後尾段,因為遲到😭,好想同鍾雪瑩合照
@@waiyinchu5070 咁再睇嘅想法係啱嘅 XP
@@eric0709 鍾雪聽到我亞星3有睇佢好開心
我喜歡當中某些訊息.. 例如主角哥哥答「做programmer學咩人打波打機」那句。
不過我覺得剪接太慢,沒必要性的角色太多… 中段有點沉悶…我旁邊的朋友睇左裱3次…
沒狂舞派的熱血不打緊,但反而有令人想放棄夢想的效果😂
但感謝當中自己無悔青春過
我覺得鍾 有機會再拿獎
👍🏻👍🏻
計表現絕對係, 但喺香港, sorry ....
我覺得個結尾合理嘅, 亦都明白電影所帶出嘅訊息,但係感覺上就比較淡咗啲!
這種人在異鄉的淡淡哀愁,其實我好鍾意
有冇諗過個結局係主角的回憶+幻想? (咁諗仲sad)
呢幾年呢香港電影都多數都係小品嘅作品, 如果稍為大型嘅,一定要有啲影帝級嘅人,先至可以拍到大型嘅 戲種。
所以希望呢種由新演員帶動嘅小品電影,都可以有好成績
@@eric0709 舉例好似 飯氣攻心,成套戲都係一間屋嘅佈景做曬,睇落去似乎成本都好低。 冇咗以前港產片嗰啲大成本製作
講開戲就有一種不吐不快嘅感覺,遠嘅唔好講話,得寶或者嘉禾,所拍嘅戲,近嚟講劉德華嗰套莫斯科大行動係中港合作嘅電影,似乎即係要咁樣,先至可以做出大製作,我亦都認為係近年劉德華最好及冇乜奶野嘅電影。😊
哩套電影好睇
你文稿都有心機
哩套電影 其實容易曲高和寡
因為如果諗住睇
熱血 可能最後會失望
睇笑 可能會爭D
但哩套電影拍得好真實
係現實中 追夢既人 99%都係失敗的
多謝你🫶🏻 要將填詞嘅學問,傳遞俾冇學過填詞嘅觀眾睇,導演已經做到好深入淺出👍🏻
其實L係一個粵語粗口字拼音個第一個字😂😂
係呀 XD 本身第一版預告時,戲名都仲係用《填詞撚》
少林足球︰做人如果無夢想,同條咸魚有咩分別?
喺香港,做人有夢想仲L慘過條咸魚!
🥹🥹
雖然我都幾相信艾力眼光,但有人睇完評價由頭悶到尾,所以我都未知睇唔睇好。
當然人人喜好唔同,我嘅分享都只係一個參考啫,希望你會鍾意啦
正常.... 香港人 : 冇靚女, 冇爆炸, 冇槍戰, 冇特技, 冇高潮, 冇爆笑, 冇爆咸, 連BBQ結局都冇, 仲唔係垃圾係乜
強烈建議妳好似嗰套年度爛片[飯氣攻心2]咁做宣傳 IG, FACEBOOK, youtuber 訪問...ETC乜9都做, 連嗰套爛片都呃到人去睇🤮... 妳依套係差在[做勢] 加油!黃導演