咁我結婚同生的原因就 （你可以睇為純粹見人見智啦）同我媽媽點解唔可以俾我一個更快樂完整的童年有關。我的童年頭6年因為他們要在生意上拼搏所以我長時間與爺爺嫲嫲住。我記得我心入面有個強大的感覺想佢地返來，我都變得唔再問太多爸爸媽媽在哪。後來他們生了妹妹，他們才一家回來話要接我移民去英國。之後我的童年離唔開湊細妹同細過我的相處。好多年來都係圍繞等，爸爸媽媽幾時休息 family time （但離唔開出去shopping），爸爸媽媽幾時冇咁忙可以多D理我。期間我不斷期望又不斷失望。同時佢地又不停止的期望在我們身上。試諗吓，邊有人將大部分時間去陪人會注意自己儀容？唔多羅，尤其是我呢一種好難一心多用。所以我到今時今日都冇乜成就過D咩，除咗兩個女之外。 sor 千字文 mode... 多謝所有讀晒的人！歡迎討論！ Please remember , if anything does goes wrong in your life , it's not your fault . God bless ❤
聽過一個類似佛學嘅講法：上山就是上山，斬柴就是斬柴
意思係如果人，上山係為咗斬柴，咁你就有壓力，享受唔到上山嘅樂趣
斬柴（工作）係為咗可以返屋企生火，咁斬柴都係會成為壓力，人就會容易唔開心
但如果你上山，係為上山，過程中享受山上嘅風景，斬柴單純斬柴，咁人生就會開心好多
👏 享受过程 而唔系结果, 只在乎结果会错过好多野， 所谓既活在当下应该就系咁.
但無奈大部份人都享受唔到上山 ! 但你都係要上山 !
見到我媽為左我 ，奉獻咗成個人生，再冇自己時間，再冇自己既夢想，我就唔想生...
其實呢一兩代東南亞家傭普及，已經差好遠，我一直對工人姐姐心存感激。利申：有小朋友
咁佢可能本身冇咩人生呢 奉獻你就係佢最好的人生
好好珍惜媽媽❤
既然你咁諗，請你記得要好好孝順父母，唔好送佢入老人院
你大個左唔使睇你爸爸媽媽做過啲乜嘢嘅，你自己坐低諗下你嘅伴侶你自己嘅人生，你依然有選擇，你可以完全唔一樣，或者只係有少少唔一樣，你係自由嘅。加油。
生左個女之後, 係冇哂私人時間, 係有經濟壓力, 生活質素係下降左, 頭三年我覺得自己有抑鬱tim, 但而家個女4歲, 開始識同我講感受, 可以同我互動, 我發覺佢令我更了解自己, 原來我都唔係咁差既爸爸, 至少個女覺得我好, 佢好需要我, 其實好多私人嗜好都冇左意義同動力, 多D 陪個女都幾開心, 養兒防老真係唔好諗, 自己都做過老豆個仔, 可以自立唔啃老已經安樂
生仔就系享受个过程， 或者唔应该讲享受， 但会经历到多d 野， 人生丰富左 唔生未必唔幸福 但可能会有遗憾， 或者平淡。如果想要避免唔快乐， 可能真系唔好生， 但有得必有失
建議你唔好太將重心放係仔女上，否則將來佢有咩意外，你會好傷心難過架。適當地就可以，始終仔女將來係會離開你。😊
@@TA-34911 仔女依賴父母既時間大慨只有10年, 所以更加要放低手頭上既野, 盡量同佢去玩, 當佢再大d, 就唔再俾我抱, 再大D 就使我講故事, 再大D 就唔使我陪, 再大D 就成日唔係屋企. 仲有6年我就有返自己同埋多左D陪佢成長既回憶, 其實我爸媽有事我都會好難過, 呢D 就係親情
想講爸爸冇經歷生仔，陀bb痛苦，冇經歷獨自大部分揍bb嘅痛苦，仲講到咁痛苦…….可想而知，女仔大家自己睇定。
生產後抑鬱，生產前妊娠高血壓……生產後冇收入，仲要比老公屋企人覺得只識洗錢不事生產，生產期+後期身體永遠變形，特別挎（盆骨）撐大系收唔番（除非你後生2x生）產後漏尿
…可以解決以上可以生….
屋企千億身家可以不停生……😂
好多人話生仔人生先完整，我同先生冇生仔，但係過著我哋鍾意嘅生活唔使為小朋友做任何妥協犧牲，我自己覺得咁樣先叫完整。
人生從來都無完整過……
係舒服好多既…
好認同你個句‘’要感激姐姐‘’，香港有錢先做到，提升幸福感，唔系個個父母都肯幫你湊。
利申：已為人父
唔識諗太多，只係單純自己已經覺得人生好苦，要經歷好多唔同苦難、病痛等，真係唔想下一代又要經歷返呢啲，所以唔會生😢😢
絕對認同，講真都唔想下一代奉獻晒佢哋嘅時間喺醫院出出入入睇住上一代，睇住佢哋痛苦地離開世界
感謝你作出明智決定
所以人類既設計係製造過程加入極致愉悅，係懷孕過程會分泌各種激素令女性對腹中孩兒產生緊密連繫感（聽講仲會分泌Oxytocin令男性更願意照顧妻兒）
但呢款設計有個明顯既缺陷，就係當你愈認真思考就愈唔想生，而思考又咁岩係人類最擅長既野
This curse ends with me🥲
簡單講, 生仔會將自己的人生變了為別人而活, 所以生仔一定係不快樂。
做人, 點講都係為自己而活, 先會活得開心同有意義。
呢個世界話俾我知, 人係唔需要擁有好多野先係幸福快樂, 越有反而越痛苦越多煩惱。
當然生存意義係由自己去賦予, 人人的慾望都唔一樣。
個人價值觀: 冇病痛身體健康冇咩煩惱無憂無慮, 內心能擁有平靜的人, 先係做人真正的幸福, 能夠為自己好好活著, 已經係人生意義。
價值觀問題
有人可以覺得孕育新生命就係佢嘅喜悅
利申我冇生
但身邊有好朋友非常享受孕育小朋友
呢種快樂唔係佢去多幾次旅行/做其他嘢可以得到
我唔明嘅係 點解自己價值觀覺得生仔無法帶來快樂嘅人會覺得 生仔對其他人一樣無法帶來快樂
@@summerfinn2300生仔對其他人嚟講係快樂，呢個價值觀係冇問題呀，亦都會尊重。人會捍衛自己嘅諗法係好正常😌
快樂嘅定義，每個人都唔同，所以你話生育嘅快樂係比唔上去旅行食到美食嘅快樂，呢度就唔認同。
正如有人鍾意熱鬧好多人先係快樂，但有人覺得獨處靜靜地過已經好開心一樣。
@@SY-oy1pw 非常清醒 各人有各人所好 例如李麗珊拎滑浪金牌個刻 個樣疲憊得嚟係快樂 而唔係一街啲父母推住BB車 個樣係生無可戀 好似例行公事咁 完全冇身為父母既喜悅
享受孕育小朋友, 但享唔享受為小朋友付上所有時間同精力先?
