Popatik - Zer egiten du (feat. Maria Mateo eta Xabier Zeberio)

P🟣PATIK bandaren kanta bat *
Musika: Xabier Crehuet
Hitzak: Ekaitz Goikoetxea
Ahotsak: Ekaitz Goikoetxea, Xabier Crehuet eta Maria Mateo
Hariak: Xabier Zeberio
Ekoizpena: Fredi Pelaez Pottoko Estudioan grabatuta
Diskaren azalaren diseinua: Josu Maroto
=============
Zer egiten du
=============
Zer egiten du hego-haizeak
nekatzen denean?
Zer egiten du ordulariak
ordu laurdenean?
Zer egiten du pazientziak
zain dagoenean?
Zer egiten du gorpuak kajan
daramatenean?
Zer egiten du sagarrondoak
gerezi-denboran?
Zer egiten du Txanogorritxok
Tartaloren koban?
Zer egiten du ilunabarrak
azken arnasgoran?
Zer egiten du ametsak loa
zor diezaiodan?
Zer egiten du komunismoak
Japongo banderan?
Zer egiten du arroz aleak
ezkontza bezperan?
Zer egiten du oroitzapenak
bideo kameran?
Zer egiten du bizilagunak
amaren karteran?
Zer egiten du gauak Zaireko
haurren begiradan?
Zer egiten du fusilen keak
kafesne kikaran?
Zer egiten du etorkizunak
usoen hegadan?
Zer egiten du Trumpek hainbeste
gorrota dezadan?
Zer egiten du astearteak
asteazkenetan?
Zer egiten du ibaiak urik
ez dakarrenetan?
Zer egiten du ibilbideak
galtza barrenetan?
Zer egiten du zure eskuak
nire poemetan?