علاش خدمت الراندة بالحرير المبروم ( ديال الطرز الرباطي)عوض الحرير العادي حرير القصبة مع ام مريم

[@halimasetti5334]

تبارك الله عليك 👍أنا جاني الحرير المبروم أحسن مزيان الإنسان يجرب

[@soleildor4387]

شكرا اختي ام مريم نعم انا الحرير المبروم كيجيني مزيان وعافاك اختي جيبي لينا الجديد في الكروشي وما تغبريش علينا الله يحفظك شرحك كيعجبني وشكرا جزيلا

[@OM_MARYAM_RANDA7]

اختي راني حاليا تنوجد في واحد الخدمة جديدة في الكروشي كنتمنى تصدق حيت اول مرة نجربها وهي ماكيناش في يوتيب

[@aichaka7496]

تبارك الله عليك فكره زوينه ممكن ديري لينا فيديو فيه طريقه لي متخدمي بيها بالحرير المبرو م وشكرا

[@OM_MARYAM_RANDA7]

اختي الكريمة ان شاء الله غير هو راه نفس الطريقة خودي الحرير المبروم ديريه على 3 او 4 الشعرات وخدمي بيه عادي الراندة بنفس الطريقة

[@chaibiaknadli9395]

شكرا اختي الله يجازيك خير واش نبرموه او ناخدو 3الخيوط ونخدمو ورينا كفاش الله ينورك

[@OM_MARYAM_RANDA7]

اختي انا كناخد 3 الخيوط وتنبرمهم عادي بحال الحرير القصبة نفس الخدمة غير خليه شوية مرخوف حيت هو اصلا مبروم

[@oriflam_world]

Salam habibti om Maryam 🥰🥰🥰
Birt diri Lina video Ila makaynch mochkil 3la l5adma dyal hadik djalaba grona🥰🥰🥰🥰
chokran 3la kolchi habibti Maryam 🥰 🥰🥰🥰

[@OM_MARYAM_RANDA7]

ان شاء الله اختي الكريمة غير نلقا ليها الوقت ونخدمها معاكم بالتفصيل

[@aminaemi4336]

شكراً على المعلومة الله يجزيك قلي شحال كتعملي ديال الشعرات واش برمتيه وشكرا جزيلا

[@OM_MARYAM_RANDA7]

اختي الكريمة مرحبا بيك المهم خدمي بنفس الطريقة خودي الحرير المبروم ديريه على 3 او 4 الشعرات برميه كيف كتبرمي الحرير ديال القصبة ولكن متزيريش البريم يبقا مرخوف وخدمي بيه عادي الراندة بنفس الطريقة

[@aminaemi4336]

@@OM_MARYAM_RANDA7 شكرا حبيبتي الله يسعد ايامك ويرزقك من حيتو لاتحتسبي

[@lolitasam6302]

انا كنخدم الراندا هادي اكثر من 25 سنة ودايما كنخدم بالحرير المبروم اي البوبينة وعلى 2 شعرات ماشي 3 او 4 وكتجي الخدمة متقونة بزاف وميتة عن تجربة طويلة في الراندا.

[@OM_MARYAM_RANDA7]

فعلا تتجي الخدمة متقونة بزااااااااااااف وروعة يا ريتك يا اختي كتبتيلي هاد التعليق مند زمان كنت وفرت علي وقت كتير

[@oumbilalfilali2805]

اختي انا ياله بغيت نتعلم راندة باش تنصحيني عافاك

[@fatimaoukhouya4858]

عفاك اختي واش بوبينة وحدة تمفي لجلابة

[@lolitasam6302]

نعم اختي تكفى انا كنقول له دير لي وحدة ديال 10 دراهم الا مكانتش الخدمة بزاف في الجلابة او القميص او غير راندة العقيق اما الا كانت خدمة عريضة كناخد جرارة ديال 20 درهم اما الجرارة الكبيرة را دير لك 2 جلالب ولكن كنخدم الخيط على 2 شعرات ماشى 3 او 4.

[@hananmoslih6914]

ختي شحال كيدير لحرير المبروم

[@billadina1028]

السلام عليكم ختي نفس الملاحظة الحرير ديال دابة ولا خايب ومشنتف.