我諗孕育就係大部份人都懋, 問題係背後要付出既野
生左出黎梗係同你講開心, 背後有幾後悔會同你講咩?
咁當然人人價值觀唔同, 但好多人生仔係以為自己生左就好幸福
結果相反, 本來可以無拘無束, 走去製造更多問題出黎, 亦無得返轉頭
所以結論就係無錢, 無學識, 基因差, 生出黎你注定要將為子女而付出一切
就算你乜條件都優秀過人, 咁都唔代表生育一定會開心
人生永遠苦多過樂, 自由先係最可貴, 亦唔駛長憂九十九@@summerfinn2300
如果咁鐘意用培育幼童或者幫助一個人成長嚟獲取成就感，點解唔選擇領養或者做老師？根本就係自私+自我中心嘅表現，自己嗰件先係嘢人地嘅不值一提，仲要話自己好大犧牲嚟賣慘（雖則係有犧牲）去PUA人地幫佢埋單😂
我個女而家兩歲，又完全冇後悔生。私人時間係冇咗大半，睡眠質素係差咗，係要比好多心機湊佢，但見住佢一日一日嘅轉變，由一舊飯變到而家開始識聽識講，每個可愛嘅笑容，呢d係睇幾多場戲，食幾多美食都得唔到嘅內心滿足。不過冇錢真係唔好生就好認同😂好多開支
因為你失去成本低。所以生對你來講就可以
問題係你想唔想，又想生有無考慮自己情況！
係有開心時候嘅，不過唔開心多過開心咯，等佢青年時期你就知
😂
如果小朋友冇學業壓力,
返學係開心快樂直升到高中畢業,
18歲自己選擇一個一技之長去學習謀生,
我覺生多幾個都係快樂的,
但如果日日默書,小測,大測,考試.功課做極都做唔完,
咁我就真係覺得唔好生佢出嚟比社會折磨好過啦!
我有個11歲和15歲的小朋友,
見到佢地為左學業壓抑的樣子時,真係好心痛,
有時會諗:家裡的寵物都比孩子幸福,至少可以無憂無慮過一輩子.
生仔簡直係全世界最ON9 嘅行為！利申：人地老豆含淚打字中
完全極度同意
我身邊嘅女同事個個都後悔生咗仔女，話好難教，最慘係老公唔理事
咁我都識人老公除咗返工，仲會買餸煮飯做家務，湊仔接送，屋企無工人@@catcat2508
@@catcat2508 我識人調返轉喎，老公咩都理，老婆唔理
@@faatchu 你朋友真幸福，會承擔家庭責任既男人到而家都仲係少數。
2個女已27及30歲，其實由她出生一刻起，我已無咗自己人生，她生長遲緩，當年我辭職照顧，盡心盡力照顧她們成長，今日我無錢無經濟無學識，做個facial 睇個醫生也要問老公攞錢，日落黃昏打掃屋企時，我真係懷疑人生，值得嗎?仔女有自己世界，一餐營養豐富晚飯，她們不會再珍惜。養兒育女係一個經歷，甜酸苦辣豐富人生，對女性而言，更是一場博奕。
伸手要錢的確好難受,工作同家庭都可以照顧得好好的人真不多,媽媽一般都沒有選擇的機會,放棄自己的人生和夢想,24小時全年無休,仲要比老公覺得應份,媽媽呢個稱呼好沉重,卻往往被身邊最親的人看輕.真的值得嗎?
