Selsko meso po kumanovski I Hrana i Vino MKD
HTML-код
- Опубликовано: 30 янв 2017
- СЕЛСКО МЕСО ПО КУМАНОВСКИ
за 4 лица
- 1 кг свинско филе
- 250 гр ленти чадена сланина
- 250 гр суви црвени пиперки
- 500 гр свежи шампињони
- 3 страка праз
- 1 домат
- 150 гр кајмак
- 200 мл бело вино
- 2 лажици мешан зачин
- масло за јадење
- сол и црн пипер
Потребно време за подготовка на ова јадење е 90- минути.
Месото го сечкаме на коцки, го посолуваме, го наросуваме со мелен црн пипер и го промешуваме. Празот го сечкаме на тенки полукругови и го пржиме во тенџере на оган со загреано масло. Зачинуваме со мешан зачин и мелен црн пипер и посолуваме. Доматот го сечкаме на коцки и го додаваме во тенџерето. Откако и доматот ќе се запржи ги додаваме парчињата месо и сланината исечкана на коцки. Сувите пиперки ги сечкаме на парчиња и откако месото и сланината ќе се запржат ги додаваме во тенџерето. Во тава на оган го ставаме кајамакот и мешаме со лажица. Шампињоните ги сечкаме на парчиња, ги додаваме во тавата и наросуваме мешан зачин. Потоа и запржените шампињони ги додаваме во тенџерето на оган. Го налеваме белото вино и содржината од тенџерето ја претураме во керамичко грне. Го покриваме грнето со капак, го ставаме во рерна и печеме 60 минути на 220 степени.
На чинијата за сервирање ги сервираме кришките претходно сварени компири. Потоа на чинијата сервираме од Селското месо по кумановски, а врз него нанесуваме кајмак. Декорираме со гранче магдонос.
Со ова јадење ви предлагаме да се напиете квалитетно суво црвено вино. Се служи на температура од 18-20 степени.
Добар апетит
www.hranaivino.com.mk
www.hranaivino.tv
Subscribe for upcoming recipes:
/ @hranaivinomkd
Follow us:
Facebook: / hranaivino Хобби