[@fatiflor1197]

تبارك الله عليك أحبيبة ممكن تطبيق ديال هد الخدمات لي فنصف طوق ديال هد الجلالب

[@OM_MARYAM_RANDA7]

هاد الخدمة مزال مصورتهاش انحاول نصوها قريبا ان شاء الله

[@nawallahkim3318]

Khti ila Momkin nsawlak 3la lahrir lmabroum wach momkin yetakhdam bih point de croix Wach n3awed nbarmo 3la 4cha3rat fhal randa aw ghir dakhal lahrir f bra 3adi onakhdam

[@OM_MARYAM_RANDA7]

اختي صراحة انا كنت كنخدمو شحال هادا ولكن غير بالخيط العادي ديال الخياطة ولكن شفت واحد السيدة كالدير الحرير المبروم كتخدم بيه وهي بارماه غير شوية يعني بريم خفيف بزاااف بحالا محلول

[@sosochaqiq8506]

أنا دايماكنخدم الراندة بالحرير المبروم. بحكم أن حرير القصبة غير موجود خارج المغرب. وكتجي زوينة الراندة بالمبروم

[@OM_MARYAM_RANDA7]

تيارك الله عليك اختي واحسن حاجة درتيها الحرير المبروم دو جودة عالية

[@zerouallaila-tz6mu]

من يوم بديت خدمة الراندةوانا كنفضل الحرير المبروم وخا كيتفطع مرة مرة كنصبر ونكمل بيه خدمته كتكون راقية ومتحتاج مصبنة وكتصبر ماشي بحال حرير القصبة كيتسنتف

[@NaimaLahbousi]

ختي شمن بلاصة كتسكني انا فاسبانيا بغيت نخدم جلالة نبنتي ومالقيتش الحرير

[@NaimaLahbousi]

ختي عفاك واش كتسكني ف إسبانيا

[@fatihasaliheddine5297]

الله يعطيك الصحة ممكن تخدمي لي جلبة وفي أي مدينة كتسكني وشكر

[@Harrypotter-ft7zd]

السلام عليكم ورحمه الله وبركاته اختي تكشيطة بستة سنتيم شحال يلزمني ديال الخيط

[@lailazeroual6850]

دائما الخيط المبروك رائع في الخدمة كيجي متقون ممشنتف بعد التصبين تقدري تلبسي بلا مصلوح عكس الحرير العادي كيطلع بعد التصبين وشكرا.

[@OM_MARYAM_RANDA7]

شكرا اختي لافادتك الاخرين فعلا كلامك صحيح اللي جربو مرة ميقدرش يستغني عليه

[@أمإيمان-ز6ش]

تبارك الله عليك هوا فعلن كاين اتقان وجا احسن سؤالي هوا بنسب للأمان عقام علك ثمن ديال زايد وللا جوبني اختك مبتدئ منك كنتعلم والله يعطيك الجنة فردوس ان شاء الله اختي

[@naimanona7558]

سلام أول حاجة أشنو هو الحرير المبروم؟؟ وثاني حاجة شاركي معنا داك الضرس راه عجبني بزاف وشكرا

[@OM_MARYAM_RANDA7]

وعليكم السلام اختي الحرير المبروم هو اللي كيستعملوه في الطرز الرباطي بوبينة كبيرة دايرة 15 او 12 درهم في بعض المناطق على حسب اما الضرس يمكن بعد الغد نوجدوه ان شاء الله

[@nessmell7935]

شكرا بزاف كنت محتاجة أهدأ الفيديو

[@OM_MARYAM_RANDA7]

العفو اختي هدا واجب

[@امالبنات-ع5ش]

ختي الله يعطك صحيحتك ممكن دري لينا طريقة نص طوق لي فجلابة الكرونة

[@OM_MARYAM_RANDA7]

ان شاء الله اختي الكريمة قريبا

[@kawtarkhabir7177]

Salam o khti tbarka lah 3lik momkin tari9a dyal lkhadma li fi jalaba

[@OM_MARYAM_RANDA7]

ان شاء الله اختي قريبا

[@omoibtissam4485]

السلام عليكم اختي عفاك كفاش كتخدمي بيه واش كتبرميه بحال الحرير العادي

[@OM_MARYAM_RANDA7]

اختي الكريمة مرحبا بيك المهم خدمي بنفس الطريقة خودي الحرير المبروم ديريه على 3 او 4 الشعرات برميه كيف كتبرمي الحرير ديال القصبة ولكن متزيريش البريم يبقا مرخوف وخدمي بيه عادي الراندة بنفس الطريقة وغادي نوريها ليكم في الفيديو ديال الضرس

[@فطومةفاتي-س8ع]