除左恭喜, 唔知講乜好了
睇到身邊生左仔既人 無曬自己時間 由朝到晚都係照顧住個小朋友 見到都辛苦 正常健康都已經咁 有病痛嗰時 真係玩到殘 再要返工真係會顛
其實係地球生個人出黎，迫佢讀書工作，強制佢地面對生老病死苦各種既考驗，係非常殘忍既事，我寧願三千世界眾生能往生去佛祖既極樂世界享福，都唔好黎到依個娑婆世界接受種種洗禮。自從我母親死左之後，果種思念變成一把利刃，每分每秒都刺痛我既心，我目前像極一個活死人，做我以前最喜歡既嗜好都不能取得快樂。我接受唔到要自己D兒女，將來要面對我目前受既種種磨難，所以一定唔會生。
生定唔生，養得到先至好生。
教得到先好生，成日仔女一做錯事就話盡晒力教乜乜物物個啲好多都係本身就唔識教😂
哈哈
借定唔借，還得到先好借
就算養大子女也不可能解放。孩子一旦出生，父母要承擔的責任和commitment 是一輩子的，直到死後才能解脫。你要有承受能力去面對自己孩子經歷人生的意外，受傷，致殘， 年輕時患有癌症 (現在普遍得令人可怕)，患有慢性病，精神病，自殺，變性，甚至死亡的等等一切為人父母難以承受的切膚之痛。如果我下半輩子都要活著這種提心吊膽和 惶惶不安的日子裡，我情願死。在人生短短數十載，何必為另一個生命而活呢。。。
影片分析得好好。雖然我無生仔，但見到身邊的朋友一個個生，我見到fb的幸福家庭照看起來是快樂，照顧孩子一定是疲累的，視乎父母是否享受照顧的過程。我自己小時候要照顧比我細9年既妹，過早認知到照顧嬰兒的情況，老實講開心時刻有，但大部分我都會覺得很困身和好煩。bb玩5分鐘就夠了，多左覺得好悶。如果知道自己係樂與同伴侶好似合作無間的團隊般照顧孩子，生後不會將所有焦點都在孩子身上，對孩子長大後會否善待自己看得開，仍有自己的理想，適度分配時間等等，應該是快樂的。一旦選擇了這種人生方向就不要隨意改變，正如不生仔無束縛，就要積極勇敢面對晚年生活，因為生了仔都可以孤獨死或得不到你渴求的關懷，俗語話「久臥病床無孝子」，免得期望過高心理太過失望。面對生命，係要自己負責番，不要將期望放係自己以外的人身上，否則彼此痛苦。
每個人都有權利選擇自己人生要咩，無論係選擇單純既快樂抑或有意義既人生，都係我地既自由，但要知道自己係做緊咩，為咩既價值去奮鬥，先可以走上一條無悔既路
自從生咗個女，我就進入了人生嘅死蔭幽谷。出唔出到嚟，我真係唔敢諗，起碼目前為止我都仲喺個谷度徒步緊。佢覺得阿媽錫佢時大哎阿媽萬歲，佢老母我只希望快啲到佢18歲😢。佢嘅可愛懂事，係我呢段苦路中嘅一啲啲甜甜。但絕對無法講幸福感拉回地平線😢😢😢
不要後悔, 亦沒有機會給你後悔, 請想一想你生育的初心, 希望你生孩子不是為了打卡面子, 只能贈你一句, 求仁得仁
加油! 你已經咁辛苦但係為左佢依然努力負上責任。你係好努力嘅。嘗試多啲發掘佢嘅優點啦你呢段路會舒服啲。❤
其實社會絕大部分人都唔會反思同考慮咁多 想生就生 一時衝動 理性的角色只係佔好少 好微弱 即使生仔是不理智的行為 D人咪又係繼續生....
一生之後未來十幾廿年會深陷係照顧角色同經濟壓力，無返啲衝動同幻想人類應該一早滅亡咗😂
英國研究表示一半既家庭組成都係意外懷孕。
生仔真係要考牌，冇乜責任心，冇返咁上下心理質素都唔應該生，盞令自己同子女都受苦
未生之前自己一個、去旅行、me time 都吾覺有乜特別。本身份工都好舒服。生完之後。發現去旅行、me time 自己做自己事 覺得非常幸福快樂。
同埋見到bb(吾使自己湊）特別開心，人生好美滿。
有比較之下 感覺到幸福
其實生仔會唔會降低幸福感，我覺得係睇吓自己鍾唔鍾意細路同鍾唔鍾意熱鬧，幸福感下降只因為唔夠愛，諗得唔夠清楚兼計算錯誤💔
養兒防老呢個諗法唔止on9，而且超級自私🤬
利申：本人極度仇視且恐童，不過唔係反生育，生唔生係個人諗法，唔應該受傳統觀念，家庭，朋輩或其他壓力影響，真心鍾意，願意生而又肯養肯教，社會應該感謝佢哋😘
人生除左覺得開心，仲有覺得有無意義。有人辭工，去揸巴士; 有人辭工，去爬喜瑪拉雅山; 有人賣樓，搬入深山。所以要諗清生小朋友係咪自己想做嘅事，係嘅話，唔開心有困難就刻服佢。唔想生，就唔好迫自己。其實生左之後，真係無哂自由，而開心程度，無咩大起大落嘅，其實個個人都係架啦。
9:21 如果係為咗自己人生有意義/會幸福，就將一個生命帶嚟呢個世界，咁係一個好自私嘅決定… 我唔係好接受到
無下一代都可以有意義/幸福，或者無意義/無幸福也可以，因為只有我哋係存在的，就算我哋自己再沒用，唔生，又點會影響到下一代/亦唔會受下一代埋怨。
同意， 我認識有女性朋友真係想要小朋友，佢話生左小朋友才是一個真正的女人，我聽到心都寒晒😅😅😅
真, 我日日鐘意去邊玩就去邊玩, 鐘意食乜就食乜, 自由自在先至係有意義同幸福, 唔俾孩子出世受苦先至係最偉大既父母@@kkwong6528
佢既真女人唔好到時話老公嫌棄佢走晒樣就得, 俾D世俗侞鎖自願套係自己身上既人最唔抵可憐, 跟本對小孩無愛, 將來一定害人害己@@cheungjohnny8290
生仔唔好有個目的係要自己幸福,因爲我覺得要得到幸福唔一定要生仔,可能生仔嘅成本仲高.首先就係覺得呢個係一個責任同埋工作先。到我好認真幫助呢個人成長到佢都識得愛我,我就開始感覺到,呢件事呢個人冇其他嘢可以代替。每個父母到最後佢嘅最愛都係自己嘅仔女。呢個真係冇基於實際上的原因,只係人嘅天性。當然心理創傷扭曲咗嗰啲唔計啦。
其实，生育下一代，是为了从只重视自己意志为先的人生，转变成偏向责任意识为先。只是一个阶段。经历过的人更懂得自我约束的重要性，以及时间管理和精力管理的实践。在照顾孩子童年的时候，你会变得比以往任何一个时候更追求发自内心的善良。你会莫名其妙比以往任何时候更强大😊你会为了孩子，希望这个世界有更美好的未来。
咁我結婚同生的原因就 （你可以睇為純粹見人見智啦）同我媽媽點解唔可以俾我一個更快樂完整的童年有關。我的童年頭6年因為他們要在生意上拼搏所以我長時間與爺爺嫲嫲住。我記得我心入面有個強大的感覺想佢地返來，我都變得唔再問太多爸爸媽媽在哪。後來他們生了妹妹，他們才一家回來話要接我移民去英國。之後我的童年離唔開湊細妹同細過我的相處。好多年來都係圍繞等，爸爸媽媽幾時休息 family time （但離唔開出去shopping），爸爸媽媽幾時冇咁忙可以多D理我。期間我不斷期望又不斷失望。同時佢地又不停止的期望在我們身上。試諗吓，邊有人將大部分時間去陪人會注意自己儀容？唔多羅，尤其是我呢一種好難一心多用。所以我到今時今日都冇乜成就過D咩，除咗兩個女之外。
sor 千字文 mode...
多謝所有讀晒的人！歡迎討論！
Please remember , if anything does goes wrong in your life , it's not your fault . God bless ❤
社會太多仆街，自己都會遇仆街，所以為避免仆街事係自己身邊發生，免得替佢哋唔開心我又擔心😊😊
我本身想搬出去住, 但擔心家人會唔開心, 會發生空巢效應, 就無行動。睇完呢條片後就引用片中嘅「U型復甦」理論, 同阿媽講我想搬, 希望咁樣你會幸福啲咁。
之後阿媽就鬧爆你😂佢話我離開嘅話, 佢真係會空虛寂寞冷, 同埋佢鍾意仔仔女女都喺屋企陪住。
然後我又同潛在包租婆講返唔使租住啦, 提返我同阿媽嘅溝通, 包租婆都話「呢個咩研究來架」, 亦話希望仔女陪住自己。
我有幫你戴返頭盔話係外國嘅研究架, 不過覺得其他留言提到嘅文化差異造成嘅誤差係有道理, 起碼我有兩個case可以引證😂
外國真係同亞洲差好遠。佢地老左會自己去同fd 玩，去旅行，去社區中心。亞洲人大部分都係會出現空巢效應。成日都想仔女返屋企，又成日上仔女屋企。打擾仔女生活。真係見同聽都唔少。再黎又鐘意情緒勒索。
可能因為將自己生活意義同成就感寄晒落仔女身上
@@sallyha9032 係。冇錯。亞洲家庭通病
你兩個例子係因為佢地生完仔女將自己既生活重心放咗係仔女度，完全冇自己生活想做既野如興趣等，所以仔女搬走，佢地會寂寞同傷心，嚴重既可能會有情緒病。所以你咪搬出去😂😂😂😂😂
@@TA-34911 又未至於完全無, 但蓋過左, 真係離開嘅話多啲聯絡, 叫阿媽玩同分享興趣嘅話應該得
當自己係一個仆街仔；
生個仔仔都係仆街仔；
擺多個仆街仔喺身邊；
個人幸福指數低都好正常
可以提升自己對幸福嘅理解先去做
令幸福提升嘅選擇
點解近年「唔生仔」會成為topic，因為事實上真係越來越多人唔生，除左第三世界，連中國呢個偽第一世界d後生都唔想生就知咩事，有錢人生唔生根本不成問題，問題係唔有錢至窮既人都唔生，邊黎廉價勞動力比上層人口用？唔使扯咩人類繁衍，地球根本已經人口過剩，不阻礙人類延續，阻礙既只係人力成本問題，所以影響最大既係上層人口，即堅．一小部份人。
中國有2組字發明得好，韭菜、人礦
我覺得好睇開心嘅定義係乜，表面上的開心（例如從娛樂得到的）同由心而發出的幸褔感（從親密關係得到的）是不同層次的東西。
家中最細，同最大嘅兄弟姊妹差十年，如果阿媽冇生我，佢一早退咗休享清福，重「養兒防老」咩
我只覺得壓力如影隨形，揮之不去，人生好似為自己出世贖罪咁，真想冇出世過
伯母幾多歲退休？
同你一樣
@@C_on_F.I.R.E.有冇想過你可以有另一個選擇
有冇諗過現今社會係太多消費慾望影響資源分配令到自己對繁衍下一代產生抗拒，
實際上人類對物質享受既慾望始終會有盡頭，倒不如心靈上獲得滿足，唔係話鼓勵人生仔，但要諗深一層點解生完仔既人會成副心機放在下一代身上，事實就係心靈上滿足大於一切，並非外來物質能夠取代
心靈上嘅滿足伴隨住一世嘅責任同付出，咁我都係要返物質算
咁我心靈滿足唔係來自一件平庸嘅下一代吹咩😂可以養貓養狗😂
今時今日勸人生仔仲惡毒過掘人祖宗山墳
我有朋友勸我生 真係弱智 佢地2公婆都已經有1個ADHD既仔 仲話想追多個 我心諗 你2公婆又唔係特別靚 醒 搵錢又唔係多 唔好彩生多一隻ADHD出嚟仲麻煩 個啲咩言語治療幾百蚊半粒鍾1粒鍾 你一日先搵個幾百
一句講曬，窮人唔好生仔
幸不幸福，那只是一种感觉。感觉这东西是存在偏差的。一个没经历过痛苦的人，是不会真明白快乐的。如果你想无限制幸福，可以一直吸毒到快乐致死。人的欲望是地狱的口，永远填不满的。上帝在创世纪给人的使命是生养众多，管理这地。你不生，自然生之后所得的祝福是没有的。自己选吧。
老師喺前半段講嘅四個研究好似都係嚟自西方，西方同亞洲尤其是中華文化看待家庭同育兒方式本身有分別，會唔會可以提供到華人嘅研究有類似既結論？
文化因素不太影響結果︰
快樂調查的數據全球都有，研究者輕易比較到，顯著的例外情況係挪威與匈牙利，原因一般相信為生育友善的社會體制
完全同意這位講者。
我發觉有小朋友嘅夫妻只会叫自己子女去進步，学習。点解自己吾学習
而将所有期望放在子女身上。
我觉得好懒同埋比自己籍口！
問題系“快樂”是否推動人類動力的主要情緒。你無法確定，到底人類追求的是快樂？結論來睇並不是，人類做的絕大部分的事，是與快樂背道而馳。
把自己的孩子養的正常 是自己有個說話對象而已 前提是付出龐大
這就是人人都會把幹砲對象當成摯愛的原因 因為有利可取 卻沒看到損失時間損失金錢
向來人類都把婚姻與孩子當作營利事業工具 最終以慘敗收場