اه كتبرميه بحال ديال القصبة انا عومري مخدمت بيه ديمة كنخدم بي المبروم

[@umrashedalhebsi4156]

ماشاء الله نفسي اتعلمه ما قدرت ما عندي طولة بال شغلك رائع ما شاء الله

[@OM_MARYAM_RANDA7]

مرحبا بيك اختي الكريمة كل شيء سهل بالاردة القوية والرغبة في التعلم خدي القرار وابدئي في التعلم تغلبي على مشاعر الكسل والخوف من الفشل فكل شيء سهل في الحياة مع الراغبة القوية

[@إمرأةجزائرية-ن1ز]

اختي من فضلك الحرير تبرميه انت ولا يتباع مبروم

[@fatimaoukhouya4858]

شكرا لك على النصيحة واش بوبينة د الحرير المبرم تكفينا لجلابة

[@OM_MARYAM_RANDA7]

كافية اختي الكريمة وممكن تشيط ليك الا كانت عندك الخدمة رقيقة

[@sahraouiamaghribia786]

جلابة غوز بيبي شمن لون ندخل عليها بغيت نخدم نصف طوق بالكوزة وفجنب طرز الفاسي

[@OM_MARYAM_RANDA7]

ممكن تدخلي فيها الابيض او البيج او ان كنت تفضلين الالوان الفاقعة ممكن الديري الكرونة في الطرزة ممكن الدخلي اللون الدهبي

[@mahjoubaammar9880]

السلام اختي تبارك الله عليك ممكين النوع ديال الحرير المبروم ورقم ديالو

[@OM_MARYAM_RANDA7]

اختي الحرير المبروم ديال الطرز الرباطي بالنسبة للرقم انا مكنسولوش عليه العار غير نلقا اللون اللي انا باغا واصلا نفس المحل كتلقاي عندو كل حرير من شركة واسم مختلف المهم هادا اللي في الفيديو مكتوب عليه
120 D/2 RAYON
COL NO 5541

[@NajatYouss]

الحرير المبروم حسن❤❤🎉

[@mouadsalmya2341]

سلام اختي عفاك طريقة زواقه ليه في جوانب

[@OM_MARYAM_RANDA7]

ruclips.net/video/Rl6sMtzNV5w/видео.html في حالة ال ما بانش ليك مزيان بحتي على ضرس الهرم الصغير

[@ziyadziyad1859]

ممكن تشاركي معانا الخدمة الكمام🌹🌹🌹

[@OM_MARYAM_RANDA7]

ان شاء الله اختي بعد الغد يمكن نزل الفيديو الخاص بيها

[@aishaaisha5070]

اختي لحرير المبروم نقدر نديروبيه طرسان

[@OM_MARYAM_RANDA7]

اخي الكريمة مجربتش صراحة ولكن حاولي تجربي غير طرسان صغير حتى تشوفي وخا كنضن انه ايجي زوين واكيد غادي يصبر اطول مدة

[@nfjfjfnfjnfbfnfjfbfjfofjfj9491]

ختي واش الخدمة بالخيط المبروم كتجي تلمع بحال الحرير العادي ديال القصبة

[@OM_MARYAM_RANDA7]

كتجي افضل من الحرير العادي بكتير وتتبان متقونة اما اللمعان شوية ناقص المهم الخدمة تتجي روعة

[@lhajafatiha3851]

تبارك الله عليك اختي ام مريم ماشاء الله منورة ودائماً طوب تسلم الأيادي حتى انا لاحظتها شحال هادي بعدا مرات كطيحي في شي حرير خايب كيجي مشنتف في الخدمة ولاكن إلا خدمتي بالحرير ديال الطرز كوني متأكدة غادي تجيك الخدمة رائعة 👍 عن تجربة 💪💋🌹❤️

[@OM_MARYAM_RANDA7]

اكييد اختي انت عندك الصح حتى انا نفس المشكل اللي وقع ليا وكنتمى الاخوات يستافدو من التجارب دياولنا

[@raynfdwa5555]

@@OM_MARYAM_RANDA7 اختي مريم كيف دايره لا باس عليك بخير هانيه

[@raynfdwa5555]

قلت لك اختي علي نفس المشكل واحد الجلابه بالحرير العادي

[@امليفيالله-ص6ن]

اختي بغيت نعرف كيفاش نبرمو

[@OM_MARYAM_RANDA7]

اختي الخيط كيكون على شعرة وحدة انت غادة تاخدي 3 الشعرات كيف العادة ومن بعد تبرميها عادي بحال الحرير ديال القصبة ممكن تبرمي على اليد ديال الباب اسهل