= 死無良心人的做法 引發惡報反噬
其實應唔應該生，真係好睇重個老公會唔會幫手湊仔/做家務分擔
香港可以請工人已經好好，雖然請工人都有另外一啲問題要擔心
如果生完小朋友，湊仔、教仔、打理家庭（甚至返工）都係要女方去承受，又無其他屋企人幫手，真係唔好生
家庭係需要兩夫妻去共同付出
做人仲嫌自己未辛苦夠咩？個個人體驗嘅野唔同啦。
老師實在太青了, 廿年後自己睇返將會有不同感受
我成50歲，無後悔唔生！唔係人人鐘意湊仔！我人生中事業比家庭重要！我老公都係！
不是人人的教育背景或工作是可以愈做愈有成就的,如果只是發展本來就有局限性的工作,讓自己的小孩子健康快樂成長,未尚是人生另一種成就。假若有人一心以事業為重,但努力十年廿年並沒有成就,可能又會有另一種感受,人生本來就沒有後悔藥,選了B就注定看不到A的風景。
他說自己有生的
大家文化唔同 生活方式都唔同
好難一概拎西方嘅研究報告嚟直接比較嘅
最重要都係諗清楚人生想要啲咩
每個人都會隨住唔同嘅年齡層而想法有所改變
生育真係一個重要而影響好大嘅決定
呢個仲係責任嚟 無論想生定唔想生都非常尊重呢個係個人考慮
但記住生咗就真係要負上父母嘅責任
過來人：「真係十分之同意你今集的講法！」
看完mm的訪問，覺得改變不了heaters，just be your lover ❤
謝謝各位一直努力的講解，讓一般人都可以嘗試站到不同角度思考。
如果可以繼續更新Spotify 等podcast 更新就更好喇😂❤🎉
簡單講
人口控制係社會發展重要一環
為此 政府會有努力製造願景
人口要增長 就講 生育係家庭幸福
人口要管控 就講 生仔好大負擔 生1個好啦
個人係咪因為生育而幸福
有各式各樣既故事
計劃 生定唔生
好大程度都同原生家庭既幸福感和經驗有關
而且華人社會 亦有長輩壓力 例如 要生仔
呢啲因素影響
冇人生啲韭菜出嚟,金字塔頂層啲人冇韭菜食🤔
幫你加條警語：投資一定有風險，投資有賺有賠，投資前應檢視自身能力。
@@nightcandle1984 完全正確
冇生小朋友嘅朋友就羨慕我有生小朋友， 佢話老咗嘅時候起碼有 仔女探下。 咁我唔想我啲仔女 有小朋友，係咪都害咗佢哋呢？？ 其實每人喜好、人生計劃也不同，由他們自己決定吧!
我一向都覺得叫自己的仔女唔好生小朋友是一個自私的行為,自己老來會有冇兒冇女,有大把時間及沒有其他至親的兒女圍著你團團轉,因為你兒女也步入中老年,除了將人生及情感寄托在照顧年老雙親,即你外,已冇人生其他出路或意義,所以仔女自己唔生係另一回事,但終日向子女灌輸為了你我犧牲了什麼什麼,從而叫子女唔生是自私行為
父母開心係見到仔女有成就 , 我哋普通人都係生舊义燒 , 咁好難開心到喎😂
其實不如研究一下”核心家庭”這泊來概念，本身人類就唔係以現在核心家庭的單打獨鬥的方式去養小朋友的。
而家呢個世界，就算你係李嘉誠咁有錢都唔保證下一代會開心，生嚟做乜。人類先係地球嘅災難，所以唔生先係盡地球村公民責任
做人不嬲冇嘢係有保證
不嬲都要live with pain and uncertainty
唔知點解到我哋呢代放到咁大
保證開心先可以生仔😂😂
@@summerfinn2300唔駛保證，世界咁大，總係有人生，有人唔生，你覺得想生，生幾多個都得，唔駛理人點講
@@summerfinn2300 冇話可唔可以，社會不嬲最鼓勵人生仔，而家生仲有兩萬派添，你生多啲，相信政府都會好感激，而且多謝你㗎
呢個時勢, 無論咩原因生仔都係自X私, 助人自助, 不應害人害己, 要完滿自己人生既去領養而唔應該去制造, 生仔只會為孩子帶來苦痛
其實生仔真係用好多錢，尤其E家的社會氣氛(競爭同政治)，真係用好撚多錢，一個月用成2萬(工人+直資+課外活動)，同供層樓差唔多。不過可能咁岩小朋友屬於暖男型，有時陪佢成個星期日，臨訓佢會講句I LOVE U，放工會沖過黎攬下你，又真係好頂引，人生漫長，有個伴，又真係好難計，算係另類娛樂。
可能美國唔興有工人姐姐😂 如果parenting唔洗做家務同憂柴憂米 仲可以有份好自由 自己喜歡嘅工作 其實有小朋友真係一件好開心同好有成功感嘅事 有小朋友對家庭關係都好多好處 唔係只係同partner 同自己父母都係 生仔的確有好多嘢要sacrifice 但對啲好喜歡教小朋友又冇經濟壓力嘅人黎講絕對係樂趣 養兒防老嘅諗法太痴線喇😢😢 Watch them grow and spread their wings會好開心咖:')
就我個人而言，我不同意那位哈佛的人所作出一個不合理的研究。
首先，快樂指數並不能作為一個實在的指標去衡量相關的內容。我們沒有辦法去肯定快樂指數的準確性，更說要量化快樂？就算可以量化和成功抽取，今天的快樂可以和昨天的快樂相比嗎？快樂指數能每次都可以維持一個相等的水平嗎？再者，每個人對快樂的定義都不相同，你如何可以用食一餐豐富的晚餐所享受到的快樂和成功做成一單生意的快樂相比？兩者無論在質素和性質都是天淵之別。簡單說，就是你可以用蘋果和牛肉作快樂比較嗎？
第二，一個人快樂與否，都是和社會，經濟和世界等的環境影響下所得出來的回應。每一個國家都有其地理上，規則上等等各種差異。這又如何綜合判斷這些東西？用幾個變數代替？人類至今都沒辦法成功製造出一個有意識的生命體，難道這些數據是可信嗎？就算這些是能影響一切的關鍵數據，這認為能適合應用在每一個人身上？那和罐頭有什麼分別？
第三，快樂是和思維，意識等有關，那即是和語言文字有關，這些研究的報告有沒有納入全部語言文字的調查對象，如中國，韓國，日本，泰國，印度，中東等的地方的對象，要留意不是乏指華裔的人，而是生活在該國家土生土長的居民。這些以偏概全的謬誤是否自欺欺人？
其實還有很多可以反駁的觀點，我就不一一論述，最後提出一個決定性的觀點，沒有生育的夫婦所帶來的快樂和生育後夫婦所帶來的快樂是否可以比較？雖然兩者都是快樂，但其實是不一樣的快樂呢。
我也不同意生仔後一定是苦盡甘來，也可能是笑中含淚呢。😂希望各位能懷著感恩的心情為新生命獻上祝福😊💞
無償的付出⋯⋯
好多人唔明白為人父母的愛與滿足，除非有了自己的孩子……..
將來 AI + 機械人， 唔需要甘多人。
只要現在開始增加科技人員佔整體人口比例就可以支持發展。去到某個點，可能愈來愈少人在科技行業，都可保持快速發展。
其實想幫家長平反一下 免得世界覺得生小朋友係必然on9.
條片立場清晰 咁我唔多講啦
生仔係咪一定會不快樂
咁真係睇你自己想要得到乜野
如果你覺得要保留所謂既自己時間 咁生小朋友一定會令你非常痛苦 因為你既時間同心神 一定俾呢種生物揸乾揸淨
但係 如果你係有抱負 想要有一個親子女 既關係 enjoy教與養 喜歡睇到小朋友學習同成長 呢一切就係係用自身既自由所換黎既成果
個人意見 不喜勿插 🙏
雖然支持唔生，personally都非常認同！但呢個研究會唔會有cultural context嘅差異？
眼見自己嘅上一代似乎都係唔太handle到empty nest，如果伴侶唔喺度，重大獲啲咁
特別係喺華人呢個collectivism嘅文化，可能會同哈佛個研究有差別？
我同你想法差唔多， 其实无甘快乐系点计？ 唔生可能系少左唔开心， 但又会少左快乐， 而且生儿育女唔同吃喝玩乐， 唔系话即时感觉到的快乐， 而系好似片尾讲， 令人生多左意义，所以我觉得好多人系一方面怨生左🈚自由， 但其实另一方面又享受紧有小朋友带来既， 社会意义， 家庭地位， 人生意义等等。
@@cint08950 感覺身邊有細路仔嘅人，都比較有忍耐力和毅力，亦都有辦法變通。我自認無這些優點，所以只可能維持二人嘅家庭，有時只要有少少兩人開心嘅嘢，也就滿足了。但偏偏有時有家庭的親友會不斷用家庭聚會來設法滿足佢哋自己嘅虛榮心，“我有如此美滿的家庭，你一定要來食個飯，探下我之類的，好讓我曬下命。”，就會畀壓力人， 有時我會諗，“你的喜悅不是我的，不要妄加諸於人”
我唔想將人哋唔想要嘅，梗硬塞畀人，例如生老病死，人生出嚟又點會好，所以就唔想生。
外國同中國家庭差太遠 香港女人係好需要 "被看見幸福 " 後生要嫁得出 做X太 老啲就要仔女讀書好 再老啲就要仔女有成就 搵到錢 又要嫁得好 但但但最重要既係 "被需要既感覺" 有人嗌啊媽啊媽 佢會開心 鬼佬就唔係 18歲後大家係Friend
@@shadowytalk 系啊 中国人系依赖别人生存， 无自我， 必须要系人地既 乜乜乜， 鬼佬就系自愿担当呢个角色， 所以就算单身 或者 唔生， 都比较OK
唔做唔錯。世界上當然係有人滿之患。有人鍾意多D責任，鍾意照顧小朋友，呢D人若果準備好可以考慮生仔。其他的唔想生不如就唔好攪咁多野，享受生活
甘講開，其實結婚同組家庭都是一個道理。都是社會發展管理手段。未必是個人最大利益
而且唔生育係解決貧困問題嘅良方
2:35 老師好靚仔
sorry 其實我有認真睇片😖
／
到左某個歲數開始，屋企人久不久就同我講話要我養佢
但事實係我養好自己都已經覺得好困難
見住佢變老又冇辦法
於是人生好似就係得返搵錢同養家
人生好似唔再係屬於自己咁
如果能夠獨自生活，真的連家人都可以唔見，或者所謂嘅斷親。因為每個人都係獨自打拼，獨自諗野，獨自生活，獨自死去。有需要理其他人？