[@zahiraomoali4349]

السلام عليكم تستاهلي كل خير

[@OM_MARYAM_RANDA7]

شكرا اختي زهيرة ومرحبا بيك

[@oumbilalfilali2805]

تبارك الله عليك أختي عجباتني خدمتك انا ياله بغيت نتعلم باش تنصحيني نتعلم بحرير مبروم وشنو هما خطوات لنتبع

[@OM_MARYAM_RANDA7]

نصيحة عن تجربة خدمي بالحرير المبروم على 3 او 4 الشعرات الراندة وبداي بالملاقيات الخفاف ومن بعد الكوزة وشوية بشوية دوزي للضرس

[@عزيزةعزيز-ف3ك]

انا الحرير العادي مانخدم بيه الا الى مالقيت اللون المناسب في المبروم

[@hibahiba3029]

Salam khti kifache katbrmi lhrire lmbrome

[@OM_MARYAM_RANDA7]

@@hibahiba3029 اختي الكريمة كتبرميه عادي بحال الحرير ديال القصبة المهم انا كنبرم على اليد ديال الباب باش نسهل الخدمة على راسي وبرميه على 3 او 4 الشعرات وخدمي بيه عادي المهم فاش نزل الفيديو ديال الضرس شوفيه حيت اندير فيه الطريقة

[@bonoundijadija2472]

أنا كنخدم به داءما مكنخدمش بالصابرة مكتعجبنيش

[@OM_MARYAM_RANDA7]

احسن حاجة درتيها هنيتي راسك حيت مرة تلقايه مزيان مرة لا كتفقصي موفقة اختي

[@عزيزةعزيز-ف3ك]

السلام الحرير. المبروم صبني وعاودي ماتخافي والو والخدمة دائما واقفة

[@OM_MARYAM_RANDA7]

اكيييييييييد اختي الكريمة انت مجربا الخدمة وعارفاها مزيان فعلا عندك الصح انا اصبحت من معجبين الحرير المبروم لجودته العالية

[@رندةمعأمبسمة]

سلام ولكن الحرير المبروم غلي في تمنة ميمكنش تخدميبه الناس أشكرا

[@OM_MARYAM_RANDA7]

وعليكم السلام بوبينة وحدة ب 15 او 12 درهم في بعض المناطق ولكن كتخدمي بيها جلابة كاملة وعريضة يعني ممكن بوبينة تخدم ليك 2 جلابات الا كانو رقاق اما الحرير اللي تيشيط ليك اتبقاي تخدمي بيه البريد ديال الجلالب لاخرين عام او عامين يعني مع الوقت وهاداك الحرير اللي كيشيط ليك في كل جلابة اتوللي كتقتاصدي بلا ما تردي البال اصلا كل جلابة كتهز على الاقل 10 الدراهم الا كانت رقيقة ولون واحد اما ولكن نفس هاد الجلابة الا خدمتيها بالحرير المبروم التمن اغلى ولكن ايشيط ليك الحرير الكافي لعمل جلابة اخرى يعني راك قتاصدتي بمرور الوقت

[@ركنالجمالمعفرماسي]

احلى لايك ومشاهدة نوريني إدوم تواصل

[@OM_MARYAM_RANDA7]

مرحب وموفقة

[@tribakzahra1841]

👍👍👍👍👍👍👍💓

[@hasnabensmina2557]

المشكل ديال الحرير المبروم. تيتشعكك

[@hasnabensmina2557]

وتتمشي ليك البوبينة كلها

[@OM_MARYAM_RANDA7]

اكيد انت كتخدمي الكروشي بيه وتديري كل خيط في قصبة بوحدو وكيتخصرو ليك المهم حسب تجربتي هاد الكلام راه مستحييييييييييييييييييل حيت هو ماكيتشنتفش ابدا مستحيل المهم كتبي ليا كيفاش كتخدمي بيه وعلاش كيتشعكك ليك حيت هاد الكلام راه مدخلش ليا لراسي

[@hasnabensmina2557]

شكرا اختي على الاجابة مافهمتيش قصدي فاش تنبغي نبرمو. تيتخسر ليا الخيط حيت حيت تيتسل من الجرارة ديالو وتيتخربق. تنلوحها وتنعاود نشري واحدة اخرى. واش كاين شي طريقة باش نتفاداو. هاد المشكل. اما خدمتو. زوينة.