家用可以比, 但不可令自己百上加斤, 養老其實係佢地自己責任, 無人強迫佢地生仔, 亦無可能要子女為佢地付出人生, 請遠離有毒父母, 情緒勒索只會令你更討厭佢地
Speed X2 聽係最好。
看見身邊有女性朋友有自己小朋友不知幾開心,老公都係佢揀嚟做佢小朋友嘅爸爸,同幫佢搵錢養細路。喜歡小朋友就係為自己生,不喜歡的就係為老公生。主持人真的太年輕,所謂飬兒防老,獨自面對衰老及死亡的恐懼先係主因,錢還是次要。
其實人生最後段路點樣都係自己走架啦 有生仔同冇生仔都唔會影響到人生既最後一步 有個人係你隔離 但點都要自己行
U型復甦：生仔後快樂度下降，直至仔女長大離家後快樂度才重新上升。
但，之後呢？老時有兒有孫會快樂些，還是孤獨終老快樂些？
怎可忽略這人生後半部呢？
養隻寵物都好快樂，不一定會孤獨
啲兒孫唔理你仲衰過孤獨
"老時有兒有孫會快樂些，還是孤獨終老快樂些？"
要睇你地相處如何，唔係有兒有孫就必然快樂，有兒有孫都可以家嘈屋閉，爭家產。
同時有冇其他人際關係，都可以影響你人生快樂度。
你這個質疑已經忽略了「兒孫不一定會照顧你」此前提, 而且片中8:00其實已有提及這機率不及期望中的高。
兒孫一定會照顧你？一定想花時間係你到？
因为不生孩子，在38岁开始就和老板讨论退休话题，老板立刻加我30%人工
外國同內地人思想好唔同，因為佢哋完全唔會進修！女人會留家湊B！！
但香港嘅情況絕對近外國人，子女無法律責任去養父母，大陸則有法例要讓父母！
很有趣。但正如性愛經驗感覺都可以大不同，更何況是生仔的長時間經歷？
No pain no gain 是否 偽典apocryphal? 如果及時行樂是對的，是否也要有仔"襯"嫩生也成立？
片入面嘅動畫係Bojack Horseman，超好睇！
育兒喺社会係一盤生意！
老師要利申噃，有冇生仔先？😂
有冇下集講返幸福快樂？有可能係來至與孩子一起成長嘅點滴，亦即長期快樂／幸福感！😅
唔生仔都唔等於會開心😢
起碼下一代唔出世, 佢就唔會唔開心, 叫做少一個人唔開心先
@@_herrick3560 點解預設人生就一定會唔開心?
再者, 你認為嘅開心又係咪等同於佢嘅開心?
@@edwardlai5127 咁你又點解預設佢會開心?
你覺得佢會開心啫, 你又點知佢出咗世之後幾十年人生, 咁多變數(總括咁計)係開心? 我只係睇得自己在世嚟緊幾十年, 外在因素 都唔會有改善, 甚至只會變差。
你可以覺得我悲觀、可以唔認同呀, 但你又問吓身邊人, 覺得世界環境會變好定變壞? 如果多數人都覺得會變好, 就唔會咁多人話唔生啦~
喺社會有病嘅情況下, 仲要生個仔出嚟, 豪賭嚟呀師兄。仲要如果賭輸咗, 唔單只自己還喎, 真係害埋自己個仔架喎
睇到人生只有痛苦嘅人 生唔生仔都唔開心
@@_herrick3560我都真心想問，其實人類文明每個年代都有痛苦同困難存在，點解去到而家會突然覺得要冇痛苦先生得仔，人生本質唔係就要live with pain and uncertainty咩，有嘢係有保證㗎咩？所有嘢有保證先做得？咁乜都唔使做，唔止生仔
（真心問）
要諗就咪生啦，想生應該係自然而自以為理所當然的事，而想生亦未必生到。唔好覺得有碌棍一個洞就可以有b😂
生到要具備physical, mental, financial同relationship well being，缺一不可
如具備所有條件，自然就會想要
想生仔真係唔係咁容易
人呢樣野都好奇怪，啲唔成熟，亂搞男女關係個種，就勁易未婚懷孕、奉子成婚，無經濟能力就生
個啲有經濟能力、夫妻恩愛、家庭和睦、想生小朋友，結婚幾年努力造人都未必有生到一個
現在這世代愈具備這些條件，愈不會認為自身有具備這些條件
你好攪笑呀！😂😂😂
如果剩投資角度黎睇呢刻生反而對小朋友好！因為呢家出生率低小朋友將來既競爭自然減少機會亦都會多咗！正正人棄我取呢種基本投資道理
自己受苦都未夠，要個親生骨肉出黎一齊受🎉
有D人總覺得生佢地D仔女出黎係佢地恩賜福氣俾佢地
哈佛？論文剽竊嘅都可以做校長，信佢一成雙目失明啦！ 我自己生仔之後就做佐全職媽媽，未做媽媽前一年掙十幾萬美金。我當然係唔後悔啦。日日上班就數銀紙，幸福感當然係比無收益又鬼咁辛苦咁湊仔大啦。但阿仔錫我一啖，我咩辛苦都值曬啦
好正面，我欣賞
個人價值觀唔同。有後路嘅人，做咩都有意義。只會掘坑畀自己跌落去嘅人，就唔好掘更深，連後代都仆埋落去。
你唔後悔，唔代表無人後悔。亦有好多被生下來的，好怨恨後悔的父母。
@@kkwong6528生唔生仔係個人自由，叫人唔生仔就係唔太道德啦。唔生仔嘅人，以後點解要人地生嘅細路幫以後老佐又訓係床度嘅佢倒屎倒尿呢？目前社會就係假設下一代嘅科技水平比上一到高，所以會創造更多財富，唔生細路，仲投資d咩嘢，退休金點黎啊？再者，你聽到嘅當然多數係怨恨父母嘅故事啦，家庭幸福嘅又點會到處講啊，都無selling point啦
@@charlottekuang1348 個人情況唔同，人有選擇的，當然會計劃，對於退休金/投資/生仔，也是個人對未來嘅選擇，同道德真係沒乜關係。
對於有冇selling point，你所謂嘅家庭幸福好抽象，如果你所謂嘅阿仔錫一啖/某人因你做某一樣嘢而得出一個令你滿足嘅結果係家庭幸福，咁好多嘢都可以辛苦之後得出一個滿意嘅結果。滿足感不一定是人以舉動帶畀你。所以我唔生仔係我努力排除生仔嘅必要，得到滿意嘅結果。選擇就在於可以做到，或不能做到，後唔後悔係好久遠之後的事情。你覺得可以承受生細路嘅壓力，我覺得可以承受將來無生仔之後不知名的後果，呢啲都係自我選擇。
還有道德呢樣嘢，真係唔係大是大非都冇乜人提起。將來人類有可能因唔生而滅絕就可能提起道德呢樣嘢，但應該不太可能，所以太平盛世，又只係討論下，有咩道德可言？
@@kkwong6528我係話周圍叫人唔好生仔嘅行為係唔道德。投資？搞到人人都唔生仔，點來創造財富啊？我嘅意思係唔係人人都有勇氣擔當去養育一個細路，但唔好就因為生兒育女好難就去「建議」其他人唔好生。
無講到好重要既point 其實老師已為人父~~ 哈~
真？
有人辭官歸故里，有人漏夜趕科場
有錢就生冇錢唔好生，e個先係生活幸福感的必要元素
想問下咁多位室友假設決定孤獨終老，老左嘅時候可以點算？近排迷惘緊...
睇下老人院幾錢 儲定防老 (仲有30年)或者租近公立醫院的地方住 有咩事都可以快睇急症 好境就買醫保住私家 最好希望有生之年排到公屋😂 老時無病行得走得 早上就太極 中午遊巴士河 坐公園吹下水 晚上普通煮一餐 繼續睇(老年)荼毒室睇足50年😂
得閑搵朋友飲下茶 就一世
由宜家開始定時定候做運動，緞練腳骨力，就算得返自己一個，起碼老左都仲可以周圍去玩，出街食嘢睇山睇水都開心。做運動都可以減少患慢性病可能性，唔驚孤獨死，最驚中風/心血管病，個人好辛苦又死唔去，又無人無物，無安樂死，訓喺床上面嘅日子唔知為咩。
其實有下一代也不一定會在你老時照顧你，所以一定要有儲蓄計劃以備在退休時用，要經常做適當運動保持身體健康及活動能力，參與正常的社交活動，保持朋友間的往來。
依加已經研究緊用AI解決老人寂寞問題啦，我覺得到我老時會有AI同我傾偈，萬一真係孤獨死時AI會識幫我報警嫁喇
有豐厚身家就有表面孝順兒女;無錢多病就成兒女負累；有孝順女兒通常是嫁唔出老姑婆；人生在年輕時應積谷防飢，飲食健康有定期運動習慣，當一個人財務自由，樂觀積極，朋友自然多，還會孤單嗎
想請問老師對婚姻的睇法，到底係兩個人既事定兩個家庭既事？感謝老師😊
唔好意思我多口搭嗲，係兩個家庭嘅事。我結咗婚20年，一結婚就已經feel到，頭嗰五年仲守得住，在情在理交往只會越嚟越深😂
沒錢有辦法養老自己先要有很多錢吧
要有個唔計較既心，樣樣都講錢，自由就真係唔好生啦
辛苦了的快樂
個人層面係咁，應該講下社會層面
例如香港人再唔生就無香港人啦
同時政府如果可以再做d咩鼓勵生仔就更加好啦，參考澳洲(好似係)
唔講其他，就講小朋友嘅壓力，當你見到宜家啲學生讀書有幾大壓力，有幾多學生跳樓，你會唔會生個小朋友令佢體驗下呢種壓力呢？就算你話你唔畀壓力佢讀書，你估佢唔會同其他人比較，佢唔會畀老師鬧咩？
好辛苦啊而家啲小朋友，所以要教佢哋抗壓囉，生咗就冇得講嘅喇，未生就真係要諗掂，識唔識得幫佢點樣幫佢先至好生。
咁照顧老人家都係架喎 如果冇阿爸媽就冇你既存在
冇曬所有人，就唔需要世界，唔需要有父母呢樣嘢。就算無咗父母，咪一樣要生存下去，講到啲父母鬼咁偉大，佢哋無得塞番入去/當啲B係叉燒食咗佢，先要繼續落去。
我眼見，d老人院裡面如果有仔女的，護工點都唔敢對你太過分。果d冇仔女老人家，當你件物品咁綁係度
睇標題就知係老師🎉
成件事就係
有錢剩＞冇錢剩＞有錢剩（非確定
𢤦了
其實做仔女都好無辜，無得揀來唔來呢個世界，因為有得揀我唔會揀出世😅
其實每一秒你都有權選擇是否生存在這個世界上
@@petercc5792 小时候的你我又怎样会懂这些呢, 而且你这句话意思不就是暗示他可以自我「解决」, 有必要这样说吗？
老師可唔可以分享下，點樣從哲學角度論證唔可以食狗肉，但係可以食豬牛羊；點解唔係生命平等或者全部都可以食？又或者其實我哋應該大方地承認就係雙重標準？
名份是你自己人類給他的。
試下將個topic調轉唔係生仔而係護老，獨生子女要照顧老人父母仲冇左人生